Atuisartoqarnermut Unammilleqatigiinnermullu Aqutsisoqarfik logo Atuisartoqarnermut Unammilleqatigiinnermullu Aqutsisoqarfik AUA

Print
  • ujaasiffik:
  • /
  • / Tusagassiat
  • / Unammilleqatigiinnermi suliat pillugit oqaaseqaatit

Unammilleqatigiinnermi suliat pillugit oqaaseqaatit

Atuisartoqarnermut Unammilleqatigiinnermullu Aqutsisoqarfiup tusagassiutitigut avammut tamanut suliat Unammilleqatigiinnermut Ataatsimiititaliamit aalajangiiffigineqarsimasut tamaasa nalunaarutigisarpai, aammattarlugu Aqutsisoqarfiup aalajangigai, isumaqartoqarpat kikkut tamat paasisariaqaraat, tamakku aamma tamanut saqqummiunneqartarput.

Suliani annertuuni, imaluunniit tunngaviusumik suliani, suliaq akiligassiinikkut imaluunniit eqqartuussivik aqqutigalugu akiligassiinikkut naammassineqarsimappat,  Atuisartoqarnermut Unammilleqatigiinnermullu Aqutsisoqarfik tusagassiutit aqqutigalugit avammut saqqummiussaqartarpoq.

Misissuilluni alakkarterinerit (dawnraids)

Atuisartoqarnermut Unammilleqatigiinnermullu Aqutsisoqarfiup misissuiartorluni alakkarterinerit ilisimatitsissutigineq ajorpai, alakkarterinerit sioqqullugit, alakkarterinerup nalaani imaluunniit alakkarterereernerup kingorna.

Misissuilluni alakkarterinerni Atuisartoqarnermut Unammilleqatigiinnermullu Aqutsisoqarfiup pingaartittarpaa tatigeqatigiilluni aammalu suliffeqarfik alakkarneqartoq pisariaqanngitsumik nittarsaannerlussanagu. Taamaammat misissuilluni alakkarterinerit oqaaseqarfigisinnaanngilagut imaluunniit uppernarsarusuttarnatigit. Misissuilluni alakkarterinerit pillugit annertunerusumik atuagaqarit

Politi-nut suliassanngortitsinerit aammalu suliat Naalagaaffiup immikkut aningaasaqarnermut nunallu tamat akornanni pinerlunnermut Inatsisilerituua (SØIK)

Suliani pillagaanermik kinguneqartussani, Atuisartoqarnermut Unammilleqatigiinnermullu Aqutsisoqarfiup suliffeqarfiit pineqartut politi-nut suliassanngortittarpai, tassa imaappoq Naalagaaffiup immikkut aningaasaqarnermut nunallu tamat akornanni pinerlunneq pillugu inatsisilerituuanut (SØIK) suliassanngortitsisarpoq. SØIK tassaasarpoq eqqartuussivinnut suliassanngortitsisartoq.

Atuisartoqarnermut Unammilleqatigiinnermullu Aqutsisoqarfiup avammut saqqummiunneq ajorpaa suliamik politi-nut tunniussisimaguni. Suliap misissuiffigeqqissaarnera pillugu annertunerusumik oqaaseqarfigineqarneq ajorput, imaluunniit suliap politi-nut suliassanngortissimappat tamanna uppernarsarneqarneq ajorpoq, imaluunniit suliaq Atuisartoqarnermut Unammilleqatigiinnermullu Aqutsisoqarfimmi suli suliarineqarnersoq.

Unammilleqatigiinnermi suliat ingerlasut

Atuisartoqarnermut Unammilleqatigiinnermullu Aqutsisoqarfiup suliat ingerlasut oqaaseqarfiginissaat tunuarsimaarfigisarpaa. Suliani, kikkut tamat ilisimaleriigaanni, periarfissaasarpoq suliap killiffia pillugu paasiniaanissamut, kisiannili tamatigut oqaatigineq ajorparput suliaq qaqugu naammassissanersoq.