Atuisartoqarnermut Unammilleqatigiinnermullu Aqutsisoqarfik logo Atuisartoqarnermut Unammilleqatigiinnermullu Aqutsisoqarfik AUA

Print

Ataatsimut atuineq

Ataatsimut atuinermut isumaqatigiissutit niuerneq tunngavigalugu suliamut akuusut akornanni isumaqatigiissutigineqartassapput. Isumaqatigiissutit immikkoortitsiviussanngillat aamma isumaqatigiissutit tamanut saqqummiunneqassapput.

Nalunaarasuartaateqarnikkut sullissinerup iluaqutaaneranut pingaarluinnartuuvoq sullissinernik atuisut tamarmik akornini attaveqarnikkut aqqutit sullissinerup pilersissinnaagai. Tamanna piviusunngussappat atuisut tigussaasumik attaveqarnermut ikkunneqassapput, attaveqarnerillu assigiinngitsut ataatsimik sullissisullit, tigussaasumik sullissinertigullu imminnut atassuserneqassapput. Tamanna taaneqartarpoq ataatsimut atuineq imaluunniit interconnection.

Tamanna nunat assigiinngitsut akornini taakku attaveqaataasigut pisarpoq, kisianni aamma niuffaffimmi ataatsimi sullissisut unammilleqatigiit akornini assigisaanik pisariaqartitsisoqarpoq. Taamaattorli sullisisut unammilleqatigiittut akornini ataatsimut atuineq pilersitsinerup imaaliallaannaq pilersinneqarnissaa ilimagineqarsinnanngilaq, pingaartumillu sullisisoq unammillertiminit nukittoneroqisumik niuffaffimmi inissisimappat. Tassalu sullissinernik ammanerulersitsinermi ataatsimut atuinermut isersinnaaneq inatsisitigut qularnaartariaqarpoq.

Taamaattumik Nalunaarasuartaateqarnermi Aqutsisut piginnaatitaapput qularnaassallugu ataatsimut atuineq niuernikkut teknikkikkullu piviusumik iserfigineqarsinnaassasoq. Tamanna pissaaq sullissinernik neqerooruteqartut allat ataatsimut atuinermik piumasaqaamminnik naleqquttumik sullissinerit ammaanneqartut neqeroorutigiumasatik pillugit sullissinissamik akuerisaasumit tunineqarnerisigut.

Misilittakkat takutippaat, ataatsimut atuinermik pisariaqartitsinerup pisusissamisoortumik nassatarissagai:

  • Internettikkut ingerlaarneq tunngaviusoq, assersuutigalugu Kalaallit Nunaannut paarlaateqatigiiffik, taaneqartartoq ”IX” (Internet exchange point). Ingerlaarnermi akunniffiusumi paarlaateqatigiinneq, tassaasoq ingerlaarneq neqerooruteqartup attaveqaataatigoortoq apuuffissami neqerooruteqartup allap attaveqaataanut apuunniarnermini.
  • Sullissinermi atortut immikkut ittut paarlaateqaatigiinneri, oqarasuaatikkut oqaluussinernut, assersuutigalugu A-nr.-nik paarlaateqatigiinneq isumaqartoq pisartagaqartup sianertup normua atuisumut sianerfigisamut takuneqarsinnasussanngorlugu nuunneqassasoq (normu takutiguk).
  • Normunut pineqarsinnaasunut paasissutissanullu isersinnaaneq ammasoq, taassuma ataani atinut sumiiffinnullu internettimut tunngasunut isersinnaaneq.
  • Sullissinernik atatitsisunik atuineq, tassaagajuttunik attaveqaatinik ikkuffilinnik attaveqaatit uninngaffiisa akornini / ataatsimut ingerlaarnermi uninngaffiit immikkoortut qitiusuniittut akornini uninngasunik imaluunniit angallannerit ataatsimoortillugit ikkussat aalajangersimasumik pisinnaasallit pitsaassusillillu, Kalaallit Nunaanni ileqqutut malinneqartut malillugit, attaveqaatit uninngaffiisa akornini / ataatsimut ingerlaarnermi uninngaffiit immikkoortut qitiusuniittut akornini uninngasunik.
  • Illoqatigiinneq. Isumaqarpoq atortorissaarutit inissinnissaat ikkuffissaliinissarlu akuerisaalluni sullissisup teknikkikkut illuutaani aningaasartuutit immikkut ittut unammillernikkut equtitsisinnaasut pinngitsoorniarlugit.

Allattukkat ilaartorneqasinnaapput.

Ataatsimut atuinermut isumaqatigiissutit niuerneq tunngavigalugu suliamut akuusut akornanni isumaqatigiissutigineqartassapput. Isumaqatigiissutit immikkoortitsiviussanngillat aamma isumaqatigiissutit tamanut saqqummiunneqassapput.

Suliamut akuusut isumaqatigiissinnaanngippata Nalunaarasuartaateqarnermi Aqutsisut piginnaatitaapput aalajangiiissallutik ataatsimut atuinissamik qinnuteqaat naammaginartuunersoq taamalu sullissinissamut akuerisaasup akuerisariaqassaneraa. Kiisalu Nalunaarasuartaateqarnermi Aqutsisut akigititaasussat atugassarititaasullu aalajangersinnaavaat, suliamut akuusut niuernikkut isumaqatigiissinnaanngippata, imaluunniit akigititaasussat atugassarititaasussallu naammaginartutut isigineqarsinnaanngippata.