Nalunaarasuartaatitigut kiffartuussinerit assigiinngeqaat. Nassuiaat siamasissuuvoq. Nalunaarasuartaatitigut kiffartuussinernut ilaapput attaveqaqatigiinnernik elektroniskiusunik nassitsinerit nipitut, assitut, allakkatut imaluunniit taakku akuleriillugit ilusilinnik nassiussinerit radiokkut imaluunniit nalunaarsuartaatitigut attaveqaatit atorlugit.

Peqqussummi matumani nalunaarasuartaatitigut kiffartuussinerit tassaapput kiffartuussinerit tamakkiisumik ilaannakortumilluunniit elektroniskimik attaveqaqatigiinnernik nuussinerit nipitut, assitut, allakkatut imaluunniit taakku akuleriillugit ilusilinnik radiokkut imaluunniit nalunaarasuartaatitigut attaveqaatinut atortut atorlugit attaveqaatit katersuuffiisa, taakku ataanni attaveqaqatigiinnerit illuatungeriit aamma attaveqaqatigiinneq illuinnaanut ingerlasoq, ataatsimiit ataatsimut attaveqaqatigiinnerit aamma ataatsimiit arlalinnut attaveqaqatigiinnerit akornini.

Kalaallit Nunaanni nalunaarasuartaatitigut kiffartuussinernut assersuutaapput ikkuffilitsigut angallattakkatigulluu oqarasuaatikkut oqaluussinerit, datanik kiffartuussinerit, taakku ataanni internettimut kiffartuussinerit, sinerissami radiokkut kiffartuussinerit il.il.

Akerlianik paasissutissiuinermi imaluunniit imarisanik kiffartuussineq nammineq nalunaarasuartaatitigut kiffartuussinerup suuneranik nassuiaanermut ilaatinneqanngilaq. Tassa imaappoq OTT-mik  kiffartuussinerit sorlu e-mail, hosting sullissinerillu allat, nalunaarasuartaatitigut tunniunneqartut nalunaarasuartaatitigut kiffartuussinernut ilaatinneqanngillat. 

Nalunaarasuartaatitigut kiffartuussinerit: datatigut kiffartuussinerit internettimut kiffartuussinerit ammanerulersinneqareerput, nalunaarasuartaatitigulli kiffartuussinerit allat Namminersorlutik Oqartussat kisermaassineranit tigummineqarlutik. Nalunaarasuartaatitigut kiffartuussinernik kisermaassisuuneq TELE-POSTimut tunninneqarpoq akuersissutikkut.

Kiffartuussinernut, sullissinernut aammalu attaveqaatinut assersuutit

Kiffartuussineq

Kiffartuussinerit (services)/OTT

Kiffartuussineq tassaavoq tunniussaq nalunaarasuartaatitigut kiffartuussinerup qaavatigut. Kiffartuussinerit (services) Namminersorlutik Oqartussat kisermaassisuunerannut attuumassuteqanngillat taamaattumillu Nalunaarasuartaateqarnermi Peqqussummut naleqqiullutik niuffaffinnut ammanerulersinneqarsimasunut ilaapput. (Malittarissat allat kiffartuussinernik niuffaffinni ataasiakkaani atortuusinnaapput).

Kiffartuussinerit (services) assersuutigalugu internettimut kiffartuussinerup qaavatigut killeqanngitsumik neqeeroorutigineqarsinnaapput (assersuutigalugit VOIP, nittartakkat, e-mailit, streaming il.il.) 

Nalunaarasuartaatitigut kiffartuussineq

Kisermaassineq/Akuersissuteqarneq

-Sinerissami radio

-Kaaviaartut aalajangersimasut

-Radiomik tv-millu aallakaatitsinerit

-Ikkuffilitsigut angallattakkatigullu oqarasuarnerit

Ammanerulersimasut

-Internetsimut kiffartuussinerit (2009 og 2014)

-Datatigut kiffartuussinerit(2014)

Nalunaarasuartaatitigut attaveqarfiit

Kisermaassineq/Akuersissuteqarneq:

-Backbonemik illoqarfinnut, nunaqarfinnut nunanullu allanut attaveqaatit (Immap naqqatigut kabeli,radiokkut uiguleriiaartumik attaveqaat aamma qaammataasaq)

-Illoqarfinni nunaqarfinnilu ataasiakkaani attaveqarnerit kabelikkoortut (Kanngussakkut, COAXikkut aamma fiberikkut attaveqaatit)

-Aallakaatitsinermi atortut attaveqaatillu allat radiomik TV-millu siaruarterisut

Ammanerulersimasut:

-Attaveqarfiit ikkuffeqanngitsut illoqarfiit nunaqarfiillu iluini (2009)

-Attaveqarfiit avammut ammanngitsut (2006)

-PBX (2002)