Pisisartunut nalunaarasuartaatitigut kiffartuussinernik tunniussisinnaajumalluni neqerooruteqartoq nalunaarasuartaateqarnermi attaveqarfiit assigiinngitsut assersuutigalugu immap naqqatigut kabeli, radiokkut uiguleriiaartumik attaveqaat, qaammataasakkut attaveqaat imaluunniit kanngussammik ledningit ataasiakkaat iserfigisinnaasariaqarpai.

Angallattakkatigut oqarasuarneq

Nalunaarasuartaatitigut kiffartuussineq angallattakkatigut oqarasuarneq tunniussinnaajumallugu neqerooruteqartoq isersinnaasariaqarpoq napparussuarnut, tunngaviusumik nunami aallakaatitsivinnut, ikkuffeqarlutik ikkuffeqarnatilluunniit attaveqaatinut tunngaviusumik nunami aallakaatitsiviit qitiusoqarfiullu akornini. Taakku saniatigut iserfigisinnaasariaqarput uiguleriiaartumik radiokkut attaveqarneq, immap naqqatigut kabelikkut attaveqarneq aama/imaluunniit qaammataasakkut attaveqarneq pisisartut illoqarfinnut, nunaqarfinnut imaluunniit nunanut allanut sianersinnaassappata.



Taamaalilluni nalunaarasuartaatitigut attaveqarfiit tassaalerput napparussuit, aallakaatitsissutit, kabelit, serverit il.il. pisisartunut nalunaarasuartaatitigut kiffartuussinernik tunniussisinnaassagaani pisariaqartut .

Kalaallit Nunaanni Namminersorlutik Oqartussat nalunaarasuartaateqarnermi attaveqaatinik kisermaassissuupput.

Kalaallit Nunaanni Namminersorlutik Oqartussat kisermaassisuupput … Kalaallit Nunaanni nalunaarasuartaateqarnermi  attaveqarfinnik sanaartortitsinissamut ingerlatsinissamullu.

Taamaattorli Namminersorlutik Oqartussat kisermaassinerannut ilanngunneqanngitsoqarpoq.

Kalaallit Nunaanni Namminersorlutik Oqartussat kisermaassisuunerannut ilaanngillat sanaartukkat … pigisap ataatsip iluani atuuttut imaluunniit pigisat arlallit ataatsimit pigineqartut akornini, illoqarfiup nunaqarfiulluunniit ataatsip iluaniippata.

Tassa imaappoq piffinni ataasiakkani attaveqarfiit , taakku ataanni Wi-Fi, imaluunniit atortut allanngortitsissutit il.il. kisermaassisuunermut ilaanngillat.

Taakku saniatigut attaveqarfiit Naalagaaffimmit imaluunniit kommunenit atorneqartut suliffeqarfiit taakku iluini nalunaarasuartaatitigut attaveqaqatiginnermi immikkut ittumik pisariaqartillugit atugassat kisermaassisuunermut ilaanngillat.

Attaveqarfinnut kisermaassisuuneq TELE-POSTimut tuniunneqarpoq akuersissuteqarneq aqqutigalugu.

Kiisalu Naalakkersuisut periarfissaqarput attaveqarfiit ilaat ammanerulersissallugit illoqarfinni imaluunniit nunaqarfinni ataasiakkaani. Ammanerulersitsissagaannii pisariaqarpoq attaveqarfiit ikkuffeqanngitsuussasut illoqarfinnullu nunaqarfinnulluunniit ataasiakkaanut pineqartunut killeqassasut. 

Naalakkersuisut aalajangiisinnaapput ammanerulersitsissallutik … nalunaarasuartaateqarnermi attaveqaqatigiinnermut attaveqarnermut teknologi atorneqartoq ikkuffeqanngitsumik aallakaatitsinermik tunngaveqarpat, taamaallaallu illoqarfiup nunaqarfiulluunniit ataatsip iluani atorneqassappat.

Kiffartuussinernut, sullissinernut aammalu attaveqaatinut assersuutit

Kiffartuussineq

Kiffartuussinerit (services)/OTT

Kiffartuussineq tassaavoq tunniussaq nalunaarasuartaatitigut kiffartuussinerup qaavatigut. Kiffartuussinerit (services) Namminersorlutik Oqartussat kisermaassisuunerannut attuumassuteqanngillat taamaattumillu Nalunaarasuartaateqarnermi Peqqussummut naleqqiullutik niuffaffinnut ammanerulersinneqarsimasunut ilaapput. (Malittarissat allat kiffartuussinernik niuffaffinni ataasiakkaani atortuusinnaapput).

Kiffartuussinerit (services) assersuutigalugu internettimut kiffartuussinerup qaavatigut killeqanngitsumik neqeeroorutigineqarsinnaapput (assersuutigalugit VOIP, nittartakkat, e-mailit, streaming il.il.) 

Nalunaarasuartaatitigut kiffartuussineq

Kisermaassineq/Akuersissuteqarneq 

-Sinerissami radio

-Kaaviaartut aalajangersimasut

-Radiomik tv-millu aallakaatitsinerit

-Ikkuffilitsigut angallattakkatigullu oqarasuarnerit

Ammanerulersimasut 

-Internetsimut kiffartuussinerit (2009 og 2014)

-Datatigut kiffartuussinerit(2014)

Nalunaarasuartaatitigut attaveqarfiit

Kisermaassineq/Akuersissuteqarneq:

-Backbonemik illoqarfinnut, nunaqarfinnut nunanullu allanut attaveqaatit (Immap naqqatigut kabeli,radiokkut uiguleriiaartumik attaveqaat aamma qaammataasaq)

-Illoqarfinni nunaqarfinnilu ataasiakkaani attaveqarnerit kabelikkoortut (Kanngussakkut, COAXikkut aamma fiberikkut attaveqaatit)

-Aallakaatitsinermi atortut attaveqaatillu allat radiomik TV-millu siaruarterisut

Ammanerulersimasut:

-Attaveqarfiit ikkuffeqanngitsut illoqarfiit nunaqarfiillu iluini (2009)

-Attaveqarfiit avammut ammanngitsut (2006)

-PBX (2002)