Atuisartoqarnermut Unammilleqatigiinnermullu Aqutsisoqarfik logo Atuisartoqarnermut Unammilleqatigiinnermullu Aqutsisoqarfik AUA

Print

Oqarasuaammik qarasaasiamillu tabletimik atuineq eqqarsaatigiuk

Ullumikkut digitali atorlugu meeqqanut inersimasunullu aliikkutassiatut neqerooruterpassuit, periarfissanik nutaarluinnarnik ammaapput. Tamakkuli aamma atuisutut maluginiagassaapput.

Pisarnertut sumiikkaluaraanniluunniit internetsimik atuisinnaalerneq pissutigalugu, atuineq tamatigut nakkutigineqasaaq. Qarasaasiamut programmit sullississutissatut aaneqarsinnaasut pinnguaatillu akisoqaat. Qarasaasiamut programmini sullississutissatut aaneqarsinnaasuni pinnguaatinilu aasani pisineq ersinngitsumik aningaasartuutaasinnaavoq.

Paasissutissanik/datanik atuinerit:

Oqarasuaat qarasaasiatut atorneqarsinnaasoq internetsimut attaveqaruni aatsaat periarfissiilluassaaq. Taamatuttaaq ipput tabletit amerlanersaat. Paasissutissanik qanoq annertutigisunik atuineq mianersuutinngikkaanni akisoorujussuusinnaavoq. Programmit qarasaasiamullu programmit sullississutissatut aaneqarsinnaasut ilaat, isumaminnik nutartertarput. Taamaaliornissamut aallerfissaq ammanngikkaluarit paasissutissanik aallertarput.

Qarasaasiamut programminik videot imal. filmit isiginnaagassiat/tusarnaagassiat tunniunneqarnerini takuneqarnerat/tusaaneqarnerat- atortunik, paasissutissanik- paasissutissat annertussusaannik gigabyte-nik arlalinnik atuipallassinnaasunik sullississutissanik aallertoqarsinnaavoq. Videokkut isiginnaagassiat/tusarnaagassiat tunniunneqarnerini takuneqarnerat/tusaaneqarnerat paasissutissanik gigabyte-nik annertuunik atuilertorfiusinnaavoq. Akiliutigisartakkavit qanoq annertutiginera apeqqutaalluni, paasissutissat gigabytemut ataatsimut 1.000 koruunit pallillugit akeqarsinnaavoq. Iluatitsinerlioraanni nal. akunnialuisa ingerlaneranni tusittilinnik arlalinnik nalilinnik paasissutissanik atuisoqarsinnaavoq.

Atuineq naapertorlugu akiliuteqartaraanni, videokkut isiginnaagassiat/tusarnaagassiat tunniunneqarnerini takuneqarnerat/tusaaneqarnerat mianersuuteqqullugu Atuisumit kajumissaarutaavoq. Tamatumunnga paasissutissat tamakkerlugit atulertorsinnaavatit, iluatitsinerliorluinnaruillu aningaasaatinnik nunguutsisinnaavutit! Soorunalumi akiliutigisartakkanni atuisinnaanerit- tamatigut annertussuseq akiliutigisartakkannut ilaareersinnaasumut naapertuuttumut imal. paasissutissanut qaammatit tamaasa akilerniakkannut naapertuuttumut- qaffasinnerpaaffilertariaqarpat. Tamatuma saniatigut paasissutissanik atuinerit malittariuaruk.

Inuit ilaat angerlarsimaffimminniittumi angallattakkamilu paasissutissanut akiliuteqartarput. Paasissutissat ilaatinneqartut qanoq annertutiginerat paasissutissallu ilanngussat qanoq akeqarnerat assigiinngissuteqarsinnaavoq. Angerlarsimatillutit paasissutissanik atuisinnaaneq suli periarfissaqarpat akikinneruppalluunniit, oqarasuaativit tablettivilluunniit angerlarsimaffimmi attaveqaammut pisinnissaa eqqaamajuk. Mobilimulli akiliutigisartakkanni paasissutissanik atuisinnaaneq suli periarfissaqarpat, atornissaat imminut akilersinnaanerusinnaavoq.


Digitali atorlugu pisiniarneq:

Paasissutissanik naleqarnerata saniatigut aasassat ilaat aamma akeqarput. Nalinginnaasumik Qarasaasiamut programmip sullississutissatut aaneqarsinnaasup eqqaani akeqarnera allasimasarpoq, aallertinnanilu akiliisoqartarluni. Qarasaasiamut programmip sullississutissatut aaneqarsinnaasup akeqannginnera aallerfissap quppernerani allassimagaluartoq, aaneqareernerani pisiniarfiusinnaasarpoq. Tamanna pillugu allaaserisaq allaaserisani sammisatta aappaani takusinnaavat.

Aningaasat qanoq annertutigisut pisissutaasinnaanerat nalinginnaasumik killeqanngilaq. Akiliutit atuisutut konto-nnut attaveqarpat, tassannga aningaasanik nuussissinnaaneq killeqanngilaq. Taamaammat isissutissat atorlugu qarasaasiamut isersimaguit akiliutinnullu attaveqarpat, oqarasuaatit tabletsilluunniit allanut tunniuttariaqanngilat. Taamaaliornikkut taakku pisisimappata akiliisussanngorsiinnaavutit.