Angut amerikami internetsikkut nittartakkamit qamuteralammi atortussaanik pisivoq. Angutip atortussani qaammatini arlalinni utaqqivai ukiuuneranilu qamuteralaffiusartoq qaangiutilermat pisiassamik inniminniinini atorunnaarsinniarlugu tuniniaasoq allaffigaa aningaasallu akiliutimi utertinnissaat noqqaassutigalugu -akissutisinngilarli.

Ajornartorsiutitaqaraluaq aningaasat utertinneqarput
Nittartagaq amerikameersuummat qarasaasiakkullu pisiniarfik taanna toqqaannartumik Kalaallit Nunaanni tuniniaavimmut saaffiginnittuunngimmat, Kalaallit Nunaanni pisortatigoortumik suliaq ingerlanneqarsinnaassanngimmat, piumasaqaateqarnissaq ajornakusoorpoq. Tamatumanimi niuqquteqartoq nunami allamiimmat Kalaallit Nunaannilu tuniniaavimmut immikkut saaffigin-nittuunngimmat, uagut nammineq malittarisassagut atuutinngillat. Qaammatinili arlalinni assortuutereernermi angutip akiliutiminik utertitsiniarnera iluatsippoq.

Pisinnaatitaaffitit immaqa atuutinngillat
Nunani allani nittartakkakkut Kalaallit Nunaanni tuniniaavimmut saaffiginnittuunngitsuni pisiniaruit, pisiariniarlugillu inniminnikkat pisialluunniit pillugit ajornartorsiuteqaleruit, piumasaqaateqarnissaq ilinnut ajornakusoortorujussuanngorsinnaavoq, pisinnaatitaaffivimmi tuniniaasumut piumasaqaa-tigisinnaanerat qulakkeersinaanngilat. Nalorniguit Atuisumut ingerlariaqqinnissannut ikiuussinnaa-sumut saaffiginnissinnaavutit.

Nunanit allaniit qarasaasiakkut pisineq
Nioqqutissamik nunanit allaneersumik pisisimaguit taannalu amigaateqartoq paasinarsippat maalaarutigisinnaanerit qularnarpoq. Taamaammat nunani allani pisiniartinnak nittartakkamik sukumiisumik misissuinissat isumassarsiatsialaavoq.

Nittartakkat eqqunngitsut
Nittartakkat ilaat eqqunngitsuusinnaapput, piviusut ilaarlugit assilisanik pisisimasinnaavutit, pisiatilluunniit tigunngitsoorlugit aningaasat annaasinnaavatit. Nittartakkami tunngaviusumik misissorsinnaasatit tassaapput:

  • Nittartagaq eqqumiitsumik naapertuutinngitsumilluunniit ateqarnersoq. Tassaasinnaavoq nittartakkami quppernerup ataani qupperneq qarasaasiakkut pisiniarnermut attuumas-suteqanngilluinnartoq.
  • CVR normu nalunaarsimanersoq. Tamatuma eqqortuunera uani paasiniarsinnaavat: CVR.dk
  • Nittartagaq piviusumik najugaqarfeqarnersoq oqarasuaateqarnersorlu. Tamanna normup tamatuma sianerfigineragut marloriaammik qulakkeersinnaavat.
  • Ilisarnaaserlugit tuniniakkanik ilisimaneqartunik tuniniaasoqarpat, ilaatigut ilisarnaaserlugu tuniniakkap pisortatigoortumik nittartagaani nioqquteqartut nalunaarsorsimaffiat pissarsias-saasinnaasarmat tassani misissuigit.
  • Pisiassat akikippallaarujussuarpata ass. qaatigooq ukiorsiut nalinginnaasumik 5000-koruunit 7.000 koruunillu akornanni akeqartartoq 1.000 koruunilerlugu akikinnerusumilluunniit tuniniagaappat ”siarngit mianersoqqusissutit” sianilersariaqarputaaq.

E-mik ilisanaateqarneq misissoruk
Internetsikkut pisiniarfinni E-mik ilisarnaasikkani tunngaviusumik toqqissillutit pisiniarsinnaavutit. Pisiniarfiup ilumut E-mik ilisarnaateqartutut nalunaarsimaneranik misissuineq iluaqutaasinnaavoq.

E-mik ilisarnaasiineq Danmarkimi aaqqissuussineruvoq emaerket.dk –mit makkunuunatigut nakkutilliinertalik:

  • Pisisartunut kiffartuussineq
  • Akileeriaatsit
  • Nassiussinermi piumasaqaatit
  • Paasissutissanik inunnut ataasiakkaanut tunngasunik qulakkeerineq
  • Qarasaasiakkut allakkatigut ussassaarutit kissaataanngitsumik nassiussat
  • Naammagittaaliutit

Nittartakkat misissorsinnaavatit

Ass. nittartakkami http://dk.theshoppingassistant.com, EU-mit pilersinneqarsimasumi misissuinikkut ilinnut iluaqutaasumik nittartakkat misissorsinnaavatit. Tassani danskit nittartagaannik piginnittut annertuumik nassuiaatigineqarput, atuisullu allat oqaaseqaataannik avitseqatigiiffiullutik. Nittartakkap kimit pigineqarnera sumilu najugaqarnera pillugit sukumiisumik misissuineq tamatigut isumatusaarneruvoq.