Siniffissininni tuniniaasup madrassitaanut ukiuni qulini qularnaveeqqusiinissi neqeroorutigaa. Ukiut sisamat qaangiummata madrassip aappaa aserorpoq. Maalaaruteqarsinnaanermut killiliussat ukiut marluk qaangiutereersimammata pisinnaatitaaffik taanna atorsinnaanngilat. Qularnaveeqqusiissulli suli atuummat tunisisup ajoqutaasoq- ilinnut akeqanngitsumik- iluarsaatissavaa.

Qularnaveeqqusiineq nammineq piumasutsimik neqeroorutaavoq
Tunisisup nammineq piumassutsi naapertorlugu qularnaveeqqusiinissamik neqeroorfigisinnaavaatit. Qularnaveeqqusiissut pisiassamut aalajangersimasumut imal. tamatuma ilaanut aalajangersimasu-mut atuussinnaavoq. Naammagittaalliuteqarsinnaaneq avaqqutsisinnaannginnermit illersugaavoq tassalu pisinnaatitaaffik taanna – qularnaveeqqusiissummi, isumaqatigiissummi allami atsiukkanni imal. akilikkanni (ass. sillimmasiissummi) allasimagaluarpalluunniit, isumaqatigiissuteqarnikkut atorunnaarsinneqarsinnaanngilaq.

Inatsimmit pitsaanerussaaq
Qularnaveeqqusiissulli atuutissappat inatsimmi pisinnaatitaaffinnit pitsaanerussaaq. Tamanna ass. naammagittaalliorsinnaatitaanerpit ukiunit marlunniit tallimanut sivitsorneqarneragut pisinnaavoq Qularnaveeqqusiissutip atuuttuunera nalornissutigigukku allaganngorlugu piniarsinnaavat maangalu Atuisumut saaffiginninnikkut atuuttuunera pillugu siunnersortillutit. Pisininnut atatillugu qularna-veeqqusiissummik neqeroorfigineqaruit allagartaq tamatumunnga uppernarsaat qujarullugu tigussavat.

Pisiassaq pillugu piumasaqaat
Qularnaveeqqusiissutip sumut tunngasuunera allassimanngippat piffissami qularnaveeqqusiiffiusumi pisiap ajoquteqarani atorsinnaanissaa piumasarisinnaavat. Tamanna pisiavit pissusissaanngitsumik kukkusumilluunniit atunnginnissaanik piumasaqaatitaqarpoq. Tuniniaasumiilli ass. aserfallatsaa-liinermut atatillugu misissuineq allatigulluunniit aserfallatsaaliinermut piumasaqaatit eqquutsin-neqarpata aatsaat qularnaveeqqusiissutip atuussinnaanera piumasaqaataasinnaavoq.

Naammagittaalliorsinnaatitaanerup qularnaveeqqusiinerullu assigiinngissutaat

Qularnaveeqqusigaanermut uppernarsaat

  • Qularnaveeqqusiineq kiffartuussineruvoq tuniniaasup ilinnut neqeroorutigisinnaasaa inatsimmiillu pitsaanerusumik periarfissiissoq.
  • Naammagittaalliorsinnaatitaaneq tassaavoq pisineq pillugu inatsit naapertorlugu ukiuni marlunni pisiavit ajoquteqarnera pillugu naammagittaalliuteqarsinnaaffiit.

Qularnaveeqqusiissut:

  • Qallunaatut kalaallisulluunniit oqaasertaqassaaq
  • Piffissaq atuuffia nassuiarneqassaaq
  • Suup qularnaveeqqusigaanera nassuiarneqassaaq
  • Qularnaveeqqusiissummi atugassarititaasut suut atuutsinneqarnerat nassuiarneqassaaq

 

Naammagittaalliorsinnaanermut attavik