Ineqarneq pillugu Maalaaruteqartarfiup 2008-imut ukiumoortumik nalunaarusiaa

Imai

- Siulequt

- Ineqarneq pillugu Maalaaruteqartarfik pillugu

- Ineqarneq pillugu maalaaruteqartarfik sunaava

- Ilaasortat

- Ineqarneq pillugu Maalaaruteqartarfiup 2008-imi suliarisimasai

- Suliat suliakkiunneqartut naammassineqartullu pillugit kisitsisitigut takussutissiaq

Siulequt

Ineqarnermut Maalaaruteqarfiup Ataatsimiititaliaata matumuuna 2008-mi ukiumut nalunaarusiani tunniuppaa.

Nalunaarusiaq suliarineqarpoq Inissianik attartortitsisarneq pillugu Inatsisartut peqqussutaat nr. 2,2. maj 2005-imeersoq, taannalu allanngorneqartoq Inatsiartut peqqussutaanni nr. 14, 20. novembari 2006 naapertorlugu, Ineqarnermut Maalaaruteqartarfiup Ataatsimiititaliaata suliffiup ukiumoortumik nalunaarusiortarnissaanik imaqartoq.

Nalunaarusiaq Ineqarnermut Maalaaruteqartarfiup Ataatsimiititaliaa ilaasortallu pillugit paasissutissiisuuvoq.

Nalunaarusiami Ineqarnermut Maalaaruteqartarfiup Ataatsimiititaliaata 2008-imi suliarisimasaanik nassuiaatitaqarpoq.

Naggataatigullu suliassat suliallu naammassineqartut pillugit kisitsisitigut takussutissartaqarluni.

Ineqarnermut Maalaaruteqartarfiup sulianik aalajangiissutit maalaaruteqartarfiup nittartagaani saqqummiussisarpoq, www.maalaarut.gl.-mi. Taamannak ineqarnermut maalaaruteqartarfiup aalajangikkanik nittartakkakkut saqqummiisarnermigut neriuutigaa aalajangikkat eqaatsumik piffissamullu nallersuuttumik paasissutissiissutigisarlugit.

Nuuk

Siulittaasuugallartoq

 

Ineqarneq pillugu Maalaaruteqartarfik sunaava

Namminersornerullutik Oqartussat kommunillu inissiaataanni attartortut attartortitsisullu akornanni aaqqiagiinngissutit arlallit allaffissornikkut inaarutaasumik aalajangiiffigineqarnissaat Ineqarneq pillugu Maalaaruteqartarfiup suliassaraa. Ineqarneq pillugu Maalaaruteqartarfiup maalaarut ataani taaneqartut arlaannut tunngasuuppat suliarisinnaavaa:

- Ineqarnermut akiliutinik qaffaanissamut siumoortumik ilisimatitsisarnermi periaatsit.

- Aserfallatsaaliuineq iluarsaassinerlu.

- Iserternermi inissiap qanoq issusia.

- Attartukkami atortulersuutit pitsannguinissallu (atuisinnaatitaaneq).

- Attartortup attartukkamik atuinera (torersaarnissamut maleruagassanik unioqqutitsinerit).

- Atuisinnaatitaanerup allanut tunniunneqarnera (inissianik paarlaateqatigiinneq, allamut

- attartortitsineq aamma attartornermik ingerlatitseqqinneq).

- Inissiamit nuunnermi inissiap qanoq issusia (nalinginnaasumik aserfallatsaaliuineq).

Ineqarneq pillugu Maalaaruteqartarfik-up ilaasortai tassaapput siulittaasoqarpoq ilaasortallu pingasut, taakkulu katitigaaneranni attartortup attartortitsisullu soqutigisaat pillugit sinniisoqartinneqarput.

Attartortoq maalaarummik tunniussinermini 150 kr.-inik akiliissaaq, paasinarsippallu maalaarut Ineqarneq pillugu Maalaaruteqartarfimmi suliarineqarnissaminut naleqqutinngitsoq, imaluunniit attartortoq maalaarummini tamakkiisumik tamakkiisumiunngikkaluartorluunniit taperserneqarpat taakku attartortumut utertinneqassapput.

Ilaasortat

Ineqarnermut maalaaruteqarfiup ilaasortai tassaapput siulittaasoq ilaasortallu pingasut, 2008-imilu ilaasortat ima isikkoqarput:

Siulittaasoq:

Annemette Larsen, Ineqarnermut Angallannermullu Naalakkersuisoqarfimmiit, (sinniisaa, Ruth Lindhardt).

2008-imi oktobarimiit Louise Amkær, Kalaallit Nunaanni Rigombudsmandeqarfimmiiit, sinniiseralugu (Signe Krogh Nielsen).

Ataatsimiititaliami ilaasortat:

Lars Olsen, KANUKOKA

Sofie Fleischer, SIK (sinniisaa Josef Therkildsen)

Christian Borch Grell, inissiaatileqatigiiffik A/S INI-miit (1. novembari 2006 siniisoralugu Susie Kristiansen)

Naalakersuisut maalaaruteqartarfiup allaffissornikkut ingerlanneqarnera isumagisarivaa. Suliassaqarfiit allanngornerisa kingorna 2008-p tungaanut Ineqarnermut Angallannermullu Naalakkersuisoqarfiup allaffissornikkut isumaginninneq tigummisimavaa, tamassuma kingorna siunnersuisoqatigiinnermik ataatsimiititaliaqarnermillu Aqutsisoqarfimmut inissinneqarpoq. Aqutsisoqarfimmi fuldmægtigemik atorfinitsitsisoqarnikuuvoq Ineqarnermut Maalaaruteqartarfiup allaffeqarfianik isumaginnittussamik. 

Ineqarnermut Maalaaruteqartarfiup 2008-imi suliarisimasai

Ineqarnermut Maalaaruteqartarfiup suliassarai ininik attartortitsisup attartortullu isumaqatigiinngissuteqarnerini aalajangiisarneq, inimik attartortitsisoq kommuneuppat imaluunniit Namminersorlutik Oqartussaappat.

Suliassaqarfiit allanngortiterneqarnerisa kinguneranik Ineqarnermut Angallannermullu Naalakkersuisoqarfik-usimasoq Inuussutissarsiornermik Naalakkersuisoqarfik-mmik

taajuuteqalermat, taassuma ataaniilluni siunnersuisoqatigiinnermik ataatsimiititaliaqarnermillu Aqutsisoqarfik. 2007-imi eqqarsaatigineqalerpoq Ineqarnermut Maalaaruteqartarfiup allaffissornera siunnersuisoqatigiinnermik ataatsimiititaliaqarnermillu Aqutsisoqarfimmut inissinneqassasoq, tamannalu pisortatigoortumik atuutilersinneqarpoq februaarip aallaqqaataa 2008. Suliassaqarfiit allanngornerani, aatsaat 2008-mi marsimi atuutilersumi, Ineqarnermut Maalaaruteqartarfimmi

allaffimmiutut atorfik aggustip tungaanut inuttaqarsimanngilaq. Taamani Ineqarnermut Maalaaruteqarfiup siulittaasorigallagaa 2008 oktobarimi tunuarpoq, aqutsisoqarfiup ittuata tikkuarmagu siulittaasuugallartoq suliaminut attuumassuteqarnini pissutigalugu tassani inissisimanissaa naleqqutinngitsoq. 2008-mi oktobarimi Anne Louise Amkær siulittaasutut toqqarneqarpoq.

Allaffimmiumik amingaateqarneq pissutigalugu, Ineqarnermullu Maalaaruteqartarfiup siulittaasuata taarsernera peqqutigalugu 2008-mi Ineqarnermut Maalaaruteqartarfik ataatsimiissimanngilaq.

Naalakkersuisut

Naalakkersuisut 2006-imi februaarimi aalajangerpaat Ineqarnermut maalaaruteqartarfiup sulinissaa pillugu nalunaarutaat nr. 4, 13. februaari 2006 atuutilissasoq, tamassumalu kingorna Ineqarnermut Maalaaruteqartarfiup sulinini 1. apriili 2006-imi aallartippaa.

Maalaarutinik suliaqarneq

Ineqarnermut Maalaaruteqartarfiup 2008-mi maalaarutit 21-it suliarisimallugit nalunaarsorsimavai. Taakkunannga 2008-imi suliaqartoqarsimmangilaq, taamaattorli suliat 5-it 2009 ilanngullugu suliarisimallugit. Maalaarut ataaseq maalaruteqartumit namminermit tunuartinneqarsimavoq. Suliat 9-it Ineqarnermut Maalaaruteqartarfik-up suliarineqartussaanngitsutut isummerfigai suliassaqarfimmi iluaniinngimmata. Suliat arfinillit Ineqarnermut Maalaaruteqartarfik-up suliarineqartussanngitsutut isummerfigai maalaarnermut akiliutissap 150,-koruuniusup akiliutigineqarsimannginnera peqqutigalugu.

Aalajangiisarfiup aalajangigai

Soorlu qulaani taaneqareersutut 2008-mi aalajangiisartut ataatsimiissimanngimmata aalajangiussaqartoqarsimanngilaq.

2008-imi naammagittaalliuutit tiguneqarsimasut suliaralugillu naammassineqarsimasut

2008-imi naammagittaalliuutit tiguneqarsimasut 21

2008-imi suliaralugit naammassineqarsimasut 0