Siulequtsiussaq

Isumaginninnermi Naammagittaalliuuteqartarfik, isumaginnittoqarfiup aqunneqarnera aaqqissuussaaneralu pillugit Inatsisartut peqqussutaat nr. 11, 12. november 2001-imeersumi § 10 imm. 5 naapertorlugu Naalakkersuisunut (Inatsisartunut) ukiumoortumik nalunaaruteqartarpoq.

Nalunaarummi qaammatisiutit malillugit ukioq malinneqarpoq aammalu Isumaginninnermi Naammagittaalliuuteqartarfiup atuunnera, naammagittaalliuutit tiguneqartut aamma suliat naammassineqartunut kisitsisitigut paasissutissat pillugit naatsumik nassuiaammik imaqarluni.

Nalunaarut Isumaginninnermi Naammagittaalliuuteqartarfiup nittartagaani: www.dsa.gl  takuneqarsinnaavoq.

Isumaginninnermi Naammagittaalliuuteqartarfiup, nalunaarutip nittartakkamut ikkunneqarnera pillugu taamaallaat kommunit, Kanukoka, Inatsisartut Ombudsmandiat, Rigsombudsmandi aamma Isumaginninnermut Ilinniarfik ilisimatissavai.

Isumaginninnermi Naammagittaalliuuteqartarfiup Allattoqarfiata isumaqatigiissuteqarneq malillugu ukiumoortumik nalunaarutip assilinera pappialanngorlugu tunniussinnaavaa imaluunniit nassiussinnaallugu.

Isumaginninnermi Naammagittaalliuuteqartarfik imatut attaveqarfigineqarsinnaavoq:

Najugaq:

Hans Egedesvej 3,

Postboks 689,

3900 Nuuk

Mail: dsa@nanoq.gl 

Oqarasuaat nr: 32 80 33

Fax nr: 32 78 50

XX 2013

Naja Joelsen

Siulittaasoq

NAAMMAGITTAALLIUUTEQARTARFIMMUT INATSISITIGUT TUNNGAVIUSOQ

1980-imi Isumaginninnermi Naammagittaalliuuteqartarfiup atuunnera aallartippoq.

Isumaginninnermi Naammagittaalliuuteqartarfiup aalajangiisinnaatitaanera isumaginnittoqarfiup aqunneqarnera aaqqissuussaaneralu pillugit Inatsisartut peqqussutaat nr. 11, 12. november 2001-imeersumi § 8, imm. 1-imi aamma 2-imi allassimavoq.

Isumaginninnermi Naammagittaalliuuteqartarfik, isumaginninnermi maleruagassat malillugit kommunit imaluunniit Ilaqutariinnermut, avatangiisinut, ilageeqarnermut naligiisitaanermullu naalakkersuisoqarfik (siornatigut Isumaginninnermi Naalakkersuisoqarfik) aalajangiinerannut naammagittaalliuuteqartarfiuvoq.

Naammagittaalliuuteqartarfiup atuunnera peqqussummi §§ 9 – 11-imi erseqqinnerusumik inatsisitigut maleruagassaqartinneqarpoq.

Isumaginninnermi Naammagittaalliuuteqartarfik pillugu nalinginnaasumik

Isumaginninnermi Naammagittaalliuuteqartarfik isumaginninnermut suliassaqarfimmi nunami allaffissornikkut naammagittaalliortarfittut qullersaavoq.

Suliassat ataasiakkaat qanoq suliarineqartassanersut aalajangiiffigineqartassanersullu pillugu, ilitsersuutinit aamma oqartussaasunit allanilluunniit oqaaseqaatinut tunngatillugu arlaannaannulluunniit attuumassuteqanngitsumik allaffissornikkut, eqqartuussivimmut assingusumik oqartussaasuuvoq.

Isumaginninnermi Naammagittaalliuuteqartarfiup ilaatigut suliassaraa aalajangiinissaq:

  • siusinaartumik pensionisianut aamma utoqqalinermi pensionisianut suliani, Nunani avannarlerni isumaqatigiissut malillugu pensionisianut ilanngullugit
  • pisortanit ikiorsiissutinut tunngasut suliat
  • meeqqanut inuusuttuaqqanullu pineqaatissiinermi suliat, kiisalu allamut inissiinerit
  • isumaginninnermut suliassaqarfimmi suliassani allani
  • suliani isumaginninnermut suliassaqarfimmi aningaasartuutit akilerneqarnissaat pillugu kommunit marluk isumaqatigiinngissutigisaanni
  • Ineqarnermut tapiissutit
  • Suliffeqarnermi ikiorsiissutit

Taamaattumik Isumaginninnermi Naammagittaalliuuteqartarfiup aalajangiineri aallaaviatigut inaarutaasuupput aammalu oqartussaasunut allanut naammagittaalliuutigineqarsinnaanatik.

Suliaqarnermi tamanna isumaqarpoq, aalajangiinerit amerlanerit isumaginninnermut suliassaqarfimmi kommuninit aalajangiiffigineqarsimasut innuttaasut naammagittaalliuutigisinnaagaat.

Isumaginninnermi Naammagittaalliuuteqartarfiup aamma siunertaraa, aalajangiinerit, pingaartumik tunngaviusumik aalajangiinerit, erseqqissumik iluatinnaateqartumillu kommuninut allanullu sulianut soqutigisaqartunut ilitsersuutitut suliaqarnermullu tunngavissiisassasut.

Taamaalilluni Isumaginninnermi Naammagittaalliortarfiup ataatsimminnerup kingorna tunngaviusumik aaliangiinerit saqqummiuttarpai, tunngavigalugu immikkut aammalu nalilimmik siunnersuutaasinnaammata – toqqammaviusinnaallutillu Kommunit suliamikkut soqutigisaqarfianni.

Taamaalilluni Isumaginninnermi Naammagittaalliuuteqartarfik, illoqarfinni sumiluunniit najugaqaraluaraanni sukumiisumik eqqortumillu aalajangiisoqartarnissaanut qulakkeerisooqataasarpoq.

Katitigaanera

 

Isumaginninnermi Naammagittaalliuuteqartarfik ukiumi nalunaaruteqarfiusumi ataatsimik siulittaasoqarpoq inatsisilerituujusumik aammalu pingasunik ilaasortaqarluni isumaginninnermut inatsisinik ilisimasaqartunik aammalu isumaginninnermi naalakkersuinikkut pissutsinik paasisimasaqartunik.

Siulittaasoq:

Naja Joelsen, Nuuk

Ilaasortat:

Bendt Frederiksen, Upernaviup eqqaani Nuussuaq

Nukákuluk Kreutzmann, Nuuk

Stine Egede Nørbæk, Qaqortoq

Sinniisussaqanngilaq

Ukiorpassuarni ilaasortaasimasoq Bendt Frederiksen toqukkut qimaguppoq 8.juni 2012.

Sulianik suliarinninnissaminut Isumaginninnermi Naammgittaalliortarfik periarfissaaruppoq, ilaasortat kinguleruttut ilaasortat ilaat naammagittaalliortunut qanippallaqippata, ikinnerpaamillu ilaasortat 3 suliamik suliarinnittussaallutik.

Taamaattumik Isumaginninnermi Naammagittaalliuteqarfiup Allattoqarfiata Inuussutissarsiornermut Sulisoqarnermullu Naalakkersuisoqarfimmut saaffiginnippoq ilaasortanik toqqaaqqullugu imaluunniit atareersut toqqaqqeqqullugit siulittaasoq aammalu ilaasortat.

Naalakkersuisut november 2012-mi Isumaginninnermi Naammagittaalliortarfimmi ilaasortassatut toqqarpaat:

Siulittaasoq:

Naja Joelsen

Ilaasortat:

Nukákuluk Kreutzmann

Ole Christensen

Lorette Henriksen

Âníse Svane Johansen.

Sinniisussatullu toqqarneqarput:

Søren Thestrup – Naja Joelsen-imut

Johannes Rolskov – Nukákuluk Kreutzmann-imut

Tukummeq Qaavigaq – Ole Christensen-imut

Emilie Olsen – Lorette Henriksen-imut  

Âníse Svane Johansen-imut sinniisussamik toqqaasoqanngilaq. Isumaginninnermi Naammagittalliortarfiup tamanna Naalakkersuisunut nalunaarutigereerpaa kinguneqanngitsumilli.

Ilaasortat sinniisussaallu nutaatut toqqagaammata, december-i qaammataai paasititsiniutertalimmik ataatsimiinneqarpoq.

Isumaginninnermi Naammagittaalliuuteqartarfik ukiumi nalunaaruteqarfiusumi 2012-mi pingasoriarluni naammagittaalliuuteqartarfimmi ataatsimiippoq: april.imi ataasiarluni december-imilu marloriarluni.

Ataatsimiinnerni tamaginni suliassat 30-40-t akornanniittut suliarineqarput.

Suliat amerlanerussuteqarnikkut aalajangiiffigineqartarput. Tassa imaappoq Isumaginninnermi Naammagittaalliuuteqartarfiup aalajangiineri siulittaasumit aammalu ilaasortatut toqqagaasunit aalajangiiffigineqartarput. Suliat ataasiakkaat tamarmik ataatsimiinnermi misissorneqartarput aalajangiiffigineqartarlutillu.

Naammagittaalliuteqartarfiup 2012-mi suliaqarnera

Isumaginninnermi Naammagittaalliuuteqartarfiup ukiumi 2012-mi,  aalajangiinerit suli qaffasissumik pitsaassuteqartinnerisigut, innuttaasut inatsisitigut pisinnaatitaaffiisa qulakkeernissaat suli sammivaa.

Isumaginninnermut Naammagittaalliuteqartarfiup ukiut siuliisulli suliat kukkunillit 12-t utertippai Kommunini sullissinerup amigarnerujussua peqqutaallluni.

2012-mi naammagittaalliortarfiup suliassat 389 tiguai, suliallu 273-t inaarsarlugit.

Agguartaarinermi suliat suliarineqartarput ukiup ataatsip iluani.

Assersuussinermi erseqqissarneqarsinnaavoq, Isumaginninnermi Naammagittaalliortarfiup 2011-mi suliassat xxx tigusimammagit xxx-llu naammassisimallugit.

Immikkuullarissumik sullissinermi piffiit pillugit:

Qulaani takuneqarsinnaasutut Isumaginninnermi Naammagittaalliortarfiup sullissinerup sivisussusaa 2012-mi sivikillissinnaasimanngilaa.

Tamanna peqquteqarpoq ataatsimiitsitaliat sulisinnaasimanngimmata sivisuumik,ilaasortanik nutaanik toqqaanissap tungaanut, ilaasortaareersimasullu ilaat toqqarneqaqqipput. Isumalioqatigiisitat ataatsimiissinnaasimanngillat piffimmi 08.juni-miit December-ip 2012 tungaanut. Ataatsimiinnissat aaliangerneqarsimasut ullormut 22.juni aamma 28.september taamaatiinnarneqartariaqarsimallutik, suliallu aaliangikkat ataatsiminninnissaagaluani taakkunani suliarineqartussaagaluit aatsaat decemberimi suliarineqarsimallutik.

Sivisuvallaangaatsiartumillu sullissineq peqquteqarpoq, pisuni arlariinni sivisuungaatsiarnera peqquteqartoq, paasissutissanik Kommuni nassiussimaataartarnera, allattoqarfimmiit piumasoqaraangat. Pisut ilanni paasissutissanik nassiussisoqanngitsuuittarpoq naak eqqasitsissummik/nukingisaarummik nassiussoqartaraluartoq. Allattoqarfiullu ingerlariaatsit assigiinngitsut pilersipai immikkoortuni taakkunani pitsanngorsaalluni. Sulianut arlariippaalunnut tunngasunut nukingisaarutinik nassiussuisoqarpoq borgmesterinut Isumaginnittoqarfinnilu pisortanut. Tamannali killilimmik sunniuteqarluni.  Taassumalu kingunerani misilinneqarluni nukingisaarutit ataatsimut allattorlugit kommunerisaannut nassiullugit paasissutissanik qinuigalugit, erseqqissarneqarlutik qanga kingullermik paasissutissanik qinnuigineqarsimanersut, tamannali aamma killilimmik sunniuteqarsimavoq.

Taamaattumik ataatsimiinnerup aappaanni December 2012-mi aaliangiunneqarpoq, allattoqarfik nukingisaarummik ataasiarluni nassitsisalissasoq, suliat ataatsiakkaat pillugit, nukingisaarummilu oqaatigineqassasoq, paasissutissanik nassitsisoqanngippat, paasissutissat pigisat/tigummisat tunngavigalugit aaliangiisoqartalissasoq. Tamanna isumaqarpoq naammagittaalliortup paasissutissaatai annermik toqqammavigalugit aaliangiisoqarsinnaalluni, ilaatigullu paasissutissat assersuutigalugu inuup allattorsimaffianiittut toqqammavigalugit. Tamakkulu nassatarisinnaavaat aaliangiussat kommuninut ulapinnarninngortitsisinnaasut. Ataatsimiititaliat tamanna pissangagalugulu qilanaara, qanoq sunniuteqarumaassanersoq.

 Immikkuullarissumik suliat innarluutilinnut tunngasut

Isumaginninnermut Naammagittalliortarfiup ukiumoortumik nalunaarutaa 2011-mut tunngasumi taaneqarpoq,  naammagittaaliutit annertuumik innarluutilinniit ikiliartorneri ernumanartutut isigai, tamatumani kisitsisit annertujaamik apparsimammata, aaliangiisinnaanermut piginnaatitaaffik kommuninut tunniunneqarmat Ilaqutareeqarnermut, Avatangiisinut, Ilageeqarnermut Naligiisitaanermullu Naalakkersuisoqarfimmiit. Tamanna illuaaneq allanngunngilaq 2012-mi, naammagittaalliutit tassani arfineq pingasuummata.

Isumaginninnermi Naammagittaalliortarfiup Ilaqutareeqarnermut, Avatangiisinut, Ilageeqarnermut Naligiisitaanermullu Naalakkersuisoqarfik aamma Kanukoka eqqaasippa tamanna sianigeqqullugu.

Immikkuullarissumik malinninngittarneq pillugu:

Isumaginninnermut Naammagittaalliortarfik innuttaasunik arlariinnik saaffigineqartarpoq aperineqarluni, kommunip Isumaginninnermut Naammagittaalliortarfiup aaliangiussaa malikkumanngikkaangagu sussanerlutik.  Isumaginninnermi Naammagittaalliortarfiup siornatigut innuttaasut erseqqissaavigisarpai, taamatut naammattugaqarnermi nakkutilliisuutitanut saaffiginnittoqartassasoq. Piffiit ilaanni Nakkutilliisoqarfimmiit allattoqarfik piumaffigineqarpoq tamanna unitsissagaa, Nakkutilliisoqarfik isumaqarmat nammineq tamanna akisussaaffiginagu, kommuninut Isumaginninnermut Naammagittaalliortarfiup aaliangigai maleqqussallugit. Siusinnerusukkut ombudsmandimiit Isumaginninnermi Naammagittaalliortarfik assingusumik piumaffigineqarami ukiassakkut 2012-mi  Ilaqutareeqarnermut, Avatangiisinut, Ilageeqarnermut Naligiisitaanermullu Naalakkersuisoqarfik ilisimatippaa, ajornartorsiut taanna pillugu Naalakkersuisoqarfimmullu malugeqqullugu nakkutilliisumik aggertoqarpat. Isumaginninnermi Naammagittaalliortarfiup allattoqarfiata piffinni taama ittuni kommunit attaveqarfigisaraluarpai, imaassinnaammat aaliangiussat paasiuminaatsuusut.

Isumaginninnermut Naammagittaalliortarfiup allattoqarfiata ajornartorsiut tamanna eqqumaffigissavaa nalilerlugulu, allatut suliniuteqartoqarnissaa pisariaqassanersoq.  

Isumaginninnermi Naammagittaalliuuteqartarfimmi 2012-imi aalajangiinerit agguataarnerat

Utoqqalinermi pensionisiat aamma siusinaartumik pensionisiat: suliat                           30-it

Naartunermi, erninermi meeravissiartaarnermilu sulinngiffeqartarneq ullormusiaqartarnerlu: suliat                                                                                                                                    4-it

Pisortanit ikiorsiissutit: suliat                                                                                            49-it

Suliffeqarnermi ikiorsiissutit: suliat                                                                                  12-it

Meeqqanut inuussuttunullu ikiorsiissutit: suliat                                                                  8-it

Inunnut annertuumik innarluutilinnut ikiorsiissutit: suliat                                                  5-it

Meeqqanut tapiissutit: suliat                                                                                                2-it

Ineqarnermut tapiissutit: suliat                                                                                            0-it

Meeqqanut akilersuutit: suliat                                                                                             5-it

Paaqqinnittarfiit: suliat                                                                                                        1-it

Assigiinngitsut                                                                                                                     2-it

Tjek disse tal!!!!!!!!!

Siulittaasoq aalajangiivoq suliani                                                                                    80-ini

Allattoqarfiup tigujumanngilai suliat                                                                                79-it

Allattoqarfiup  suliarinninnermi kukkuneqarnera pissutigalugu utertippai suliat             12-it

Suliat allat                                                                                                                            0-it

Katillugit suliat                                                                                                                 289-it

Uani ukiumoortumik nalunaarsuummi  kisitsisit atorlugit ilanngussami saqqummiunneqarput suliat naammasineqarsimasut, agguataarneri malillugit kommunit ataasiakkaat akornanni aammalu kommunit illoqarfiini imatullu agguaapput:

  1. Kisitsisit atorlugit sulianik nassuiaaneq, ataatsimiitsitaliami naammassisat
  2. Kisitsisit atorlugit sulianik nassuiaaneq, siulittaasup aaliangiinermini naammasisai
  3. Kisitsisit atorlugit sulianik nassuiaaneq, utertiinnarneqartut sullissinermi kukkusimaneq pissutigalugu.

Qulaani taaneqartutut suliat 12-t kukkunilittut kommuninut utertinneqartariaqarsimapput. Tassanilu pineqarpoq annertuumik sullissinermi kukkusoqarsimanera, innuttaasumut inatsisitigut isumannaatsuunissamut assortuisuummata. Taamaattumik pisariaqarsimavoq suliat utertinnissaat kommunillu peqqullugit suliat suliareqqinneqassasut nutaamillu aaliangiisoqassasoq, taamaalilluni sullissineq aaliangiinerlu sullissinermi inatsit piumasaqaatit malillugit naammassiniassammata.

Isumaginninnermi Naammagittaalliortarfiup ukioq 2012-mi tunngaviusumik aaliangikkat 16-t saqqummiuppai, Isumaginninnermut Naammagittaalliortarfimmut naammagittaalliutigineqarsimasut assigiinngitsut agguataarlugit. Tunngaviusumik aaliangikkat imaqarniliorlugit ataani saqqummiunneqarput. Aaliangiussap imaa tamaat atuarneqarsinnaavoq nittartakkatsinni: www.dsa.gl -mi     

Isumaginninnermi Naammagittaalliuuteqartarfiup Allattoqarfia

Allattoqarfiup Isumaginninnermi Naammagittaalliuuteqartarfimmut allattoqarfimmi suliassat isumagisarai. Allattoqarfik Siunnersuisoqatigiinnut Aalajangiisartunullu Aqutsisoqarfiup ataaniippoq.

Ukiumi 2012 nalunaarusiorfiusumi Allattoqarfimmi inatsisilerituut 2 aammalu allaffimmiut marluk sulisorineqarput.

Allattoqarfiup suliassarai:

  • Naammagittaalliutip tigusimaneranik uppernarsaaneq
  • naammagittaalliornissamut piffissaliussaq tunngavigalugu suliassat suliarineqarnissaasa itigartitsissutigineqarnerat
  • aalajangiisinnaatitaannginneq pissutigalugu itigartitsineq
  • paasissutissanik pissarsiniarneq
  • naammagittaaliuuteqartarfimmi ataatsimiinnissamut suliassanik piareersaaneq
  • naammagittaalliuuteqartarfimmi ataatsimiinernit imaqarnilianik allanneq
  • aalajangiinerit nassiussornissaat
  • tunngaviusumik aalajangiinerit tamanut ammasumik nittartakkami saqqummiunneqarnissaat

Allattoqarfiup aamma naammagittaalliuuteqartarfiup ataatsimiinnissaasa aaqqissuunnissaat isumagisaraa.

Suleqatigiinnissamut 2011-mi isumaqatigiissutigineqartoq Isumaginninnermi Naammagittalliortarfiup Ikiu-llu akornani ingerlateqqinneqarpoq 2012-mi. Taassumalu kingunerivaa ataatsimiititaliap sullissisui Ikiu-lu ataatsimoorlutik Maniitsumut Sisimiunullu tikeraarmata, tassanilu sullissisut Kommunit sullissisuinut malittarisassanik pingaarnernik paasissutissiipput Inatsisartut inatsisaat nr 8 13.juni 1994 Pisortat ingerlatsineranni suliassat suliarineqartarnerat pillugu. Taassuma saniatigut Politiit eqqartuussiveqarfillu ilisimatinneqarput immikkoortumik attuumassuteqartumik Isumaginninnermi Inatsit pillugu, ulluinnarni sulinermut attuumassuteqarsinnaammat.

Allattoqarfimmilu sulisut marluk majimi Pisortanik ikiorsiissutit pillugit sullissisunut Sisimiuni pikkorissartitsipput. Pikkorissaaneq ullunik marlunnik sivisussuseqarpoq, sullissisullu inuit 20-t missaanni peqataallutik kiisalu Isumaginnittoqarfimmi aqutsisut marluk peqataallutik. Pikkorissaaneq ingerlanneqarpoq kattulluni ataatsimiinnertut, ilaatigut eqimattakkaarluni sulinertaqarluni sulianik inerniliinermi. Peqataasut assut pimoorussipput, qisuariaatillu pikkorissaanermi assut tapersersorneqarlutik.

Aalajangiinerit tamanut saqqummiunneqartut naalisarlugit:

Matuma kinguliani aalajangiinerit 2012-imi tunngaviusumik aalajangiinertut ilusilerlugit tamanut saqqummiunneqartut naalisarnerat issuaavigineqarput.

Ukiut siuliinitulli aaliangiussat amerlanerit oqaaseqarfigineqarput, inatsisit Inatsisartut inatsisaanni nr. 8, 13. juni 1994-imeersumi pisortat ingerlatsineranni suliassat suliarineqartarnerat pillugu inatsit malinneqartarsimanngimmat. Aaliangiussat amigaatigikkajuttarpaat unnerluussinermi eqqortumik inatsimmik tunngaveqarnersoq, kiisalu tunngavilersuutit amigartarnerujussui.

Kiisalu aaliangiussat arlaliupput innuttaasumut tamakkiisumik tapersiinngitsumik, allakkatigut nalunaarutigineqartussaagaluartumik – inatsisitigut piumasaqaataanngikkaluarpalluunniit.

Allattuisussaatitaanermi Inatsisartut inatsisaat § 6 nr. 9, 13. juni 1994-imeersoq Pisortat ingerlatsinerat pillugu paasitinneqarsinnaatitaaneq suliani amerlasuuni malinneqartarsimanngimmat.

Aaliangiinerit ataasiakkaat oqaaseqarfigineqarput amigaatit pillugit.

Aalajangiinerit tamakkiisunngorlugit Isumaginninnermi Naammagittaalliuuteqartarfiup nittartagaani atuarneqarsinnaapput: www.dsa.gl

Sulinermi tapit

1.

2011-048876 Akissarsialimmut isumassarsiuut – Aalisartoq

Apriilip 13-iat 2012

Naammagittaalliortoq raajalerisuni kilisaatilimmi sulisuusimavoq – kisianni unissimavoq sikusimanera pissutigalugu martsip 2011-imi, naammagittaalliortorlu suliffissarsiortutut allatsilluni suliffissarsiuussisarfimmut.

Kommune aaliangiisimavoq naammagittaalliortoq tulluutinngittoq suliffissarsiortutut tapeqarnissamut, pissutigalugu isumaqaramik inatsisit kisimik nunami sulisartunu atuuttoq.

Isumaginninnermi naammagittaalliuteqarfiup paasisimavaa naammagittaalliortoq  akissarsialiusoq, pissutigalugu sulisitsisumit atorfeqartitaasimagami, atorfimmini pisortaasimaguni taavalu suliassanik agguaassisarsimaguni. Sulisitsilersinnaavoq, kiisalu soraarsitsilluni, taava taakku akissarsiaqassapput taakku tiimit sulinermini sulisut.

Suliaq utertinneqarpoq nutaamik suliarineqaqqinniassammat kommunemi.

Inatsit una atorneqarpoq § 3, Suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq.

Apriilip 13-iat 2012

Naammagittaalliortoq suliunnaarpoq januaarip 7-iat 2011, taamaasilluni naammagittaalliortoq suliffissarsiuussisarfimmut saaffiginnissimavoq suliunnaarnermi ikiorsissutinik qinnuteqarluni.

Kommune oqaasiinnakkut itigartsitsivoq una pissutigalugu, nammagittaalliortoq imarsiortuummat, taamaattumik naammagittaalliortoq tulluutinngimmat suliunnaarnermi ikiorsiissutinik pinissaminut. Una paasinninneq inatsisit pillugit kommune paasitinneqarsimavoq Inuussutissarsiornermut, Aatsitassaqarnermut Suliffeqarnermullu Naalakkersuisoqarfik kursusertitsineranni.

Isumaginninnermi naammagittaalliuteqarfiup paasivaa naammagittaalliortut ullut akissarsiaqartuusimasoq, pissutigalugu pissutigalugu sulisitsisumit atorfeqartitaasimagami, sulisitsisua atorfimmini pisortaasimaguni taavalu sullinneq agguaassorsimaguniuk. Sulisitsisoq sulilersitsisinnaavoq, taavalu soraarsitsilluni. Nammagittaalliortoq ullut akissarsiaqartuuvoq, taammaattumik naammagittaalliortoq sulisutut isigineqarpoq.

Isumaginninnermi naammagittaalliuteqarfik Suliaq utertippaat nutaamik suliarineqaqqinniassammat kommunemi.

Inatsit atorneqarpoq § 3, Suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq.

2011-053403 Napparsimaneq

Apriilip 13-iat 2012

Naammagittaalliortoq marts 2011-mi misissorneqarpoq, nappaataatalu suussusaanik paasitinneqarluni maj 2011-mi. Naammagittaalliortoq tassami piffissami suliffissarsiortuusimavoq, taavalu sulinngiffeqarnermi ikiorsiissutinik pisartagaqarluni. Kommune alajangiisimavoq ikiorsiissutit pisartagi juli 2011-mi unitsinneqassasut una tunngavigalugu, ikiorsiissutit napparsimanermut atatillugit sapaatit akunnerit 13-it tunniunneqarsinnaammata. Naammagittaalliortoq aamma pisortanik ikiorsiissutinik qinnuteqarsimavoq, kisianni itigartinneqarsimalluni, pissutigalugu naammagittaalliortoq angallataateqarlunilu illuuteqarmat.

Naammagittaalliortoq siusinaartumik pensioneqalernissamut qinnuteqarsimavoq juli 2011-mi akuerineqarlunilu augustip aallaqqaataaniit 2011-miit atuutilersumik.

Naammagittaalliortup amerlasooriarluni sulinngitsoortarsimavoq suliffigisamini, napparsimanini pissutigalugu, napparsimavimmilu uninngatitaanikuusimalluni nakorsartinnini pissutigalugu.

Isumaginninnermi Naammagittaalliuteqarfiup paasivaa naammagittaalliortoq pisinnaatitaasimasoq sulinngiffeqarnermi ikiorsiissuteqarnissaminut, una ulloq aallarnerfigalugu juli 2011-mi, kommunep pisartakkat unitsimmassuk. Tunngaviuvoq naammagittaalliortoq suliffissarsiortuusimanani, angerlartitaasimanani assigisaaniluunniit, kisianni sulinngitsoortarsimasoq napparsimanini peqqutigalugu. “Isumaginninnermi Naammagittaalliuteqarfiup alajangiinermini una pingaartissimavaa, peqqussut § 7-iani kisimi taasimammagu suliffissarsiortut taavalu angerlartitaanikut. Ima isumaqarpoq aalajangiussaq killiliinera piffissami ikiorsiissutinik tunniussineq sulinngiffeqarnermi ikiorsiissutit sap. ak. 13-inik, kisimi taakku eqimattani atuummata.“

Taamaattumik Isumaginninnermi Naammagittaalliuteqarfik naliliivoq sap. ak. 13-inik killiliineq atuutinngimmat piffissami sulisinnaanngitsumut napparsimaneq pisuulluni, sulinngitsoortarnerit suliffeqarfimminngaanniit,  suliffissarsiornerlu peqqutigalugit, angerlartinneqartutut il.il.

Inatsisit atorneqartut tassaapput §§ 3,4,7,8 aamma 9 Suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq.

2011-045894 Kommunep ilitsersuussinissamut pisussaaffia

  1. decemver 2012

Naammagittaalliortoq sulisimavoq ulloq junip 28-ani 2010 decemberip 10-at 2010 tungaanut, kisianni suliffissarsiortunngorpoq angerlartitaanini pissutigalugu. Naammagittaalliortoq suliffissarsiortutut ikiorsiissutinik qinnuteqarpoq januaarimi 2011, sulinermini tiimerisimasai katillugit kisinneqarsimasut 386,6 tiimiullutik. Naammagittaalliortoq akuerineqarpoq suliffissarsiortutut ikiorsiissutinik pisalernissaminut ulloq decemberip 30-t 2010  aallarnerfigalugu, kommunelu naammagittaalliortoq ilisimatippaa ikiorsiissutit tigussagunigit pisariaqarpoq sulinissamut piareersimanissaq.

Naammagittaalliortoq naammagittaalliorpoq kommunep aalajangiussaanut, naammagittaalliortoq suliunnaarsimagami decemberip 10-ani decemberillu 30-aniunngittoq, tassalu decemberip 30-aniit ikiorsiissutinik pisartagaqalernissaa aallartittoq.

Isumaginninnermi Naammagittaalliuteqarfiup maluginiarpaa naammagittaalliortoq aatsaat kommunemut saaffiginnissimavoq decemberip 22-ani 2010-mi. Taamaattumik Isumaginninnermi Naammagittaalliuteqarfik isumaqarput nammaagittaalliortoq ikiorsiissutinik pisartagaqalissasoq decemberip 22-aniit, decemberi 30. 2010-miunngitsoq, soorlu kommune isumaqartoq.

Aammattaaq Isumaginninnermi Naammagittaalliuteqarfiup paasivaa kommune pisussaaffeqartoq ilitsersuussinissaminut periarfissat pillugit sulinngiffeqarnermi ikiorsiissutinut piumasaqaatit pillugit.

Inatsit atorneqartoq tassaavoq § 1 Suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq.

5.

2011-049729 Tiimerisimasanik kisitsineq qinnuteqarnermut tunngasoq – erninermi sulinngiffeqarneq ilanngunneqassaaq.

  1. december 2012

Suliffissarsiortoq siusinnerusumi akissarsiaqartuunikoq, qinnuteqarpoq sulinngiffeqarnermi ikiorsissutinik.

Kommune itigartitsivoq qinnutigisamut, pissutigalugu kisitsinerup takutimmagu qinnuteqartoq 153,14 sulilluni tiimeriinnarsimagai, sapaatit akunnerit 13-inik sioqqullugit qinnuteqannginnermini. Taakku tiimerisimasat kommunep peqqussutaani piumasaqaatit malillugit naammanngillat. Qinnuteqartup nuliani ernimmat sulinngiffeqarsimavoq sap. ak. pingasut, tamanna tunngaviuvoq qinnuteqartup tiiminik naammasinnissimannginneranut.

Isumaginninnermi Naammagittaalliuteqarfiup nalilerpaa kommune nutaamik tiiminik kisitsissasoq, pissutigalugu erninermusiaqarnera kisitsinermi ilaanngunneqassammat. Una pissutaavoq qinnuteqartoq suli atorfeqarmat sulisitsisumi erninermilu sulinngiffeqarluni.

Qinnuteqartoq pisinnaatitaavoq sulinngiffeqarnermi ikiorsiissutinik pisartagaqarnissamut.

Inatsit atorneqartoq tassaavoq § 4 Suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq.

2011-044864 “inatsiseq sap. ak. 13-nit pillugit” kiisalu suliffissarsiuussisarfiup paasissutsissiinissaminut pisussaaffia.

 

Suliffissarsiortoq sulinngiffeqarnermi ikiorsiissutinik qinnuteqarpoq, pissutigalugu pineqartoq suliunnaarsimagami suliassaarummat.

Kommune qinnutigineqartoq itigartippaa, itigartitsitsinermi tunngavittut atorpaat qinnuteqartoq sulinngiffeqarnermi ikiorsiissutinik pisartagaqareernikuusimammat sap. ak. 13-it qaammatit 12-it iluanni, taamaattumik pisartagaqaleqqinnissaminut periarfissaqanngilaq.

Isumaginninnermi Naammagittaalliuteqarfiup paasivaat qinnuteqartoq periarfissaqarsimasoq pisartagaqalernissaminut sulinngiffeqarnermi ikiorsiissutinik, pissutigalugu qinnuteqartup piumasaqaatit naammassisimammagit qinnuteqartoq 182 tiimit sinnersimammagit sulilluni,              sap. ak. 13-it iluanni.

Isumaginninnermi Naammagittaalliuteqarfiup aamma paasivaa, kommune inatsit tunngavissaqanngittumik aallartitsisimasut, inatsiseq malillugu killilerneqanngimmat ikiorsiissutinik piniaraanni ukiup ataatsip iluani sap. ak. 13-iinnaat pisartagaqarsinnaasut.

Isumaginninnermi Naammagittaalliuteqarfik paasitsitsipput suliffissarsiuussisarfiup pisussaaffigigaa innuttaasunut aqqutissiuussinissaminnut, pisortanik ikiorsiissutit pillugit periarfissaqarmata qinnuteqarnissaminnut, sulinngiffeqarnermi ikiorsiissutinik itigartitaasimappata.

Inatsit atorneqartoq tassaavoq §§ 4 aamma 7 Suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq.

Meeqqat Inuusuttunullu ikiorsiisarneq.

2011-049172 Paarsisinnaatitaanermut akuersissut – Nakuuserneq pillugu  pineqaatissinneqarneq.

  1. april 2012

 

Aappariit paarisaqarnissaminnut qinnuteqarsimapput meeqqamut suli inuunngunngittumut. Tamarmik aaliangersimasumik suliffeqarput. Angut 2010-mi pineqaatissinneqarsimavoq inoqammut attuinermut, akiliisitaasimallunilu 2.000 koruuninik.

Kommune tamanna tunngavigalugu paarisaqarnissamut qinnuteqaat meeqqamut suli inunngunngitsumut itigartissimavaat. 

Aappariit tamanna pillugu Isumaginninnermut Naammagittaalliuteqarfimmut naammagittaalliorput, taavalu paasititsillutik suli meeqqamik paarsinissaminnut piumallutik meerarsiavittaarnissamullu siunertaqarlutik. Naammagittaalliortup aappaa paasititsivoq pikkorissarnermut ilaasimalluni Pinerlutsaaliuinermut Siunnersuisoqatigiinnut suliniummi meeqqanut inuusuttunullu. Meeqqap inunngunngitsup anaanaata naammagittaalliortut naapereernikuuai, ataqatigiilluarsimanerarput,  aappariit meeqqamut angajoqqaarsiaassappata anaanaasup meeqqaminut inunngunngitsumut toqqissisimanartuussangatippaa.

Isumaginninnermut Naammagittaalliuteqarfiup inassutigaa kommune akuersissummik naammagittaalliortunut tunniussissasut. Tamanna tunngavilerneqarpoq ulluinnarni allanngorartuunngitsumik inuuneqarmata, meeqqanut annertuumik akisussaaffiqarlutik, allanngorartuunngittumik isertitaqarput, naammagittaalliortoq aappaa aamma ilinniarnikuuvoq sianigisinnaallugu arlaannik meeraq pillugu ajornarteqalerpat.

Pineqaatissinneqarneq pillugu, allamik ajortuliorsimannginnera pillugu unitsinneqarsimavoq, taavalu aappariit ajunngittumik inuummata aalajangersimasumik inuullutik, Isumaginninnermut Naammagittaalliuteqarfimmi isumaqarput persuttaasimaneq ingasappallaarsimanngimmat pinerlussimannginnermut uppernarsaatip takutikkaa,  paarsisinnaatitaanermut akuersissummik pisinnaatitaasut.

Taamaattumik kommune naammagittaalliortunut paarsisinnaanermut akuersissummik tunisissasut.

Inatsit atorneqartoq tassaavoq § 17 Suliffeqanngikkallarnermi ikiorsiissutit pillugit Inatsisartut peqqussutaat nr. 5, 1. juni 2006-imeersoq.

2011-055247 Meeqqanut akilersuuteqartussap toqunerani taavalu tarnip pissusiinik ilisimasalimmik ikiortinneq.

14.december 2012

 

Naammagittaalliortup inooqataa toqukkut qimaguppoq 7. November 2008. Marluullutik marlunnik meeraqarput nukappiaraq niviarsiararlu. Naammagittaalliortoq siusinaartumik pensionisiaqarpoq. Aatsaat april 2011-mi angajoqqaatut oqartussaasermik naammagittaalliortoq ernerminut pisimavoq eqqartuussinermi. Niviarsiaraq naammagittaalliortumut nuuppoq december 2011-mi. Piffissaq ingerlanerani meeqqat angerlarsimaffiup avataani inissinneqarnikuusimapput, ernerat ilisimannittuusimavoq meeqqat/inuusuttut angerlarsimaffiup avataani inissinneqarnikut tassani meeqqat angerlarsimaffianni, timikkut annersitsinnermi sulisuninngaanniit.

Naammagittaalliortoq kommunemut ikiortissarsiorsimavoq assigiinngittunik meeqqat pisariaqartitaannik, taavalu tarnip pissusaanik ilisimasalimmik ernini oqaloqatigisartagassaanik, pissutigalugu angerlarsimaffiup avataanut inissinneqarnerani kiisalu anaanaata toqukkut qimagunnera tarnikkut misigissutsikkullu ajornartorsiuteqalernera. Kommune qinuuteqaatinut tamanut itigartitsivoq makku toqqammavigalugit tarnip pissusaanik ilisimasalimmut oqaloqateqartalernissaanut akissaqannginneq, taavalu naammagittaalliortoq ukioq affakkaartumik meeqqat akilersuutaanik tigusaqartarsimammat, taamaattumik akissaqarsimassammat erneni tarnip pissusaanik ilisimasalimmut oqaloqateqartinnissaanut.

Isumaginninnermik Naammagittaalliuteqarfik isumaqarpoq kommune tamakkiisumik akiliummut aalajangiinermi tunisisinnaassasut siumoortumik meeqqanut akiliummik. Kisianni taanna akilersuuteqartussaq toqukkut qimagussimappat, soorlu uani pisimasumi, kommune taanna meeqqanut akiliut assinganik meeqqamut tapiitut tunisissapput.

Isumaginninnermik Naammagittaalliuteqarfik uparuarpaa, kommune suliarisussaagaa qinnutigineqarsimasoq tarnip pissusiinik ilisimasalimmut oqaloqateqartarnissaq ernerat eqqarsaatigalugu. Aammattaaq Isumaginninermik Naammagittaalliuteqarfik misissueqqupput meeqqat inuusuttullu inissiisarfianni pissutigalugu kommune pisussaatitarimmagu nakkutilliinissamut meeqqat qanoq pineqartarnerat inissiisarfimmi.

Inatsisit atorneqarput §§ 13 aamma 15 Siusinaartumik pensionisiat pillugit Inatsisartut peqqussutaat nr. 4, 7. maj 2007-imeersoq, §§ 4 aamma 6, imm. 2 Meeqqanut akilersuutit il.il. kiisalu meeravissiartaarnermi tapiissutit tunniunneqartarneri pillugit Inatsisartut peqqussutaat nr. 2, 3. marts 1994-imeersoq.

Ineqarnermut tapiissutit

2012-062285 Inoqutigiit isertitai katillugit atorneqartut, aapparisap najukkami taaguutaa allanngortereeraluaraa.

  1. april 2012

 

Kommune kisitsisimavoq inoqotigiit isertitai tamakkerlugit 223.279 koruuninut. Uani kisitsinermi aapparisap isertitai ilanngunneqarsimapput, aapparisap najugaa allanngortereeraluartoq.

Naammagittaalliortup aaliangiussaq kommunemut naammagittaalliutigereeraalu, kommune nutaamik aalajangiisimapput januaarip 13-iani 2011 ineqarnermut tapiissut pillugu 2011-mut, naammagittaalliortoq akuerisaasoq 1.439 koruunit qaammammut ineqarnermut tapimik, tassani illumi ineqartut nutaamik naatsorsuivigineqarmata 55.963 koruuni inernerai. Taanna kisitsineq ilimagisatut isertitanik inerneruvoq.

Novemberip 4-ni 2011 kommune aalajangiipput nutaamik ineqarnermut tapiissutinik tunniussinissamut, naammagittaalliortoq ineqarnermut tapiissutinik itigartitaaqqippoq. Kommune-p aningaasat isertitat akileraarusigassat 2009-mut tunngasut toqqammavigalugit aaliangiisimavoq, aningaasartarigai 188.894 koruunit.

Naammagittaalliortup nalunaarutigaa 2010-mi isertitarisimallugit 72.251 koruunit, taavalu 2011-mi isertitat ilimagalugit 10.000 koruunit missaaniissasut.

Isumaginninnermi Naammagittalliuteqarfiup piumasaraa, suliaq utertinneqassasoq nutaamillu suliareqqitassanngorlugu, pissutigalugu aalajangiussaq ineqarnermik tapiissuteqartarneq pillugu aalajangiisoqartussaammat ilimagisaq illumi isertitat malillugit ukioq taanna ineqarnermik tapiissuteqartalernissami.

Inatsit atorneqartoq § 5, Inissiani attartortittakkani ineqarnermut tapiissutit pillugit Inatsisartut peqqussutaat nr. 3, 31. maj 2001-imeersoq

Pisortanik ikiorsiissutit

10.

2011-048931 Piareersimanissamut pisussaajunnaartitaaneq – ernermut napparsimasumut paarsineq.

  1. april 2012

 

Piareersimanissami pisussaajunnaartitaaneq Pisortanik ikiorsiissutinik pisartagaqaraanni. Aapparisaq illugiinnik pilersuisussaatitaanngilaq.

Naammagittaalliortoq aapparisaalu ernertaarput, qaammatinik pingasunik inortumik. Meeraq arlaleriarluni suliaritippoq inalugarsuarmini ajornartorsiortarmat. Nakorsaaneq allappoq nakorsap nalunaarutaani innersuussutigalugu nukappiaraq angerlarsimaffimmi paarineqassasoq, aseruuttuunnginnissaa anguniarlugu.

Naammagittaalliortoq erninermusiai atorunnaarnikuupput, aappaasorlu ilinniartuugami ilinniarnermusiaqarluni. Taamaattumik naammagittaalliortoq kommunemut pisortamut ikiorsiissutinik qinnuteqarsimavoq, pilersuinissamut paarsinermini. Kommune itigartitsivoq  peqqutigalugu erninermusiat sivitsorneqarsinnaammata sapaatit akunnerit 13-t angullugit, taavalu suliffissarsiuussisarfimmi piareersimasussaatitaassammat sulilernissaminut pisortanik ikiorsiissutinik pilersuinissamullu pisartagaqalernissaminut.

Isumaginninnermi Naammagittaalliuteqarfik isumaqarput naammagittaalliortoq pisortatigut ikiorsiissutinik pisartagaqalersinnaasoq qinnuteqarfianiit. Naammagittaalliortup ernermusiani sivitsortissinnaammagu imaanngilaq pisortanit ikiorsiissutinik pisartagaqarsinnaanngittoq. Aammattaaq isummerfigaat naammagittaalliortoq suliffissarsiuussisarfimmiit innersuunneqarnissaminut piareersimasussaanngittoq, pissutigalugu nakorsamiit innersuussutigineqarmat nukappiaraq angerlarsimaffimmi paarineqassasoq piffissami aalajangersimasumi, aseruuttuunnginnissaa peqqutigalugu.

Inatsisit atorneqartut tassaapput, § 2, Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq, taavalu § 7 Pisortanit ikiorsiissutit tunniunneqartarnerat pillugu, iliuusissatut pilersaarutit, sulisinnaassuseq il.il. pillugit Namminersornerullutik Oqartussat nalunaarutaat nr. 4, 15. marts 2007-imeersoq.

2011-050737 isumaginninnikkut pisimasoqanngilaq

  1. april 2012

 

Naammagittaalliortoq pisortanik ikiorsiissutinik qinnuteqarpoq, kisianni itigartitaasimalluni, pissutigalugu kommunep kisitsinerani naammagittaalliortup aapparisaatalu isertitaat sinneqartooruteqarmata 10.127,45 koruuninik. Aalajangersimapput naammagittaalliorniarlutik Isumaginninnermik Naammagittaalliuteqarfimmut, pissutigalugu isumaqaramik kommunep kisitaanni aningaasaqarneranut tunngasoq kukkullutik kisissimagaat, pissutigalugu kommune ilanngussimannginnamikku akilersuisimasut illuminnut akilersugassaminnik 13.000 koruuninik. Tamarmik aalajangersimasumik suliffeqarput taavalu qaammammut akiliisarnerat illumut 1.590,50 koruuneqarpoq.

Isumaginninnermi Naammagittaalliuteqarfik isumaqarput, pisortanik ikiorsiissutinik pisartagaqalernissamut pisinnaatitaanngittut, pissutigalugu tamarmik aalajangersimasumik suliffeqarmata, taavalu allaqqasoqanngimmmat ajornartorsiuteqartut soorlu napparsimasoqarsimasoq, barsel-ersimasut, qimassimasut allatulluunniit.

Isumaginninnermik Naammagittaalliuteqarfik uparuaavoq, kommune aningaasaqarnermut kisitsissappata misissueqqaaqqullugit arlaannik ajornartorsiuteqarnersut. Ajornartorsiuteqanngippata kommune aningaasaqarnikkut misissuisussaatitaanngimmat.

Kommunep aalajangiussaa itigartitsinermi eqqortumik sullissipput.

Inatsit atorneqarpoq § 7 Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq.

2012-069607 Pisortanik ikiorsiissutinik naatsorsuineq – aningaaserivimmut taarsigassarsineq aamma suliatigut peqatigiiffik.

  1. december 2012

Naammagittaalliortoq naammagittaalliorpoq kommunep itigartitsineranut pisortanik ikiorsiissutit pillugit, pissutigalugu naammagittaalliortoq isumaqarmat nerisassanut, aningaaserivimmiit taarsigassarsiat taavalu sulisut peqatigiiffimmullu akissaqarani. Kommunep aaliangiinermini toqqammavigisimavaat kisitsinerup takutissimammagu naammagittaalliortoq akiligassat aaliangersimasut akilersoreerlugit aningaasaanik sinnaqarsimasoq qaammammut 2.287 koruuninik.

Isumaginninnermi Naammagittaalliuteqarfiup paasivaa kommunep aalajangiussaa ajunngittoq, pissutigalugu naammagittaalliortoq aningaasaatigut sinnaqartooruteqarmat, aalajangersimasut akilersortakkat soorlu innaallagissamut, ineqarnermut, nerisassanut aammalu allat naammagittaalliortup isertitaaniit ilanngareerlugit.

Aningaaserivimmiit taarsigassarsiat pillugit, Isumaginninnermi Naammagittalliuteqarfiup ima oqaatigaa: “Pissutigalugu pisortanik ikiorsiissutinik ikiorserneqarsinnaagamik akiligassat aalajangersimasunut pisortanik pisartagaqartumut taavalu taanna ilaqutaanut pisariaqartitaannut, taamaattumik pisortanik ikiorsiisstutinik ikiorneqarsinnaanngillat aningaaserivimmiit taarsigassarsiaatilinnut, pissutigalugu akilersornerit toqqaannanngitsumik aningaasarpassuarmik pilersuinerummat.”

Sulisut peqatigiiffiannut tunngatillugu Isumaginninnermi Naammagittalliuteqarfiup ima oqaatigaa: “Aammattaaq Suliatigut peqatigiiffimmut pisortanik ikiorsiissutinik tunisineq ajorput, pissutigalugu inatsisitigut allaqqanngimmat Sulisut peqatigiiffimmut ilaasortaasussaasut imaluunniit A-kasse-mut sulinngiffeqarnermi ikiorsiissutinik pisartagaqarniaraanni.”

2011-043916 Illumut akilersugassanik akilersuineq – erninermi sulinngiffik

  1. december 2012

 

Naammagittaalliortoq aapparisaalu arlaleriarlutik kommunemut ikioqqusimapput illumut akiligassaminnut, kisianni tamatigut itigartitaasarsimallutik. Kingullermik itigartitaagamik aalajangersimapput Isumaginninnermik Naammagittaalliuteqarfimmut naammagittaalliornarlutik. Kommune toqqammavigivaa itigartitsissummi naammagittaalliortoq kiisalu aapparisaa suliffissarsiuussisarfimmut piareersimasuussammata pisortanik ikiorsiissutinik pisartagaqalersinnaalerniarunik.

Naammagittaalliortoq paasititsivoq ernermusiaqarsimalluni aammalu erninermusianik tapeqartarsimalluni. Aammattaaq paasititsivoq naammagittaalliortoq aapparisanilu ilinniatuullutik taamaalillutik ilinniarnermusiaqarlutik.

Isumaginninnermik Naammagittaalliuteqarfiup paasivaa naammagittaalliortoq pisortanik ikiorsiissutinik pisartagaqalernissaminut illuminnik akiligassaminut akilernissaanut naleqqutinngitsoq, pissutigalugu arlaannik aaliangersimasumik pisoqanngimmat pisortanik ikiorsiissutinik pisartagaqalernissaa pillugu, aningaasartuutit ataasiakkaartunut. Kisianni Kommune piumasarisinnaanngilaa naammagittaalliortoq suliffissarsiuussisarfimmut sulinissamut piareersimasussaassasut, ernernerminut atatillugu sulinngiffeqarmat. Aammattaaq kommune piumasarisinnaanngilaa aapparisaq aamma suliffissarsiuussisarfimmut sulinissamut piareersimasussaassasoq, ilinniartuummat.

Inatsit atorneqartoq, § 20 Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq, aamma § 5 Pisortanit ikiorsiissutit tunniunneqartarnerat pillugu, iliuusissatut pilersaarutit, sulisinnaassuseq il.il. pillugit Namminersornerullutik Oqartussat nalunaarutaat nr. 4, 15. marts 2007-imeersoq.

14.

2012-062038 Illumut akiligassanik akiliineq – rekvisition

  1. december 2012

Naammagittaalliortoq imigassamik atornerluisuunikuuvoq, taavalu angajoqqaavi arlaleriarlutik inunnik isumaginnittoqarfimmut unnerluussinikuupput, pissutigalugu naammagittaalliortoq pisortanik ikiorsiissutit annikittuaqqat nerisassanut atortarmagit taava sinneri imigassanut atortarlugit. Sapaatip akunnerisa naanerini naammagittaalliortup pania angajoqqaavisa paaraat, taavalu kommunemut aperalutik, sooq pisortanik ikiorsiissutit upalungaarsimasunik aningaasanik tunniussisarnersut.

Novemberip 3-ani 2011-mi pisortanik ikiorsiissutit rekvisition-ikkut tunniunneqarput. Januarip 24-ani 2012 kommune aalajangiivoq naammagittaalliortoq pisortanik ikiorsiissutit rekvisition-ikkut pisalissagai, pissutigalugu naammagittaalliortup imigassamik atuinera tunngaviusimammat meeqqat nerisassaaqarpianngittarneranut ullut arlalikkaartuni.

Isumaginninnermik Naammagittaalliuteqarfimmiit isumaqarput kommune pisussaatitaasoq pisortatigut ikiorsiissutinik tunisinissaminut rekvisition-ikkut, pissutigalugu naammagittaalliortoq ukiorpassuit imigassamik atornerluisuummat, taamaasilluni panini iluamik paarisinnaasimanagu. Aalajangerpaallu naammagittaalliortoq aammalu pania, ulluinnarni pisariaqartitaat isumannaarniarlugit, pisariaqarsimasoq pisortatigut ikiorsiissutinik tunissisalissasut rekvisition-ikkut.

Inatsit atorneqartoq, §§ 17, 18 Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq, aamma § 16 Pisortanit ikiorsiissutit tunniunneqartarnerat pillugu, iliuusissatut pilersaarutit, sulisinnaassuseq il.il. pillugit Namminersornerullutik Oqartussat nalunaarutaat nr. 4, 15. marts 2007-imeersoq.

15.

2010-039680 Ikiorsiissutinik utertitassanngortitsineq aapparisamiit – sulinermi ajutoornermi taarsiiffigineqartut

  1. december 2012

Sulisilluni Ajoqusersinnaanermut Ataatsimiititaliaq piumasaqarpoq kommune-mut ullormusiat tunniunneqassasut naammagittaalliortumut 17.346 koruunit, naammagittaalliortup assammigut ajoqusersimanera pissutigalugu. Kommunili aalajangiivoq pisortatigut ikiorsiissutit naammagittaalliortut aapparisaata pisarsimasai sulinngiffeqarnermini, piffissami tassani naammagittaalliortup sulisinnaassuseqannginnerata nalaani, assamminik ajoqusersimanini pissutigalugu.

Naammagittaalliortoq naammagittaallioreermat Isumaginninnermi naammagittaalliuteqarfimmut, kommune aalajangiivoq aappaasup pisortatigut ikiorsiisimanera, aappariinnut naatsorsuunneqarsimasut, pissutigalugu nammagittaalliortoq aapparisarlu ineqatigiissimammata ukioq ataaseq sinnerlugu, taamaalillutik aningaasartuutit aaliangersimasut avillugit akilissammatigit.

Isumaginninnermi naammagittaalliuteqarfiup nalilerpaa kommune piginnaatitaanngitsoq aningaasat naammagittaalliortup inooqataanut  utertitassanngortissallugit. Peqqutaavoq taakku 17. 346 koruunit sulitilluni ajoqusernermi taarsiiffiginnissutaammata, tunniunneqarlutillu inuussutissarsiornerminut piginaannginnermini. Taamaattumik taarsiiffigineqarneq naammagittaalliortumut tunngavoq, aapparisamuunngittoq.

Inatsisit atorneqartut, Pisortanit ikiorsiissutit pillugit Inatsisartut peqqussutaat allanngortinneqarnikoq nr. 10,1. november 1982-imeersoq.

16.

2011-055239 Akiligassanik ikiuineq initaarnermut.

  1. december 2012

Naammagittaalliortoq aningaasatigut ikiorserneqarnissaminut qinnuteqarsimavoq, initaaminut iserternerminut atatillugu. Kommune itigartitsisimavoq pissutigalugu naammagittaalliortoq oqarsimammat aapparisaa massakkut illoqarfimmi allami ilinniarmat, naammagittaalliortoq aappani ornillugu aallarniarmat minnerpaamik qaammatini marlunni, naammagittaalliortulli oqaatigisinnaasimanngilaa qanoq sivisutigissanersoq. Naammagittaalliortup inigisani aapparisami anaanaanut attartortinniaraluarpaa. Kommune nalilerpaa naammagittaalliortumut ikiuutaasinnaanngitsoq ikiorsiinissaq akuerineqarpat, naammagittaalliortoq illoqarfimmut allamut aallarniarmat.

Isumaginninnermi naammagittaalliuteqarfiup nalilerpaa, naammagittaalliortoq pisortanik ikiorsiissutinik pisinnaatitaanngittoq, pissutigalugu uani eqqartorneqartussaammat qinnuteqartumut iluaqutaanissaa, ilaqutaanut taavalu aningaasaqarneranut. Aammattaaq qinnuteqartup aapparisarluunniit akissaqartussaanngilaq akiligassaq akilernissaanut. Uani eqqartorneqanngilaq qinnuteqartup inigisaanut pitsanngorsaarnissaa.

Inatsit atorneqartoq, §§ 7 aamma 20, Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq.