AALIANGIUSSAQ

Inissiap inigisassi inissiaatileqatigiiffimmit aserfallatsaaliorneqarsimannginnera pillugu naammagittaalliuutersi Ineqarneq pillugu Maalaaruteqartarfiup ulloq 25. august 2011 suliaraa imatullu aalajangiilluni

AALAJANGIINEQ

Inigisassi iigaasa qalipannissaat, qilaavisa qaqorsarnissaat naqqillu lakkernissaat ilissi nammineq akisussaaffigaarsi.

Tamanna isumaqarpoq inissiaatileqatigiiffiup inigisassinnik qalipaanissaanik itigartitsineq aalajangiunneqartoq.

Inissiaatileqatigiiffik inigisassi oqorsarnissaa naqqisalu iluarsaanissaat pillugu misissuinissamut pisinnaatitaavoq.

Taamaattumik aserfallatsaaliuinngitsoorneq pillugu naammagittaalliuutissinni taperserneqanngilasi.

Paasissutissat suliamut tunngassuteqartut:

• Attartornermut isumaqatigiissut 1993-imeersoq (ullua atuarneq ajornarami)

• xx-ip ilissinnut allagai 4. marts 2010 ulloqartut.

• xx-mut allakkasi 27. maj 2010 ulloqartut.

• xx-p ilissinnut allagai 28. juni 2010 ulloqartut.

• Ineqarneq pillugu Maalaaruteqartarfimmut

• Naammagittaalliuutersi 4. oktober 2010 ulloqartoq.

• xx-mit tusarniaassut 15. november 2010 ulloqartoq.

Nassuiaat:

Attartornermut isumaqatigiissummi atuarneqarsinnaavoq, inissiamik attartornersi 1. april 1993 aallartissimasoq.

Ulloq 4. marts 2010 inissiaatileqatigiiffimmut allakkassinni qinnutigaarsi ingisarsi qalipaqqullugu, iikkat oqorsaqqullugit natillu ilaat iluarsaallugit qisuttaat aalalersimammata.

Allakkatigut 27. maj 2010 ullulerneqartutigut inissiaatileqatigiiffimmut saaffiginneqqippusi. Tassani oqaatigaarsi inigisarsi ukiuni 17-ini qalipanneqarsimanngitsoq.

Ulloq 28. juni 2010 inissiaatileqatigiiffiup ilissinnut oqaatigaa ineqartut peqatigiiffiat qalipaanissamut aningaasassaqanngitsoq naatsorsuutini missingersuutit tamanna takutimmassuk., aammalu inissiaq iikkat oqorsarnissaannut aammalu naqqit iluarsaannissaannut tunngatillugu misissorneqassasoq.

Ulloq 4. oktober 2010 Ineqarneq pillugu Malaaruteqartarfimmut maalaaruteqarpusi. maalaarutissinni allappusi neriorsorneqarsimallusi inigisassi qalipanneqarnissaanut tulleriiaarinermi nr. 1-tut inissisimasusi. Massakkulli ullut 110 qaangiussimapput suli utaqqillusi. Isumaqarpusi tamanna ataqqinninnermik takutitsinerunngitsoq sullarlunnermillu pissuteqartoq.

Ulloq 15. november 2010 inissiaatileqatigiiffiup Ineqarneq pillugu Maalaaruteqartarfimmut oqaatigaa ineqartut peqatigiiffiani naatsorsuutini aserfallatsaaliinissamut aningaasat atugassat inigisassinik qalipaanissamut atorneqarsinnaanngitsut ajornartorsiutit allat pingaarnersiuinermi salliutinneqarmata. Taamaattumik ilisimatinneqarpusi ukiup naanissaanut utaqqisariaqartusi, taamanikkussamut inigisassi qalipannissaanut aningaasassaqassanersoq isummerfigineqassammat.

Inatsisitigut tunngavigisat:

Inissianik attartortitsisarneq pillugu Inatsisartut peqqussutaanni nr. 2-mi, 12. maj 2005-imeersumi § 45-mi allassimavoq, inissiani attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa atartortitsisup pisussaaffigaa. Taamatuttaaq innaallagissamut ikkuffiit, iikkiussat, matserfiit, kiassaatit, ruujorit, sikaaviit aalaakkaasut, illup iluani atortut il. il. aserfallatsaalissallugit attartortitsisup pisussaaffigai. Akerlianik attartortup attartornermi ingerlanerani qilaat qaqorsarnissaat, iikkat qalipannissaat naqqillu lakkernissaat akisusaafigalugulu aningaasartuuteqarfigisussaavaa.

Naliliineq:

Ineqarneq pillugu Maalaaruteqartarfik isumaqarpoq inigisassinni iikkat qalipannissaat naqqillu lakkernissaat nammineq aningaasartuuteqarfigissagissi.

Peqqussummi § 45, imm. 3-mi atuarneqarsinnaavoq ilissi inigisassi najugaqarfiginerani iluata qalipannissaa lakkernissaalu akisussaaffigigissi.

Ineqarneq pillugu Maalaaruteqartarfik aamma isumaqarpoq inigisassi oqorsarnissaa naqqisalu iluarsaanissaat sioqqullugu inissiaatileqatigiiffik inigisassinnik misissuinssamut pisinnaatitaasoq.

Tamatumani tunngavigineqarpoq peqqussummi § 45, imm 1 malillugu inissiaatileqatigiiffiup inissiap attartorneqartullu isumannaatsumik asarfallatsaaliornissaat isumagissallugu pisussaanera. Aamma § 45, imm. 2-mi atuarneqarsinnaavoq illuutit attartorneqartullu pissusissaat eqqarsaatigalugit attartortitsisup ajorseriaatsit pisariaqarnera naapertorlugu akulikitsumik nutarsarlugillu iluarsagassat iluarsaattassagai.

Inissiaatileqatigiiffik attartortitsisutut piffissani aalajangersimasuni aserfallatsaalisassanik aalajangersimasunik aserfallatsaaliuinernik suliaqarnissamut pisussaanngilaq, kisianni inissiaatileqatigiiffik illuutinik attartorneqartunillu pissusissaat eqqarsaatigalugu pisariaqarnera naapertorlugu akulikitsumik nutarsaallunilu iluarsaanissamut pisussaavoq.

Tamanna isumaqarpoq tunngaviatigut aserfallatsaaliuinerit qanoq ingerlannissaat tulleriiaarinissallu pillugit inissiaatileqatigiiffik oqartussaasoq.

Ineqarneq pillugu Maalaaruteqartarfiup pingaartutut isigaa ulloq juunip 28-ani 2010 inissiaatileqatigiiffiup oqaatigisimammagu inigisarsi oqorsarneqarnissaa naqqisalu iluarsaannissaat pillugu misissorneqassasoq.

Aalajangiineq:

Ilissi inigisassinni iikkat qalipannissaat, qilaat qaqorsarnissaat naqqillu lakkernissaat nammineq akisussaaffigaarsi.

Naammagittaalliorsinnaanermut ilitsersuut:

Ineqarneq pillugu Maalaaruteqartarfiup aalajangiinera pisortani oqartussaasunut allanut naammagittaalliuutigineqarsinnaanngilaq, takuuk inissianik attartortitsisarneq pillugu Inatsisartut peqqussutaanni nr. 2-mi, 12, maj 2005-imeersumi, kingornatigut allannguuteqartinneqartumi § 86, imm. 7.

Attartortitsisup attartortullu akornanni saqitsaassutaasup eqqartuussisunut suliassanngortinneqarnissaa kissaatigineqarpat, attartortumik eqqartuussivimmut aggeqqusissut xx eqartuussivianut tunniunneqassaaq. Tamanna atuuppoq attartortitsisup allaffissornikkut ingerlatseqatigiiffianit allakkatigut il. il. attaveqaqatigiinnerit ingerlanneqarsimagaluarpataluunniit.

Ineqarneq pillugu Maalaaruteqartarfiup aalajangiineri Namminersornerullutik Oqartussanit kommuninillu attartortitsisutut pinngitsoorani malinneqartussaapput, takuuk § 86, imm. 6.Nunatta Eqqartuussiviata ilitsersuinermut immikkoortortaa oqarasuaat atorlugu saaffiginninnernut ammasarpoq sisamanngornerni nal. 14.00-miit 15.00-mut, oqarasuaat 36 80 00.