AALIANGIUSSAQ

Suliamik saqqummiussineq:

Attartortoq april 2009 naammagittaalliorpoq – ilanngussaq 3 - Inissiaatileqatigiiffimit, april 2009-imi allakkiaq pillugu – Ilanngussaq 2.

Sanilimit naammagittaalliuummi – ilanngussaq 1, ullulerneqarsimanngitsumi kisianni Inissiaatileqatigiiffimmit 28. april 2009-imi nalunaarsorneqarsimasumi, sanilerisap oqaatigaa attartortoq arlaleriarluni sanilerisap ulluinnarni pissusilersortarnera naammagittaalliuutigisarsimagaa. Sanilerisap ilaatigut oqaatigaa, ”Atilerisatta piffissami sivitsortumi malersorpaatigut, illumi ineqarfigisami nipit tusaasani annikitsuinnaat naammagittaalliutigisarlugit”

Sanilerisap naammagittaalliutigisaata tiguneqartup malitsigisaanik inissiaatileqatigiiffiup attartortoq allaffigaa torersaarnissamut malerugassanik erseqqissaatitaqartunik.

Oqaaseqaatit:

Attartortoq:

Allakkiamut akerliliivoq. attartortoq akerliliinini tunngaveqartinnerarpaa, nipiliorsimannginnerminik imaluunniit sanilerisaminut akornusersuisannginnerminik.

Attartortitsisoq:

april 2009-imi allakkiaq aalajangiusimavaa tunngavilersuutigalugu, allakkiaq ilisimatitsissutaasoq qulerisamit naammagittaalliutaammat allakkiamik tunngaveqartoq aamma ingerlatseqatigiiffik pisussaammat, illuutini ingerlatseqatigiiffiup aqutaani ineqartunit allanit allakkatigut saaffiginnissutinut, attartortitsisoq sinnerlugu qisuariaateqassalluni.

AALAJANGIINEQ

§ 84, imm. 1, nr. 5 naapertorlugu, Ineqarneq pillugu Maalaaruteqartarfik isumaqarpoq maalaaruteqartarfik suliami aalajangiisinnaanermut piginnaatitaasoq, attartortup attartortitamik atuineranut tunngatillugu pingaartumik torersaarnissamut maleruagassanik eqqortitsinissamik.

Aqutsisutut ingerlatseqatigiiffiup Inissiaatileqatigiiffiup april 2009-imi allakkiaa paasineqassaaq allakkatut nalinnginnaasutut aamma torersaarnissamik maleruagassat atuuttut pillugit attartortumut nalinginnaasumik eqqaasitsissutitut, Ineqarneq pillugu peqqussummi sinaakkusiussat avataanni.

Ineqarneq pillugu maalaaruteqartarfimmut maalaaruteqarnermut atatillugu suliakkiinermut akiliummik attartortoq utertitsiffigineqassaaq.

Nalinginnaasumik amerlanerussuteqarnikkut aalajangiineqassaaq.Taasisut amerlaqatigiippata siulittaasup taasinera aalajangiisuussaaq.

Tunngavilersuut:

Ineqarneq pillugu Maalaaruteqartarfiup suliaq Maalaaruteqartarfiup ataatsimiinnerani 27 april 2010-mi misissorpaa. Maalaaruteqartarfik isumaqarpoq Inissiaatileqatigiiffiup april 2009-mi allakkiaa oqaasertamigut imaluunniit suliap piviusuuneratut naleqquttumik inassutaasinnaanngitsoq, Inissianik attartortitsisarneq pillugu peqqussummi § 73, imm. 5 naapertorlugu. § 73, imm. 2. nr. 4 naapertorlugu) attartortup attartukkamik atorunnaarsitsinissaata tungaanut, tassami attartornerup atorunnaarsinneqarnissaanut ilaavoq nalinginnaasumik inatsisiliornikkut pingaaruteqartumik aalajangiinermi tunngaviusoq, suliap matuma ingerlanerani piviusumik naneqqinneqarsinnaanngitsoq.

Tamatumunnga tunnngasutigut inatsisiliornermi pisinnaasanut mianersoqqussutitut, Inissianik attartortitsineq pillugu peqqussummi § 67 malillugu, naammattumik erseqqissumik oqaasertaliorneqarsimanngitsutut isigineqarpoq, tamatuma kingornatigut Inissiaatileqatigiiffiup april 2009-mi allagaasa imaat ataatsimut isigissagaanni tassani pineqarpoq attartortup torersaarnissamut maleruaqqusanik eqqortitsinissaa pillugu tamanut eqqaasitsissut.

Naammagittaalliornissamut ilitsersuut:

Ineqarnermut Naammagittaalliuuteqartarfiup aalajangigai ingerlatsinermi oqartussaasunut allanut naammagittaalliiuutigineqarsinnaanngillat, tak. inissianik attartortitsineq pillugu Inatsisartut peqqussutaanni nr. 2, 12. Maj 2005-imeersumi § 86, imm. 7 kingusinnerusukkut allanguutitalik. Attartortup attartortitsisullu akornanni saqitsaassutit eqqartuussivimmut suliassanngortinnissaat kissaatigineqarpat attartortoq pillugu unnerluussut Kalaallit Nunaanni Eqqartuussivimmut suliassanngortinneqassaaq. Tamanna atuutissaaq, allaffigeqatigiittarneq il.il. aktiaatileqatigiiffimmit attartortup aqutsisoqarfigisaanilluunniit ingerlanneqartaraluarpalluunniit.

Ineqarnermut Naammagittaalliuuteqartarfiup aalajangigai Namminersorlutik Oqartussanut kommuninullu inissianik attartortitsisusutut inissisimasunut pituttorneqaataasumik sunniuteqassapput. Namminersorlutik Oqartussat kommunillu aqutsisumik avataaneersumik suliaqartitsippata taamatuttaaq naammagittaalliuuteqartarfiup aalajangiineri taakkununnga pituttorneqaataassapput, tak. § 86, imm. 6. Kalallit Nunaanni Eqqartuussiviup inatsisitigut ikiorsiisarfia oqarasuaatikkut saaffiginnissutinut ammasarpoq sisamanngornikkut nal. 14-15 oqarasuaat 36 38 00 atorlugu.