Sags nr. 2010-038688

Meeqqanut tapiissutinik itigartitsineq pillugu –S-p 18. januar 2011 aalajangiinera naammagittaalliuutigisat Isumaginninnermi Naammagittaalliuuteqartarfiup 8. april 2011 suliaraa imatullu aalajangiilluni

Aalajangiineq

S aalajangiinera allanngortinneqarpoq, imaalillugu meeqqanut tapiissutit kingumoortumik ilinnut tunniunneqartussanngorlugit. Tamanna isumaqarpoq naammagittaalliuutinnik taperserneqartutit.

Suliaq aalajangiiffigineqassaaq meeqqanut tapiissutit pillugit Inatsisartut peqqussutaat nr. 9, 7. december 2009-meersoq, meeqqanut tapiissutit pillugit Inatsisartut peqqussutaat nr. 11, 31. oktober 1996-imeersoq aamma meeqqanut tapiissutit pillugit Namminersornerullutik Oqartussat nalunaarutaat nr. 38, 19. december 1996-imeersoq naapertorlugit.

Nassuiaat:

Ulloq 4. januar 2010 meeqqannut marlunnut taamanikkut akissarsiatit tunngavigalugit meeqqanut tapiissutinik qinnuteqarputit.

S 13. januar 2010 aalajangiivoq, taannalu malillugu naliliilluni meeqqannut meeqqanut tapiissutinik tunineqarnissamut pisinnaatitaasutit meeqqamut ataatsimut katillugit 717,50 koruuninik.

Kommunip meeqqanut tapiissutit naatsorsorpai illit inooqatigisavillu isertitasi ataatsimut katillugit 265.919,00 koruuniusut tunngavigalugit.

Ulloq 18. januar 2010 S nutaamiik aalajangiivoq, taannalu malillugu meeqqannut tunngatillugu meeqqanut tapiissutit itigartitsissutigineqarlutik.

Kommunip pingaartippaa illit isertitannut tunngatillugu uppernarsarsimanngikkit isertitavit ataavartumik imaluunniit annertuumik appariaateqarsimanersut, pissutigalugu inooqatigisavit inooqatiginera ingerlatiinnarakku.

Tamatumunnga tunngatillugu S-p innersuussutigaa meeqqanut tapiissutit pillugit Inatsisartut peqqussutaanni nr. 11-mi, 31. oktober 1996-imeersumi § 3.

Allakkatigut 1. marts 2010 tiguneqartutigut naammagittaalliorputit.

Oqaatigaat isertitavit allannguuteqarnerat tunngavigalugu meeqqanut tapiissutinik qinnuteqarsimallutit, taamalu tapiissutinik tunineqarnissamut akuerineqarlutit, kingornatigulli itigartinneqarlutit.

Taamaattumik S-p aalajangiinerata naammagittaalliuutiginissaa kissaatigisimallugu.

Paasissutissat suliamut tunngassuteqartut Isumaginninnermi Naammagittaalliuuteqartarfimmut nassiunnerinut atatillugu S paasissutissiissutaareersut saniatigut allanik saqqummiussaqanngilaq.

Paasissutissani suliamut tunngassuteqartuni atuarneqarsinnaavoq meeqqannut meeqqanut tapiissutinik qinnuteqarsimasutit isertitavit allannguuteqarnerat pissutigalugu.

Tamatumunnga tunngatillugu akissarsiavit allagartaat Kommunimut nassiussimavatit.

Inuit nalunaarsorneqartarfianni takuneqarsinnaavoq illit inooqatigisallu inooqatigiilersimasusi 7. august 2009-miit.

Inatsisitigut tunngavigisat:

Meeqqanut tapiissutit pillugit Inatsisartut peqqussutaanni nr. 11-mi, 31. oktober 1996-imeersumi § 3, imm. 1 malillugu meeqqanut tapiissutit amerlassusissaat ukiumut meeqqanut tapiissuteqarfiusumut aningaasanut inatsimmi aalajangersarneqartussaapput, tunniunneqartartussaallutillu ukiumi inaarutaasumik akileraaruteqarfiusumi kingullermi, imm. 2-6 naapertorlugit isertitanut killissarititat aningaasanut inatsimmi aalajangersarneqartut malillugit.

 - 3, imm. 3 malillugu meeraq angajoqqaami arlaanni najugaqarpat, meeqqanut tapiissutit tunniunneqartassapput taassuma akileraaruteqaataasussanik isertitai aallaavigalugit. Angajoqqaaq taanna katissimappat imaluunniit aalajangersimasumik inooqateqarpat aappaasup akileraaruteqaataasussanik isertitai naatsorsuutigineqassapput, inooqatigiinneq sivikinnerpaamik, meeqqanut tapiissutit atuutilerfissaata aallartinnissaa ukiumik ataatsimik sioqqulluguli atasimappat.

Peqqussummi pineqartumi § 4, imm. 1 tunngavigalugu inuup uppernarsarsinnaaguniuk isertitat akileraaruteqaataasussat, § 3 malillugu tapiissutinik akiliinissamut tunngavissiisumik, annertuumik sivisuumillu appariaateqarsimasut, isumaginninnermut ataatsimiititaq immikkut aalajangersinnaavoq, meeqanut tapiissutit tunniunnissaannut isertitassatut ilimagineqartut § 3 malillugu nalunaarutaasimanerat tunngavigalugu.

Meeqqanut tapiissutit pillugit Namminersornerullutik Oqartussat nalunaarutaanni nr. 38-mi, 19. december 1996-imeersumi § 1, imm. 1 nr. 1 malillugu isertitat meeqqanut tapiissutit tunniunneqarneranni tunngavigineqartut annertuumik piujuartumillu ikilinissaat naatsorsuutigineqassaaq makkuninnga pisoqartillugu:

- toqukkut qimaguttoqarnerani, averusernermi, avinnermi, uppernarsaasigaasumilluunniit katissimanngitsut aappariikkunnaarneranni tamakkiisumik ilaannakortumilluunniit isertitat tunniussinermut tunngaviusimasut naatsorsuutigineqarunnaassapput.

Naliliineq:

Isumaginninnermi Naammagittaalliuuteqartarfik naliliivoq illit meeqqanut marlunnut meeqqanut tapiissutinik tunineqarnissamut pisinnaatitaasutit januar 2010 aallarnefigalugu kingumoortumik.

Isumaginninnermi Naammagittaalliuuteqartarfiup pingaartutut isigaa taamanikkut isertitatit akissarsiavit allagartaannik uppernarsaasersimagitit, taamalu isertitatit 280.000,00 koruuninit, meeqqanut tapiissutisinissamut isertitatigut killissaritaasunit appasinnerusimallutik.

Naliliinermi tassani ilaatinneqarpoq illit inooqatigisavillu sivikinnerpaamik ukiumi ataatsimi qinnuteqarnerpit nalaani inooqatigiissimanngitsusi, taamaattumik inooqatigisavit isertitai naatsorsuinermi ilaatinneqassanatik.

Taamaattumik S januar 2010 aallarnefigalugu kingumoortumik meeqqanut tapiissutinik ilinnut tunniussissaaq.

Meeqqanut tapiissutit taamaallaat naatsorsorneqassapput taamanikkut isertitatit aallaavigalugit akissarsiat allagertaat nassiunneqartut tunngavigalugit.

Tamatumunnga tunngatillugu Isumaginninnermi Naammagittaalliuuteqartarfiup oqaatigissavaa meeqqanut tapiissutit pillugit Namminersornerullutik Oqartussat nalunaautaanni nr. 38-mi, 19. december 1996-imeersumi § 1, imm. 1 nr. 1 malillugu inooqatigiit avissaarnerat pineqartillugu isertitat kisimik ataavartumik annertuumillu appariaateqartutut isigineqarsinnaanngitsut.

Aalajangersakkami tassani pisut, isertitat ataavartumik annertuumillu appaariaateqarfigisaat tamarmik taaneqanngillat. Suliami matumani pisuni innuttaasup isertitaasa allannguuteqarfigtisaanni akissarsiat aalajangersimasunik amerlassusillit allannguuteqarnerat meeqqanut tapiissutinik naatsorsuinissamut tunngatillugu naliliinissamut tunngavissaavoq naammattoq, allannguuteqarneq ataavartuuguni annertuumillu oqaatigineqarsinnaaguni.

Meeqqanut tapiissutit januar 2010-meersut ataasiartumik tapiissutitut tunniunneqassapput, taavalu 1. marts 2010-miit 1.august-imut tapiissutit tunniunneqarfissaat ilanngullugu tapiissutit tunniunneqassapput qaammatikkaartumik ikiorsiissutitut.

Tamatumunnga tunngatillugu Isumaginninnermi Naammagittaalliuuteqartarfiup pingaartutut isigaa illit inooqatigisallu 7. august 2010-mi ukiumi ataatsimi inooqatigiittut najugaqatigiissimasusi, taamaattumik meqqanut tapiissutit 1. september 2010-miit nutaamik anatsorsorneqassasut, taamalu meeqqanut tapiissutit pillugit Inatsisartut inatsisaanni nr. 9-mi, 7. december 2009-meersumi § 6 malillugu meeqqanut tapiissutit qaammatikkaartumik tunniunneqassallutik inatsisip atuutilerfianit, tassalu 1. marts 2010-miit.

Aalajangiineq:

S-ip ulloq 18. januar 2010 aalajangiinera allanngortinneqarpoq.

Inussiarnersumik inuulluaqqusillunga 

Naja Joelsen

Siulittaasoq

Inatsisit tunngasiusut:

Meeqqanut tapiissutit pillugit Inatsisartut inatsisaat nr. 9, 7. december 2009-imeersoq

- 6.Meeqqanut tapiissutit siumut qaammatikkaartumik tunniunneqartassapput

 

Meeqqanut tapiissutit pillugit Inatsisartut peqqussutaat nr. 11, 31. oktober 1996-imeersoq

- 3, imm1. Meeqqanut tapiissutit amerlassusissaat ukiumut meeqqanut tapiissuteqarfiusumut aningaasanut inatsimmi aalajangersarneqartussaapput, tunniunneqartartussaallutillu ukiumi inaarutaasumik akileraaruteqarfiusumi kingullermi, imm. 2-6 naapertorlugit, isertitanut killissarititat aningaasanut inatsimmi aalajangersarneqartut malillugit.

- 3, imm 3. Meeraq angajoqqaami arlaanni najugaqarpat, meeqqanut tapiissutit tun-niunneqassapput taassuma akileraaruteqaataasussanik isertitai aallaavigalugit. Angajoqqaaq taanna katissimappat imaluunniit aalajangersimasumik inooqateqarpat aappaasup akileraaruteqaataasussanik isertitai imaluunniit inooqataasup akileraaruteqaataasussanik isertitai naatsorsuutigineqassapput, inooqatigiinneq sivikinnerpaamik, meeqqanut tapiissutit atuutilerfissaata aallartinnissaa ukiumik ataatsimik sioqqulluguli atasimappat.

- 4. Inuup uppernarsarsinnaaguniuk, isertitat akileraaruteqaataasussat, § 3 malillugu tapiissutinik akiliinissamut tunngavissiisumik, annertuumik sivisuumillu appariaateqarsimasut, isumaginninnermut ataatsimiititaq immikkut aalajangersinnaavoq, meeqqanut tapiissutit tunniunnissaannut isertitassatut ilimagineqartut § 3 malillugu nalunaarutaasimanerattunngavigalugu.

Meeqqanut tapiissutit pillugit Namminersornerullutik Oqartussat nalunaarutaat nr. 38, 19. december 1996-imeersoq

§ 1. Isertitat meeqqanut tapiissutit tunniunneqarneranni tunngavigineqartut annertuumik piujuartumillu ikilinissaat naatsorsuutigineqassaaq makkuninnga pisoqartillugu;
1) toqukkut qimaguttoqarnerani, averusernermi, avinnermi, uppernarsagaasumilluunniit katissimanngitsut aappariikkunnaarneranni tamakkiisumik ilaannakortumilluuniit isertitat tunniussinermut tunngaviusimasut naatsorsuutigineqarunnaassapput