Sags nr. 2010-039680

Pisortanit ikiorsiissutit utertinneqarnissaannik kommunip aalajangiinera pillugu januaarip 26-ani 2009 maalaarutit, Isumaginninnermi Naammagittaalliuteqartarfiup decembarip 13-ani 2012 suliaraa imalu aalajangiivigalugu:

AALAJANGIINEQ

Kommunip aalajangigaa allanngortinneqarpoq. Kommunip aalajangigaa eqqunngimmat maalaarutit tamakkiinngikkaluamik ilalerneqarpoq.

Suliaq pisortanit ikiorsiisutit pillugit Inatsisartut peqqussutaat nr. 10 novembarip aallaqqaataani 1982-imeersoq, pisortanit ikiorsiissutit pillugit Inatsisartut peqqussutaata allanngortinneqarneranik Inatsisartut peqqussutaat nr. 8, novemberip pingajuani 1994-imeersoq kiisalu pisortat ingerlatsineranni suliassat suliarineqartarnerat pillugu Inatsisartut Inatsisaat nr. 8, juunip 13-ani 1994-imeersoq naapertorlugit aalajangiivigineqarpoq.

Nassuiaat:

Suliamut tunngatillugu paasissutissat naapertorlugit, maajip aqqaneq aappaaniit oktobarip aqqaneq aappaanut 2006 katillugit 17.346 koruunit ullormusiassatut tunniuteqqullugit januaarip 26-ani 2009, Sulisilluni Ajoqusersinnaanermut Isumannaarineq pillugu Aalajangiisartut kommuni qinnuigaat.

Maajip aqqaneq aappaaniit oktobarip aqqaneq aappaat 2006 tikillugu aappavit pisortanit ikiorsiissutisiaasa utertinneqarnissaat, januaarip 26-ani 2009 kommunimit aalajangerneqarpoq. Kommunip tamatumunnga atatillugu art. 443 innersuussutigaa, inatsilli suna tunngaviusoq ilisimatitsissutiginngilaa maalaaruteqarsinnaanermullu ilitsersuummik tunniussisimanani.  

Taama aalajangiineq apriilip 29-ani 2010 maalaarutigaat. Tamatumunnga atatillugu assannik ajoqusernerit pissutigalugu 17.346 koruuninik taarsiiffigineqarsimanerit oqaatigaat. Inooqatit suliffissaqannginnermi nalaani ikiorserneqarsimavoq illillu taarsiiffigitinnerit pissutigalugu ikiorsiissutit utertittussanngorsimallugit.

Inunnik nalunaarsuiffik naapertorlugu inooqatit juulip 22-ani 2005 ilinnut nutsermat juulip 22-ani 2006-imiit inooqatigiittut nalilgiimmik isigineqalerpusi. Taamaammat ulloq taanna aallarnerfigalugu akiligassat aalajangersimasut avittartussaavasi.

Kommunip septembarip arfineq pingajuani 2011 aatsaat pisoq nassuiaatigaa. Tamatumunnga atatillugu juulip 22-ani 2005-imiilli najugaqatigiilersimasusi kommunip oqaatigaa. Maajip 17-ani 2006-imiit oktobarip tallimaata 2006 tungaanut ikiorsiissutinik pisarsimavusi. Ikiorsiissutit aappannut tunniussat marluullusi pilersoqatigiinnissassinnut naatsorsugaallutik tunniunneqarneri, kommunip ilanngullugu oqaatigaa. Taamaammat kommunip sulisilluni ajoqusernermi taarsiissutisiatit tunngavigalugit pilersuisussaatitaaneq tunngavigalugu ilanngarneqarnissaat piumasaqaatigaa.  

Tamatumunnga atatillugu pisortanit ikiorsiissutit pillugit Inatsisartut peqqussutaata allanngortinneqarneranik Inatsisartut peqqussutaat nr. 8 novembarip pingajuani 1994-imeersoq § 1 aamma imm. 3 kommunip innersuussutigai. Taamatuttaaq pisortanit ikiorsiissutit pillugit Inatsisartut peqqussutaat nr. 2 novembarip aallaqqaataani 1992-imeersoq § 9 aamma § 10 kommunip innersuussutigaa. Kommunip aalajangersakkat issuaavigai.

Inatsisit tunngaviusut:

Pisortanit ikiorsiissutit pillugit Inatsisartut peqqussutaat nr. 10 novembarip aallaqqaataani 1982-imeersoq § 10 naapertorlugu kommuni utertitsinissamik aalajangiisinnaavoq:
2) Inuk ikorsiissutisisimasoq kingusinnerusukkut piffissamut ikorsiiffiusimasumut naatsorsuussanik taarsiissutisisimappat, akilersuutinik pisimappat taamaangajattunilluunniit pisimappat.

- 10 imm. 2 naapertorlugu ikiorsiissut tunniunneqarnermi utertitassaassasoq paasinarsereeraangat inuk pineqartoq utertitsisussaatitaanerminik ilisimatinneqartassaaq.

Naliliineq:

Pisortanit ikiorsiissutit aappannut tunniunneqartut utertinneqarnissaannut kommuni pisinnaatitaanngitsoq, Isumaginninnermi Naammagittaalliuteqartarfik naliliivoq.

Sulisillutik ajoqusernikkut inuussutissarsiorsinnaanermik annaasaqarnerit pillugu    taarssiissutisinerit, tamatumunnga tunngavilersuutaavoq. Taarsiissut aappat pinnagu illit pilersorsinnaanissannut naatsorsuussaavoq. Taannaanarluunniit  patsisigalugu inooqativit pisortanit ikiorsiissutisiaanik kommunip ilanngaanissaa, inatsisitigut tunngavissaqanngilaq.

Tamatuma saniatigut inooqativit pisortanit ikiorsiissutisiaasa utertinnissaannut piumasaqaatit eqquutsinneqanngillat.

Taamaasilluni illit sulisillutit ajoquserninni taartisinerit pillugu inooqativit pisortanit ikiorsiissutisiaanit 11.033,50 koruuninik ilanngarnissaannut, kommuni inatsisitigut tunngavissaqanngilaq.

Aalajangiineq:

Kommunip aalajangiinera allanngortinneqarmat kommuni ikiorsiissutinik ilanngaasinnaanngilaq. Kommuni inooqativit pisortanit ikiorsiissutisiaanik ilanngaasimappat, aningaasat ilanngaataasut kommunimit ilinnut utertinneqassapput.


Inussiarnersumik inuulluaqqusillunga

Naja Joelsen

Siulittaasoq