W p juulip 22-ani 2009 pisortanit ikiorsiissutit utertinneqarnissaat pillugu maalaarutit, Isumaginninnermi Naammagittaalliuteqartarfiup apriilip 8-ni 2011 suliaraa imalu

AALAJANGIILLUNI:

W p aalajangiinera allanngortinneqarpoq Kommunip aalajangiinera eqqunngimmat naammagittaalliutit taperserneqarpoq.

Suliaq, pisortanit ikiorsiissutit pillugit Inatsisartut peqqussutaat nr. 15 novembarip 20-ani 2006-imeersoq naapertorlugu, aalajangiivigineqarpoq.

Nassuiaat:

Suliamut tunngatillugu paasissutissat naapertorlugit aappallu marsip 29-ani 2007 panissaarpusi. Meeqqap nappaataa pissutigalugu Island-imi napparsimaviup peruluutilinnut immikkoortortaqarfianut nuunneqarnissaa aalajangerneqarpoq.

Island-imut angalaqataanissannut akissaqannginnerit pissutigalugu, W p angalaninnut akissannik 9.900 koruuninik taarsigassarsitippaatsit.

Tamatumunnga atatillugu kommunimut akiitsoqarninnut uppernassaammik atsiorputit.

Tamatuma kingorna iluatitsiviunngitsumik akitsunnik isumakkeerneqarnissat annikillisaavigineqarnissalluunniit noqqaassutigaat.

Juunip 4-ni 2009 akiitsunnik annikillisaavigeqqullutit kommuni qinnuigeqqippat.  Biilissi iluarsarnissaanut aningaasartuuteqarsimanersi pissutigalugu aningaasatigut ajornartorsiulersimanersi ilisimatitsissutigaat. Aningaaserivimmut akiitsussi akilereerneranni ilaqutariinnut nerisarsarsiutissat kisiisa amiakkorilersimavasi.

W p juulip 22-ani 2009 aalajangiinermini siuliani itigartitsissunni attatsiinnarpaa. Qinnuteqaatip siulliup itigartitsissutaanissaa  aalajangiunneqarmat, angalanermut akiliunneqarnerpit utertinnissaa illit nammineq isumaqatigiissutigisimagit, kommunip innersuussutigaa.

Inatsisit tunngaviusut:

Pisortanit ikiorsiissutit pillugit Inatsisartut peqqussutaat nr. 15 novembarip 20-ani 2006-imeersoq § 27 naapertorlugu kommunip pisortanit ikiorsiissutinik tunniunneqartussaanngitsunik utertitsinissamik aalajangiissaaq, ikiorsiissutisisartoq:
1) Paasissutissanik kommunalbestyrelsimut tunniussisussaalluni ilisimaarereerlugu tunniussisisimanngippat, takuuk § 26.
2) Taamaaliortussaanani ilisimaarereeraluarlugu pisinnaatitaaffiginngisaminik peqqussut manna naapertorlugu ikiorsiissutisisarsimappat.

3) Kingusinnerusukkut taarsiivigineqarpat, nalinginnaasunik akilersuutisisalerpat assigisaannilluunniit pissarsippat, piffissamut ikiorsiissutisiffigisimasaminut taassungalu assingusumik siunertalimmut.

Peqqussummi tamatumani § 28, imm. 1 naapertorlugu Kommuni pisortanit ikiorsiissutit utertinneqarnissaat pillugu aalajangiisinnaavoq:
1)  Inuup aningaasaqarnikkut sulinikkulluunniit mianersuaalliorluni iliuuseqarnera pissutigalugu pineqartoq ikiorneqartariaqarpat imal.
2)  Piffissami pisortanit ikiorsiissutisinissamik qinnuteqarfiusumi takuneqarsinnaappat qinnuteqartoq piffissap sivikitsup ingerlanerani pisortanit ikiorsiissutinik utertitsisinnaasoq.

Imm. 2. Kommunalbestyrelsi aalajangerpat pisortanit ikiorsiissutinik imm.1-imi nr. 2 naapertorlugu utertinneqartussanik, tamanna ikiorsiissutisisumut allakkatigut nalunaarutigineqassaaq kingusinnerpaamik pisortanit ikiorsiissutit tunniunneqarneranni.

Naliliineq:

Pisortanit ikiorsiissutitut Island-imut angalanissannut aningaasartuutit utertissanngikkitit, Isumaginninnermi Maalaarutinik Aalajangiisartoqatigiit naliliipput.

Sunaluunniit tunngavigalugu angalanissannut ikiorserneqarsimaguit, ikiorsiissutinik utertitsinissamut piumasaqaatit eqquutsinneqarnerannut uppernarsaatissaqannginnera, tamatumunnga tunngavilersuutaavoq.

Akiitsoqartutut atsiorsimagaluaruilluunniit, kommunip utertitassanik ikiorsiisinnaanissaanut tunngavissatut atorsinnaanngilaq.

Angalanissamut ikiorsiisinnaaneq inatsisitigut tunngavissaqarsimanngippat, aningaasallu taarsernissaannik akuersissut kisiat tunngavigalugu akuersissutaasimappat, taamaasiorneq atorsinnaanngimmat Aalajangiisartut innersuussutigissavaattaaq.

W akuersissuteqarnissamut maleruagassanik eqquutitsisussaammat, ikiorsiinissamut piumasaqaatit maleruarneqanngippata akiitsoqarnermik atsiortitsinikkut utertitsisoqarsinnaannginnera, tamatumunnga tunngavilersuutaavoq.

W aningaasanik atukkiisartutut  pisinnaatitaaffeqanngilaq.

Taamaammat kommunimut aningaasanik utertitsissanngilatit.

Aalajangiineq:

W aalajangiinera allanngortinneqarpoq. Taamaasillutit kommunimut akileeqqissanngilatit akiliutigereersimasatillu kommunimit utertinneqassapput. 

Inussiarnersumik inuulluaqqusillunga

Naja Joelsen

Siulittaasoq