Sags nr.2012-072531

Kommunip aggustip 21-ani 2012 siniffiup errorsiviullu utertinneqarnissaannut tunngatillugu aalajangigaa pillugu maalaarutit Isumaginninnermi Naammagittaalliuteqartarfiup februaarip 15-ani 2013  suliaraa imalu aalajangiivigalugu:

AALAJANGIINEQ

Siniffiup errorsiviullu utertinneqarnissaannik Kommunip aalajangigaata allanngortinneqarneragut pineqartut utertinneqassanngimmata, maalaarutit ilalerneqarpoq.

Suliaq pisortanit ikiorsiissutit pillugit Inatsisartut peqqussutaat nr. 15, novembarip 20-ani 2006-imeersoq kiisalu pisortat ingerlatsineranni suliassat suliarineqartarnerat pillugu Inatsisartut Inatsisaat nr. 8 juunip 13-ani 1994-imeersoq naapertorlugit aalajangiivigineqarpoq.

Nassuiaat:

Suliamut tunngatillugu allattugaatit naapertorlugit oktobarip arfineq pingajuani 2008 errorsivissinissamut apriilillu 21-ani 2009 siniffissinissamut pisortanit ikiorsiissutisisimavutit.  

Kommuni  ikiorsiissutisinissamik aalajangiinerit pineqartut assilineri Isumaginninnermi Naammagittalliuteqartarfimmut nassiussimanngilai. Taamatuttaaq kommunip oktobarip 18-ani 2012 allagaai naapertorlugit  …”pigisat atoreerneranni utertinneqarnissaat pillugu atsiukkamik isumaqatigiissusiortoqarsimanngilaq ”.

Taamaammat aningaasaliissutit pillugit allaganngorlugit aalajangiisoqarsimanngilaq.

Aggustip 21-ani 2012 siniffiup errorsiviullu utertinneqarnissaat pillugu  kommuni aalajangiivoq.

Siniffiup utertinneqarnissaanut tunngatillugu pisortanit ikiorsiissutit pillugit Inatsisartut peqqussutaat nr. 15 novembarip 20-ani 2006-imeersoq § 28 imm. 2 innersuussutigalugu, siniffiup suli akilerneqarsimannginnera tamatumunnga kommunip tunngavilersuutigaa.

Errorsivimmut tunngatillugu aalajangiineq tunngavilersornagu, pisortanit ikiorsiissutit pillugit Inatsisartut peqqussutaat nr. 15 novembarip 20-ani 2006-imeersoq § 20 kommunip innersuuppaa.

Siniffiup errorsiviullu utertinneqarnissaannik kommunip aalajangiinera, aggustip 29-ani 2012 maalaarutigaat.

Kommunip utertitsinissamik piumasaqaateqarluni nalunaarsimannginnera maalaarutinni oqaatigaat.

Inatsisit tunngaviusut:

Pisortanit ikiorsiissutit pillugit Inatsisartut peqqussutaat nr. 15 novembarip 20-ani 2006-imeersoq § 4 imm. 2 naapertorlugu pisortanit ikiorsiissutinik tunniussisoqarsinnaavoq, pisariaqartitsineq ikiorsiissutit allat atorlugit pisinnaanngikkaangat.

Pisortanit ikiorsiissutit pillugit Inatsisartut peqqussutaat nr. 15 novembarip 20-ani 2006-imeersoq § 27 naapertorlugu kommunalbestyrelsip pisortanit ikiorsiissutinik tunniunneqartussaanngitsunik utertitsinissamik aalajangiissaaq, ikiorsiissutisisartoq:
1) Paasissutissanik kommuunalbestyrelsimut tunniussisussaalluni ilisimaarereerlugu tunniussisisimanngippat, takuuk § 26.
2) Taamaaliortussaanani ilisimaarereeraluarlugu pisinnaatitaaffiginngisaminik peqqussut manna naapertorlugu ikiorsiissutisisarsimappat.
3) Kingusinnerusukkut taarsiivigineqarpat, nalinginnaasunik akilersuutisisalerpat assigisaannilluunniit pissarsippat, piffissamut ikiorsiissutisiffigisimasaminut taassungalu assingusumik siunertalimmut.

Pisortanit ikiorsiissutit pillugit Inatsisartut peqqussutaat nr. 15 novembarip 20-ani 2006-imeersoq § 28 naapertorlugu aammattaaq kommunalbestyrelse pisortanit ikiorsiissutit utertinneqarnissaat pillugu aalajangiisinnaavoq:
1) Inuup aningaasaqarnikkut sulinikkulluunniit mianersuaalliorluni iliuuseqarnera pissutigalugu pineqartoq ikiorneqartariaqarpat.
2) Piffissami pisortanit ikiorsiissutisinissamik qinnuteqarfiusumi takuneqarsinnaappat qinnuteqartoq piffissap sivikitsup ingerlanerani pisortanit ikiorsiissutinik utertitsisinnaasoq.

Pisortanit ikiorsiissutit pillugit Inatsisartut peqqussutaat nr. 15 novembarip 20-ani 2006-imeersoq § 28 imm. 2 naapertorlugu kommunalbestyrelsi aalajangerpat pisortanit ikiorsiissutinik imm.1-imi nr. 2 naapertorlugu utertinneqartussanik, tamanna ikiorsiissutisisumut allakkatigut nalunaarutigineqassaaq kingusinnerpaamik pisortanit ikiorsiissutit tunniunneqarneranni.

Pisortat ingerlatsineranni suliassat suliarineqartarnerat pillugu Inatsisartut Inatsisaat nr. 8, 13. juni 1994-imeersoq § 22 naapertorlugu

aalajangiineq allakkatigut nalunaarutigineqaruni aalajangiinermut tunngaviusumik ilaqartinneqassaaq, suliami peqataasumut tassunga tapersiisuulluinnanngikkuni.

- 24 imm. 1 aamma 2 naapertorlugit tunngavilersuummi makku ilanngunneqassapput:

- Inatsimmi maleruagassanut aalajangiinermi tunngavigineqartunut innersuussineq.

- Missingersuisimanermi pingaarnertut tunngaviusut.

- Pisumut tunngatillugu pissutsit piviusut naatsumik nassuiaatigineqarnerat.

Naliliineq:

Pisortanit ikiorsiissutit pillugit maleruagassat naapertorlugit pisariaqartitaq allatigut matussuserneqanngippat aatsaat pisortanit ikiorsiisoqarsinnaavoq.

Suliamut tunngatillugu allattugaatit naapertrlugit kommunip errorsivimmut siniffimmullu aningaasaliinerata nalaani ilinniartuunersiuteqarputit.

Pisortanit ikiorserneqarnissamik pisariaqartitsineq taamaasilluni aningaasaliissutinit allanit matussuserneqarmat, pisortanit ikiorsiisarnermut maleruagassat naapertorlugit ikiorserneqarsinnaanngilatit.

Taamaammat kommunip pisortanit ikiorsiissutinik tunniussinera inatsimmi tunngavissaqanngilaq. 

Pisortanit ikiorsiissutit pillugit maleruagassat naapertorlugit ikiorsiinerlu inatsimmik tunngaveqarpat aatsaat, utertitsinissamut piumasaqaateqartoqarsinnaanera tunngavigalugu kommuni utertitsinissamut pisinnaatitaanngitsoq, Isumaginninnermi Naammagittaalliuteqartarfik naliliivoq.

Pisortanit ikiorsiissutit pillugit maleruagassat naapertorlugit pigisanik aningaasaanngitsunik utertitsinissamut piumasaqaateqartoqarsinnaanngitsoq,  Naammagittaalliuteqartarfiup oqaatigissavaataaq.

Utertitsinissamik piumasaqaateqarnermi pisortanit ikiorsiissutit pillugit Inatsisartut peqqussutaat nr. 15 novembarip 20-ani 2006-imeersoq §§-ini 27-imi 28-imiluunniit piumasaqaatit eqquutsinneqassapputtaaq.

Kommunip aggustip 21-ani 2012 aalajangigaanut tunngatillugu, aalajangiinermi immikkoortut makku amigaataanerat pissutigalugu pisortat ingerlatsineranni suliassat suliarineqartarnerat pillugu maleruagassanik eqquutitsinngitsoq, Naammagittaalliuteqartarfiup oqaatigissavaa:

- Inatsimmut tunngaviusumut innersuussineq: Kommunip aalajangiinerani inatsit eqqortoq innersuussutaanngilaq.

- Tunngavilersuut: Kommunip aalajangiinermini tunngaviliussai pillugit nassuiaatit naammaginanngillat.

 

Aalajangiineq:

Kommunip siniffimmik errorsivimmillu utertitsinissamut aalajangiinera allanngortinneqarmat, pineqartut utertsinneqassanngillat.

Inussiarnersumik inuulluaqqusillunga

Naja Joelsen

Siulittaasoq

Inatsisit toqqammaviit

 

Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq

Kapitali2

Piumasaqaatit nalinginnaasut

 - 3. Kinaluunniit Kalaallit Nunaanniittoq tassanngaannartumik pisariaqavissumik pissaaleqilernermi pisortanit ikiorserneqartussaatitaavoq, tamatumani imminut ilaquttaminillu pilersuisinnaanngikkuni.

 - 4. Pilersuinermut akiligassanullu aalajangersimasunut kiisalu immikkut ittumik pisoqartillugu pisortanit ikiorsiissutinik pisinnaanermut piumasaqaataapput qinnuteqartup Kalaallit Nunaanni najugaqartuunissaa inuillu allattorsimaffiannut nalunaarsimanissaa makkuninngalu naammassinnissimanissaa:

1) danskit nalagaaffianni innuttaanissamik,

2) danskit naalagaaffianni innuttaasumut katissimanissaa imaluunniit kingullermik katikkami danskit naalagaaffianni innuttaasumut katissimanissaa imaluunniit

3) nunanut allanut imaluunniit nunat tamalaat akornanni kattuffinnut isumaqatigiissutini, danskit nalagaaffianni innuttaanngitsut Kalaallit Nunaanniinnerminni ataavartumik pilersuinermut akiligassanullu aalajangersimasunut ikiorsiissutisisinnaatitaanerannik imalinni, ilaanissaa.

Imm. 2. Inatsisartut peqqussutaat una naapertorlugu pisortanit ikiorsiissutinik tunniussisoqarsinnaavoq, pisariaqartitsineq ikiorsiissutit allat atorlugit pisinnaanngikkaangat.

Kapitali 8
Utertitsisarneq

 - 27. Kommunalbestyrelsip pisortanit ikiorsiissutinik tunniunneqartussaanngitsunik utertitsinissamik aalajangiissaaq, ikiorsiissutisisartoq: 

1) Paasissutissanik kommuunalbestyrelsimut tunniussisussaalluni ilisimaarereerlugu tunniussisisimanngippat, takuuk § 26.
2) Taamaaliortussaanani ilisimaarereeraluarlugu pisinnaatitaaffiginngisaminik peqqussut manna naapertorlugu ikiorsiissutisisarsimappat.
3) Kingusinnerusukkut taarsiivigineqarpat, nalinginnaasunik akilersuutisisalerpat assigisaannilluunniit pissarsippat, piffissamut ikiorsiissutisiffigisimasaminut taassungalu assingusumik siunertalimmut.

 

- 28. Aammattaaq kommunalbestyrelse pisortanit ikiorsiissutit utertinneqarnissaat pillugu aalajangiisinnaavoq:

1) Inuup aningaasaqarnikkut sulinikkulluunniit mianersuaalliorluni iliuuseqarnera pissutigalugu pineqartoq ikiorneqartariaqarpat.
2) Piffissami pisortanit ikiorsiissutisinissamik qinnuteqarfiusumi takuneqarsinnaappat qinnuteqartoq piffissap sivikitsup ingerlanerani pisortanit ikiorsiissutinik utertitsisinnaasoq.
Imm. 2 . Kommunalbestyrelsi aalajangerpat pisortanit ikiorsiissutinik imm.1-imi nr. 2 naapertorlugu utertinneqartussanik, tamanna ikiorsiissutisisumut allakkatigut nalunaarutigineqassaaq kingusinnerpaamik pisortanit ikiorsiissutit tunniunneqarneranni. Kommunalbestyrelsi utertitsinissamik kinguartitsigallarnissamik akuersissuteqarsinnaavoq pisartagaqartoq aamma katissimallugu aapparisanilu imaluunniit naligalugu inooqatigisanilu pisortanit ikiorsiissutaannarnik pisartagaqarpata.
Imm. 3 . Kommunalbestyrelsi immikkut pisoqartillugu ikiorsiissutisisalernermiit ukiup ataatsip qaangiunnerani aalajangiisinnaavoq ikiorsiissutisiap utertitassanngorsimanera atorunnaassasoq.

Pisortat ingerlatsineranni suliassat suliarineqartarnerat pillugu Inatsisartut inatsisaat nr. 8, 13. juni 1994-imeersoq.

Kapitali 6
Tunngavigisat il.il.

22. Aalajangiineq allakkatigut nalunaarutigineqaruni aalajangiinermut tunngaviusumik ilaqartinneqassaaq, suliami peqataasumut tassunga tapersiisuulluinnanngikkuni.

 - 24. Aalajangiinermuttunngaviusumik nalunaarummi innersuussutigineqassapput inatsisini maleruaqqusat aalajangiinermi tunngavigineqartut. Maleruaqqusat tamakku malillugit aalajangiineq oqartussaasuni sulisut isumaannik tunngaveqarpat tunngaviusumik nalunaarummi taaneqassapputtaaq pissutaasut pingaarnerusut isummat tamakkua atornerannut aalajangiisuunerusut.

Imm. 2. Tunngaviusumik nalunaarummi pisariaqarpat naatsumik erseqqissarneqassapputtaaq paasissutissat suliami pissusiviusunut tunngasut aalajangiinermi annertuumik pingaartinneqartut.

Imm. 3. Tunngaviusumik nalunaarutip imarisai killiliiffigineqarsinnaapput suliami peqataasup tamakkununnga ilisimasaqarnini nammineq iluaqutigiumallugu atuiumasinnaanerminik soqutiginninnera inuk taanna nammineq eqqarsaatigalugu imaluunniit inuinnaat allat pisortalluunniit soqutigissat pissutiginerullugit minnerutittariaqartutut isumaqarfiginarpat, tak. § 15