Sags nr.2011-045894

Kommunip decembarip 27-ani 2010 suliffeqanngikkallarnermi

Ikiorsiissutisinissamut tunngatillugu aalajangiinera pillugu januaarip 25-ani 2011 maalaarutit, Isumaginninnermi Naammagittaaliuteqartarfiup decembarip 13-ani 2012 suliaraa imalu aalajangiivigalugu:

AALAJANGIINEQ                           

Kommunip aalajangiinera kukkuneqarmat allanngortinneqarpoq taamaammallu maalaarutit ilalerneqarluni.

Suliaq suliffeqanngikkallarnermi ikiorsiissutit pillugit Inatsisartut peqqussutaat nr. 5, juunip 1-ani 2006-imeersoq naapertorlugu aajangiivigineqarpoq.

Nassuiaat:

Juunip 28-aniit decembarip qulinganut 2010 suliffeqarfimmi A-mi sulisimanerit ilisimatitsissutigineqarpoq.

Kommunip ilisimatitsissutaa naapertorlugu suliunnaarnerit angerlartitaanermik patsiseqarpoq.

Kommunip paasissutissiissutaasa ilaanni suliffeqanngikkallarnermi ikiorsiissutinik januaarip pingajuani 2011 qinnuteqarsimanerit takuneqarsinnaavortaaq. Suliffissarsiuussisarfiup naatsorsugai naapertorlugit nal. ak. 386, 6 sulisimavutit.

Kommunip decembarip 27-ani 2011 allakkatigut aalajangiineragut suliffeqanngikkallar-nermi ikiorsiissutit pillugit Inatsisartut peqqussutaat nr. 5, juunip 1-ani 2006-imeersoq § 4 imm. 1 nr. 3 naapertorlugu, suliffeqanngikkallarnermi ikiorsiissutinik pisartagaqarnissat akuersissutigineqarpoq.

Aalajangiineq naapertorlugu decembarip 30-at 2011 aallarnerfigalugu tallimanngornerit allortarlugit quliniit ullup qeqqanut suliffissarsiuussisoqartarpoq illillu suliffissarsiortutut naqitsisarnissat pisussaaffigaat.

Januaarip 25-ani 2011 aalajangiineq maalaarutigaat decembarillu qulaaluaani/qulingani suliunnaarnerit ilisimatitsissutigalugu. Decembarip 21-erinngikkuniuk 22-ani kommunimut saaffiginnillutit suliffeqanngikkallarnermi ikiorsiissutinik qinnuteqarputit. Tamatumunnga atatillugu suliffissarsiuussisarfimmut ornigullutit naqitsisarnissat oqaatigineqanngilaq.

Aatsaat tamatuminnga misiliigavit utaqqeqaarsimanerit oqaatigaat. Januaarip arfineq aappaani suli aningaasanik konto-nnut ikisisoqarsimanngimmat, kommunip allaffianut saaffiginnikkavit naqitsisarsimannginnerit tamatumunnga patsissasoq paasitinneqarputit januaarillu 14-ani naqitsiartoqquneqarputit. Suliunnaarninniit aningaasat pissarsiassavit tunniunneqarnissaat sullissisup ilisimatitsissutigigaluaraa, ullunut 14-iinnarnut naatsorsukkanik tunineqarputit.

Inatsit tunngaviusoq:

Suliffissaqanngikkallarnermi ikiorsiissutit pillugit Inatsisartut peqqussutaat nr. 5, juunip aallaqqaataani 2006-imeersoq § 1 naapertorlugu suliffissaqanngikkallarnermi ikiorsiissutit ilaatigut angerlartinneqarsimasutut nalunaarsimasut suliffissaqanngitsullu, suliffissarsiortut, nammineq pisuussutiginngisamik suliffissaqanngistut angerlartinneqarsimasullu isertitassaraluinik annaasaanik taarsiiffigineqarnissaasa qulakkeernissaa siunertaavoq.      

Naliliineq:

Decembarip 22-ani 2011 kommunimut saaffiginnissimanerit Isumaginninnermi Naammagittaalliuteqartarfiup tunngavigaa.

Isumaginninnermi Naammagittaalliuteqartarfiup isumaa naapertorlugu, suliffeqanngikkallarnermi ikiorsiissutisisinnaaneq tamatumunngalu atatillugu piumasaqaataasut pillugit ilitsersuinissaq, kommunip pisussaaffigaa.

Tamatuma kingunerisaanik decembarip 22-ani 2011-miit suliffissaqanngikkallarnermi ikiorsiissutisisussaasutit, Isumaginninnermi Naammagittaalliuteqartarfik naliliivoq.

Taamaasilluni Isumaginninnermi Naammagittaalliuteqartarfiup eqqortumik ilitsersorneqarsimannginnerit aatsaallu siullermik suliffinniit angerlartitaanikkut suliffissaarukkallarnerit, naliliinermi pingaartippaa.

Tamatuma saniatigut suliaq kommunimit ersarissumik paasissutissiissutaanngilaq.

Aalajangiineq:

Kommunip aalajangigaa allanngortinneqarpoq. Tamatuma kingunerisaanik decembarip 22-aniit 2010 kommunimut saaffiginneqaarninni suliffissaqanngikkallarnermi ikiorsiissutisinissamut pisinnaatitaaffeqarputit.

Inatsit tunngaviusoq ilanngullugu nassiunneqarpoq.

Inusiarnersumik inuulluaqqusillunga

Naja Joelsen

Siulittaasoq