Sags nr. 2011-044864

Kommuni decembarip 30-ani 2010 suliffissaqanngikkallarnermi ikiorsiissutinik qinnuteqaatinnut itigartitsinera pillugu maalaarutit, Isumaginninnermi Naammagittaaliuteqartarfiup decembarip 14-ani 2012 suliaraa imalu aalajangiivigalugu:

AALAJANGIINEQ

Kommuni aalajangigaa allanngortinneqarmat maalaarutit ilalerneqarpoq.

Suliaq suliffeqanngikkallarnermi ikiorsiissutit pillugit Inatsisartut peqqussutaat nr. 5, juunip 1-ani 2006-imeersoq Inatsisartullu peqqussutaat nr. 7, novembarip 20-ani 2006-imeersoq suliffeqanngikkallarnermi ikiorsiissutit pillugit inatsisartut peqqussutaata allannguuteqartinneqarnera naapertorlugit aajangiivigineqarpoq.

Nassuiaat:

Suliassaarunnera pissutigalugu decembarip 20-ani 2010 Kommunimut suliffissaqanngikkallarnermi ikiorsiissutinik qinnuteqartutit ilisimatitsissutaavoq.

Kommuni decembarip 30-ani 2010 suliffissaqanngikkallarnermi ikiorsiissutisisinnaanermut itigartitsivoq.

Qaammatit kingulliit aqqaneq marluk ingerlanerini sap. ak. 13-ini suliffissaqanngikkallarnermi ikiorsiissutisereersimanerit taamaammallu tuneqqinneqarsinnaannginnerit, Kommuniata naliliinermi pingaartippaa.

Kommunip suliffissaqanngikkallarnermi ikiorsiissutit pillugit Inatsisartut peqqussutaat nr. 1 juunip tallimaani 2006-imeersoq § 7 imm. 2 innersuussutigaat issuaavigalugulu.

Allakkani januaarip aqqarnani 2011 Isumaginninnermi Naammagittaalliuteqar-tarfimmit tiguneqartuni maalaaruteqarputit.

Maalaarutinni ikiorneqarnissaq annertuumik pisariaqartikkit oqaatigaat.

Suliamut tunngatillugu allattugaatit ilaasa nassiunnerannut atatillugu Kommuni suliaq pillugu nassuiaasiorsimanngilaq allattugaatinilu nalunaarsukkanik nassiussisimanani.

Suliamut tunngatillugu allattugaatit naapertorlugit oktobari qaammat 2010 sap. ak. 40-mi 41-milu ”Firma” nal. ak. katillugit 16,5 sulisimavutit, novembari qammat 2010 ulluni 21-ini nal. ak. arfineq pingasut tassalu nal. ak. 168 –it Firma 2-ip suliffeqarfiutaani – tassanilu aamma decembari qaammat 2010 ullut tallimat ullormut nal. ak. arfineq pingasut katillugit nal. ak. 40-it sulisimavutit. Taamaasillutit suliffissaqanngikkallarnermi ikiorsiissutinik qinnuteqarnissat sioqqullugu sap. ak. 13-it kingulliit iluanni nal. ak. 224,5 –it sulisimavutit.

Inatsisit tunngaviusut:

Suliffissaqanngikkallarnermi ikiorsiisarneq pillugu Inatsisartut peqqussutaat nr. 5, juunip aallaqqaataani 2006-imeersoq § 7 imm. 2 naapertorlugu katillugit sap. ak. 13-ini suliffissaqanngikkallarnermi ikiorsiissutisisoqarsinnaavoq.

Peqqussummi pineqartumi § 4 imm. 1 nr 3-imi aalajangersagaq naapertorlugu, innuttaasoq sap. ak. kingulliit 13-it sulinermik inuussutissarsiuteqarsimaguni piffissamilu tamatumani minnerpaamik nal. ak. 182 sulisimaguni suliffissaqanngikkallarnermi ikiorsiissutisisinnaavoq.

Inatsisartut peqqussutaat nr. 7, novembarip 20-ani 2006-imeersoq suliffeqanngikkallarnermi ikiorsiissutit pillugit inatsisartut peqqussutaata nr. 5-ip juunip aallaqqaataani 2006-imeersup allanngortinnissaa pillugu peqqussut naapertorlugu, Isumaginninnermi Naammagittaalliuteqartarfik maalaarutinik suliffissaqanngikkallarnermi ikiorsiissutit pillugit Inatsisartut peqqussutaat nr. 5, juunip aallaqqaataani 2006-imeersoq § 4 imm. 5 naapertorlugu aalajangiiffigisanik, suliaqarsinnaavoq.

Peqqussummi §§ 4-mut 8-mullu nassuiaatit naapertorlugit sap. ak. kingulliit 13-it iluanni sulinermik inuussutissarsiuteqarnermi minnerpaamik nal. ak. 182-it sulisimagaanni suliffissaqanngikkallarnermi ikiorsiissutisisoqarsinnaavoq. Peqqussummi nassuiaatitaaniluunniit qaammatit kingulliit aqqaneq marluk iluini sap. ak. 13-it taamaallaat suliffissaqanngikkallarnermi ikiorsiissutisisoqarsinnaaneranik allassimasoqanngilaq.

 

Naliliineq:

Decembarip 20-ani 2010 sap. ak. kingulliit 13-init ingerlanerini nal. ak. 182-it sulisimagavit suliffissaqanngikkallarnermi ikiorsiissutisisinnaasutit Isumaginninnermi Naammagittaalliuteqartarfik naliliivoq.

Suliffissaqanngikkallarnermi ikiorsiissutinik qinnuteqarnerit sioqqullugu  sap. ak. kingulliit 13-it ingerlanerini nal. ak. 224,5 sulisimanerit, Isumaginninnermi Naammagittaalliuteqarfiup naliliinermini pingaartippaa.

Inatsimmi qaammatit aqqaneq marluk kingulliit sap. ak. 13-ini aatsaat sulisimagaanni suliffeqanngikkallarnermi ikiorsiissutisisinnaanermik killiliisoqanngimmat, Kommuni inatsimmut uniuuttumik maleruagassiorsimavoq.

Innuttaasup suliffissaqanngikkallarnermi ikiorsiissutinik qinnuteqartup itigartinneqartullu, pisortanit ikiorsiissutinik qinnuteqarsinnaanermik ilitsersuinissaq suliffissarsiuussisarfimmit pisussaaffigineqarnera, Isumaginninnermi Naammagittaalliueqartarfiup maluginiaqquaattaaq.

 

Aalajangiineq:

Kommuni-p decembarip 30-ani 2010 aalajangigaa allanngortinneqarmat, decembarip 20-aniit 2010 suliffissaqanngikkallarnermi ikiorsiissutisisinnaavutit.

Inussiarnersumik inuulluaqqusillunga

Naja Joelsen

Siulittaasoq