Kattunnermik nalunaarut – Kangerlussuarmi akunnittarfik neriniartarfillu

Atuisartoqarnermut Unammilleqatigiinnermullu Aqutsisoqarfik Albatros Arctic Circle ApS-ip Hotel Kangerlussuaq-mut, Restaurant Musk Ox-imut, Hotel Kangerlussuaq cafeteriamullu pisiarineri pillugu nalinginnaasumik nalunaarummik tigusaqarpoq.

Akunnittarfiup pisiarineqarnera Unammilleqatigiinneq pillugu Inatsisartut inatsisaat nr. ,1 15. maaji 2014-imeersoq kingusinnerusukkullu allannguuteqartinneqartoq naapertorlugu kattunneruvoq. Tamanna isumaqarpoq, Atuisartoqarnermut Unammilleqatigiinnermullu Aqutsisoqarfiup akuereqqaartinnagu kattunneq naammassineqarsinnaanngilaq.

Unammilleqatigiinneq pillugu Inatsisartut inatsisaat malillugu suliffeqarfiit kattunnerannik nalunaaruteqartarneq pillugu Namminersorlutik Oqartussat nalunaarutaat nr. 3, 10. marsi 2016-meersumi § 2, imm. 2 naapertorlugu suliami peqataasut nalinginnaasumik nalunaarummik nassiussipput, , taamaattorli Atuisartoqarnermut Unammilleqatigiinnermullu Aqutsisoqarfiupkattunneq ingerlatseriaatsimik pisariillisikkamik suliarineqarnissamut piumasaqaatit naammassisimanersut suli nalilersuiffiginngilaat

Tamanna Unammilleqatigiinneq pillugu Inatsisartut inatsisaat nr. 1, 15. maaji 2014-imeersoq §16, imm. 1, nr. 2, naapertorlugu Albatros Arctic Circle-ip ApS pisinerup kingorna Hotel Kangerlussuaq-mut, Restaurant Musk Ox-imut, Hotel Kangerlussuaq cafeteria-mullu kisimiittutut aqutsi-suulissagami suliaq kattunnertut nalilerneqarpoq

Hotel Kangerlussuaq (Restaurant Musk ox cafeteria-lu ilanngullugit) pisiaritinnginnerata siorna Mittarfeqarfiit A/S-imit pigineqarlutillu aqunneqarput. Nuummi Ilulissanilu timmisartoqarfissuit ammarneqarnerinut atatillugit aalajangertoqarpoq, Mittarfiit A/S-ip Hotel Kangerlussuaq (Restaurant Musk Ox cafeterialu ilanngullugit) tuniniarneqassasut. Mittarfeqarfiit A/S-ip Hotel Kangerlussuaq-ap (Restaurant Musk Ox cafete-rialu ilanngullugit) tuninera Naalakkersuisunit akuerineqarnikuuvoq.

Albatros Arctic Circle ApS kalaallit nunaanni ingerlatsivittut nalunaarsugaavoq, siunertaraalugulu angalatitsinermi ingerlataqarneq, tamatumunnga ilanngullugu akunnittarfinni neriniartarfinnilu ingerlatitsineq, angalatitsinermi aaqqissuussineq, tammajuitsoorniarfinni tammajuitsunik tuniniaaneq, umiarsuit takornariartaatini tuniniaaneq, aamma Kangerlussuarmi Ilulissanilu angallassinissami ataqatigiissaarineq. Albatros Arctic Circle ApS-ip Hotel Kangerlussuaq (neriniartarfik cafelu ilanngullugit) pisiarinnginnerinili Old Camp, Polar Lodge, aamma Restaurant Roklubben Kangerlussuarmiittut pigivaat.

Atuisartoqarnermut Unammilleqatigiinnermullu Aqitsisoqarfiup suliffeqarfinnik kattussineq pillugu oqaaseqaateqarusullutik soqutiginnittut ulloq 2. april 2024-mi nal. 12.00. nallertinnagu tunniussinissaat kaammattuutigineqarpoq.

Oqaaseqaatit uunga nassiunneqassapput:

Atuisartoqarnermut Unammilleqatigiinnermullu Aqutsisoqarfik
Imaneq 29, l. sal
3900 Nuuk, Grønland
E-mail: aua@nanoq.gl og unammineq@nanoq.gl

Annertunerusumik suliffeqarfinnik kattussineq pillugu paasisaqarnerorusukkuit, Camilla Bruun Djarnis attavigineratigut paasisaqarnerusinnaavutit, uunga attavigisinnaavat e-mail.: cabr@nanoq.gl cc. unammineq@nanoq.gl.

Scroll to Top