X kommuniata ulloq 10. novembari 2023-mi pisortanit ikiorsiissutinut itingartitsilluni aalajangiinera pillugu naammagittaalliuutit lsumaginninnermi Naammagittaalliuuteqartarfiup siulittaasuata suliaraa imalu aalajangiivoq: AALAJANGIINEQ Kommunip aalajangiinera allanngortinneqarpoq. Tamanna isumaqarpoq, naammagittaalliuutinnut ilalerneqartutit, pisortanillu ikiorsiissutitit nalilersorneqarlutillu annertussusai naatsorsoqqinneqarnissaannut pisinnaatitaasutit. lsumaginninnermi Naammagittaalliuuteqartarfiup tunngaviliuppaa, illuummi najugaqartussaatitaanermi §4, imm. 1, 1. pkt. naammassisimagit. Tamanna tunngavilersuummi itisilerneqarnikuuvoq. Pisortanit ikiorsiissutit pillugit Inatsisartut peqqussutaat nr. 15, 20. novembari 2006-imeersoq kingusinnerusukkut allanngortinneqartumi § 4, imm. 1 naapertorlugu suliaq aalajangiiffigineqarpoq, tamannalu kommunip aalajangiinerata nalaani atuuttuulluni. Aalajangiussaq pisortanit ikiorsiissutit pillugit qinnuteqaatinnut, suliffissarsiortutut nalunaarsorninnut, kontoppit assilineranut, suliunnaarnermut uppernarsaammut aamma naammagittaalliuutit tunngavigalugit aalajangiiffigineqarpoq. Suliami paasissutissat: Pisortanit ikiorsiissutit pillugit kommunimut ulloq 9. novembari 2023-mi qinnuteqarputit. Ulloq 10. novembari 2023 kommuni pisortanit ikiorsiissutit pillugit qjnnuteqaatinnut itingartitsilluni aalajangiivoq. ltigartitsinermut tunngavigineqarpoq, pisortanit ikiorsiissutit pillugit qinnuteqaatinni najukkatut allassimasat lnunnik Allattorsimaffimmi allaqqanani najukkami allami nalunaarsoqqasutut allaqqanerit. Kommunip aalajangiinermini pisortanit ikiorsiissutit pillugit lnatsisartut peqqussutaanni nr. 15, 20. novembari 2006-imeersumi § 4 innersuussutigivaa. lsumaginninnermi Naammagittaalliuuteqartarfimmut ulloq 17. novembari 2023-mi naammagittaalliuuteqarputit. Naammagittaalliuutinni takuneqarsinnaavoq, qimarnguivimmi najugaqarsimasutit, taamaattumillu qimarnguiviup sumiiffia qinnuteqaatinni najukkatut allassimallugu. Allapputit, kommunip itigartitsilluni aalajangiussinnginnerani tusarniaaffigineqarsimanngitsutit. Tunngavilersuutit: lsumaginninnermi Naammagittaalliuuteqartarfiup nalilerpaa, illit pisortanit ikiorsiissutisisarnissannut pisinnaatitaasutit. Tak. inatsimmi § 4, imm. 1-mut nalunaarut malillugu pilersuinermut akiligassanullu aalajangersimasunut pisortanit ikiorsiissutinik immikkut ittumik pisoqartillugu pissagaanni, qinnuteqartoq Kalaallit Nunaanni aaliangersimasumik najugaqartuussaaq inuillu allattorsimaffianni najugaqartutut nalunaarsoqqasimassalluni. Aaliangersimasumik najugaq tassaavoq sumiiffik, tassa sulinngiffeqarneq, suliamut atatillugu angalaneq, napparsimaneq assigisaaluunniit pissutigalugit allamiikkallanngikkaanni nalinginnaasumik siniffigisagaq pigisallu inissisimaffiat. lsumaginninnermi Naammagittaalliuuteqartarfiup tunngaviliuppaa, utaqqiisaasumik qimarnguivimmi najugaqartutit, taamaattumik najukkanniinngikkallartutit. Najukkanniikkunnaarsimanersutit najukkamilu allattorsimaffimmi nalunaarsoqqajunnaarsimanersutit pillugu paasissutissanik ilanngussisoqarsimanngilaq, taamaammallu najukkannut akilersuinissannut suli pisussaaffeqarputit. Qimarnguivimmiinnerit utaqqiisaasumiiginnaarpoq, najukkannullu akilersuinissamut akisussaaffimmik avaqqutitsisarnani. Najugaqarnerit qimarnguivimmut nuussimanngitsoq tunngaviliupparput. lsumaginninnermi Naammagittaalliuuteqartarfiup taamaattumik nalilerpaa, najukkanniit utaqqiisaasumik peqanngikkallartutit, taamaasillutillu illuummi najugaqartussaatitaanermi § 4-mi piumasaqaatit naammassisimallugit. Kommunip taamaattumik qinnuteqarfiup nalaani, piffissami inatsisit atuuttut malillugit, qanoq annertutigisumik pisortanit ikiorsiissutisiaqassanersutit aalajangiinnginnermini nalilersorlugulu naatsorsussavaa. Ukioq 2023-mut pisortanit ikiorsiissutisiat aamma 2023-mut ikiorsiissutigineqarsimasut Pisortanit ikiorsiissutit pillugit lnatsisartut peqqussutaat nr. 15, 20. novembari 2006-meersoq kingusinnerusukkullu alla­ nnguuteqartoq naapertorlugu naatsorssorneqassapput. Oqaaseqaatit allat: Pisortanit ikiorsiissutit piffissami 1. januaari 2024-miit ullumikkumut ikiorsiissutigineqarnikut Pisortanit ikiorsiissutit pillugit lnatsisartut lnatsisaat nr. 6, 22. juuni 2022-meersoq malillugu naatsorsorneqassapput. Eqqartuussivimmut suliassanngortitsineq: lsumaginnittoqarfiup aqunneqarnera aaqqissuussaaneralu pillugit lnatsisartut peqqussutaat nr. 11, 12. novembari 2001-imeersoq kingusinnerusukkut allanngortinneqartoq § 8, imm. 4-mi allassimavoq, lsumaginninnermi Naammagittaalliuuteqartarfiup aalajangigai allat suliamut attuumassuteqartumit Kalaallit Nunaanni Eqqartuussivimmut suliassanngortinneqarsinnaapput. Aalajangiinermiit sapaatip akunneri sisamat qaangiutinnginnerini Kalaallit Nunaanni Eqqartuussivimmut tunniunneqassaaq.   lnussiarnersumik inuulluaqqusillunga Kristina Nordby Isumaginninnermi Naammagittaalliuuteqartarfiup Siulittaasua

Y Kommuniata meeqqanut tapit pillugit ulloq 1. juuli 2022-mi qinnuteqaatinnut itigartitsilluni aalajangiinera pillugu naammagittalliuutit lsumaginninnermi Naammagittalliuuteqartarfiup siulittaasuata suliaraa imalu aalajangiivoq: AALAJANGIINEQ Kommunip aalajangiinera atuutsiinnarneqarpoq. Tassa imaappoq, kommunip aalajangiinera eqqortuusoq naammagittaalliuuteqarninnilu ilalerneqanngitsutit. Suliaq Meeqqanut tapiissutit pillugit lnatsisartut inatsisaat nr. 9, 7. decembari 2009-imeersumi § 3, imm. 1 aamma 5, § 6, imm. 5 aamma § 7, imm. 1, Meeqqanut tapiissutit pillugit lnatsisartut inatsisaata allanngortinnera pillugu lnatsisartut inatsisaat nr. 7, 27. novembari 2018- imeersumi allanngortinneqartoq, aamma Meeqqanut tapiissutit pillugit Namminersorlutik Oqartussat nalunaarutaat nr. 10, 14. decembari 2018- imeersumi § 1 naapertorlugu aalajangiiffigineqarpoq. Suliami paasissutissat: Suliami takuneqarsinnaavoq, siusinaartumik pensionisiaqartutit, ernuttallu X ilaqutariit paarsisartutut nammineq isumaqatigiissuteqarnikkut ilinni najugaqartoq. Kommunip meeqqanut tapit ernutarnut pilersuinera unitsinneqarsimavoq, tassani arnaa X decembari 2021-mi nuussimammat. Ulloq 17. juuni 2022 kommunimut meeqqat tapisiaqaqqilerusullutit qinnuteqaqqipputit. Kommuni ulloq 1. juuli 2022-mi aalajangiivoq, tassanilu qinnuteqaatit itingartinneqarpoq. Kommunip aalajangiinera pillugu lsumaginninnermi Naammagittaalliuuteqartarfimmut ulloq 5. juuli 2022-mi naammagittaalliuuteqarputit. lsumaginninnermi Naammagittaalliuuteqa rtarfik kommunimit suliami allagaatinik pissarsisimavoq. TunngaviIersuutit: lsumaginninnermi Naammagittaalliuuteqartarfiup siulittaasua isumaqarpoq, arnaa XX-mi najugaqarmat, kommuni ernutannut pilersuinissamut meeqqat tapiinik ikiorsiisinnaanngitsoq. Tassunga tunngavigineqarpoq, meeqqamut tapiutit isumaqatigiissuteqarluni paarsaqarnermi, angajoqqaatut akisussaasup isertitai tunngavigalugit ikiorsiissutigineqartarmata. Kommunip meeqqat tapii naatsorsorunigit, ilaatigut angajoqqaap isertitai Akileraarnermut Aqutsisoqarfimmut noqqaassutigisarpai. Angajoqqaaq Kalaallit Nunaanniit nuussiguni tamanna periarfissaaneq ajorpoq. Taamaattumik meeqqat tapiinik ikiorsiiniaraanni angajoqqaatut akisussaassusilik Kalaallit Nunaanni najugaqartariaqarpoq inunnillu allattorsimaffimmi nalunaarsoqqasariaqarluni. lsumaginninnermi Naammagittaalliuuteqartarfiup siulittaasuata kommunimut malugeqqussavaa, meeraq pilersorneqarnissamut pisariaqartitsippat, Meeqqat tapersersorneqarnissaannut inatsit naapertorlugu meeqqamut tapersiinissaq kommunimit isumagineqartussaammat. Eqqartuussivimmut suliassanngortitsineq: lsumaginnittoqarfiup aqunneqarnera aaqqissuussaaneralu pillugit lnatsisartut peqqussutaat nr. 11, 12. novembari 2001-imeersoq kingusinnerusukkut allannguuteqartinneqartumi § 8, imm. 4-mi allassimavoq, lsumaginninnermi Naammagittaalliuuteqartarfiup aalajangigai, suliamut peqataasumit Kalaallit Nunaanni Eqqartuussivimmut suliassanngortinneqarsinnaapput. Aalajangiinermiit sapaatip akunneri sisamat qaangiutinnginnerini Kalaallit Nunaanni Eqqartuussivimmut tunniunneqassaaq. lnussiarnersumik inuulluaqqusillunga Kristina Nordby

Kommune X ulloq 15. februaari 2022-mi pisortanit ikiorsiissutit utertinnissaannut aalajangiinera pillugu naammagittaalliuutit lsumaginninnermi Naammagittaalliuuteqartarfiup siulittaasuata suliaraa imalu aalajangiivoq: AALAJANGIINEQ  Kommunip aalajangiinera atuutsiinnarneqassaaq, allamilli tunngavilersuutilerlugu. Tamanna isumaqarpoq, kommunip aalajangiinera eqqortuusoq aammalu naammagittaalliuutit ilalerneqanngitsoq. Pisortanit ikiorsiissutit pillugit lnatsisartut peqqussutaat nr. 15, 20. novembari 2006-imeersoq kingusinnerusukkut allanngortinneqartumi § 19, imm. 1, imm. 2, nr. 4, aamma imm. 3, § 26, imm. 1 aamma § 27 naapertorlugit suliaq aalajangiiffigineqarpoq. Nassuiaat: lsumaginninnermi Naammagittaalliuuteqartarfik kommunimit suliami allagaatinik pissarsisimavoq. Matumani takuneqarsinnaavoq, piffissami 17. marsi 2021-miit 3. januaari 2022 tikillugu pisortanit ikiorsiissutisiaqarsimasutit. Ulloq 18. novembari 2021 sillimmasiissummik akileraarusereerlugu 58.000 koruuninik tunineqarputit. Sillimmasiissut sillimmasiisarfimmiit X­-imiit tunniunneqarpoq, tassani uummatinni taqarsuakkut ballonimik alliliiffigitissimanerit tunngavigalugu. Matuma kingorna kommuni piffissami 18. novembari 2021-miit 3. janu­aari 2022 tikillugu pisortanit ikiorsiissutigisiarisimasatit 5673,27 koruunit utertinnissai pillugit ulloq 15. februaari 2022-mi aalajangiivoq. Ulloq 1. marsi 2022 lsumaginninnermi Naammagittaalliuuteqartarfimmut naammagittaalliuuteqarputit. Tunngavilersuutit: lsumaginninnermi Naammagittaalliuuteqartarfiup siulittaasua isumaqar­poq, piffissami 18. novembari 2021-miit 3. januaari 2022 tikillugu pisor­tanit ikiorsiissutisiaqarnissannut pisinnaatitaanngitsutit. Tassunga tunngavigineqarpoq, ulloq 18. novembari 2021-mi 58.000 koruuninik tunineqarsimagavit, taakkualu pilersuinermut akiligassanullu aaliangersimasunut akiliutigisinnaallugit, ataaniilluni najugaqarneq. Tassunga atatillugu ersarissarneqassaaq, sillimmasiissut napparsimaneq peqqutaalluni tunniunneqartoq, aallaavimmisut pilersuinermut akiligassa­nullu aaliangersimasunut atorneqarnissaannut piumasarineqarneq ajor­mat. Piumasaqaataavorli, sillimmasiissut tunniunneqartup aningaasaqar­neranut aallanut immikkoortinneqarsimassasoq. Tamanna piumasaqaat ilinnut atuutsinneqarsimanngilaq, tassani sillimmasiissut 58.000 koruuni­nik naleqartoq akissarsillutit kontomut ikisiffigineqartumut ikineqarsi­mammat, tassanilu isertitat akiligassallu naatsorsuutinut allanneqartar­lutik. Taamaattumik piffissami 18. novembari 2021-miit 3. januaari 2022 tikil­lugu 5673,27 koruunit pisortanit ikiorsiissutisiarisimasatit utertissavatit. Eqqartuussivimmut suliassanngortitsineq: lsumaginnittoqarfiup aqunneqarnera aaqqissuussaaneralu pillugit lnatsisartut peqqussutaat nr. 11, 12. novembari 2001-imeersoq kingusinnerusukkut allannguuteqartinneqartumi § 8, imm. 4-mi allassimavoq, lsumaginninnermi Naammagittaalliuuteqartarfiup aalajangigai, suliamut peqataasumit Kalaallit Nunaanni Eqqartuussivimmut suliassanngortinneqarsinnaapput. Aalajangiinermiit sapaatip akunneri sisamat qaangiutinnginnerini Kalaallit Nunaanni Eqqartuussivimmut tunniunneqassaaq. lnussiarnersumik inuulluaqqusillunga Kristina Nordby lsumaginninnermi Naammagittaalliuuteqartarfiup siulittaasua