Attartortoq Ineqarneq pillugu Maalaaruteqartarfimmut ukuninnga imaqartumik naammagittaalliummik tunniussisinnaavoq:

  • Ineqarnermut qaffaatissanik nalunaaruteqarnermi
  • Aserfallatsaaliineq aammalu iluarsartuussineq.
  • Inigisap iserterfiginerani isikkua.
  • Inigisami ikkussuinermi aammalu pitsanngorsaanermi (attartorsinnaaffigisaq)
  • Attartortup attartukkamini atuineranut (ileqqorissaarnissami unioqqutitsinermi)
  • Attartoqatinut allanut ikaarsaarneq (paarlaaqatigiinneq, attartueqqinneq aammalu attartuinermik nangitseqqinneq)
  • Attartukkap qimannerani isikkua (nalinginnaasumut iluarsartoqqinnera)

Maalaaruteqarniaruit, imatut iliussaatit: Maalaarut immersoriarlugu ingerlaannaq internet-ikkut nassiullugu (NemID atorlugu aammalu atornagu)

Maalaarut elektronisk-iusoq uani nanisinnaavat: Ineqarneq pillugu maalaarut immersugassaq

Maalaarut allakkatigut ingerlanneqassaaq, imaqassallunilu maalaartup suna piumasarineraa, Ineqarneq pillugu Maalaaruteqartarfiup aalajangiiffigisassaanik, aammattaarlu maalaarummut ilanngunneqassallutik ilanngussassat pappiliat pingaarutillit attartortup suliareqqusaanut tunngasut, taakkununnga ilaallutik uppernarsaatit attartortitsisumut saaffiginnittaraluarnermut tunngasut.

Ineqarneq pillugu Maalaaruteqartarfiup allattoqarfia naliliippat, Maalaaruteqartarfiup suliaq tigusinnaagaa, nalunaarfigineqarumaarputit akitsuummut akileeqqusissummik 150 kr.-imik annertussusilimmik. Akitsuut ilinnut utertinneqassaaq, ilaannakortumik tamakkiisumilluunniit maalaarutinni taperserneqaruit.

Maalaarummik nassiussinermit maalaaruteqartup atia, najugaa, oqarasuaatillu normua ilanngunneqassapput.

Inussiarnersumik qinnuigissavatsigit, Ineqarneq pillugu maalaarutinnut, pappiaqqat maalaarutinnut tunngasut ilanngutissagitit, tassunga ilaallutik; attartornermut isumaqatigiissut, aalajangiinermut allagaqaat, aamma pappiaqqat allat attartortitsisumeersut.

Suliap suna imarineraa apeqqutaalluni maalaarut aalajangiiffigineqarnissaa maalaarutip tunniunneqarneranit ukiup affaa angullugu sivisussuseqarsinnaavoq.

Maalaaruteqartarfik ukiumut ikinnerpaamik pingasoriarluni ataatsimiittarpoq, maalaaruteqartarfimmi ilaasortat suliassat eqqartorlugillu aalajangiiffigisaannik.

Ineqarneq pillugu Maalaaruteqartarfiup aalajangigaa naammaginngikkukku tamanna eqqartuussivimmut ingerlateqqitassanngortissinnaavat.

Ineqarneq pillugu Maalaaruteqartarnermi siulittaasumik ilaasortaqarput nalinginnaasumillu ilaasortanik pingasunik. Siulittaasoq kingoraartissaalu Ineqarnermut naalakkersuisumit toqqarneqartarpoq, ilaasortaq ataaseq INI A/S-ip innersuussuteqarneratigut, ataaseq KANUKOKAp innersuussuteqarneratigut ataaserlu inissianik attartortut peqatigiiffiisa kattuffita IPKp innersu

Ineqarneq pillugu Maalaaruteqartarfik Naalakkersuisunit toqqarnerqartumik ukunannga ilaasortaqarpoq:

Naja Joelsen, formand (31. maj 2020)

Pétur H. Gudmundsson (KANUKOKA) (31. maj 2020)

Hans Erik Bresson (INI) (31. maj 2020)

Lise Mørup Dalsgaard (PPK) (31. maj 2020)

Sinniisussat taamatuttaaq Naalakkersuisunik toqqarneqarput, ukuullutillu:

Najattaaq Mathiassen, for Naja Joelsen

Inger Larsen (KANUKOKA), for Pétur H. Gudmundsson (KANUKOKA)

Karsten Lyberth-Klausen (INI), for Hans Erik Bresson (KANUKOKA)

Ingen suppleant, for Lise Mørup Dalsgaard (Paulsen | Keldsen)

Uiguusikkani ilaasortat sinniisussallu kattuffik suliffeqarfilluunniit taqqagaaffigisaat nalunaarsoqqavoq, aammalu qaqugu atuukkunnaarfissaat nalunaaqqalluni.

ussuteqarneratigut. Peqqussummi piumasaqaatit naammassisimassavaat ukiunilu 4-ni atuuffeqarlutik.  

Inerqarnermi saqqummiussat