Isumaqarporlu Kommunip oqaasiinnakkut kiisalu allakkatigut Isumaginnittoqarfimmi aalajangiussaat naammagittaalliutigisinnaavatit. Aalajangiussat makku assersuutaasinnaapput

  • siusinaartumik pensionisiaqalernissamut itigartitaaneq
  • utoqqalinersiappit iluarsiiffigineqarneri
  • meeqqannik pinngitsaaliissumik inissisoqartillugu
  • pisortanik ikiorsiissutinik naatsorsuinerit
  • innarluuteqarneq pillugu ikiorneqarnissamik qinnuteqarnermi itigartitaaneq

Aammattaaq naammagittaalliutigisinnaavatit aalajangiussat utoqqalinersiutisiat pillugit, aalajangerneqarsimasut Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfimmiit. 


Siulittaasoq pisinnaatitaavoq sulianik aalajangiisinnaalluni, assersuutigalugit sulianik makkuninnga:

  • Ineqarnermut tapiissutit annertussusissai
  • Siusinaartumik pensionisiat annertussusissai
  • Utoqqalineq pissutigalugu pensionisiat annertussusissai
  • Pisortanit ikiorsiissutit annertussusissai

Naammagittaalliuuteqarneq                  

Sianigissavat aallaavittut kommunip allakkakkut aalajangiineraniit sapaatit akunneri arfinillit periarfissaammata.
Tamanna kisimi atuuppoq kommunip eqqortumik naammagittaalliornissamut ilitsersuussimappatit.


Naammagittaalliuteqarniaruit, imaaliorsinnaavutit:

  • naammagittaalliuummik immersuiffissaq immersorlugu. NemID-mik peqaruit, naammagittaalliuteqarnissamut immersuiffissaq toqqaannartumik attaveqaatitigoortumik nassiussinnaavat
  • allakkamik allallutit
  • e-mail-imik allallutit
  • sianerlutit
  • nammineq saaffiginnillutit

Isumaginninnermi Naammagittaalliuteqartarfiup suliamik suliarinninnerminut iluaqutigissavai, uku ilanngullugit nassiukkukkit:

  • allakkatigut aalajangiussaq
  • takussutissalluunniit allat kommuniminngaanneersut

Isumaginninnermi Maalaaruteqartarfiup aalajangigai inaarutaasumik aalajangiinerusarput, taamaattumillu allaffissornikkut ingerlatsisunut allanut ingerlateqqinneqarsinnaanatik,  kisianni eqqartuussiveqarfinnut tunniunneqarsinnaalluni.

Isumaginninnermi Naammagittaalliuteqartarfik siulittaasumik ataatsimik ilaasortaqarput ilaasortallu allat sisamat. Siulittaasoq Isumaginninnermi Naammagittaalliuuteqartarfiup allattoqarfiani naammagittaalliuuteqartarnermi allatseqarfiup pisortaatut atorfinitsinneqassaaq Atuisartoqarnermi Unammilleqatigiinnermullu Aqutsisoqarfimmi. Siulittaasoq inatsisilerituutut soraarummeersimassaaq. Naalakkersuisut ilaasortaatitat 4-t taakkulu sinniisussaat ukiuni sisamani atuuttussanngorlugit toqqassavaat. Ilaasortat 2-t sinniisussaallu isumaginninnermut tunngasunik paasisimasaqartuussapput, ilaasortaq 1 sinniisussaalu inatsisilerituujussapput isumaginninneq pillugu paasisimasaqartut, aammalu ilaasortaq 1 sinniisussaalu isumaginninnermut politikkimik tunuliaqutaqassapput. 

Isumaginninermi Naammagittaalliuteqartarfik Naalakkersuisunit toqqarnerqartumik ukunannga ilaasortaqarpoq:

Siulittaasoq Freja Lisby Nielsen

kiisalu Naalakkersuisunit tamarmik toqqarneqarnikut:

Kristina Nordby, ilaasortaq Isumaginninnermi tunuliaqutalik (31. juuni 2022)

Steven Arnfjord, ilaasortaq Isumaginninnermi tunuliaqutalik (31. juuni 2022)

Karsten Lyberth-Klausen, ilaasortaq inatsileritooq isumaginninnerup iluani paasisimasalik (31. juuni 2022)

Britta Nielsen Johansen, ilaasortaq isumaginninnermi politikkikkut tunuliaqutalik (31. juuni 2022)

Taamatuttaaq sinniisussat Naalakkersuisunit toqqarneqarnikut, tassaallutillu:

Tukummeq Qaavigaq, sinniisoq isumaginninnermi tunuliaqutalik (31. juuni 2022)

Pernille Bengtson, sinniisoq isumaginninnermi tunuliaqutalik (31. juuni 2022)

Hanne Rose Andersen-Aagaard, sinniisoq inatsisileritooq isumaginninnerup iluani paasisimasalik (31. juuni 2022)

Mette Sonniks, sinniisoq isumaginninnermi politikkikkut tunuliaqutalik (31. juuni 2022)

 

Assiliaq: Inatsisartut Allattoqarfiat


Aqutsinermut inatsik

Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaat nr. 11, 12. november 2001-imeersoq


Suliamik suliarinnitarneq pillugu inatsik

Pisortat ingerlatsineranni suliassat suliarineqartarnerat pillugu Inatsisartut inatsisaat nr. 8, 13. juni 1994-imeersoq

Paasitinneqarsinnaatitaaneq pillugu Inatsik

Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaat nr. 9, 13. juni 1994-imeersoq

Suliffeerunnermi ikiorsiissutit

Suliffeerunnermi ikiorsiissutit pillugit inatsisartut inatsisaat nr. 2, 15. maj 2014-imeersoq

Utoqqalinersiat

Utoqqalinersiaqarneq pillugu Inatsisartut inatsisaat nr. 20, 23. november 2015-meersoq

Siusinaartumik pensionisiat

Siusinaartumik pensionisiat pillugit Inatsisartut inatsisaat nr. 40, 9. december 2015-imeersoq

Erninermut ullormusiat

Pisortanit ikiorsiissutit

Meeqqanut tapersersuineq

Innarluutillit

Annertuumik innarluutillit ikiorserneqartarnerat pillugu Inatsisartut peqqussutaata allanngortinneqarnera pillugu Inatsisartut peqqussutaat nr. 10, 31. maj 2010-imeersoq(Innarluutilinnik isumaginninnerup kommuninut nuunneqarnera)

Meeqqanut inuusuttunullu kiisalu annertuumik innarluutilinnut ulloq unnuarlu paaqqinniffiit pillugit Namminersornerullutik Oqartussat nalunaarutaat nr. 64, 29. dec. 1994-imeersoq

Meeqqanut tapiissutit akilersuutillu

Meeqqanut tapiissutit pillugit Inatsisartut inatsisaat nr. 9, 7. december 2009-imeersoq

Ineqarnermut tapiissut

Suliamik piareersaaaneq

Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaata allanngortinneqarneranik Inatsisartut inatsisaat nr. 1, 31. maj 1999-imeersoq. (Sulisorineqartut pillugit paasissutissanik paasitinneqarsinnaaneq)

Inuit pillugit suliani oqaaseqarnerit

Atuisartoqarnermut Unammilleqatigiinnermullu Aqutsisoqarfik nipangiussisussaassuseqarpoq paasissutissallu suliatsinnut ingerlasunut imaluunniit naammassineqareersunut oqaatigeqqusaanngitsut inunnullu tunngasut ingerlateqqittussaanagit.
Tamatuma kinguneraa innuttaasut inatsisitigut innarlitsaalisaaneqarnerata eqqarsaatiginerata kingunerigaa innutaasup inuttut nammineq pissusiinut paasissutissat tamanut takuneqarsinnaasunngorlugit naqqinnagillu, ingerlateqqinnagillu oqaaseqarfigissanngikkivut. Uagutsinnut maalaaruteqarneq allatulluunniit Atuisartoqarnermut Unammilleqatigiinnermullu Aqutsisoqarfiup suliaanut akuuneq inuttut nammineq pigisaavoq allat susassarinngisaat.
Aamma tamatuma kinguneraa inuk atermigut taaneqartoq pillugu suliaqarnerput suliaqannginnerpulluunniit allanut oqaatigissanngikkipput, taamaaliornitsigut suliap innuttaasup inuiaqatigiinni inissisimanera, inuttut pissusii imaluunniit peqqissutsikkut pissusii il.il. toqqaannanngikkiluartumik oqaaseqarfigigutsigit, taakkumi aqutsisoqarfiup ulluinnarni suliaani paasissutissanut ilaagajummata.

Meeqqat pillugit suliani nipangiussisussaassuseqarneq

Suliani meeqqat inuusuttulluu inissinneqarnerinut tunngasuni annertusisamik nipangiussisussaassuseqarpugut, tamatigut meeraq inuusuttorluunniit suliamut tunngaviusoq immikkorluinnaq ittumik illersortariaqarmat.
Meeraq inuusuttorluunniit aqutsisoqarfimmut aalajangikkatsinnullu tatiginnissinnaassappat taassuma inuuneranut tunngasut tusagassiuutinut nalunaarutigigutsigit tulluartuussanngilaq.
Taamaattumik meeraq atianik taaneqartoq pillugu suliamut apersuinernut oqaloqatigiinnernulluunniit peqataaneq ajorpugut atuuttunik tassungalu tunngasunik piginnaatitsissummilluunniit peqaraluarutta. Ataatsimut isigalugu meeqqat pillugit sulianik ingerlatsisarnerput aalajangiisarnerpullu oqaluttuarisinnaarput, kisianni aatsaat erseqqissumik paasissutissiissutigineqarpat suliamut aalajangersimasumut ataatsimut tunngasuunngitsoq.
Suliaq tusagassiuutitigut annertuumik sammineqarpat tassunga atatillugu aalajangersinnaavugut suliaq suliarineripput ilumoornerarlugu imaluunniit ilumuunnginnerarlugu oqaatigissallugu.

Piginnaatitsissummik peqarpat

Nipangiussisussaassuseqarnitsinnut apeqqutaasinnaassaaq tusagassiortoq aqutsisoqarfiup suliaani suliamut akuusunit tamanit piginnaatitsisummik peqarnersoq.
Inummut suliap tusagassiuutitigut oqaatigineqarneranut atatillugu piginnatitsissummut piumasaqaataasut atuakkit.

Isumaginninnermi maalaarut