Tamanna isumaqarpoq Kommunip oqaasiinnakkut kiisalu allakkatigut  aalajangiussaat naammagittaalliutigisinnaagitit. Aalajangiussat makku assersuutaasinnaapput

  • siusinaartumik pensionisiaqalernissamut itigartitaaneq
  • Naliliinermi aamma sulisinnaassiseqarnermik nalilersueqqinnermi procentinngorlugu  sulisinnaaseseqarnermik aalajangiineq

Siusinaartumik pensionisiaqarnermut maalaaruteqartarfiup  ataatsimiititaliaat ukiumut missingersorlugu marlunniik sisamariarlutilluunniit ataatsimiittarput, ilaasortanit suliat oqallisigineqarlutik, kiisalu aalajangiiffigineqarlutik.

Siusinaartumik pensionisiaqarnermut maalaaruteqartarfik manna tikillugu suleriaatsit malillugit Siulittaasup suliani qularutissaqangittunik aalajangiisinnaavoq. Tamakku Allatseqarfimmut, pisinnaatitaaffiit tamaasa imaluunniit ilamerngi, sulittaasup aalajangigassangortissinnaavai. 

Maalaaruteqarneq  
Maalaaruteqarusukkuit, aalajangiiffimmiit allakkat tigunerisa sapaatit akunneri sisamat qaangiuttinnagit, Siusinaartumik pensionisiaqarnermut maalaaruteqartarfik, maalaarutit apuutereersimassaaq. Tamanna kisimi atuuppoq, kommunip maalaaruteqarsinnaanernut eqqortumik allakkatigut ilitsersuussimappatit. 

Maalaaruteqarniaruit, imaaliorsinnaavutit:

  • naammagittaalliuummik immersuiffissaq immersorlugu. NemID-mik peqaruit, maalaaruteqarsinnaanernut immersuiffissaq toqqaannartumik attaveqaatitigoortumik nassiussinnaavat
  • allakkamik allallutit
  • e-mail-imik allallutit
  • sianerlutit

Siusinaartumik pensionisiaqarnermut maalaaruteqartarfiup suliamik suliarinninnerminut iluaqutigissavai, uku ilanngullugit nassiukkukkit:

  • allakkatigut aalajangiussaq
  • takussutissalluunniit allat kommuniminngaanneersut

 Siusinaartumik pensionisiaqarnermut maalaaruteqartarfiup aalajangigai inaarutaasumik aalajangiinerusarput, taamaattumillu allaffissornikkut ingerlatsisunut allanut ingerlateqqinneqarsinnaanatik,  kisianni eqqartuussiveqarfinnut tunniunneqarsinnaalluni.

Siusinaartumik pensionisiaqarnermut maalaaruteqartarfik ilaasortarai siulittaasoq, inatsisilerituutut ilinniarsimasoq, ilaasortallu allat marluk. Siulittaasoq ilaasortallu marluk Naalakkersuisunit toqqagaasarput ukiut sisamakkaarlugit.  Siusinaartumik pensionisiaqarnermut maalaaruteqartarfiup ilaasortai suliffeqarnermut, inunnik isumaginninnermut, peqqinnissaqarfimmut, ilinniartitaanermut nakorsallu suliaanut tunngasunut tamatigoortumik ilisimasaqassapput. Siusinaartumik pensionisiaqarnermut maalaaruteqartarfiup ilaasortai toqqagaasarput inuttut suliamullu pikkorissusertik tunngavigalugu.

Siusinaartumik pensionisiaqarnermut maalaaruteqartarfimmut toqqakkat ukuupput:

Kristina Nordby, Siusinaartumik pensionisiaqarnermut maalaaruteqartarfiup siulittaasua.

Karsten Lyberth-Klausen, Siusinaartumik pensionisiaqarnermut maalaaruteqartarfimmut ilaasortaq.

Uka Wilhjelm Geisler, Siusinaartumik pensionisiaqarnermut maalaaruteqartarfimmut ilaasortaq.

Siusinaartumik pensionisiaqarnermut maalaaruteqartarfimmut sinniisussatut toqqakkat:

Naja Joelsen, Siusinaartumik pensionisiaqarnermut maalaaruteqartarfiup siulittaasuanut sinniisoq.

Anita Hoffer, Karsten Lyberth-Klausen-imut sinniisoq.

Sinniisutut toqqagaasimanngilaq Uka Wilhjelm Geisler-imut sinniisoqanngilaq.

Siusinaartumik pensionisiaqarnermut maalaaruteqartarfik