B182000K – HBJ

ØSTRE LANDSRETTIMI EQQARTUUSSUTIP ALLASSIMAFFIATA ASSILINEQARNERA

____________

EQQARTUUSSUT

Oqaatigineqartoq ulloq 17. oktober 2008 Østre Landsrettip immikkoortortaqarfiup pingajuani

(Nunap eqqartuussisuuneri Teilmann, B. Tegldal aammalu Ulla Staal).

3. afd. a.s. nr. B-1820-07:

Unammilleqatigiinnermi aalajangiisartut

(eqqartuussissuserisoq Kim Lundgaard Hansen)

Illuatungeralugu

KNI A/S

(eqqartuussissuserisoq Niels Hansen Damm)

Suliassap tunuliaqutaa piumasaqaatillu

Nunatta Eqqartuussissuuneqarfiani eqqartuussut ulloq 30. marts 2006-imeersoq (A 104/02) Unammilleqatigiinnerni aalajangiisartuniit suliareqqitassanngorlugu ingerlateqqinneqarpoq inaarutaasumik piumasarineqarluni sassaqqusaasoq KNI A/S pisussaaffileqarneqassasoq akuersaassallugu suliffeqarfik KNI Pilersuisoq A/S-imit ingerlanneqartoq ulloq 2. maj 1994 isumaqatigiissutigineqartoq malillugu KNI Pilersuisoq A/S aammalu Nuuk Imeq A/S akornanni pisinermut nassiussinermullu kulsyrenik imalinnik imeruersaatinut § 2, nr. 1, imm. 3-mut unammillernermut tunngasumut taamanernisaq Inatsisartut Inatsisiliaat nr. 28, 30. Oktoberi 1992-meersumut ilaanngitsoq.
KNI A/S inaarutaasumik piumasaqaatigaat Unammilleqatigiinnermi aalajangiisartut nassuerutigissagaat KNI A/S-ip niuertunik pilersuinera baajanik mineralvandinillu kisermaajulluni ingerlatarigaa § 2, nr. 1, imm. 2 taamanernisaq unammillernermut tunngasoq Inatsisartut Inatsisiliaat nr. 28, 30. oktober 1992-meersoq toqqammavingalugu, aammattaaq suliaq innersuutigineqartoq Nunatta Eqqartuussisuuneqarfiani suliareqqitassanngortinneqassasoq.

Suliamut ilassuteqaatitut saqqummiussineq

Nalunaajaat ulloq 13. oktober 1985-meersoq aalisarnermut aatsitassanullu Inatsisartunut ilaasortap pilersaarutaani fabrikkiliornermut mineralvandit sanaartorneranut imigassanullu maqiterinernut ilaatigut piumasaqaateqarluni naggataarutaasumik Inatsisartunut ima piumasaqarpoq:

"Naalakkersuisut taamaattumik peqqusipput Inatsisartut piginnaatissagaat akueralugillu ukua:

  1. Ingerlatsiviup pinngortinneranut isumaqatigiinnerit naammassisassagai
  2.  Namminersornerullutik Oqartussat ingerlatsivimmut piginneqataasussasutut aningaasaliissasut kr. 9.750.00 annertussusilinnik.
  3.  Namminersornerullutik Oqartussat piginneqatigiiffiup pinngunnginnerani nalunaarutigissagaa ukiumoortumik nunatta karsianut tunniussisassalluni ilaannakortumik matoorutaasussamik ingerlatsinermi amingaartoorutinik.
  4.  Namminersornerullutik Oqartussat inatsisitigut immaqaluunniit allatigut aaqqiinikkut ingerlatsivik illersortassagaa akerlianit silataaniit unammillerneqarnissaanut.
  5.  Namminersornerullutik Oqartussat peqataasut sunnerneqartut ikioqatigalugit suliassat pingaarutillit naalagaaffimmut aningaasaliinerit aallartissagaat sanaartugassanik pilersaarusiamut 1986-mut tunngasumut, pisariaqassappallu pilersaarusianik allanik kinguartitsisinnaassalluni.

Inaarutaasumik oqaaseqaammi Inatsisartut nalunaajaatip suliarinerani ukiami katersuunnermi 1985-imi taaneqarpoq:

“Ullormut oqaluuserisami imm. 24 naammassineqarpoq atortussanngortitsilluni ukunannga ullormut eqqartugassani siunnersuutini:

“ Inatsisartut nalunaajaat pilersaarusiornermut fabrikkiliornissamut mineralvandi sananeqarneranut imigassanullu maqiterinissamut tusaatissatut tigummassuk inaarutaasumik Inatsisartut pilersaarutinut ilanngullutik oqaatigaat nalunaajaatip najoqqutassat iluaniinnerat toqqammavigalugu.

Suliap inerniliinera ima isikkoqalerpoq Naalakkersuisut piumasaqarnermisuut piginnaatitaalerput Inatsisartuninngaanniit isumaqatiigiinnerit naammassisinnaalerlugit piginneqatigiiffiup pinngortinnerani saqqummiunneqartut toqqammavigalugit, suliffeqarfiullu unammillerneqarnissaa illersussallugu aammattaaq sunniuteqarfigissallugu sanaartornermut pilersaarutit 1986-mut tunngatillugu naalagaaffimmut aningaasaliinerit pisariaqartut.

Nalunaajaat ulloq 26. Maj 1986-meersoq aalisarnermut aammalu industrimut Naalakkersuisunut ilaasortap ilaatigut naggataarutaasumik inatsisartunut isummerpoq sanaartugassanik pilersaarusiaq sodavandit sananeqarneranut immiaaqqanullu maqiterineq pillugu:

”1-fabriksløsningip nunatta karsianut iluatinnartuunera toqqammavigalugu taamatuttaaq taanna aaqqiineq imigassamik atuinermut appartitsinissaa periarfissaalluarmat Naalakkersuisut innersuussutigissavaat Inatsisartut makkunannga akuersinissaat:

  1. Aalajangerneqarpoq immiorfiit, Nuup Kommunia aammalu Namminersornerullutik Oqartussat Nuummi fabrikkiliornissaq ujartussagaat Kalaallit Nunanni imigassanik sodavandinillu pilersuinissaq siunertaralugu. Siusinnerusukkut aalajangiussaq pingasunik fabrikkiliortoqassasoq taamaasilluni atorunnaarsinneqarpoq.
  2.  Namminersornerullutik Oqartussat peqataanerminni atungarisaat Inatsisartut siusinnerusukkut akuersissutigereernerattuut atungassaqassapput. Atungassalli makkunatigut allannguuteqarput:
    a) Aktiekapitali tamakkiisoq annerpaamik 38 mio. kr.-niussaaq kalaallinillu amerlanerussuteqassalluni, …
    b) Namminersornerullutik Oqartussat ingerlatsinernut tapiissanngilaq piginneqatigiiffiup aningaasaqarneranut navianaallisaanissaanut,
  3.  Naalakkersuisut Inatsisartuninngaanniit pisinnaatitaalerput qulaani toqqammaviusunik sulissuteqassallutik pisariaqartunut isumaqatigiinnernut suliffeqarfiup pinngornerani. Tamanna pillugu pilersaarutit pisussanngortinneqartut naatsorsuutigineqarput takkunnissaat juunimi 1986.

…”

Inaarutaasumik oqaaseqaammi Inatsisartut nalunaajaatip suliarinerani upernaami katersuunnermi 1986-imi taaneqarpoq:

”Partiit tamarmik nalunaajaatip siunnersuutaat isumaqataaffigivaat, siunnersuutillu 1 fabrik Nuummi sananeqarnissaanut siunertat Kitaani niuernermik pilersuinisssat immiaaqqanik sodavandinillu nioqqutissanik.

Kalaallit Niuertarfiata allanngortinneqarnera pillugu Inatsisartut peqqussutaat nr. 14, 30. oktober 1992-imeersoq ima aalajangiisoqarpoq:

§ 1. Naalakkersuisut aktiaateqarluni ingerlatseqatigiiffik ataqatigiissitsiviusoq marlunnik tassunga atasunik ingerlatseqatigiiffittalik 1. januar 1993-imiit aallartittussaq pilersissavaat.

Imm. 2. Naalakkersuisut namminersortumik peqateqarlutik aktiaateqarluni umiarsuaatileqatigiiffik 1. januar 1993-imiit aallartittussaq pilersissavaat.

Imm. 3. Ingerlatseqatigiiffiit imm. 1-imi 2-milu taaneqartut ingerlatsineq maannamut Namminersornerullutik Oqartussat sullissiviannit Kalaallit Niuerfiannit, ingerlatseqatigiiffiit taaneqartut pilersinneqarnerisigut atorunnaarsussamit, ingerlanneqartoq tigussavaat ingerlateqqissallugulu.

”Pilersuineq, angalaneq, angallassineq, allakkerineq il.il. pillugit Kalaallit Nunaannut inatsimmi nr. 469-imi, 6. november 1985-imeersumi §9 naapertorlugu makku aalajangersarneqarput:

Kapitali 1.

Ingerlatseqatigiiffinnik pilersitsineq.

§ 1. Naalakkersuisut aktiaateqarluni ingerlatseqatigiiffik ataqatigiissitsiviusoq marlunnik tassunga atasunik ingerlatseqatigiiffittalik 1. januar 1993-imiit aallartittussaq pilersissavaat.

Imm. 2. Naalakkersuisut namminersortumik peqateqarlutik aktiaateqarluni umiarsuaatileqatigiiffik 1. januar 1993-imiit aallartittussaq pilersissavaat.

Imm. 3. Ingerlatseqatigiiffiit imm. 1-imi 2-milu taaneqartut ingerlatsineq maannamut Namminersornerullutik Oqartussat sullissiviannit Kalaallit Niuerfiannit, ingerlatseqatigiiffiit taaneqartut pilersinneqarnerisigut atorunnaarsussamit, ingerlanneqartoq tigussavaat ingerlateqqissallugulu.

Kapitali 2.

Aktiaateqarluni ingerlatseqatigiiffik ataqatigiissitsivik ingerlatseqatigiiffiillu tassunga atasut

(Kalaallit Niuerfiat Sullissivik A/S, Kalaallit Niuerfiat Pisiniarfeqarfik A/S)

§ 2. § 1 imm. 1-imi ingerlatseqatigiiffiit atasutut taaneqartut siulliup (Kalaallit Niuerfiat Sullissivik A/S-ip) siunertaraa makkuninnga sullissisuunissani:

1) Atortussanik, inuussutissarsiornermi sakkuutinik il. il. pisiniarfinni pisiassanik aammalu annikitsumik amerlasuukkaarilluni nunaqarfinni isorlernilu niuerneq,

2) Ilaasunik usinillu pingaartumik nunaqarfinnut isorlernullu imaatigut angallassineq,

3) nuna tamakkerlugu uuliaarniarneq aammalu

4) allakkeriveqarneq.

Imm. 2. Tamatuma saniatigut ingerlatseqatigiiffiup ingerlatsineq niuernikkut nunallu pissusiatigut suliassaqarfinnut imm. 1-imi taaneqartunut attuumassuteqartoq pilersissinnaallugulu, pissarsiarisinnaallugulu ingerlassinnaavaa.

Imm. 3. Imm. 1-imi taaneqartunik sullissinermini ingerlatseqatigiiffiup nioqqutissanik pilersuinermik angallassinermillu il. il. ingerlatsinissaminut pisussaaffeqarnini naammassiumallugit pisariaqartitsinini naapertorlugu Namminersornerullutik Oqartussat ingerlatsinermut isumaqatigiissuteqarfigisassavai.

Imm. 4. Ingerlatseqatigiiffik aamma allatigut niuertutut tunngaveqarluni ingerlanneqassaaq.

§ 3. § 1 imm. 1-imi ingerlatseqatigiiffiit atasutut taaneqartut aappaata (Kalaallit Niuerfiat Pisiniarfeqarfik A/S-ip) siunertaraa makkuninnga sullissisuunissani: Atortussanik, inuussutissarsiornermi sakkuutinik il. il. pisiniarfinni pisiassanik aammalu amerlasuukkaarilluni illoqarfinni ingerlatseqatigiiffiup § 2-mi taaneqartup (Kalaallit Niuerfiat Sullissivik A/S-ip) ingerlatsivissarinngisaani niuerneq.

Imm. 2. Tamatuma saniatigut ingerlatseqatigiiffiup ingerlatsineq niuernikkut nunallu pissusiatigut suliassaqarfinnut imm. 1-imi taaneqartunut attuumassuteqartoq pilersissinnaallugulu, pissarsiarisinnaallugulu ingerlassinnaavaa.

Imm. 3. Ingerlatseqatigiiffik niuertutut tunngaveqarluni ingerlanneqassaaq.

Kapitali 4.

Ingerlatseqatigiiffinnut atugassarititat allat.

§ 8. § 1 imm. 1-imi ingerlatseqatigiiffiit atasutut taaneqartut (Kalaallit Niuerfiat Sullissivik A/S aammalu Kalaallit Niuerfiat Pisiniarfeqarfik A/S) Kalaallit Niuerfiata pisinnaatitaaffiinik pisussaaffiinillu tigusissapput, taakku aktiaateqarluni umiarsuaatileqatigiinnut isumaqatigiissuteqarnikkut nuunneqarsimatinnagit.

…”

Naliginnarmik oqaaseqaatini Inatsisartut peqqussutaanut siunnersuummi ilaatigut taaneqarpoq:

”Tunngaviusumik Kalaallit Niuertarfiata aaqqissuunnerata sannaa pissarsiarineqassaaq uuma Inatsisartut peqqussutaatigut, taamaasillunilu ingerlatsiviit pingasut Kalaallit Niuertarfiata assigiinngitsut suliniutaat ingerlateqqissavaat. Taamaasilluni aalajangerneqarluni ingerlatsiviit siunertaat, piumasaqaatillu ingerlatsiviit Namminersornerullutik Oqartussaniit suliamik ingerlatitsinerat tigunissaat, kiisalu najoqqutassat qulliusunik pisortanik aaqqiineq aammalu suleqatigiinneq taakkunannga pingasuni (sisamaasuni) ingerlatsivinni. Ilaatigullu kinguneraa ingerlatsiviit Kalaallit Niuertarfiata sanaartornera kaaviiaartitaasalu nalii tigussagaat taanna agguaaneq aallaavigalugu ingerlatsiviit ataasiakkaarlutik ingerlataat apeqqutalluni.

Ingerlatsiviit ilaat nutaaq tassa Kalaallit Niuertarfiat Service A/S pingaarnertut siunertarivaa pisussaaffigissallugu pilersuineq Kalaallit Nunaanni unammilleqatigiinnermut tunnganngittunik, taamaasilluni kingunerissallugu nioqqutissanik ataasiakkaanik aammalu killilimmik niuertunik pilersuineq ingerlatsiviup pisussaaffigilissaagaa umiarsuakkut pigisanik assartuineq illoqarfiit pigisaanni, nuna tamakkerlugu umiarsuamik ilaasunik ingerlatsineq, nunalu tamakkerlugu uuliamik tunisassiuineq, kiisalu nuna tamakkerlugu allakkerisarneq.

Ingerlatsiviup aappaata nutaap Kalaallit Niuertarfiat Detail A/S siunertarivaa nioqqutissanik ataasiakkaanik aammalu niuertunik pilersuineq Kalaallit Nunaanni unammilleqatigiiffiusumi ingerlatsissalluni.

…”

KNI A/S pillugu inatsisartut peqqussutaat nr. 4, 6. juni 1997-imeersoq ima aalajangiisoqarpoq:

“Pilersuineq, angalaneq, angallassineq, allakkerineq il.il. pillugit Kalaallit Nunaannut inatsimmi nr. 469-imi, 6. november 1985-imeersumi §9 naapertorlugu makku aalajangersarneqarput:

KNI A/S-ip pilersinneqarnera

§ 1. Naalakkersuisut aktiaateqarluni ingerlatseqatigiiffimmik pilersitsissapput pilersinneqar-nerani 500 mio. kr.-inik aktiatigut aningaasaatilimmik.

Imm. 2. Ingerlatseqatigiiffik ateqarpoq KNI A/S.

Imm. 3. Aktiatigut aningaasaatit pissarsiarineqassapput Namminersornerullutik Oqartussat KNI Pilersuisoq A/S-imi aamma KNI Pisiffik A/S-imi aktiaataasa aningaasaliissutiginerisigut.

Imm. 4. Inatsisartut peqqussutaanni uani ingerlatseqatigiiffissuartut KNI-tut paasineqassaaq ingerlatseqatigiiffissuaq KNI A/S-ip aqutsisuuffigisaa. Ingerlatseqatigiiffiit imm. 3-mi taaneqartut ingerlatseqatigiiffíssuarmut tassunga ilaapput.

Imm. 5. IngerlatseqatigiifFissuarmi KNI-mi ingerlatseqatigiiffiit aktiaateqarluni ingerlatseqati-giiffiit pillugit inatsimmut aamma aktiaateqarluni ingerlatseqatigiiffinnut tunngatillugu inatsisi-liornernut allanut Kalaallit Nunaanni atortussanngortinneqarsimasunut ilaatinneqarput. Ingerlat-seqatigiiffissuarmi KNI-mi ingerlatseqatigiiffinni aktiatigut aningaasaatit ingerlatseqatigiiffiit pillugit inatsisini maleruagassat malillugit allanngortinneqarsinnaapput.

Ingerlatseqatigiiffissuup KNI-p ingerlatsinera

§ 2. Ingerlatseqatigiiffissuarmi KNI-mi ingerlatseqatigiiffiit nalinginnaasumik niuernermik tunngaveqarlutik quersuarniit pisiniarfinniillu niuernermik aamma allanik niuernermik tunnga-veqarluni ingerlatanik tamatumunnga atasunik siunertat malittarisassani allassimasut naapertor-lugit ingerlatsissapput.

Imm. 2. Ingerlatseqatigiiffiit ingerlatseqatigiiffinni aqutani tamakkiisumik ilaannakuusumil-luunniit pigisaminni suliffeqarfiit allat suleqatigalugit allanillu ateqartitsillutik ingerlatsinertik ingerlassinnaavaat.

Imm. 3. Naalakkersuisut ingerlatseqatigiiffiit pisussaaffilersinnaavaat nioqqutissanik ulluin-narsiutinik, inuussutissarsiornermut atortunik, ikummatissanik imerpalasunik allanillu pilersui-nermi pisortat sullissinerat pillugu nalinginnaasumik niuernermik tunngaveqarnermik atugassa-qartitsilluni isumaqatigiissuteqartarnissaannut.

§ 3. Ingerlatseqatigiiffissuarmi KNI-mi ingerlatseqatigiiffiit KNI Pilersuisoq A/S-ip aamma KNI Pisiffik A/S-ip ingerlataasa ingerlanneqarnerat tigussavaat.

Atuutilerfia il.il.

§ 6. Inatsisartut peqqussutaat ulloq 1. juli 1997 atuutilerpoq.

Imm. 2. Tamatumunnga peqatigitillugu Kalaallit Niuerfiata allanngortinneqarnera pillugu inatsisartut peqqussutaat nr. 14, 30. oktober 1992-imeersoq atorunnaarsinneqarpoq.

KNI A/S pillugu Inatsisartut peqqussutaata allanngortinneqarnera pillugu Inatsisartut peqqussutaat nr. 7, 14. november 2004-meersoq nalunaarummi § 2 ima oqaasertalerneqarpoq:

"§ 2. Ingerlatseqatigiiffissuarmi KNI-mi ingerlatseqatigiiffiit niuernermik tunngaveqarlutik makkuninnga, niuernerullu tungaatigut taakkununnga atareersunik ingerlatsissapput:

1) Quersuarniit niuertarfinniillu niuerneq.

2) Aalisakkanit qalerualinnillu tunisassiassanit, neqaarniat tunisassiaataannit inuussutissanillu allanit nioqqutissiorneq aammalu pineqartunut tunngatillugu aningaasalersuisalernissaq ilanngullugu.

3) Usinik ilaasunillu nunaqarfinnut nunaqarfinniillu imaatigut assartuineq.

Imm. 2. Ingerlatseqatigiiffiit ingerlatseqatigiiffinni aqutani tamakkiisumik ilaannakuusumilluunniit pigisaminni suliffeqarfiit allat suleqatigalugit allanillu ateqartitsillutik ingerlatsinertik ingerlassinnaavaat.

Ilaatigut isumaqatigiissummi kiffartuussissutinut november 2001-meersumi Namminersornerullutik Oqartussat (GH) aammalu KNI Pilersuisoq A/S (PIL) akornanni isumaqatigiissutigineqartumi imaqarpoq:

”1. Naliginnaasumik piumasaqaatit.

1.01 Peqataasuni kiffartuussinissamut isumaqatigiissutinik immikkoortunik isumaqatigiissusiortoqarpoq nioqqutissanik pilersuinermut taavalu ikummatissamik imerpalasumik. PIL-ip ikiuutaat tunniunneqartassapput ingerlatsivinniit assigiinngitsuniit marlunniit imaluunniit divisionikkut, ingerlatsivik/divisioni (NIOQQUTISSAT) nioqqutissanik pilersuinermut

aammalu ingerlatsivik/divisioni (NUKISSIORNEQ) nukissiamik pilersuinermut tunngassuteqassalluni.

1.05 GH immikkut kiffartuussinissamut isumaqatigiissutinik PIL peqqussusiorfigisinnaavaat pilersuinermut pisussaaffilerluguit immikkoortitikkanit aallaavilinnik nioqqutissat pillugit, kiisalu inuussutissarsiornermut atortut piniarnermut aalisarnermullu. Pilersuinermut pisussaafiata nunap ilaanut aalajangiunneqassaaq immikkut kiffartuussinissamut isumaqatigiissummi.

3. Immikkut kiffartuussinissamut isumaqatigiissummi nioqqutissanik pilersuineq pillugu

3.01 Ukimut akuersissimmik pisussaatitaaffimmut immaqaluunniit arlalinnut tulleriiginnarnut ukiumut akuersissutinik immikkut kiffartuussinissamut isumaqatigiissusiortoqarsinnaavoq GH aammalu PIL akornanni nunaqarfinni isorliunerusunilu nioqqutissanik pilersuineq pillugu allatigut nioqqutissanik pilersuineq isumannaatsumik ingerlatsinermut tunngasunik ingerlanneqarsinnaanngiffiusumi.

3.02 Kiffartuussinissamut isumaqatigiissummi PIL-ip GH pisussaaffilersinnaavaa niueqatigiinnermut isumaqatigiissusiliortinnissaanut niernermut pilersuinermut pisiarisartakkanik allat niuertut nunap iluani peqatigalugit, piumasaqaatini kiffartuussinissamut isumaqatigiissummi nassuiaanneqartumi.

3.03 Nioqqutissanik pilersuinermi kiffartuussinissamut isumaqatigiissummi aalajangerneqassapput akilersuutit akiliutillu. Akiliinissamut pilersaarut sananeqassaaq GH-ip PIL-imut akiliutissaanik kiffartuussinisssamut isumaqatigiissut malillugu.”

Suliami oqaaseqaatit

Peqataasut pingaarnertut Nunatta Eqqartuussisuuneqarfiani suliami oqaaseqaatitik uteqqiinnarpaat.

Kalaallit Nunaanni unammilleqatigiinnermut inatsit

Taamanikkut atuuttoq unammilleqatigiinneq pillugu inatsisartut inatsisaat nr. 28, 30. oktober 1992-imeersumi § 2-mi inatsiseqarpoq inatsip atuuffianik:

” § 2. Inatsimmi pineqarput:
1) Inuussutissarsiutigalugu suliffeqarfiit aamma inuussutissarsiutinik ingerlatsisut kattuffii. §§ 11-miit 15-imut inuussutissarsiutigalugu suliffeqarfinnut, immikkut tunngavigisaq malillugu ingerlanneqarnerat pisortanit aalajangiivigineqartartunut akuersissutigineqartartunullu, tassa pineqartuni pissutsit pisortanit aqutarineqarpata, atuutinngillat.

Inatsisissatut siunnersuummi § 2, nr. 1-mi ilaatigut ima oqaaseqaateqartoqarpoq:

Ӥ2, nr. 1, oqaaseqaatip siulliup aalajangerpaa inatsisip aallaavigissagaa sunaluunniit inuussutissarsiornermik suliffeqarfik, uumalu ataani piginneqatigiiffiit aammalu suliffeqarfiit imminut ingerlatittut il.il., aammalu inuussutissarsionermik suliffeqarfiit suliarineqartut massuma akisussaaffiani naak inuussutissarsionermik suliffeqarfik pisortatigut privatitulluunnit isigineqaraluartut.

Aamma inuussutissarsiornermik suliffeqarfik tamakkiisumik ilaannakortumilluunnit pisortatigut aaqqiinerungaluartoq ilaavoq. Peqqussutip silataanut pissapput pisortatigut immaqaluunniit pisortaniit akuerineqarnikut suliffeqarfiit pisortatigut ingerlatsisunut atasut, akeqanngitsumik ingerlatsinerit, isertitanit nuussinerit assigisaallu, soorlu assersuutigalugu napparsimavimmik ingerlatsinerit, atuarfiit, utoqqarnit isumaginninneq, ikiuutit il.il. Kisianni ikiuutit tunniunneqartut assersuutigalugu Royal Greenland A/S, Kalaallit Niuerfiat Detail A/S, Kalaallit Niuerfiat Service A/S aammalu umiarsuaateqarfimmik aktienik piginneqatigiiffimmiit ilagaat.

§ 2, nr. 1, imm. 2 aalajangerpaa unammilleqatigiinnermut inatsimmut akuliunnissamut pisinnaatitaanerit atuussinnanngitsut taakkua pissutsit siornatigut pisortanit aaqqiiffigineqarnikuuppata immikkut tunngavik najoqqutaralugu. Ilanngussinnginnermut piumasaqaataassaaq taanna immikkut tunngavik atorneqassasoq. Inuussutissarsiorneq pisortatigut piginnaatitaaffeqalerfioreersumi immaqaluunniit akuersinermi ilaavoq ilanngunneqannginnermut akuliunnissamut pisinnaatitaaffinniit, taamaasillutik pissutsit kisimik toqqaannaq aalajangerneqarnikut piginnaatitaanikkut immaqaluunniit akuersinikkut.

Østre Landsrettip tunngavilersuutaa inerniliineralu

Inatsisartut aalajangerneraniluunniit Namminersornerullutik Oqartussat peqataaneranni ingerlatsiviup pilersinnerani mineralvandimik sanaartornermi immiamik maqiterinermik (pilerfiani Kasoda A/S maannakkut Nuuk Imeq A/S) imaluunniit Kalaallit Niuerfiata pinngortinnerani inatsisartut Inatsisiliaanni ilaatigut Kalaallit Niuerfiat Service A/S (maannakkut KNI Pilersuisoq A/S) pilersinneratigut immikkut tunngavimmik sanasoqarpoq pisortatigut aaqqiinikkut pisinermut nassiussinermullu kulsyrenik imalinnik imeruersaatinut, aammalu kingusinnerusukkut tunngavimmik taamaattumik sanasoqarnikuunngilaq. Suliffeqarfik KNI Pilersuisoq A/S-mik ingerlanneqartoq Nuuk Imeq A/S-illu isumaqatigiissutaat 2. maj 1994-meersoq pisinermut nassiussinermullu immiaaqqanik aammalu kulsyrenik imalinnik imeruersaatinik taamaattumik § 2, nr. 1, imm. 2-mut ilaanngunneqanngilaq taamanikkut atuuttumi unammillernermut tunngasumut taamanernisaq Inatsisartut Inatsisiliaat nr. 28, 30. Oktoberi 1992-meersumut.

Østre Landsrettip taamaattumik Unammilleqatigiinnermut aalajangiisartut piumasaqaataat tusaatissatut tiguaat, taamaattumillu suliassaq Nunatta Eqqartuussiviani nanginneqassalluni.

Taamaattumik eqqortuutinneqarpoq:

Nunatta Eqqartuussisuuneqarfiata eqqartuussutaa allanngortinneqarpoq imaalillugu sassaqqusaasoq KNI A/S pisussaaffilerneqassasoq akuerissallugu suliffeqarfik KNI Pilersuisoq A/S-mik ingerlanneqartoq Nuuk Imeq A/S-illu isumaqatigiissutaat 2. maj 1994-meersoq pisinermut nassiussinermullu immiaaqqanik aammalu kulsyrenik imalinnik imeruersaatinik § 2, nr. 1, imm.2-mut ilaanngitsoq unammillernermut tunngasoq taamanernisaq Inatsisartut Inatsisiliaat nr. 28, 30. Oktoberi 1992-meersumi.

(Sign.)

_ _ _

Udkriftens rigtighed bekræftes. Østre Landsrets kontor, den 17.10.08

P.j.v.

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut