AALAJANGIINEQ

Inissiaatileqatigiiffiup inissiaq attartukkat pillugu isumaqatigiisummik atorunnaarsitsisinnaanera pissutigalugu maalaarutit akuerineqanngilaq.

Nassuiaat:

2007-imi maajip aallaqqaataaniit X najugaqarputit. Ullut 14-it qaangiutsinnagit inigisannut isertinngikkuit, X-mi inissiaq attartukkat pillugu isumaqatigiissut atorunnaarsinniarlugu inigisavillu ingerlaannaq qimannissaanik piumasaqaatitalimmik, Inissiaatileqatigiiffiup februaarip 19-ani 2010 allaffigaatit.

2008-mi marsip ulluisa 25-annili inigisavit najorsimannginnera Inissiaatileqatigiiffillu isumaqatigiissusiorfigeqqaarnagu maanaannaq nuussinnaannginnerit Inissiaatileqatigiiffiup naliliinermini pingaartippaa.

Inissiaatileqatigiiffik allakkani X-mi najukkamut C-imut nassiuppai.

Inissiaatileqatigiiffiup allakkamini marsip qulingani 2010 ullulikkani februaarip 19-ani 2010 allakkat innersuussutigalugit inissiamik attartornermut isumaqatigiissut atorunnaarsippaa. Isumaqatigiissutip atorunnaarsinneragut inissiaq qimassagit ullullu arfineq pingasut qaangiutsinnagit matuersaatit Inissiaatileqatigiiffimmut tunniutissagitit taamalu pisoqanngippat politiit ikiortigalugit anisinneqartariaqassasutit Inissiaatileqatigiiffik ilisimatitsivoq. Allakkat taakku amma Nanortalimmi najukkamut C-imut nassiunneqarput.

Marsip 16-ani 2010 inissiamik attatornermut isumaqatigiissutip atorunnaarssinnissaanik kissaateqarnerit Inissiaatileqatigiiffimmut attaveqarlutit ilisimatitsissutigaat, immersugassamillu tamatumunnga atugassamik Inissiaatileqatigiiffimmit nassinneqarnissat isumaqatigiissutigaarsi. Inissiaatileqatigiiffiup ulloq taanna marsip 16-ani 2010 isumaqatigiissummik atorunnaarsitsiniarnermi immersugassamik qarasaasiakkut nassippaatit

Inissiaatileqatigiiffiup marsip 26-ani 2010 inatsisinik unioqqutitsinikkut attartukkamik qimatsisimaneq pissutigalugu anisitseqqusissummik politiinut nassitsivoq.

Taannali kingorna unitsikkallarneqarluni. Decembarip 17-ani 2010 qarasaasiakkut allakkatigut Ineqarneq pillugu Maalaaruteqartarfimmut maalaaruteqarputit.

Inatsisit tunngavigineqartut:

Inissianik attartortitsisarneq pillugu inatsisartut peqqussutaat nr. 2 maajip 12-ani 2005-imeersoq § 48 imm. 5 naapertorlugu attartortup attartortitsisoq isumaqatigiissusiorfigeqqaarnagu maanaannaq ini attartukkani qimassinnaanngilaa.

Inissianik attartortitsisarneq pillugu inatsisartut peqqussutaata allannguuteqartinneqarnerani inatsisartut peqqussutaat nr. 14 novembarip 20-ani 2006-imeersoq § 73 imm. 2 nr. 2 naapertorlugu attartortoq maanaannaq iniminit anisimappat, attartortitsisup isumaqatigiissut atorunnaarsissinnaavaa.

Naliliineq:

Najukkami- X- inimik attartuinermut isumaqatigiissutip atorunnaarsinneqarnera Ineqarneq pillugu Maalaaruteqartarfiup pisinnaatitaaffimmik eqquinertut isigaa. Ineqarneq pillugu Maalaaruteqartarfiup Inissiaatileqatigiiffimmik isumaqatigiissusioqqaarnak maanaannaq nuussimanerit naliliinermini pingaartippaa.

Aalajangiineq:

Inissiaatileqatigiiffiup inissiamik attartornermut isumaqatigiissummik atorunnaarsitsinermini pisinnaatitaaffini eqquutsippaa.

Naammagittaalliorsinnaaneq:

Inissianik attartortitsisarneq pillugu Inatsisartut Peqqussutaanni nr. 2-mi maajip 12-ani 2005-imeersumi kingorna allannguuteqartumi § 86 imm. 7 naapertorlugu Ineqarneq pillugu Maalaaruteqartarfiup aalajangigai pisortaqarfinnut allanut suliakkiissutigeqqinneqarsinnaanngillat.

Attartortitsisup attartortullu akornanni aaqqiagiinngissutip eqqartuusivikkut suliassanngortinnissaa kissaataappat, allakkatigut attaveqatigiinneq il.il. attartortitsisup ingerlatseqatigiiffianit isumagineqarsimagaluarpalluunniit, attartortitsisumik eqqartuussivimmut tunniussineq nunap immikkoortuani eqqartuussivimmut ingerlatinneqassaaq.

Ineqarneq pillugu Maalaaruteqartarfiup aalajangigai kommuninit Namminersorlutillu Oqartussanit inissianik attartortitsisuusunit allanngortinneqarsinnaanngillat. Kommunit Namminersorlutilluunniit Oqartussat avataaneersumik ingerlatsisoqarpata Maalaaruteqartarfiup aalajangigai inissianik attartortitsisarneq pillugu inatsisartut peqqussutaat nr. 2 maajip 12-ani 2005-imeersumi § 86 imm. 6 naapertorlugu taakkunanngattaaq allanngortinneqarsinnaanngillat. Kalaallit Nunaata eqqartuussiviata siunnersuinermut immikkoortortaqarfia oqarasuaat 368000 aqqutigalugu sisamanngornerni nal. 14-miit 15-imut attavigineqarsinnaavoq.

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut