AALAJANGIINEQ

Inissiaatileqatigiiffiup attartornermut isumaqatigiissummik atorunnaarsitsinissamut piginnaatitaaffini matumani atorsinnaammagu, maalaarutersi akuerineqanngilaq. YY – isumaqatigiissutaanngitsumik - oktobarip aallaqqaataata 2008 kingorna, inimik atuisinnaatitaaneq ingerlatsiinnassallugu pisinnaatitaanngilaq.

Nassuiaat:

Ullut arfineq marluk ingerlaneranni isertsinngik kuit, ingerlaannaq anisussanngorlutit inimik attartonermut isumaqatigiissut atorunnaarsinniarlugu, isertinngikkuit marsip 25-ani 2009 allakkatigut ilisimatippaatsit.

Oktobarip aallaqqaataaniit 2008 inissiami ineqarsimannginnerit isumaqatigiissuteqaqqaarnallu inissiamik maanaannaq qimatsisinnaannginnerit Inissiaatileqatigiiffiup aalajangernermut pingaarnertut tunngavigaa.

Inissiaatileqatigiiffiup allakkat Najugaq B-XX, Najugaqarfik 39XX-mut ingerlatippai.

Ullut 14-it qaangiutsinnagit inissiamut isertsinngikkuit, inimik attartornermut isumaqatigiissut ingerlaannaq atorunnaarsinniarlugu, Inissiaatileqatigiiffiup marsip 22-ani 2010 allakkatigut ilisimatippaatsittaaq.

Tamatumunnga atatillugu, Inissiaatileqatigiiffimmit akuerineqaqqaarnak inigisamik atuisinnaatitaanermik allamut tunniussisimanik kut, inatsisinik unioqutitsisimanerit Inissiaatileqatigiiffiup uparuarpaa.

Inissiaatileqatigiiffiup allakkat, 39XX ingerlatippai.

Qarasaasiakkut allakkasuarlutit marsip 24-ani 2010 Inissiaatileqatigiiffimmut maalaaruteqarputit.

Inissiap attartorneranut isumaqatigiissummik atorunnaarsitsinissaq pillugu Inissiaatileqatigiiffimmit allagarsisimanak, taamaammallu illooq qavit ullut 14-it qaangiutsinnagit inissiamiit anereersimanissaa eqqumiigisimagit, ilisimatitsissutigaat.

Ukiuni arlaqalersuni illooqqallu akunnissinni inissiamik atuisinnaatitaanermik isumaqatigiissuteqarnersi Inissiaatileqatigiiffiup akuerisimagaa, illooqqavillu isumaqatigiissutinik eqquutsitsiuaannarsimanera, ilisimatitsissutigaattaaq.

Inissiaatileqatigiiffik 2008-mi atuisinnaatitaanermik tunineqarnermi isumaqatigiissutip kingulliup isumaqatigiissuteqarfiunerata kingorna, pisarneq naapertorlugu, isumaqatigiissutip nutarternissaa pillugu sukkulluunniit ilinnut saaffiginnissimannginnera, ilanngullugu uparuarpat. Inissiaatileqatigiiffik inissiamik attatornermut isumaqatigiissummi aalajangersakkanik unioqqutitsisimanermik taasaqarsimanngilartaaq.

Tamatumunnga atatillugu inissianik attartortitsisarneq pillugu inatsisartut peqqussutaanni kap. 9 § 58 imm. 2-7 innersuussutigaatit, maleruagassiallu taakku naapertorlugit Inissiaatileqatigiiffiup attartornermut isumaqatigiissummik atorunnaarsitsisinnaanermut pisinnaatitaaffeqarnera takusinnaanagu oqaatigaat.

Inissiaatileqatigiiffiup marsip 25-ani 2010 qarasaasiakkut allakkatit akissuteqarfigalugit inimik atuisinnaanermik tunniussinermi, atuisitsisup ukiut tamaasa atuinerup sivitsorneqarnissaa qinnuteqaatigisussaagaa ilisimatitsissutigaa. qinnuteqartup ilinniartuunini, pinerluuteqarsimasunut isertitsisarfimmiinnini, napparsimanini pissutigalugu suliffimminulluunniit atatillugu allamut nuukkallarnini pissutigalugit qinnuteqarnini uppernarsassavaa.

Tamatumunnga atatillugu najugarilersimasat sumiittoq ilisimanagu Inissiaatileqatigiiffik nalunaarpoq

Inissiaatileqatigiiffiup saaffiginnissutaa marsip 25-ani 2010 akissuteqarfigigakku, sumi najugaqarnerpit Inissiaatileqatigiiffimmit ilisimaneqannginnera eqqumiigaat, ukiummi tallimat kingulliit najugaqarfik taanna najorsimagakku Inissiatileqatigiiffimmi suleriaatsit kukkuneqarsimassangatsippatit.

YY-ip 2002-mili inissiami tassani najugaqarsimanera, Inissiaatileqatigiiffillu ukiuni arlertuni inissiamik atuisinnaanermik tunniussinermut akunnissinni isumaqatigiissutersi akuerisimagaa taannalu isumaqatigiissutinik eqquutitsiuaannartuusoq erseqqissaatigaat.

YY-ip illillu akunnissinni inimik atuisinnaanermik tunniussinerup Inissiaatileqatigiiffimmit akuersissutigineqartarsimanera, taamaammallu inissiaatileqatigiiffimmit akuersissummik peqqaarnak inissiaq allanut tunniuttarsimanngikkit, ilanngullugu erseqqissaatigaat.

Tamatumunnga atatillugu inissianik attartortitsisarneq pillugu inatsisartut peqqussutaanni § 58 innersuussutigaat. Ineqarneq pillugu Maalaaruteqartarfiup allatseqarfianut inimik, marsi qaammat 2010 Inissiaatileqatigiiffimmit attartornermut isumaqatigiissummik atorunnaasitsiviuniartumik, YY atuinissamik tunineqarsimasutut nalunaarsimasoq, oktobarip 11-ani 2010 qarasaasiakkut allakkanni ilisimatitsissutigaat. Inissiaatileqatigiiffiup attartornermik isumaqatigiissummik atorunnaarsitsiniarnerminut inissiami tassani najugaqarunnaarsimanerit patsisigigaa ilisimatitsissutigaat.

Inissiamik atuisinnaanermik tunniussinermi piffissaliussat qaangiutilernerini nutarternissaanut eqqaasitsissummik Inissiaatileqatigiiffiup nassitsisarnera erseqqissaatigaat.

Taamaa pisoqarnerit tamaasa atuarnerit uppernarsartarpat, najukkamimi tassani ukiut kingulliit tallimat najugaqarsimagavit, Inissiaatileqatigiiffiup eqqaasitsissummik nassitsisimannginnera eqqumiigisimavat.

Inissiamik atuisinnaanermik tunniussineq Inissiaatileqatigiiffimmit 2002-mi akuerineqaqqaarpoq, ukiullu tamaasa 2008-mi ilinniarnerup immikkoortuata aallaqqaataata tungaanut nutarterneqartarluni akuersissutaasarsimavoq.

Illooqqat YY ineqarnermut akiliiuartarpoq, illillu isummat naapertorlugu akunnissinni inimik atuisinnaanermut isumaqatigiissut, Inissiaatileqatigiifiup YY-illu akunnerminni nalinginnaasumik isumaqatigiissutaasoraat.

Tamatumunnga atatillugu pappiaqqatiguinnaq illit najugaqarfigisimasat, K-ip najugaqarfigigaa, tamannalu kingorna ingitserneqartumi najugaqarsimanermik patsiseqartoq ilisimatitsissutigaat.

Illit isummat inissianillu attartortitsisarneq pillugu Inatsisartut peqqussutaat nr. 2 maajip 12-ani 2005-imeersoq § 71 imm. 3 naapertorlugu YY-ip inissiamik tigusinissaa Inissiaatileqatigiiffiup akuerisariaqarpaa

Tamatumunnga atatillugu Inissiaatileqatigiiffiup siullermik inissiamik attartornermut isumaqatigiissummik atorunnaarsitsinissi, inissiamik atuisinnaatitaanermik tunniussinermi isumaqatigiissutip atuukkunnaarneraniit, qaammatit arfinillit qaangiutereersut sioorasaarutigigaa uparuarpat

Isumaqatigiissummik atorunnaarsitsinerup ilinnut tunniunneqarani atuisinnaatitaanermik tunineqartumut tutsinneqarnera, naak Inissiaatileqatigiiffiup ukiut kingulliit tallimat najukkannik siulianillu saaffiginniffigisartakkaminik ilisimannittariaqaraluaq, uparuarpattaaq.

YY, inimi tassani Inissiaatileqatigiiffiup allakkanik marsip 22-ani 2010 nassiussiviani najugaqartuusoq, 2010-mi upernaakkut Ineqarneq pillugu Maalaaruteqartarfimmut oqaasiinnartigut maalaaruteqarpoq.

YY-ip oktobarip 11-ani 2010 nammineq takkunnermigut, Ineqarneq pillugu Maalaaruteqartarfimmut maalaarutini erseqqissaatigaa. Inissiami tassani ukiut kingulliit qulaaluat atuisinnaanermik tunineqarnikkut nagugaqarsimanini ilisimatitsissutigaa inatsisinillu uniuinertut naliliineq paasisinnaanagu.

Inissiamik attartornissamut isumaqatigiissut naapertorlugu, aggustip aallaqqaataannit 2002 aggustip aallaqqaataanut 2007 Inissiaatileqatigiiffimmit akuerisaasumik inissiamik YY-ip illillu akunnissinni atuisinnaanerup tunniunneqarneranut isumaqatigiissuteqarpusi.

Decembarip 15-aniit 2007 oktobarip aallaqqaataanut 2008 YY-ilu akunnissinni isumaqatigiissutersi Inissiaatileqatigiiffimmit akuerineqarluni atuutilersinneqarpoq.

Inatsisit tungavigineqartut:

Inissianik attartortitsisarneq pillugu Inatsisartut peqqussutaat nr. 2 maajip 12-ani 2005-imeersoq § 48 imm. 2 naapertorlugu attartortup attartortitsisoq akuersiseqqaarnagu inissiaq isumaqatigiissutigineqartumit allaanerusumik atussanngilaa.

§ 48 imm. 5 naapertorlugu attartortup attartortitsisoq pisariaqartinneqartumik isumaqatigiissuteqarfigeqqaartinnagu inissiaq piffissaanngitsukkut qimassanngilaa

Inissianik attartortitsisarneq pillugu Inatsisartut peqqussutaata allanngortinneqarnerani Inatsisartut peqqussutaat nr. 14 novembarip 20-ani 2006-imersoq § 73 naapertorlugu attartortitsisoq isumaqatigiissummik atorunnaarsitsisinnaavoq ima pisoqarpat:

1) inigisaq inatsisinik uniuinikkut atorneqarpat takuuk § 48, imm. 2 aamma 3. 2) Isumaqatigiissutaasoq avaqqullugu inigisaq qimanneqarpat takuuk § 48, imm. 5

§ 73 imm. 3 naapertorlugu attartortitsisup aatsaat attartorneq atorunnaarsissinnaavaa pissutsit attartortumut assuarliutaasut annertuumik pingaaruteqarpata.

§ 73 imm. 5 naapertorlugu attartortitsisup pissutsit imm. 2-mi taaneqartut tunngavigalugit attartornermik atorunnaarsitsinnginnerani attartortitsisup attartortoq pissutsit aaqqeqqullugit peqqussavaa.

Illuutinik najugaqarfissatut attartortitsisarneq pillugu Namminersornerullutik Oqartussat nalunaarutaat nr. 12 apriilip 23-ani 2008-meersoq § 60 naapertorlugu attartortitsisup nr. 1-4-mi pineqartut tunngavigalugit attartornermik atorunnaarsitsinnginnermini, attartortitsisup attartortoq pissutsinik iluarseeqqullugu peqqussavaa, tak. inissianik attartortitsisarneq pillugu Inatsisartut peqqussutaanni § 73, imm. 2 aamma 5: 1) Inissiaq inatsisinik unioqqutitsilluni atorneqarpat. 2) Inissiaq ikerinnakkut qimanneqarpat. 3) Attartortitsisoq inatsisinik unioqqutitsilluni inissiamut iseqquneqanngippat. 4) Torersaarnissamut maleruagassat unioqqutinneqarpata.

Nalunaarummi pineqartumi § 61 naapertorlugu § 60 naapertorlugu peqqussut allakkatut nalinginnaasutut taamatullu allakkatut tammatsaalisatut imaluunniit aatsisartut aqqutigalugit attartortumut nassiunneqassaaq. Attartortup allakkamik tammatsaalisamik tigusinerminut atsiornera imaluunniit aatsisartup allakkamik attartortumut tunniussinerminut allakkatigut uppernarsaanera allakkatigut peqqussutip attartortumut apuussimaneranut attartortitsisup uppernarsaatissaraa. Attartortoq attartukkami naammattoorneqanngippat, attartortup inoqutaasa ilaat, namminersorsinnaatitaasoq allakkap tammatsaalisap tiguneranut imaluunniit allakkap aatsisartumit tunniunneqarneranut uppernarsaalluni atsiorsinnaavoq.

Illuutinik najugaqarfissatut attartortitsisarneq pillugu Namminersornerullutik Oqartussat nalunaarutaat nr. 12 apriilip 23-ani 2008-meersoq § 54 naapertorlugu piffissaq attartukkamik attartortitsiviusoq naappat attartukkamik attartortitsineq ingerlaannartumik taamaatissaaq, tamatumalu attartukkamik attartortup inissiamik attartorneqartumik najukkaminik attartornerminut piumasaqaatit suli naammassisimallugit piffissap attartukkamik attartortitsiviusup sivitsorneqarnissaa qinnuteqaatigisimanngippagu.

Naliliineq:

Inisiamik attartornermut isumaqatigiissummik atorunnaarsitsineq, Ineqarneq pillugu Maalaaruteqartarfiup naliliinera naapertorlugu tunngavissaqarpoq.

Illit Illuutinik najugaqarfissatut attartortitsisarneq pillugu Naaminersornerullutik Oqartussat nalunaarutaanni nr. 12 apriilip 23-ani 2008-meersumi § 61 naapertorlugu Inissiaatileqatigiiffimit eqqortumik piumaffigineqarsimanerit, Ineqarneq pillu Maalaaruteqartarfiup pingaartutut isigaa.

Inissiamik attartoriikkamik atuisinnaatitaanermik tunineqarneq, atukkiussisoq sivitsuiniarluni qinnuteqanngippat qinnuteqaallu akuerineqanngippat, atuisinnaatitaaffittut piffissaliussaq naappat atorunnaassasoq, Ineqarneq pillugu Maalaaruteqartarfik naliliivoq.

Atukkiussisup atukkiussinermi piumasaqaatit atuutsinneqarnissaat piffissarlu isumaqatigiissuteqarfiusoq tamaat akisussaaffigigaa, Ineqarneq pillugu Maalaaruteqartarfik isumaqarportaaq. Innersuussutigineqassaarlu ersersitsineq nr. 001 2010-meersoq.

Siusinnerusukkut inissiamik atuisinnaatitaanermik illit YY-illu akunnissinni isumaqatigiissutissi qinnutigeqqinnissaata nallilerneranik, Inissiaatileqatigiiffiup ilisimatitsissuteqartarsimanera, Inissiaatileqatigiiffimmit kiffartuussinertut tamatumalu sapinngisaq tamaat pitsaasumik ingerlatseriaaseqarneq naapertorlugu ingerlatiinnarnissaanut periaaserlu atorunnaarsinneqarsimassappat, tamatuma nalunaarutiginissaanut pisussaaffiliinertut isigisariaqarpoq.

Aalajangiineq:

Inissiaatileqatigiiffiup attartornermik isumaqaatigiissummik atorunnaarsitsinera tunngavissaqarpoq.

Naammagittaalliorsinnaaneq:

Inissianik attartortitsisarneq pillugu Inatsisartut Peqqussutaanni nr. 2-mi maajip 12-ani 2005-imeersumi kingorna allannguuteqartumi § 86 imm. 7 naapertorlugu Ineqartut Maalaarutaannik Aalajangiisartoqatigiit aalajangigaat pisortaqarfinnut allanut suliakkiissutigeqqinneqarsinnaanngillat. Attartortitsisup attartortullu akornanni aaqqiaanngissutip eqqartuusivikkut suliassanngortinnissaa kissaataappat, allakkatigut attaveqatigiinneq il.il. attartortitsisup ingerlatseqatigiiffianit isumagineqarsimagaluarpalluunniit, attartortitsisumik eqqartuussivimmut tunniussineq nunap immikkoortuani eqqartuussivimmut ingerlatinneqassaaq.

Ineqartut Maalaarutaannik Aalajangiisartoqatigiit aalajangigaat kommuninit Namminersorlutillu Oqartussanit inissianik attartortitsisuusunut § 86 imm. 6 naapertorlugu allanngortinneqarsinnaanngilaq.

Kalaallit Nunaata eqqartuussiviata siunnersuinermut immikkoortortaqarfia oqarasuaat 368000 aqqutigalugu sisamanngornerni nal. 14-miit 15-imut attavigineqarsinnaavoq.

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut