2011-050737

Isumaginninnermi Naammagittaalliuteqartarfiup maalaarutit kommunip 4. maj 2011 aalajangiisimanera Pisortanit ikiorsiissutit itigartitsissutigisimanera pillugu suliarivaa, aalajangiillunilu

Aalajangiineq

KOmmunip aalajangiinera atatiinnarneqarpoq, kisiannili peqquteqaataa allanngortillugu. Tamanna isumaqarpoq naammagittaalliutinnut ilalerneqangittutit.

Suliaq aalajangerneqarpoq Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq naapertorlugu.

Qulaajaaneq:

Ulloq 3. maj 2011 Kommune pisortatigut ikiorsiissutinik qinnuteqarputit.

Kommune ulloq 4. maj 2011 aalajangiussivoq, pisortatigut ikiorsiissutsinik pisinnaanngitsutit. Kommune aalajangiussinini tunngavilersorpaa ima, pisumi naatsorsuinermi illit inooqativillu inuuniutissatut aningaasaqarniarnissi tungaasigut sinneqartoorutinik katillugit 10.127,45 kr.-inik isertitaqarassi.

Inatsisitigut najoqqutarineqartoq naatsorsuinissaq tunngavigalugu kommunep innersuussutigaa § 13 Inatsisartut peqqussutaat nr. 15, 20. november 2006-imeersoq naapertorlugu. Kommunep peqqussut najoqqutaq ilaarlugu innersuussutigaa, suliasallu nangitseqqissinnaaneranut najoqqutsssiammik tunniussaqarluni.

Allakkiami ullulerneqartumi 19. maj 2011-imi naammagittaalliuteqarputit Isumaginninnermut naammagittaaliuteqartarfimmut Kommunep aalajangiinera tunngavigalugu. Nammagittaalliutinni ilannguppat, isumaqaravit, kommunep naatsorsuisimanera eqqunngitsuusoq, tunngavigalugu tassannga Kommunep naatsorsuinermini ilanngussimanngimmagu illumut akiliisarnissinnut akiligassarititaasut, pisariaqartumik isigilersimagassiuk naafferaartumik akilersulissallugit ulloq 29. april 2011-imi, annertussuseqartut 13.000 kronit sinnerlugit. 

Suliami erserpoq, illit inooqatillu aalajangersimasumik suliffeqartusi, timelæretut inooqatillu nunaqarfimmi aqutsisut siulersuisuanni ilaalluni.

Qaammammut illumut saniatigut akiliisarpusi 1590,50 kroninik.

Inatsisitigut tunngavilersuut:

Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersup § 7-iat naapertorlugu Kommunalbestyrelsi tassanngaannartumik pisariaqavissumik pissaaleqilernermi pisortanit ikiorsiissuteqarsinnaavoq qinnuteqartoq inooqatigiinnermi pisimasumik, soorlu nappaammik, erninermik, suliffissaarunnermik inooqatigiikkunnaarnermilluunniit nalaataqarsimappat imaluunniit assigisaannik.

Naliliineq:

Isumaginninnermi naammagittaaliuteqartarfiup takussutissaqartinngilaa, pisortat ikiorsiissutaannik pisinnaatitaanermik ikiorsissallutit.

Illit inooqatigisallu aalajangersimasumik tamassi suliffeqarpusi.

Suliami paasissutissanik takussutissiisoqarsimanngilaq, arlaatigut Ilissi eqqugaasimanerlusi isumaginninnermut pissutsinut attuumassuteqarsinnaasunik tassaasinnaasunik naaparsimanikkut, erninerup kingornagut sulinngiffeqarnikkut, inooqatigiinnerup unitsinneqarsimaneranik assigisaanilluunniit.

Illit inooqatilluunnit taamaalillusi isumaginninnermut pissutsinut attuumassuteqarsinnaasunik eqqugaasimannginnersi tunngavigalugu, pisinnaatitaanngilasi pisortat ikiorsiissutaannik ikiorserneqassallusi.

Isumaginninnermi naammagittaaliuteqartarfiup maluginiarpaa, peqqussut atorneqarsimasoq aalajangiinermi tassaasoq pisortat ikiorsiissutaannut qinnuteqarnermi peqqussut § 7-iat.

Kommunillu naliliiffigeqqaartariaqarpaa, pilersoqarsimanersoq isumaginninnermut pissutsinut attuumassuteqarsinnaasunut. Taamalu, soorlu ilissinnut pisoqartoq, pilersimanngippat, pisortanit ikiorsiisoqarsinnaanngimmat.

Kommune taamaalilluni naatsorsuisussaatitaanngikkaluarpoq aningaasaqarniarnissi tungaasigut, taamaatumik aamma innersuutigineqartoq § 13-ini eqqortuunngimmat.

Inerniliineq:

Kommune aalajangiussaa 4. maj 2011-ernisaq atortussaatiinnarneqarpoq.

Pisussaaffeqanngilatit pisortat ikiorsiissutaannik ikiorserneqassallutit.

        

Inussiarnersumik Inuulluaqqusillunga

Naja Joelsen

Siulittaasoq

Inatsisit tunngavigineqartut

 

Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq

 - 7. Kommunalbestyrelsi tassanngaannartumik pisariaqavissumik pissaaleqilernermi pisortanit ikiorsiissuteqarsinnaavoq qinnuteqartoq

1) inooqatigiinnermi pisimasumik, soorlu nappaammik, erninermik, suliffissaarunnermik inooqatigiikkunnaarnermilluunniit nalaataqarsimappat, aamma
2) imminut ilaquttaminillu pilersuinermut akiligassanullu aalajangersimasunut pisariaqartitaminik pissarsisinnaanngippat.

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut