Suliaq nr. 2012-062099

Pisortanit ikiorsiissutit kommunimit ulloq 26. januar 2012 unitsinneqarneri pillugit naammagittaal-liutit ulloq 15. februar 2012 Isumaginninnermut maalaaruteqartarfiup siulittaasuanit suliarineqarpoq.

Aalajangiineq

Kommunip aalajangiinera utertinneqarpoq. Tassa imaappoq, kommunip naammagittaalliuut suliareqqissavaa nutaamillu aalajangiilluni.

Suliaq Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq kingusinnerusukkut allannguuteqartoq naapertorlugu aalajangiiffigineqassaaq.

Nassuiaat

Nalunaarutigineqarpoq suliffeqanngitsutit suliffissarsiortuusutillu. Suliffissarsiortarfimmut naqitsik-kiartortarnikkut sulisinnaanerit nalunaartarpat. Aapparisat siusinaartumik utoqqalinersiaqarpoq.

Aammattaaq nalunaarutigineqarpoq suliffeqannginninni pisortanit ikiorsiissutinik pisarsimasutit.

26. januar 2012 aalajangiinermi kommunip nalunaarutigaa ulloq 1. januar 2012 aallarnerfigalugu pisortanit ikiorsiisutit pisartakkatit unitsinneqartut.

Kommunip aalajangiinermini patsisigaa illit aapparisallu ukioq ataaseq sinnerlugu najugaqatigiissimasusi, taamaammallu inatsisit naapertorlugit pilersueqatigiittussaasusi.

Kommunip Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq toqqammavittut innersuussutigaa.

Naammagittaalliutinni ilaatigut taavat aapparisat P siusinaartumik utoqqalinersiaqartuusoq, kisimilu isertitaqartuusoq, taamaattumillu kisimi akiligassanik isumaginnittuulluni. Nalunaarutigaat suliffissarsiortuullutit ullullu 14-kaarlugit naqitsittarlutit. Pisortanit ikiorsiissutinik sapaatip akunneranut kr. 680,- pisarputit, tamannali maannakkut unitsinneqarpoq. Isumaqarputit ikiorsiissutinik pisinnaatitaallutit suliffissarsiortuugavit.

Inatsit toqqammavigisaq

Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq § 7 naapertorlugu Kommunalbestyrelsi tassanngaannartumik pisariaqavissumik pissaaleqilernermi pisortanit ikiorsiissuteqarsinnaavoq qinnuteqartoq

1) inooqatigiinnermi pisimasumik, soorlu nappaammik, erninermik, suliffissaarunnermik inooqatigiikkunnaarnermilluunniit nalaataqarsimappat, aamma

2) imminut ilaquttaminillu pilersuinermut akiligassanullu aalajangersimasunut pisariaqartitaminik pissarsisinnaanngippat.

§ 13. Pilersuinermut akiligassanullu aalajangersimasunut pisortanit ikiorsiissutisiat annertussusaat missiliuussinikkut aalajangerneqartarpoq qinnuteqartup maannamut inuuniarnikkut atugarisimasai, pilersuisutut pisussaaffii, katissimallugu aapparisap, nalunaarsorneqarsimasumik aapparisap imaluunniit naligisatut inooqatigisap isertitai, akiligassat aalajangersimasut najukkamilu pissutsit tunngavigalugit.

Imm. 2. Taamaallaat pisartagaqartumut taassumalu ilaqutaanut pisariaqavissutigut pilersornissaannut ikiorsiissutinik tunniussisoqarsinnaavoq aammalu ineqarnermut akiliummut, atuinermut aningaasartuutinut aningaasartuutinullu aalajangersimasunut allanut matussutissanik naleqquttunik.

Imm. 6. Naligalugu inooqatigisaq peqqussummi matumani paasineqassaaq katissimanagu inooqatigisatut, pisortanit ikiorsiissutinik qinnuteqarnermi pisartagaqartup inooqatigisaa, tamannalu sioqqullugu sivikinnerpaamik ukiumi ataatsimi inuit nalunaarsorneqartarfianni najugaqatitut nalunaarsorneqarsimasussaq.

Naliliineq

Isumaginninnermut maalaaruteqartarfiup siulittaasua isumaqarpoq suliaq kommunimit ingerlateqqinneqassasoq nutaamillu aalajangiiffigineqarluni.

Tamatumunnga patsisaavoq inooqatigiinnermi pisimasumik eqqugaasimanerit suliffissaaleqininni. Imminut pilersornissannut akissaqanngilatit, naqitsittarnikkullu suliffissarsiornerit nalunaartarlugu.

Taamaattumik pisortanit ikiorsiissutinik pisariaqartitsinerit naatsorsuusiorneqassaaq. Naatsorsuusiorneq Peqqussummi § 13 malillugu ingerlanneqassaaq, tassa pilersuineq akiligassallu aalajangersimasut aallaavigineqassallutik.

Ukioq ataaseq sinnerlugu aapparisallu najugaqatigiissimanersi isumaqaannarpoq. Pisortanit ikiorsiissutinik pisartagaqalernissamut naatsorsuusiornermi aapparisavit isertitai akiligassaalu ilanngunneqassasut.

Peqqussummi § 13 Imm. 6 isumaqanngilaq pisortanit ikiorsiissutit unitsinneqarsinnaasut ukioq ataaseq sinnerlugu najugaqatigiissimaneq piinnarlugu. Inatsimmi naatsorsuusiornissaq pineqaannarpoq.

Isumaginninnermut maalaaruteqartarfiup siulittaasuata matumuuna kommuni ilisimatissavaa, inooqatigiit imminnut pilersuisussaatitaanngitsut. Imminnut pilersuisussaatitaaneq inunnut katissimasunut taamaallaat atuuppoq. Aappariit imminnut pilersuisussaatitaagaluartut, aamma tassani aappariit pisariaqartitaat naatsorsuusiorneqartussaapput, aappaasoq tamarmilluunniit Pisortat ikiorsiissutaannik pisinnaatitaappata.

Aalajangiineq

Taamaattumik Kommuunip aalajangiinera utertinneqassaaq, Pisortat ikiorsiissutaanik pisinnaanersutit naatsorsorneqassammat.

Inussiarnersumik inuulluaqqusilluta

Naja Joelsen

Siulittaasoq

Allakkap assilinera: Kommunimut immikkoortortamullu.

Inatsisit toqqammaviusut

Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq

§ 7. Kommunalbestyrelsi tassanngaannartumik pisariaqavissumik pissaaleqilernermi pisortanit ikiorsiissuteqarsinnaavoq qinnuteqartoq

1) inooqatigiinnermi pisimasumik, soorlu nappaammik, erninermik, suliffissaarunnermik inooqatigiikkunnaarnermilluunniit nalaataqarsimappat, aamma

2) imminut ilaquttaminillu pilersuinermut akiligassanullu aalajangersimasunut pisariaqartitaminik pissarsisinnaanngippat.

§ 13. Pilersuinermut akiligassanullu aalajangersimasunut pisortanit ikiorsiissutisiat annertussusaat missiliuussinikkut aalajangerneqartarpoq qinnuteqartup maannamut inuuniarnikkut atugarisimasai, pilersuisutut pisussaaffii, katissimallugu aapparisap, nalunaarsorneqarsimasumik aapparisap imaluunniit naligisatut inooqatigisap isertitai, akiligassat aalajangersimasut najukkamilu pissutsit tunngavigalugit.

Imm. 2. Taamaallaat pisartagaqartumut taassumalu ilaqutaanut pisariaqavissutigut pilersornissaannut ikiorsiissutinik tunniussisoqarsinnaavoq aammalu ineqarnermut akiliummut, atuinermut aningaasartuutinut aningaasartuutinullu aalajangersimasunut allanut matussutissanik naleqquttunik.

Imm. 3. Aningaasartuutiviusut tunngavigalugit kiisalu najugaqatigiissinnaanermi iluaqutissat aallaavigalugit aningaasat aalajangersarneqassapput. Pilersuinermut aningaasartuutinullu aalajangersimasunut pisortanit ikiorsiissutit annerpaamik SIK-p Naalakkersuisullu akornanni isumaqatigiissutit naapertorlugit ilinniarsimanngitsumut aningaasarsiarititat ikinnerpaaffiisa 65%-erisinnaavaat, taamaattorli imm. 4 takuuk.

Imm. 4. Pisuni immikkut ittuni SIK-p Naalakkersuisullu isumaqatigiissutaat naapertorlugu suliamik ilinniagaqarsimanngitsut aningaasarsiaasa minnerpaat 65%-iat sinnerlugu ikiorsiissutinik tunniussisoqarsinnaavoq, tamanna pisariaqavissappat qinnuteqartup ilaqutaasalu pilersorneqarnissaannut akiligassanullu aalajangersimasunut, naleqquttumillu ineqarniarnermikkut atugaqaannarnissaannut.

Imm. 4. Pissaaleqilerneq nammineq pisuussutigisamik pinngorsimappat, pilersuinermut akiligassanullu aalajangersimasunut pisortanit ikiorsiissutisiaasussat affaannaat kisimik tunniunneqarsinnaapput. Ikiorsiissutit aningaasanngornagit tunniunneqassapput.

Imm. 5. Nammineq pisuussutigisamik pissaaleqisoqarpat aallaavittut taamaallaat tunniunneqarsinnaapput pilersuinermut akiligassanullu aalajangersimasunut pisortanit ikiorsiissutissat affaannai. Pilersuinermut ikiorsiissutit aningaasanngornagit tunniunneqassapput. Kommunalbestyrelsip naliliinermini immikkut isiginiartussaavai meerartaasinnaasut pisariaqartitaat isiginiarneqarsimanersut.

Imm. 6. Naligalugu inooqatigisaq peqqussummi matumani paasineqassaaq katissimanagu inooqatigisatut, pisortanit ikiorsiissutinik qinnuteqarnermi pisartagaqartup inooqatigisaa, tamannalu sioqqullugu sivikinnerpaamik ukiumi ataatsimi inuit nalunaarsorneqartarfianni najugaqatitut nalunaarsorneqarsimasussaq.

Imm. 7. Pilersuinermut akiligassanullu aalajangersimasunut kiisalu immikkut ittumik pisortanit ikiorserneqarsinnaanermut Naalakkersuisut malittarisassanik aalajangersaasinnaapput.

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut