AALAJANGIILLUNI

Ineqarneq pillugu Maalaaruteqartarfik isumaqarpoq inissiamik nalinginnaasumik iluarsaanermut inatsisitigut pisussaaffigalugu akiliutissannut, tassunga ilanngullugu eqqiaanermut aningaasartuutit akilissagitit.

Ineqarneq pillugu Maalaaruteqartarfik suliap paarsinerlunnermut tunngasortaanik suliarinninnissamut piginnaatitaanngilaq.

Nassuiaat:

1. maj 2006-imi inissiamut iserterputit 2010-mi septembarimi inissiamit anivutit

Allamut nuunneq pillugu naatsorsuineq allakkatigut 26. november 2010-meersukkut ilinnut nassiunneqarpoq, tassani allassimavoq 9.731,91 kr.-inik akiliissasutit. Aningaasat taakku nalinginnaasumik iluarsaanerup, paarsinerlunnermut pitsanngorsaanermut eqqiaanermullu illit akiligassatit 53 %-iusut aallaavigalugit naatsorsorneqarput.

Taakkuninnga akiliinissat mailikkut 27. november 2012-imeersukkut Ineqarneq pillugu Maalaaruteqartarfimmut naammagittaalliuutigaat.

Naammagittaalliuummi allapputit iserteravit nalinginnaasumik iluarsaaneq naammassineqarsimanngitsoq suliarineqarnissaanillu neriorsorneqarsimallutit, taamaattorli tassani najugaqarninni tamanna pinngisaannarsimasoq. Taamaattumik allamut nuunninni tamatumunnga akiliinissat eqqortuusorinngilat. Tummeqqat siorartikkamik lakkimillu suliarineqarsimanngitsut, kiisalu uffarfimmi qalipanneqartussat pineqartut allapputit, sinneri puigorsimavatit. Allamut nuunnermi naatsorsuinermi aningaasat tagginneqartut imatut akerliliiffiginngilatit.

Takuniaanermit nalunaarusiami 3. maj 2006-imi iserternermut atatillugu atsiorsimasanni allassimavoq inissiami amigaateqartoqanngitsoq. Takuniaanermit nalunaarusiami allassimavoq attartortup inissiami amigaataasut amerlanerusut paasippagit tamanna inatsisartut peqqussutaanni § 4, imm. 3 naapertorlugu ullut 14-it qaangiutsinnagit pissasoq.

Misissuinermit nalunaarusiami 6. september 2010-mi atsiorsimasanni allassimavoq nalinginnaasumik iluarsaanerinnaq pineqartoq, kiisalu iikkat qilaallu qalipanneqassasut, isaarissami nateq lakkerneqassasoq, kiisalu matut/sikaaviit qalipanneqarlutik. Tamatuma saniatigut paarsinerlussimaneq iluarsaavigineqassaaq taamatullu aamma eqqiaasoqassalluni.

Iserternermi takuniaanermit nalunaarusiaq allamulluunniit nuunnermi misissuinermit nalunaarusiaq naammagittaalliuutigisimanngilatit.

Ineqarneq pillugu Maalaaruteqartarfimmut naammagittaalliuutivit takutinneratigut Inissiaatileqatigiiffik allappoq inissiaatileqatigiiffimmut iserterninniluunniit amigaataasunik nalunaaruteqarsimanngitsutit.

Ineqarneq pillugu Maalaaruteqartarfiup inissiaatileqatigiiffimmut apeqqutigisimavaa allamut nuunninnit Ineqarneq pillugu Maalaaruteqartarfimmut naammagittaalliornissavit tungaanut susoqarsimanersoq. Telefonikkut inissiaatileqatigiiffimmut sianillattaarsimasutit Inissiaatileqatigiiffimmit ilisimatitsissutigineqarpoq.

Oqaloqatigiinnerit Inissiaatileqatigiiffimmit allattorneqarsimanngillat.

Inatsisitigut tunngavigisaq:

Inissianik attartortitsisarneq pillugu Inatsisartut peqqussutaanni nr. 2-mi, 12. maj 2005-imeersumi § 47-mi allassimavoq attartortitsisup attartorneqartoq piffissamit attartornissap aallartiffissaaniit pitsaasumik isumannaatsumillu pitsaassuseqartillugu attartortumut atugassanngortissagaa. Iikkat, qilaat naqqillu nalinginnaasumik iluarsaanneqarsimassapput, tak. § 77, imm. 1. Attartugassaq eqqiarneqarsimassaaq uumasuaraqassananilu, igalaat, sikaaviit matui aamma matut ilivitsuussapput atorsinnaasunillu paarnaarsaateqassallutik. Kiisalu matut silarliit tamarmik immikkut marlunnik matuersaateqassapput, teknikikkullu atortulersuutit ajoquteqassanatik.

Imm. 2. Inissiamut iserternissamut atatillugu attartortitsisup attartortoq taannaluunniit sinnerlugu takkuttoq ilagalugu inissiaq takuniassavaat inissiamullu iserternermut nalunaarusiussallutik, taassumalu assilineranik attartortoq tunineqassaaq, taamaattorli tak. imm. 5. Takuniaanermi amigaatit malugineqartut inissiamut iserternermut nalunaarusiamut ilanngunneqassapput.

Imm. 3. Amigaatit allat, attartortup inissiamut iserternermi kingorna tigusinermut atatillugu tikkuarusutai inissiamut iserternermiit sapaatit akunneri marluk qaangiutsinnagit allakkatigut attartortitsisumut nalunaarutigineqassapput. Amigaatilli nalinginnaasumik misissuinermi takuneqarsinnaasimanngippata imaluunniit attartortitsisoq peqquserlussimappat tamanna atuutissanngilaq.

Inissianik attartortitsisarneq pillugu Inatsisartut peqqussutaanni nr. 2-mi, 12. maj 2005-imeersumi § 77 naapertorlugu Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iikkanik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3.

Imm. 3 naapertorlugu attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

§ 78 naapertorlugu Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

§ 79 naapertorlugu attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat.

Imm. 2 naapertorlugu misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

§ 84 naapertorlugu Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

nr. 3) Inissiap iserterfigineqarnerani qanoq issusia, tak. § 47.

nr. 7) Inissiamit aninermi inissiap qanoq issusia (iluarsaassineq nalinginnaasoq), tak. § 77.

Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaanni nr. 9-mi, 13. juni 1994-imeersumi § 6 naapertorlugu suliassani ingerlatsinermut oqartussaasunit aalajangiiffigineqartussani oqartussaq paasissutissanik suliassamut tunngassuteqarluinnartumik suliassap aalajangiiffigineqarnissaanut pingaaruteqartunik oqaasiinnakkut pissarsisoq, paasissutissanilluunniit taamaattunik allatut iliorluni paasisaqartoq paasissutissat taakku imaat pillugit allakkiussaaq.

Taamaattorli paasissutissat taakku suliassap allakkiartaasa ilaanni takuneqarsinnaappata tamanna atuutinngilaq.

Imm. 2. Ingerlatsinerit erseqqinnerusumik taaneqarsimasut eqqarsaatigalugit nalunaarutit qarasaasiat aqqutigalugit suliarineqartut tiguneqartulluunniit toqqortarineqarneri il.il. pillugit Naalakkersuisut malittarisassanik aalajangersaasinnaapput.

Imm. 3. Imm. 1-imi taaneqarsimasut saniatigut ingerlatsinerni allani suliassani immikkoortuni erseqqinnerusumik taaneqarsimasuni allattuisussaatitaaneq pillugu Naalakkersuisut malittarisassanik aalajangersaasinnaapput.

XX-mi suliassat suliarineqartarnerat paasitinneqarsinnaatitaanerlu pillugit Namminersornerullutik Oqartussat nalunaarutaat nr. 37, 19. december 1996-imeersoq naapertorlugu ingerlatseqatigiiffik Inissiaatileqatigiiffimmik pilersitsinissaq pillugu Inatsisartut peqqussutaat nr. 12, 28. oktober 1993-imeersoq naapertorlugu Namminersornerullutik Oqartussat kommuniluunniit sinnerlugu aalajangiisinnaatitaasimappat pisortat ingerlatsinerat pillugu paasitinneqarsinnaatitaaneq pillugu inatsisartut inatsisaanni aalajangersakkat atuutissapput.

Naliliineq:

Ineqarneq pillugu Maalaaruteqartarfik isumaqarpoq aningaasanik inigisavit nalinginnaasumik iluarsaanneqarneranut aningaasartuutinut eqqiaanermullu aningaasartuutinut akileeqataassutissannik akiliinissamut pisussaaffeqartutit.

Attartorneq pillugu peqqussummi § 77, imm. 1 naapertorlugu inigisap qimannerani nalinginnaasumik iluarsaanneqarnissaata inatsisitigut piumasaqaataanera ineqarneq pillugu Maalaaruteqartarfiup naliliinermi tassani pingaartinneqarpoq.

Tassa imaappoq attartortup inigisap qimannerani inissiap nalinginnaasumik iluarsaanneqarneranut, qilaat qalipanneqarnerinut, iikkat qalipanneqarnerinut aamma/imaluunniit tapetilersorneqarnerinut eqqiarneqarnerinullu aningaasartuuteqarnissaq akisussaaffigaa. Naqqit lakkeqqammerneqarsimassapput.

Ineqarneq pillugu Maalaaruteqartarfik isumaqarpoq iserteravit inissiap iluarsaanneqarsimannginnera uppernarsanngikkit, tassami iserternermi takuniaanermit nalunaarusiamik atsiorninni uppernarsarakku inissiaq iluarsaanneqarsimasoq, taamatullu aamma piffissaliusap sap.ak. marluusup qaangiutinnginnerani nalunaarusiamut oqaaseqarsimannginnavit.

Inissiami ukiuni sisamani qaammatinilu tallimani najugaqarsimanerit innersuussutigalugu Ineqarneq pillugu Maalaaruteqartarfiup nalinginnaasumik iluarsaanermut akiliutit appartinneqarnissaannut tunngavissaqanngilaq.

Taamaattumik iikkat qalipanneqarnerannut, qilaat qaqorsarneqarnerannut, naqqit lakkerneqarnerannut inissiallu eqqiarneqarneranut akiliissaatit.

Ineqarneq pillugu Maalaaruteqartarfik isumaqarpoq paarsinerlunnermut pitsanngorsaanermi aningaasartuutit kimit akilerneqarnissaannut maalaaruteqartarfik isummersinnaatitaanngitsoq.

Ineqarneq pillugu Maalaaruteqartarfiup piginnaatitaanermut tunngatillugu aallarniutigalugu oqaatigissavaa illup iluani aserfallatsaaliinermut akisussaaffimmik agguataarineq § 45, imm. 2-mi (attartortitsisoq) aamma imm. 3-mi (attartortoq) allassimammata, taakku naapertorlugit Ineqarneq pillugu Maalaaruteqartarfik piginnaatitaalluni, takuuk § 84, imm. 1, nr. 2.

Suliami aserfallatsaaliinermut tunngasumi Ineqarneq pillugu Maalaaruteqartarfik isumaqarpat ajoquserneq aalajangersimasoq attartortup attartukkamik nalinginnaasumik atuineraneersuusinnaanngitsoq, taava suliap tassunga tunngasortaa Ineqarneq pillugu Maalaaruteqartarfiup, pineqartup attartorneq pillugu peqqussummi § 48, ineqarneq pillugu maalaaruteqartarfiup piginnaatinneqannginneranut tunngasoq naapertorlugu aaqqinneqarsinnaanera innersuussutigalugu suliariumanngissinnaavaa.

Ineqarneq pillugu Maalaaruteqartarfik isumaqarpoq tarrarsuutip ilisivittaanik taarsiinermut tunngasoq peqqussummi § 48 naapertorlugu naliliiffigineqassasoq.

Nutaanngilisimanerup imaluunniit tarrarsuutip ilisivittaanik nalinginnaasumik atuinerup kingunerisaanik tarrarsuutip ilisivittaanik peersisimanerup uppernarsarneqarsinnaannginnera tamatumunnga tunngavilersuutaavoq.

Inissiaatileqatigiiffiup allattuisussaatitaanini malissimanngimmagu Ineqarneq pillugu Maalaaruteqartarfiup isornartoqartippaa.

Aalajangiineq:

Ineqarneq pillugu Maalaaruteqartarfik isumaqarpoq inissiap inatsisitigut pisussaaffigalugu nalinginnaasumik iluarsaanneqarneranut, aamma eqqiaanermut atatillugu aningaasartuutinut akileeqataassutissatit akilissagitit.

Tarrarsuutip ilisivittaanik ikkussinermut/ amigaatinik pitsanngorsaanermut tunngasut maalaaruteqartarfiup suliarissallugit piginnaatitaasorinngilaq.

Naammagittaalliuuteqarnissamut ilitsersuut:

Ineqarneq pillugu Maalaaruteqartarfiup aalajangiinera ingerlatsinikkut oqartussaasunut allanut naammagittaalliuutigineqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maj 2005-imeersumi kingusinnerusukkut allannguuteqartinneqartumi § 86, imm. 7 naapertorlugu.

Attartortitsisup attartortullu akornanni aaqqiagiinnginneq eqqartuussivilersuukkumaneqassappat attartortitsisumut sassaqqusissut eqqartuussivimmut tunniunneqassaaq. Tamanna pissaaq, allaqatigiinnerit il.il. attartortitsisup allaffeqarfittut aktiaatileqatigiiffianit isumagineqarsimagaluarpataluunniit.

Ineqarneq pillugu Maalaaruteqartarfiup aalajangiineri namminersornerullutik oqartussanut (namminersorlutik oqartussanut) kommuninullu inissianik attartortitsisuusunut pituttuisumik sunniuteqarput, § 86, imm. 6 naapertorlugu.

Ineqarneq pillugu Maalaaruteqartarfik sinnerlugu

Innuttaasoq C

Ineqarneq pillugu Maalaaruteqartarfiup siulittaasua

Assilinera XX nassiunneqarpoq.

Inatsisitigut tunngavigisaq (kalaallisut):

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

Illussaqartitsineq, boligstøtte, illunik attartorneq il.il. pillugit Kalaallit Nunaannut inatsit nr. 944, 23. deccember 1986-imeersoq naapertorlugu aalajangersarneqarput:

§ 45. Namminersornerullutik Oqartussat kommunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa attartortitsisup pisussaaffigaa.

Imm. 2. Avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassapput atorsinnaasuutinneqassallutillu. Taamatuttaaq innaallagissamut ikkuffiit, iikkiussat, matserfiit, kiassaatit, ruujorit, sikaaviit alaakkaasut, illup iluani atortut il.il. aserfallatsaalissallugit attartortitsisup pisussaaffigai. Nungullarnikkut pisoqalinikkullu ajorseriaatsit kingunerisaannik ima akulikitsigisumik isumagineqartassapput nutarterinerit iluarsaassinerillu illuutit attartorneqartullu pissusissaat eqqarsaatigalugit pisariaqartitsinerit malillugit suliarineqartassallutik.

Imm. UPA2013. 3. Piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu naqqit lakkernissaat akisussaaffigaa taakkununngalu aningaasartuutit akilissallugit.

§ 48. Attartortup attartorneqartoq isumannaatsumik paarissavaa, ajoqusikkanullu attartortup nammineq, attartortup inoqutaasa allalluunniit attartortup attartorneqartumut isersinnaatitaasa isumannanngitsumik pissusilersornerisigut ajoqusersimasaannut taarsiinissamut attartortoq akisussaavoq. Takusaanermi paarsinerluttoqarsimasoq paasineqarpat, attartortitsisup tamanna piumasarippagu attartortup ingerlaannartumik ajoqusikkat iluarsaatissavai.

§ 77. Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iikkanik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3.

Imm. 2. Attartortup nammineerluni nuunnerminut atatillugu nalinginnaasumik iluarsaassinissani kissaatigippagu, iluarsaassineq assassornermik ilinniagaqarsimasutut illersorneqarsinnaasumik pitsaassuseqartillugu suliarineqassaaq. Attartornermik unitsitsinissaq imaluunniit atorunnaarsitsinissaq naapertorlugu inissiap qimanneqarnissaa, inissiap takuniarneqarnissaa sioqqullugu suliaq naammassereersimassaaq, tak. § 79, imm.

3. Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

Imm. 4. Attartortitsisup imm. 1-imi aamma 2-mi aalajangersakkat sanioqqussinnaavai, attartornerup atorunnaarnerata nutaamillu aallartitsinerup kingorna inissiap iluarsaanneqarnissaa annertuunik ajornartorsiutitaqarpat. Attartornerup atorunnaarnerani tamatumunnga taarsiullugu attartortoq inissiamik attartornerup nalaani nungullarnernut naleqquttumik annertussusilinnik akiliuteqassaaq. Akiliutissaq qaammammut ataatsimut inimut ataatsimut 50 kr.-inik annertussuseqarpoq. Attartortitsisup nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai.

Imm. 5. Naalakkersuisut inissiamit aninermi nalinginnaasumik iluarsaassisarneq aamma attartortup tamatumunnga atatillugu aningaasartuutigisaanut ajunngitsorsiassaqartarneq pillugu maleruagassiorsinnaapput.

§ 78. Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

§ 79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.

Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Imm. 3. Attartortup inissiamik qimatsinissani kingusinnerpaamik ullunik arfineq-pingasunik sioqqullugu najugaq nalunaarutit nassiunneqartarfissaat nalunaarutigissavaa.

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.

2) Aserfallatsaaliuineq iluarsaassinerlu, tak. § 45.

Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaat nr. 9, juni 13, 1994-imeersoq.

Allattuisussaatitaaneq il.il.

§ 6. Suliassani ingerlatsinermut oqartussaasunit aalajangiiffigineqartussani oqartussaq paasissutissanik suliassamut tunngassuteqarluinnartumik suliassap aalajangiiffigineqarnissaanut pingaaruteqartunik oqaasiinnakkut pissarsisoq, paasissutissanilluunniit taamaattunik allatut iliorluni paasisaqartoq paasissutissat taakku imaat pillugit allakkiussaaq. Taamaattorli paasissutissat taakku suliassap allakkiartaasa ilaanni takuneqarsinnaappata tamanna atuutinngilaq.

Imm. 2. Ingerlatsinerit erseqqinnerusumik taaneqarsimasut eqqarsaatigalugit nalunaarutit qarasaasiat aqqutigalugit suliarineqartut tiguneqartulluunniit toqqortarineqarneri il.il. pillugit Naalakkersuisut malittarisassanik aalajangersaasinnaapput.

Imm. 3. Imm. UPA2013. 1-imi taaneqarsimasut saniatigut ingerlatsinerni allanisuliassani immikkoortuni erseqqinnerusumik taaneqarsimasuni allattuisussaatitaaneq pillugu Naalakkersuisut malittarisassanik aalajangersaasinnaapput.

XX-mi suliassat suliarineqartarnerat paasitinneqarsinnaatitaanerlu pillugit Namminersornerullutik Oqartussat nalunaarutaat nr. 37, 19. december 1996-imeersoq

§ 2. Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaanni aalajangersakkat XX-mut atuupput ingerlatseqatigiiffiup, Inissiaatileqatigiiffimmik pilersitsinissaq pillugu Inatsisartut peqqussutaat nr. 12, 28. oktober 1993-imeersut malillugit, Namminersornerullutik Oqartussat kommuniluunniit sinnerlugit aalajangiisarnissamut qanoq atsigisumik pisinnaatitaaffiligaanera naapertorlugu.

Inatsisitigut tunngavigisat (DK):

Inissiat attartortittakkat pillugit Inatsisartut peqqussutaat nr. 2, 12. maj 2005-imeersoq

Ineqartitsineq, boligstøtte, inissianik attartorneq il.il. pillugit inatsit nr. 944, 23. december 1986-imeersoq Kalaallit Nunaannut atuutsinneqartoq naapertorlugu aalajangersarneqarpoq:

§ 45. Namminersornerullutik Oqartussat kommunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa attartortitsisup pisussaaffigaa.

Imm. 2. Avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassapput atorsinnaasuutinneqassallutillu. Taamatuttaaq innaallagissamut ikkuffiit, iikkiussat, matserfiit, kiassaatit, ruujorit, sikaaviit alaakkaasut, illup iluani atortut il.il. aserfallatsaalissallugit attartortitsisup pisussaaffigai. Nungullarnikkut pisoqalinikkullu ajorseriaatsit kingunerisaannik ima akulikitsigisumik isumagineqartassapput nutarterinerit iluarsaassinerillu illuutit attartorneqartullu pissusissaat eqqarsaatigalugit pisariaqartitsinerit malillugit suliarineqartassallutik. .

Imm. 3. Piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigaa taakkununngalu aningaasartuutit akilissallugit.

§ 47. Attartortitsisup attartorneqartoq piffissamit attartornissap aallartiffissaaniit pitsaasumik isumannaatsumillu pitsaassuseqartillugu attartortumut atugassanngortissavaa. Iikkat, qilaat naqqillu nalinginnaasumik iluarsaanneqarsimassapput, tak. § 77, imm. 1. Attartugassaq eqqiarneqarsimassaaq uumasuaraqassananilu, igalaat, sikaaviit matui aamma matut ilivitsuussapput atorsinnaasunillu paarnaarsaateqassallutik. Kiisalu matut silarliit tamarmik immikkut marlunnik matuersaateqassapput, teknikikkullu atortulersuutit ajoquteqassanatik.

Imm. 2. Inissiamut iserternissamut atatillugu attartortitsisup attartortoq taannaluunniit sinnerlugu takkuttoq ilagalugu inissiaq takuniassavaat inissiamullu iserternermut nalunaarusiussallutik, taassumalu assilineranik attartortoq tunineqassaaq, taamaattorli tak. imm. 5. Takuniaanermi amigaatit malugineqartut inissiamut iserternermut nalunaarusiamut ilanngunneqassapput.

Imm. 3. Amigaatit allat, attartortup inissiamut iserternermi kingorna tigusinermut atatillugu tikkuarusutai inissiamut iserternermiit sapaatit akunneri marluk qaangiutsinnagit allakkatigut attartortitsisumut nalunaarutigineqassapput. Amigaatilli nalinginnaasumik misissuinermi takuneqarsinnaasimanngippata imaluunniit attartortitsisoq peqquserlussimappat tamanna atuutissanngilaq.

§ 48. Attartortup attartorneqartoq isumannaatsumik paarissavaa, ajoqusikkanullu attartortup nammineq, attartortup inoqutaasa allalluunniit attartortup attartorneqartumut isersinnaatitaasa isumannanngitsumik pissusilersornerisigut ajoqusersimasaannut taarsiinissamut attartortoq akisussaavoq. Takusaanermi paarsinerluttoqarsimasoq paasineqarpat, attartortitsisup tamanna piumasarippagu attartortup ingerlaannartumik ajoqusikkat iluarsaatissavai.

§ 77. Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iikkanik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3.

Imm. 2. Attartortup nammineerluni nuunnerminut atatillugu nalinginnaasumik iluarsaassinissani kissaatigippagu, iluarsaassineq assassornermik ilinniagaqarsimasutut illersorneqarsinnaasumik pitsaassuseqartillugu suliarineqassaaq. Attartornermik unitsitsinissaq imaluunnit atorunnaarsitsinissaq naapertorlugu inissiap qimanneqarnissaa, inissiap takuniarneqarnissaa sioqqullugu suliaq naammassereersimassaaq, tak. § 79.

Imm. 3. Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

Imm. 4. Attartortitsisup imm. 1-imi aamma 2-mi aalajangersakkat sanioqqussinnaavai, attartornerup atorunnaarnerata nutaamillu aallartitsinerup kingorna inissiap iluarsaanneqarnissaa annertuunik ajornartorsiutitaqarpat. Attartornerup atorunnaarnerani tamatumunnga taarsiullugu attartortoq inissiamik attartornerup nalaani nungullarnernut naleqquttumik annertussusilinnik akiliuteqassaaq. Akiliutissaq qaammammut ataatsimut inimut ataatsimut 50 kr.-inik annertussuseqarpoq. Attartortitsisup nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai.

Imm. 5. Naalakkersuisut inissiamit aninermi nalinginnaasumik iluarsaassisarneq aamma attartortup tamatumunnga atatillugu aningaasartuutigisaanut ajunngitsorsiassaqartarneq pillugu maleruagassiorsinnaapput.

§ 78. Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

§ 79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.

Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Imm. 3. Attartortup inissiamik qimatsinissani kingusinnerpaamik ullunik arfineq-pingasunik sioqqullugu najugaq nalunaarutit nassiunneqartarfissaat nalunaarutigissavaa.

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai: 1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2. :

2) Aserfallatsaaliuineq iluarsaassinerlu, tak. § 45.3) Inissiap iserterfigineqarnerani qanoq issusia, tak. § 47.4) Attartukkami atortut ikkussukkat pitsanngorsaanerillu (atuisinnaatitaaneq), tak. §§ 51 aamma 55.

5) Attartortup attartukkaminik atuinera (torersaarnissamik malittarisassanik unioqqutitsinerit), tak. § 50. 6) Atuisinnaatitaanerup allanut tunniunneqarnera (inissianik paarlaateqatigiinneq, attartukkamik allamut utaqqiisaasumik attartortitsigallarneq aamma attartornermik nangitsineq), tak. §§ 58-62. 7) Inissiamit aninermi inissiap qanoq issusia (iluarsaassineq nalinginnaasoq), tak. § 77.

Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaat nr. 9, 13. juni 1994-imeersoq.

Allattuisussaatitaaneq il.il.

§ 6 Suliassani ingerlatsinermut oqartussaasunit aalajangiiffigineqartussani oqartussaq paasissutissanik suliassamut tunngassuteqarluinnartumik suliassap aalajangiiffigineqarnissaanut pingaaruteqartunik oqaasiinnakkut pissarsisoq, paasissutissanilluunniit taamaattunik allatut iliorluni paasisaqartoq paasissutissat taakku imaat pillugit allakkiussaaq. Taamaattorli paasissutissat taakku suliassap allakkiartaasa ilaanni takuneqarsinnaappata tamanna atuutinngilaq.

Imm. 2. Ingerlatsinerit erseqqinnerusumik taaneqarsimasut eqqarsaatigalugit nalunaarutit qarasaasiat aqqutigalugit suliarineqartut tiguneqartulluunniit toqqortarineqarneri il.il. pillugit Naalakkersuisut malittarisassanik aalajangersaasinnaapput.

Imm. 3. Imm. 1-imi taaneqarsimasut saniatigut ingerlatsinerni allani suliassani immikkoortuni erseqqinnerusumik taaneqarsimasuni allattuisussaatitaaneq pillugu Naalakkersuisut malittarisassanik aalajangersaasinnaapput.

XX-mi suliassat suliarineqartarnerat paasitinneqarsinnaatitaanerlu pillugit Namminersornerullutik Oqartussat nalunaarutaat nr. 37, 19. december 1996-imeersoq

§ 2. Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaanni aalajangersakkat XX-mut atuupput ingerlatseqatigiiffiup, Inissiaatileqatigiiffimmik pilersitsinissaq pillugu Inatsisartut peqqussutaat nr. 12, 28. oktober 1993-imeersut malillugit, Namminersornerullutik Oqartussat kommuniluunniit sinnerlugit aalajangiisarnissamut qanoq atsigisumik pisinnaatitaaffiligaanera naapertorlugu.

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut