Ullumikkut inuit amerlasuut avataaniit ass. illoqarfimmiit allamiit oqarasuaatikkut nioqqutinik pisisarput. Pisiniarfimmili najugarisanni pisiniarfimmut oqarasuaatikkut attaveqarlutit pisiniarnerit avataaniit pisiniarnertut isigineqarsinnaanngilaq. Tamanna nalinginnaasumik pisiniarnerussaaq taamaammallu peqqissimisinnaatitaaneq atuunnani.

    Utertitsiniarneq itigartinneqartoq
    Arnap taski nittartakkami takusani pisiaraa. Taski tigugamiuk mikivallaartoq paasivaa. Taamaammat tuniniaasumut allalluni pisiani taarserniarpaa, tuniniaasumilli itigartitaalluni. Tuniniaasumut maalaaruteqarpoq, peqqissimisinnaatitaanini erseqqissarpaa akiliutigisimasamilu utertinneqar-nissaat piumasaralugu.

    Pisiap nassiunneranut nammineq akiliineq
    ullut 14-it peqqissimisinnaatitaanini arnap maalaarummini erseqqissaatigaa. Suli piffisap naannginnera erseqqissarpaattaaq. Tamatuma kingorna tuniniaasup isummani allanngortippaa pisiallu akia, nassiussinermut akiliut ilanngaatigalugu, maleruagassat naapertorlugit utertippaa.

    Avataaniit tuniniaanermi isumaqatigiissut
    Allatitsinikkut, oqarasuaatikkut internetsikkulluunniit pisineq, avataaniit tuniniaanermi isumaqatigiissummik aamma taaneqartarpoq. Nalinginnaasumik atuisartutut pisinertut nalinginnaasutut inngilaq, avataaniillu pisiniarninni atuisartutut immikkut ittumik illersugaavutit. Tamatumani nalinginnaasumik atuisartutut pisininni pisiassap nammineq takusinnaanera naliliivigisinnaaneralu, avataaniilli tuniniaanermi taamaassinnaannginnera assigiinngissutaavoq. Oqarasuaatikkut attaveqarlutit pisiassaq pisiniarfimmi takusimasat pisiariniarukku, tamanna avataaniit tuniniaanerunngilaq.

    Avataaniit tuniniaanermi isumaqatigiissutit atuisartunut pisisartunullu isumaqatigiissuteqarneq pillugu inatsimmi maleruagassiugaapput
    Avataaniit tuniniaanermi isumaqatigiissutit tunngaviusumik atuisartunut pisisartunullu isumaqatigiissuteqarneq pillugu inatsimmit ass. ulluni 14-ini peqqissimisinnaatitaanermik nassuiaasumi maleruagassiugaapput. Tamanna ass. pisinermi isumaqatigiissummi nalinginnaasumi atuutinngilaq. Taamaakkaluaq suli atuuttunik allanik tunngaviusunik - ass. ukiuni marlunni naammagittaalliorsinnaaneq pisinnaatitaaffiuvoq.

     

    Pisinnaatitaaffitit
    Avataaniit tuniniaanermi isumaqatigiissummi paasissutissat piumasaqaatigisinnaasatit:

    • Niuernermik inuussutissarsiuteqartup aqqa pingaarnertullu ingerlataa
    • Niuernermik ingerlatsisup najugaa
    • Pisiassap suunera atorfissaalu pingaarnerpaaq
    • Pisiassap- akitsuutit, aningaasartuutit, tunniussinermut atatillugu aningaasartuutit assigisaallu ilanngullugit- akia
    • Akiliinissamut tunniussinissamullu atatillugu atugassarititaasut.

    Tamatuma saniatigut makkununnga tunngatillugu ersarissunik paasissutissaqarnissaa  piumasaqaataavoq:

    • Peqqissimisinnaatitaanerup aallarnerfia
    • Peqqissimisinnaatitaanerup sivisussusaa
    • Peqqissimisinnaatitaanermut piumasaqaatit
    • Peqqissimisinnaatitaanerup qanoq atorneqarnissaa, tamatumunngalu atatillugu peqqissiminerup najukkamut sumut nalunaarutigineqarnissaa.

    Pitsanngornerulerteqataagit

    Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


    Saqqummersitanut assigusut