AALAJANGIINEQ 

Ineqarneq pillugu maalaaruteqartarfik piginnaatitaaffeqanngilaq, inissiaatilileqatigiiffiup ilinnut attartornermik isumaqatigiissummik atorunnaartitsineq pillugu nalilersuissalluni. 

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingusinnerusukkut allannguuteqartoq naapertorlugu aaliangiisoqarpoq.

Suliami allagaatit (ilanngussat normui qulaani teqeqqumi saamerlermi):

  1. Novemberip aallaqqaataani 2001, Inissiaatileqatigiiffiup naammagittaalliortullu attartornermut isumaqatifiissutaat .
  2. Oktoberip 30-ni 2014 Suliffeqarfik Y inissiamiit nipiliorneq pillugu.
  3. Novemberip qulingani 2014 inissiami malittarisassanut unioqqutitsisimalluni illutungiliuttumut tusarniaaneq.
  4. Novermberip 18-iani 2014 Inissiaatileqatigiiffimmit inigisami malittarisassanut unioqqutitsisimanermut mianersoqqussut.
  5. Aggustusip 12-ni 2015 Suliffeqarfik Y inissiamiit nipiliorneq pillugu.
  6. Aggustusip 12-ni 2015 ullua`tungeriimmik tusarniaaneq inissiami malittarisassat unioqqutissimaneranut pillugu.
  7. Aggustusip 19-ni oqaaseqaatit attartortumiit Suliffeqarfik Y-miit nalunaarutinut tungatillugu.
  8. Aggustusip 21-ni 2015 Inissiaatileqatigiiffimmit inigisami malittarisassanut unioqqutitsisimanermut mianersoqqussut.
  9. Septemberip 14-ani 2015 Suliffeqarfik Y-miit inissiamiit nipiliorneq pillugu.
  10. Septemberip 18-iani 2015 inissiami malittarisassanut unioqqutitsisimalluni illutungiliuttumut tusarniaaneq.
  11. Septemberip 25-ni 2015 inigisami malittarisassanut unioqqutitsisimanermut mianersoqqussut.
  12. Martsip aallaqqaataani 2016 Suliffeqarfik Y-miit inissiamiit nipiliorneq pillugu.
  13. Martsip 14-iani 2016 illua`tungeriimmik tusarniaaneq inigisami malittarisassat unioqqutsissimaneranut.
  14. Martsip 22-ni 2016 Inissiaatileqatigiiffimmit inigisami malittarisassanut unioqqutitsisimanermut mianersoqqussut.
  15. Martsip 31-ni 2016 Suliffeqarfik Y-miit inissiamiit malittarisassat unioqqutinneqarnera pillugu.
  16. Aapriilip 8-ni 2016 inigisami malittarisassat unioqqutinneqarsimaneranut illua`tungeriimmik tusarniaaneq.
  17. Attartornermut isumaqatigiissutip atorunnaarsinneqarnera ulloq 18. apriili 2016.
  18. Ineqarnermut Naammagittaalliuuteqartarfimmut naammagittaalliuut 25. maajip 2016
  19. Inissiaatileqatigiiffiup nassuiaataa ulloq 18. oktoberi 2016. 

Nassuiaat:

Suliami erserpoq najugarisaq XXX-XXX-XX, illoqarfimmi pineqartumi attartornera tigusimagit ulloq 1. novemberi 2001. 

Ulloq 30. oktober 2014 Suliffeqarfik Y-miit paasisimavaa inerniit nipituumik appisimaartoqartoq, nalilerneqarlunilu assut nipeqartoq.  

Kingorna inissiaatileqatigiiffiup 10. november 2014-imi nalunaarut ilinnut nassiuppaa qinnuigalutillu tamanna oqaaseqarfigeqqullugu, taamaaliorsimanngilatilli. Tamatuma kingorna mianersoqqussummik tunineqarsimavutit ilisimatinneqarlutillu pingasoriarluni mianersoqqussumik tunineqarneq kingunerisinnaagaa atorunnaarsitsinermik.  

Ulloq 12 aggustusi 2015 najugarni Suliffeqarfik Y-ip nipituumik nipilersortoqartoq paasivaat nal.: 00:17.  Qanoq nipitutigisimanera allaqqangilaq.  Ulloq 13. aggustusi 2015-imi illua`tungiliuttutut tusarniaaffigineqaqqipputit aamma tusarniaavigineqarneq akisimavat ulloq 19. 2015 innersuillutit najugarisaq ussiitsigimmat suna nipiluunniit tusaaneqarsinnaasoq.  Nammineq arlaleriarlutit unnukkut itertitaasarsimavutit atinni najugalik matuni matorluttarnera peqqutigalugu. 

Ulloq 14. septemberi 2015 Suliffeqarfik Y-ip ininninngaanniit nipituumik nipilersortoqarnera paasivaat nal. 23.35. Qanoq nipitutigisimanera allaqqangilaq.  18. september 2015-imi Suliffeqarfik Y-miit nalunaarut pillugu illua`tungiliuttutut tusarniaaffigaatit, tamannali illua`tungiliuttutut akissuteqarfigisimanngilat. 

Ulloq 1. marts 2016 nal. 1.05  ininninngaanniit oqaluuppaluttoqartunik uppernarsaavoq.   Nipiliorneq allaaserineqarpoq akunnattumik nipiliornertut. Ulloq 14. martsi 2016 nalunaarusiamut tusarniiavigineqarputit, kisianni tammanna oqaaseqaatigisimanngilat.  Inissiiaatileqatigiiffiup nutaamik ulloq 22. martsi 2016-imi mianersoqqussummik nassippaatit.  

Ulloq 31.martsi 2016 Suliffeqarfik Y-ip paasivaa ininninngaanniit nipituumik nipilersortoqartoq nal. 22.50  Suliffeqarfik Y-ip eqqissiviilliortitsinermi nakkutiginnittuisa nalunaarutaat illua`tungiliuttutut tusarniaavigineqarputit, kisianni oqaaseqaatigisimangilat. 

Eqqissiviilliortitsinermi nalunaarutit kingunerisa tamatigut ataatsimik Inissiaatileqatigiiffimmiit mianersoqqussumik tunineqartarsimavutit.  Mianersoqqussutit paasissutissanik imaqarput pingasoriarlutit mianersoqqussutinik tunineqaruit anisitaasinnaasutit attartornermi peqqussut § 69 imm. 1 naapertorlugu. 

Aalajangiinermi ulloq 18. apriili 2016 attartornermut isumaqatigiissutisiaq atorunnaarsinneqarpoq.  Atorunnaarsitsineq attartornermi peqqussut § 69 imm. 1 § 79 malillugu pivoq.  Inissiaatileqatigiiffiup tungavilersuutitut ulluni mianersoqqussutinut innersuisimavoq tunniunneqartut ulluni 21. aggustusi 2015, 25. septemberi 2015 aamma martsip 22.-ni 2016. 

Inissiaatileqatigiiffik maalaaruteqarnissamut ilitsersuisimavoq aamma ilisimatitsilluni  tamanna kinguartitsisinnaanermik sunniuteqarsinnaanngitsoq. 

Maalaaruteqarsinnaanermut ilitsersuut naapertorlugu Ineqarneq pillugu Maalaaruteqarfimmut naammagittaalliorsimavutit. 

Inuit allattorsimaffiat naapertorlugu, inissiami uani XXX-XXX-XX, illoqarfimmi pineqartumi suli najugaqarputit. 

Inatsisitigut tunngavigisaq:

Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi § 84 malillugu Ineqarneq pillugu Maalaaruteqartarfiup attartortut naammagittaalliutai makkununnga tunngasut suliarisarpai:
1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.
2) Aserfallatsaaliuineq iluarsaassinerlu, tak. § 45.
3) Inissiap iserterfigineqarnerani qanoq issusia, tak. § 47.
4) Attartukkami atortut ikkussukkat pitsanngorsaanerillu (atuisinnaatitaaneq), tak. §§ 51 aamma 55.
5) Attartortup atukkaminik atuinera (torersaanissamik malittarisassanik unioqqutitsinerit), tak. § 50.
6) Atuisinnaatitaanerup allanut tunniunneqarnera (inissianik paarlaateqatigiinneq, attartukkamik allamut attartortitsigallarneq aamma attartornermik nangitsineq), tak. §§ 58-62.
7) Inissiamit aninermi inissiap qanoq ittuunera (iluarsaassineq nalinginnaasoq), tak. § 77.
Imm. 2. Maalaarutit ineqarneq pillugu maalaaruteqartarfimmut allaganngorlugit tunniunneqartassapput, aammalu maalaaruteqartup maalaaruteqartarfiup sumik isummerfigisaqarnissaanut kissaataanik erseqqissaassummik imaqassalluni. Maalaarummut pissutsinut attartortup suliaritikkusutaanut uppernarsaatissat pisariaqartinneqartut ilaatinneqassapput.
 Maalaarummut pissutsinut uppernarsaatit pisariaqartinneqartut ilanngunneqassapput, attartortup suliarineqartussatut kissaatigisai.

Naliliineq:

Ineqarneq pillugu Maalaaruteqartarfiup paasivaa, maalaaruteqartarfik suliap sliarinissaanut piginnaatitaaffeqanngitsoq. 

Tamatumani tunngavilersuutigineqarpoq, ilinnut attartornermik isumaqatigiissutimmik §§ 69 aamma 70 Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingorna allanguuteqartoq naapertorlugu atorunnaarsinneqarsimavoq. 

Tamatumunnga atatillugu inissianik attartortitsineq pillugu peqqussummi § 84-imut innersuussisoqassaaq, attartortumiit suliakkiissutit Ineqarneq pillugu Maalaaruteqarfiup aalajangersakkat kisiisa suliarisinnaagamigit tulliuttut:  §§ 25 imm. 5, 45, 47, 51, 55, 58-62, aamma 77. 

Ineqarneq pillugu Maalaaruteqarfiup eqqumaffigaa, maalaaruteqarfiup § 50 Attartortup taassumalu inoqutaasa kiisalu inuit attartortumit attartorneqartumut isersinnaatitaasut illumi torersarnissamut maleruagassat suliarisinnaavai. 

Angerlarsimaffimmi maleruagassanik unioqqutitsinermi § 50 inissianik attartornermik peqqussut kisimi attartornermi isumaqatigiissummik atorunnaarsitsinermi periarfiisinnaavoq § 73 Imm. 2 nr. 4 og Imm. 3. Atorunnaarsitsineq pisinnaavoq, annertuumik maleruagassat unioqqutinneqarsimappata. 

Taanna peqqussut inissiaatileqatigiiffimmit suliami nalilersuinermi tunngavilersuutaanngilaq. 

Ineqarneq pillugu maalaaruteqartarfik inissiaatileqatigiiffimmut erseqqissaatigissavaa, attartortoq arlaleriarluni mianersoqquneqartareerluni, attartornermik isumaqatigiissut § 67 naapertorlugu suliarineqassammat, tamanna isumaqarpoq suleriaaseq § 69 malinneqassasoq. 

Aalajangiineq:

Ineqarneq pillugu maalaaruteqartarfik suliap suliarinissaanut piginnaatitaaffeqanngilaq taamaalillunilu suliaq suliariunnaarpaa. 

Akiliutigisimasavit utertinneqarnissaannut pisinnaatitaaffeqarputit. Taamaammat inissiaatileqatigiiffimmut saaffiginninnissannut qinnuigineqarputit, ilisimatitsissutigalugulu akiliutigisimasatit konto-mut sorlermut ikineqassanersut 

Naammagittaalliuuteqarnissamut ilitsersuut: 

Ineqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu. 

Attartortitsisup attartortullu akornanni aaqqiagiinnginneq eqqartuussivimmut tunniukkusunneqassappat attartortitsisumut sassaqqusissut eqqartuussivimmut tunniunneqassaaq. Tamanna pissaaq, allaqatigiinnerit il.il. , attartortitsisup allaffeqarfittut aktiaatileqatigiiffianit isumagineqarsimagaluarpataluunniit. 

Inussiarnersumik inuulluaqqusillunga 

Lise Mørup Dalsgaard

uunga sinniisoq

Naja Joelsen

Siulittaasoq 

Assilineqarnera uunga: Inissiaatileqatigiiffik Y-mut Attartornermut isumaqatigiissut XXX-XXX-XXX innersuussutigineqarpoq 

Inatsisit toqqammaviit: 

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq 

  • 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:
    1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.
    2) Aserfallatsaaliuineq iluarsaassinerlu, tak. § 45.
    3) Inissiap iserterfigineqarnerani qanoq issusia, tak. § 47.
    4) Attartukkami atortut ikkussukkat pitsanngorsaanerillu (atuisinnaatitaaneq), tak. §§ 51 aamma 55.
    5) Attartortup attartukkaminik atuinera (torersaarnissamik malittarisassanik unioqqutitisinerit), tak. § 50.
    6) Atuisinnaatitaanerup allanut tunniunneqarnera (inissianik paalaateqatigiinneq, attartukkamik allamut utaqqiisaasumik attartortitsigallarneq aamma attartornermik nangitsineq), tak. §§ 58-62.
    7) Inissiamit aninermi inissiap qanoq issusia (iluarsaassineq nalinginnaasoq), tak. § 77.
    Imm. 2. Maalaarutit ineqarneq pillugu maalaaruteqartarfimmut allaganngorlugit tunniunneqartassapput, aammalu maalaaruteqartup maalaaruteqartarfiup sumik isummerfigisaqarnissaanut kissaataanik erseqqissaassummik imaqassalluni. Maalaarummut pissutsinut attartortup suliaritikkusutaanut uppernarsaatissat pisariaqartinneqartut ilaatinneqassapput.
    Imm. 3. Maalaarutip ineqarneq pillugu maalaaruteqartarfimmi suliarineqarnissaanut attartortoq annerpaamik 500 kr.-inik sullissinermut akiliummik akiliuteqartinneqassaaq. Maalaaruteqartoq maalaarutigineqartoq pillugu taperserneqarpat imaluunniit suliaq ineqarnermut maalaaruteqartarfimmi suliarineqarnissaminut naleqqutinngitsutut itigartinneqarpat aningaasat sullissinermut akiliutigineqartut maalaaruteqartumut utertinneqassapput.
    Imm.4. Attartortup suliaq eqqartuussivinnut suliakkiissutigineqareersoq ineqarneq pillugu maalaaruteqartarfimmut suliakkiissutigineqarnissaa kissaatigippagu, maalaaruteqartarfik maalaarutip suliarinissaanut itigartitsissaaq. 

Ukunani Ineqarnermut Maalaaruteqartarfik suliap suliarinissaanut piginaatitaaffeqanngilaq: 

  • 66. Attartortitsisup attartornerit imaattut allakkatigut atorunnaarsittassavai:
    1) Ineeqqat, attartortitsisup inigisaani inissiap ilaaniittut, imaluunniit ilaqutariinnut ataatsinut illuni illuniluunniit affarleriinni attartortitsisup najugarisaata ilaaniittut.
    2) Illumi najugaqarfittut inissiat, piffissami atorunnaarsitsiviusumi najugaqarfittut inissiat marluinnaatillugit, aappaanilu piginnittoq najugaqartillugu. 
  • 67. § 66-imi taaneqartut saniatigut attartornerni allani attartortitsisoq taamaallaat atorunnaarsitsisinnaavoq:
    1) Attartortitsisup attartortitamini nammineerluni najugaqalivinniarluni nalunaarutigippagu, imaluunniit attartortitsisoq pingaarutilinnik tunngaveqarluni attartornermik atorunnaarsitsinissamut immikkut pissutissaqartitsippat, aammalu atorunnaarsitsiniarluni nalunaaruteqarneq illuatungeriinnut tunngasut nalilerneqarnerat aallaavigalugu naammaginartutut isigineqarsinnaappat.
    2) Attartortitsisup illumik iluarsaassinissaq isaterinissarluunniit peqqutaalluni attartorneqartoq qimanneqartariaqartoq uppernarsarpagu.
    3) Attartortoq illup ingerlanneqarnerani suliaqartussatut atorfeqartitaasimappat, inissiarlu attartortitseqqinnermi atorfimmit taartaasumut atorneqassappat.
    4) Attartortoq attartortitsisumit allakkatigut mianersoqqussutinik tunineqartaraluarluni pissuserisassanik malinninngippat, imaluunniit pissusilersornera illumut ineqartunulluunniit allanut akornutaappat, pissutsilli imaanngippata attartortitsisup attartornermik isumaqatigiissut atorunnaarsisinnaallugu. Attartortoq allakkatigut mianersoqqussutsinik inassutinilluunniit pingasunik qaammatit tulleriit aqqaneq marluk iluanni tigusisimasussaavoq.
  • 69. § 67 naapertorlugu attartortitsisup atorunnaarsitsiniarnera allakkatigut nalunaarutigineqassaaq, aammalu attartortup imm. 2 naapertorlugu akerliliissuteqarsinnaaneranut paasissutissanik imaqassalluni. Aammattaaq atorunnaarsitsissut atorunnaarsitsinermut tunngaviusoq pillugu paasissutissanik imaqassaaq.
    Imm. 2. Attartortup atorunnaarsitsissut akueriumanngikkuniuk, attartortoq atorunnaarsitsissutip tiguneraniit sapaatit akunneri arfinillit qaangiutsinnagit allakkatigut akerliliissuteqassaaq. Attartortitsisup atorunnaarsitsissut atuutsiinnarniarlugu kissaatigiguniuk, attartortitsisoq sapaatit akunneri allat arfinillit qaangiutsinnagit eqqartuussivimmi suliassanngortitsissaaq. § 67, nr. 2 aamma 3 naapertorlugit Namminersornerullutik Oqartussat kommunellu inissiaataanni attartortittakkani attartornermik atorunnaarsitsinermut akerliliissut kinguartitsigallarnermik kinguneqarsinnaanngilaq. 

Ukunani Ineqarnermut Maalaaruteqartarfik suliap suliarinissaanut piginaatitaaffeqanngilaq:

  • 50. Attartortup taassumalu inoqutaasa kiisalu inuit attartortumit attartorneqartumut isersinnaatitaasut illumi torersaarnissamut maleruagassat, ilanngussaq 4-mi taaneqartut maleruassavaat.
    Imm. 2. Najugaqatigiiffimmi siulersuisut torersaarnissamut maleruagassanut ilassutaasunik aalajangersaasinnaapput, taakkulu attartortitsisumit akuerineqarnerminni atuutsinneqalissapput.
    Imm. 3. Namminersornerullutik Oqartussat kommunellu inissiaataanni attartortittakkani attartortitsisoq allakkatigut akuersissuteqarsimatinnagu inissiami uumasuuteqartoqaqqusaanngilaq. Taamaattorli aalisakkat aalisagaasivimmiittut, timmisat ineqartinneqartut, kikkaasut ineqartinneqartut, kiisalu saaniluit akuersissuteqarnissamut piumasaqarfiussanngillat.Uumasuuteqarnissamut akuersissuteqarnermi attartortitsisup qaammatini pingasuni ineqarnermut akiliutip annertoqataanik immikkut sillimanissamut akiliuteqarnissaq piumasarisinnaavaa. Attartortut peqqussutip matuma atuutilernissaata tungaanut maleruagassat malillugit uumasuuteqarsimasut, uumasuutigisap maleruagassat malillugit uummasuutigineqartup pigisaqaannarnissamut pisinnaatitaapput.
    Imm. 4. Attartortup akuersissutip tunniunneqarneranut atatillugu sillimmasiinissamut akiliutissaq aningaasanngorlugu akilissavaa.
    Imm. 5. Attartukkap qimanneranut atatillugu uumasuuteqarnerup kingunerisaanik ajoquserneqartut iluarsaannerinut attartortitsisup sillimmasiissutit atorsinnaavai. 
  • 73. Pisortaniit attartortitsisup attartornermut, imermut, kiassanermut imaluunniit qularnaveeqqusiissutissamut akiliutissanut akiliinngitsoornerup kingunerisaanik attartornissamik isumaqatigiissut atorunnaarsissinnaavaa, tak. §§ 37, imm. 1, 38, imm. 1, aamma 74, imm. 1. Inissiani attartortittakkani namminersortunit pigisani attartortitsisup pissutissat ataani taaneqartut kingunerisaannik attartornissamik isumaqatigiissut atorunnaarsissinnaavaa.
    Imm. 2. Attartortitsisup attartornissamik isumaqatigiissut atorunnaarsissinnaavaa imatut pisoqartillugu:
    1) Inissiaq unioqqutitsilluni atorneqarpat, tak. § 48, imm. 2 aamma 3.
    2) Inissiaq piffissaanngitsukkut qimanneqarpat, tak. § 48, imm. 5.
    3) Unioqqutitsilluni attartortitsisoq inissiamut iseqqusaanngippat, tak. § 49, imm. 1.
    4) Torersaarnissamut maleruagassat unioqqutinneqarpata, tak. § 50.
    Imm. 3. Attartortitsisup aatsaat attartorneq atorunnaarsissinnaavaa, pissutsit attartortumut assuarliutaasut annertuumik pingaaruteqarpata. Attartortitsisup attartornermik atorunnaarsitsinnginnermini attartortoq pissutsinik aaqqeeqqullugu peqqussavaa, attartortitsisullu attartornissamik isumaqatigiissummik atorunnaarsitsinnginnerani pissutsit imm. 1-imi aamma imm. 2, nr. 1-4-mi taaneqartut aaqqinneqarsimappata attartortitsisup taakku tunngaviginiarsinnaanngilai.

Saqqummersitanut assigusut

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit