Namminersorlutik Oqartussat kiffartuussinermut suliakkiinissaminnut atatillugu neqerooruteqarnerannut tunngatillugu Atuisartoqarnermut Unammilleqatigiinnissamullu Aqutsisoqarfiup naammagittaalliutit arlallit tigusimavai, tamatumani isumaqartoqarluni unammilleqatigiinnissamut killiliissutaasinnaasunik piumasaqaateqartoqarsimasoq.

Atuisartoqarnermut Unammilleqatigiinnissamullu Aqutsisoqarfik tamanna toqqammavigalugu kiffartuussinissamut isumaqatigiissutissat unammilleqatigiinnissamut qanoq killiliissutaasinnaasunik piumasaqaateqarfiusinnaasimanersut pillugit paasiniaavigisimavai.

Atuisartoqarnermut Unammilleqatigiinnissamullu Aqutsisoqarfiup tamatumani unammilleqatigiinnissamut inatsimmi § 6 toqqammavigalugu killiliissutaasinnaasunik takusaqarsinnaasimanngilaq.

Tamanna toqqammavigalugu Atuisartoqarnermut Unammilleqatigiinnissamullu Aqutsisoqarfiup misissuisimanini naammassisimavaa, inatsimmilu § 26, imm. 1-mi allaqqasut toqqammavigalugit misissuisussaatitaanini naammassisimallugu.

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut