Illit tuniniaavillu.

Tununiaavik pillugu maalaarutit ulloq 20-10-2016 Atuisartunut maalaaruteqartarfiup suliaraa, tamarmiullutillu imatut aalajangiipput:

Aalajangiineq

Maalaarutit tunuartinneqarpoq Atuisartunut maalaaruteqartarfimmi suliarineqarnissaa naleqqutsinneqanngimmat.

Aallaqqaasiut

Maalaarut tiguneqarpoq ulloq 20. februar 2015. Suliaq kissarsuutip igartaanik nutaamik pisinermut ikkussuinermullu tunngavoq.

Illit piumasaqaatigaat pisineq atorunnaarsinneqassasoq, akialu utertikkumavat.

Tuniniaaviup piumasaqaatit naalakkumanngilaa, isumaqaramik tuniniagaq piumasarineqartoq tunniussimallugu ikkussorsimallugulu.

Suliap saqqummiunnera

Ulloq 19. februar 2015 maalaarutit ulloq 20. februar 2015 tiguneqarpoq (ilanngussaq 1). Tassani atuarneqarsinnaavoq ukioq 2012-ip aallartinnerani kissarsuutip igartaanik paasiniaasimasutit.

Ulloq 27. marts 2012 tuniniaaviup VVB Sime Aqua 30 inox m. 1101 neqeroorutigaa, akigitinnia-gaalu tassaavoq kr. 35.000, -

Taamaalillutit neriorsorneqarputit oliamik 1/3 missaanik sipaaruteqarsinnaasutit.

Qaammat september 2012 kissarsuutip igartaa ilissinni ikkussuunneqarpoq.

Ulloq 29. april 2015 tuniniaaviup suliamut oqaaseqaatitik nassiuppaat (ilanngussaq 2).

Tassani takuneqarsinnaavoq ukiup 2013 qiteqqunnerani tuniniaavik attavigisimagit, tassa isumaqaravit kissarsuutip igartaa uuliatorpallaartoq, najukkassinnilu paarsunnittoq.

Tuniniaavik peqatigalutit misissuigami paarsunnimik naasaqanngilaq, tassanilu isumaqatigiissu-tigineqarpoq olie-flow-imut uuttortaammik ikkussisoqassasoq, taamaalilluni uuliap atukkap annertussuserpiaa uuttorneqarsinnaassammat.

Illit nammineerlutit uuttortaat taanna peersimavat.

Qaammatit 1-2 qaangiuttut tuniniaavimmut saaffiginneqqipputit, tassanilu paasineqarpoq ullup unnuallu ataatsip ingerlanerani uulia 12,5 liiteri atorneqartartoq.

Ukiup 2014 naalernerani tuniniaavimmut saaffiginneqqipputit isumaqaravit uulia atugaq annertuallaartoq. Tamatuma kinguneranik kissarsuutip igartaa minneq ikkunneqarpoq.

Februar 2015 tuniniaavimmut saaffiginneqqipputit, tassa VVS-imik sulliviup allap attaviginerani paasitinneqarsimagavit kissarsuutip igartaa kingulleq mikivallaartoq. Taamaattumik tuniniaavimmit 2012-imi pisiaq ikkuteqqinneqarpoq.

Tuniniaaviup oqaaseqaataanut oqaaseqaatitit ullulerneqarput 7. Maj 2015 (ilanngussaq 3).

Taakkunannga erserpoq tuniniaaviup oqaaseqaataanut isumaqataanngitsutit.

Ilaatigut allapputit tuniniaaviup qaammatit sisamat ingerlaneranni ruujorit silaannarmillu saliissutit iluarsartariaqarsimagai.

Februarimi pojoorfiup silataa-tungaa paamik qernertuinnanngorsimavoq, taamaattumillu tuniniaa-vik attavigaat. Taakkua pujoorfik paaviariartorpaat illup iluata tamarmi qernarinnanngorneranik kinguneqartumik.

Tuniniaaviup taamaallaat qaqorsaat ikiorsiissutigaa.

Ulluinnarni kissarsuutip igartaanit nipiliortoqartarpoq, arlaleriarlutillu tuniniaavimmit ikioqqugaluarputit. Takkukkamik silaannarmik saliissutit allallu salippaat, iluaqutaanngilarli.

Aasap ingerlanerani atuineq annikilliallappoq, iluarsagassalli annertusiartuinnavipput. Taamaattu-mik tuniniaaviup siunnersuutigaa kissarsuutip igartaa minnermik taarserneqassasoq , tamannalu illit akueraat.

Tamannali iluaqutaanngilaq, sulimi paaq illup iluanut isaajuarpoq.

Aammattaaq taavat uuliamut uuttortaammit ikkunneqartumit ersittoq uulia 18,43 liiteri ullormut atorneqartartoq, 12,5 liiteriunngitsorlu.

Tuniniaavik ulloq 1. september 2015 suliamut oqaaseqaateqaqqippoq (ilanngussaq 4).

Tuniniaaviup oqaaseqaatigeriikkani aalajangiusimavaa, assortorpaalu kissarsuutip igartaanik pisininni uuliamik sipaaruteqarnissannik oqaaseqarsimagamik.

Ulloq 16. september 2015 oqaaseqaatinni (ilanngussaq 5) aalajangiusimavat, tuniniaaviup ukioq 2012 paasitissimagaatit kissarsuutip igartaanik pisinikkut uuliamik sipaaruteqassasutit.

Tuniniaaviup naggataarutaasumik oqaaseqaataani 1. august 2016-imeersuni aalajangiusimane-qarpoq naammagittaalliutinni allaaserisattulli uuliamik sipaaruteqarnissannik neriorsuisimannginnamik.

Tunngavilersuut

Atuisartunut maalaaruteqartarfiup maalaarutit maalaaruteqartarfimmi suliarinissaannut naleqqutin-ngitsut tunuartittarpai, tassani toqqammavigineqarluni Tuniniaanissamik nittarsaassisarneq aamma nalunaaqutsersuisarneq pillugu Inatsisartut inatsisaat nr. 39, 9. december 2015-imeersoq, oqaaseqaatillu 29 imm. 2.

Atuisartunut maalaaruteqartarfiup naliliivigisinnaanngilaa kissarsuutip igartaa amigaateqarsimanersoq, taamaassimassappallu kina akisussaasuunersoq.

Taamaattuni pisariaqassaaq kissarsuutip igartaanut ajornartorsiutinut pisumut attuumassuteqanngit-sumit misissuinissaq, naliliinissaq kiisalu nassuiaateqarnissaq. Atuisartunut maalaaruteqartarfik taamak annertutigisumik misissuinissamut naliliinissamullu sulisussaqanngilaq, aammalu maalaaruteqartarfimmi uppernarsaasoqarneq ajorpoq.

Tamanna tunngavigalugu Atuisartunut maalaaruteqartarfik isumaqanngilaq suliaq maalaaruteqartarfimmi suliarineqarsinnaasoq.

Taamaattumik maalaarutit tunuartinneqarpoq.

Tamanna isumaqanngilaq suliami ajorsartutit. Isumaqaannarpoq Atuisartunut maalaaruteqartarfiup piumasaqaatitit pissusissamisoornersut isummerfigisinnaanngikkai.

Periarfissaqarputit suliaq eqqartuussivimmut ingerlatissallugu. Eqqumaffigissavat sillimmasersimaguit inatsisitigut siunnersorneqarnissamik ilalimmik, taava ilimanarpoq taanna aqqutigalugu aningaasartuutivit ilai tamakkerlugilluunniit matussuserneqarsinnaassasut. Tamanna pillugu inatsisilerituumik eqqartuussivimmilluunniit attaveqarit.

Maalaarnissamut ilitsersuut

Tuniniaanissamik nittarsaassisarneq aamma nalunaaqutsersuisarneq pillugu Inatsisartut inatsisaat nr. 39, 9. december 2015-imeersumi § 35 Imm. 2 naapertorlugu Atuisartunut maalaaruteqartarfiup aalajangiussaa allaffissornikkut sullissivinnut allanut maalaarutigisinnaanngilat.

Inussiarnersumik inuulluaqqusillunga

Atuisartunut maalaaruteqartarfik

Nicolai Odgaard jensen

Siulittaasoq

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut