suliaraa imalu:


AALAJANGIIVOQ


Ineqarneq pillugu maalaaruteqartarfik isumaqarpoq inissiap nalinginnaasumik iluarsarneqarnissaa aamma inissiamit aninissinni qulliit pærii marluk amigaataasut akilissagissi.

Taamaalillusi naammagittaalliutigisarsi pillugu ilalerneqanngilasi, kisianni qulliit pærii amigaataasut akikillineqassapput.

Inissianik attartortitsisarneq pillugu Inatsisartut peqqussutaat nr. 2, 12. maaji 2005- imeersoq kingusinnerusukkut allannguutai ilanngullugit naapertorlugu aalajangiisoqarpoq.

Nassuiarneqarnera:

Attartornermut isumaqatigiissummi takuneqarsinnaavoq ulloq 2. februaari 2015-imi inissiaq Ikerasannguaq 46, Aasiaanniittoq iserterfigisimagissi. Attartornermut isumaqatigiissummi marluullusi allassimavusi.

Inissiaq sisamanik initaqarpoq angissusaalu 60 m²-iulluni.

Attartornermut isumaqatigiissut malillugu ilissi inissiaateqatigiiffillu immikkut ittumik iluarsartinnissaanut il.il. isumaqatigiissuteqarsimanngilasi.

Inissiamut ulloq 2. februaari 2015-imi iserterpusi anillusilu ulloq 1. decembari 2015-imi.

Ulloq 27. novembari 2015 inissiaq inissiaatileqatigiiffimmit misissorneqarpoq.

Najukkap qimanneqarneranut atatillugu misissuinermit nalunaarusiaq malillugu iikkat qilaallu marloriarlutik qalipanneqartussaapput naqqilu qillersarneqartussaallutik.

Tamatuma saniatigut qulliit pærii marluk amigaataasut ilissinniit akilerneqartussaallutik.

Najukkap qimanneqarneranut atatillugu misissuinermit nalunaarusiaq ilinnit, ulloq. 27 novembari 2015-imi atsiorneqarsimavoq.

Inissiaatileqatigiiffimmut allakkatigut ulloq 8. januaari 2016-imi saaffiginnipputit, ilanngullugu oqaatigaat inissiamut iserterassi ajoqutai amigaataalu nalunaarsorsimallugit. Nalunaarusiarli inissiap misissorneqarnerani nassarneqanngilaq.

Allakkami inissiaatileqatigiiffimmut uku apeqqutigisimavasi:

  1.  Sooq ajoqutai allaqqasut INI-p minissimanerai - inissiaq qimalernerani qalipattussaanngikkissi taamaammat inissiaq eqqiaannarsimagissi.
  2.  Nalunaarsuinissinni aamma allassimavarsi qaamanermut assiaqut aseroqqasoq iserterassi. Sooq akilerneqassanersoq paaserusullugu kissaateqarsimavusi.
  3.  Novembarimi akiligassat saniatigut sooq 1.700,- koruuninik akiligassinneqarsimanersusi paaserusukkaluarparsi.
  4.  Taamaallaat iserterassi INI-p qalipaat tunniussaa atorlugu qalipassinnaasimavarsi qalipanneqarsimanngimmat.

Inissiaatileqatigiiffiup nakkutilliisuata allakkatigut 3. februaari 2016-imi unnersuutigaa inimi iigaq aappalorujuttumik qalipassimagassiuk marloriaq qalipanneqassasoq.

Taassuma saniatigut iigaq arlalinnik putoqarsimavoq. Assit ilanngussimasasi igaffiup iluarsartinneranut eqqaavinnullu containerinut tunngasut naammagittaalliutissinni ilanngussimagisi nakkutilliisup malugaa.

Inissiaatileqatigiiffiup naammagittaalliuutersi ulloq 11. Maaji 2016-imi oqaasertaleqqippaa. Amigaatit allattorsimaffianni erserpoq attartorneqartuni amigaatit aningaasaliiffigineqarsinnaasut tamarmiunngitsut. Allakkami innersuunneqarpoq qulliup

niulua akilissanngikkissi, tassani pineqarpoq innaallagialerisup illumi pærit marluk amigaataasut aningaasartuutigisai kisiisa akilissagisi.

Saniatigut akiligassamik tunineqarsimanersi pillugu inissiaatileqatigiiffiup innersuussutigaa ulloq 10. novembari 1.785,- koruuninik aamma ulloq 18. november 1000,- koruuninik ikisisoqarnikuummat. Aningaasat taakku novembari qaammataani ineqarnermut akiliutigisassinnut naammapput.

Inissiaatileqatigiiffiup ilanngullugu oqaatigaa najukkap qimanneqarneranut atatillugu misissuinermi nalunaarusiaq isumaqatigisimanngikkussiuk tassunga atatillugu maluginiagaqarsimassagaluartusi.

Inissiap qimanneranut atatillugu akiligassaq 27. januaari 2016-imeersoq malillugu katillugit 6.285,- koruuninik akiliisussaagaluarpusi. Aningaasat ima  isikkoqalersimapput:

Akiligassap naatsorsorneqarnera malillugu qalipaasumut aningaasartuutit 14.610,00,- koruuniupput. Qularnaveeqqutiniillu 9.357,- koruunit ilanngaatigineqarlutik taavalu nalinginnaasumik iluarsartinneranut aningaasartuutissinniit 1.461,- koruunit ilanngaatigineqarput, iluarsartinneranut aningaasartuutissaraluasi 3.792,- koruuniusimagaluarput.

Tassunga aamma pærit amigaataasut marluk ilanngunneqassapput taakkulu 935,- koruuninik akeqarput taavalu qularnaveeqqutip akilinngitsoornikuuneranut akiitsut sinneri 1.558,- koruuniusut. Taamaalillutillu inissiaatileqatigiiffimmut akiitsut kisinneri 6.285,- koruuninngorput.

Inatsisitigut tunngavik:

Inissianik attartortitsisarneq pillugu Inatsisartut peqqussutaat nr. 2, 12. maaji 2005- imeersumi kingusinnerusukkut allanngortinneqartumi § 45-mi allaqqavoq, Namminersornerullutik Oqartussat kommunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaat attartortitsisup pisussaaffigigaa.

Aalajangersakkami imm. 2-mi allaqqavoq avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassasut atorsinnaasuutinneqassallutillu. Taamatuttaaq innaallagissamut ikkuffiit, iikkiussat, matserfiit, kiassaatit, ruujorit, sikaaviit alaakkaasut, illup iluani atortut il.il. aserfallatsaalissallugit attartortitsisup pisussaaffigai. Nungullarnikkut pisoqalinikkullu ajorseriaatsit kingunerisaannik ima akulikitsigisumik isumagineqartassapput nutarterinerit iluarsaassinerillu illuutit attartorneqartullu pissusissaat eqqarsaatigalugit pisariaqartitsinerit malillugit suliarineqartassallutik.

Aalajangersakkami imm. 3-mi allaqqavoq, piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu naqqit lakkernissaat akisussaaffigigaa taakkununngalu aningaasartuutit akilissagai.

Peqqussummi tassani § 77-imi allaqqavoq, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/imaluunniit ungalitsersuineq kiisalu eqqiaaneq. Naqqit nutaamik lakkersimasutut isikkoqassapput, taamaattorli tak. imm. 3.

Nalilerneqarnera:

Ineqarneq pillugu maalaaruteqartarfik isumaqarpoq, inissiap nalinginnaasumik iluarsartinnera katillugit 3.792,- koruunit akilissagissi.

Tassunga tunngavigineqarpoq inissiamit anisoqarnerani qilaavi qaqorsarlugit qalipanneqartussaammata, iikkat qalipanneqartussaallutik, soorlu naqqi nutaamik lakkersimasutut isikkoqartussaasut.

Ineqarneq pillugu maalaaruteqartarfik isumaqarpoq inigisaq iserterfigigassiuk nalinginnaasumik iluarsartissimannginneranut uppernarsaatissaqanngitsoq.

Ineqarneq pillugu maalaaruteqartarfiup tassani pingaartippaa attartornissamut isumaqatigiissummi oqaaseqaateqartoqarsimannginnera soorlu aamma misissuinerup nalaani tamanna pillugu ilisimatitsinngitsusi.

Ineqarneq pillugu maalaaruteqartarfik isumaqarpoq qularnaveeqqutit akilersimanngisasi sinneri 1558,- koruuniusut akilissagisi.

Naggataatigut Ineqarneq pillugu maalaaruteqartarfik isumaqarpoq pærit amigaataasut marluk, akunnerit ataatsimut ikkuissuinermut, angallassinermut naatsorsukkat akilissagisi, taamaakkaluartoq akikinnerussapput, tassa 540,- koruuniussallutik.

Ineqarneq pillugu maalaaruteqartarfiup maluginiaqquaa nalinginnaasumik pæri aserorsimatillugu imaluunniit amigaataappat taarsertinnera attartortup attartornerup nalaani akisussaaffigigaa. Taamaammat Ineqarneq pillugu maalaaruteqartarfiup pærimik amigaateqarnera inigisamut eqqunngitsuliornertut isiginngilaa.

Inissiaatileqatigiiffimmut XX-mut akiitsusi katillugit 5.890,- koruuninngorput.

Ineqarneq pillugu maalaaruteqartarfiup ilisimatitsissutigissavaa inissiap iserterfiginerani amigaateqarnera pillugu immersorsimasassinnut oqaasertaliisimanersi innersuutigalugu amigaatini allattorsimaffinnut allattukkasi pillugit akiligassinneqarnavianngitsusi.

Suliap taama sivisutigisumik suliarineqarnera Ineqarneq pillugu maalaaruteqartarfiup ajuusaarutigaa tamanna ilaatigut allaffissornermut tunngasunik ilaatigullu piffissami sivisuumi ataatsimiititaliamik toqqaasoqarnikuunnginnera tamatumunnga pissutaapput.

Akiliutigisimasassi utertinneqarnissaannut pisinnaatitaaffeqarpusi. Taamaammat kontumut sorlermut ikineqarnissaa pillugu oqarasuaatikkut attaveqarlutit paasissutissiissutigissavat.

Aalajangiussaq:

Taamaalilluni Ineqarneq pillugu Maalaaruteqarfiup inissiaatileqatigiiffiup XX aalajangiussaa ilaannakortumik atatiinnarpaa.

Naammagittaalliortarfissatut periarfissaq:

Ineqarnermut Naammagittaalliuuteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu.

Ineqarneq pillugu Maalaaruteqartarfiup aalajangernera eqqartuussisunut suliassanngortinneqartarnissaanut kissaateqaruit, attartortitsisumut sassaqqusissut, tassa Namminersorlutik Oqartussannut imaluunniit kommunimut, Kalaallit Nunaanni

Eqqartuussivimmut tunniunneqassapput.

Inussiarnersumik inuulluaqqusillunga

Innuttaasoq C

Siulittaasoq

Inatsisit toqqammaviit:

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

§ 77. Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3.

Imm. 2. Attartortup nammineerluni nuunnerminut atatillugu nalinginnaasumik iluarsaassinissani kissaatigippagu, iluarsaassineq assassornermik ilinniagaqarsimasutut illersorneqarsinnaasumik pitsaassuseqartillugu suliarineqassaaq. Attartornermik unitsitsinissaq imaluunnit atorunnaarsitsinissaq naapertorlugu inissiap qimanneqarnissaa, inissiap takuniarneqarnissaa sioqqullugu suliaq naammassereersimassaaq, tak. § 79.

Imm. 3. Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

Imm. 4. Attartortitsisup imm. 1-imi aamma 2-mi aalajangersakkat sanioqqussinnaavai, attartornerup atorunnaarnerata nutaamillu aallartitsinerup kingorna inissiap iluarsaanneqarnissaa annertuunik ajornartorsiutitaqarpat. Attartornerup atorunnaarnerani tamatumunnga taarsiullugu attartortoq inissiamik attartornerup nalaani nungullarnernut naleqquttumik annertussusilinnik akiliuteqassaaq. Akiliutissaq qaammammut ataatsimut inimut ataatsimut 50 kr.-inik annertussuseqarpoq. Attartortitsisup nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai.

Imm. 5. Naalakkersuisut inissiamit aninermi nalinginnaasumik iluarsaassisarneq aamma attartortup tamatumunnga atatillugu aningaasartuutigisaanut ajunngitsorsiassaqartarneq pillugu maleruagassiorsinnaapput.

§ 78. Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

§ 79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.

Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Imm. 3. Attartortup inissiamik qimatsinissani kingusinnerpaamik ullunik arfineq-pingasunik sioqqullugu najugaq nalunaarutit nassiunneqartarfissaat nalunaarutigissavaa.

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut