Ukiuni marlunni naammagittaalliorsinnaatitaavutit – aamma nioqqutissanut akikillisanut. Taamaallaat nioqqutissap takussaasumik ajoqutai pisiarinerani ersiinnartut naammagittaalliutigisinnaanngilatit, taamaakkamimi aamma nioqqutissaq akikillisimavoq.

Akikilliliineq – nioqqutissaq taarsersinnaaviuk?

Niuertarfippassuit naliginnaasumik utertitsisinnaallutillu pisiamik paarlaassineq pisinnaatitaaffittut atoraluarpaat, taamaattoq amerlasuutigut allagartaliinikkut takutittarpaat tamanna akikillisanut atuutsinneqanngitsoq. Pisiat ugguarilerukku taava nioqqutissiaq allatut peerniartariaqarpat.

Nittartakkakkut akikilliliineq

Nittartakkakkut pisiniaraangavit, taava aallaavittut isigalugu ullunik 14-inik ugguartitaasinnaavutit. Tamanna aamma nioqqutissanut akikillisanut atuuppoq.

Taamaattoq nioqqutissarpassuaqarpoq aamma sullissinerpassuaqarluni, naliginnaasumik isigalugu ugguarsinnaatitaanermit peerneqarsimasut. Tamatumani pineqarput s.a. timmisartukkut billetsit, sunngiffimmi kulturikkullu neqeroorutinut billetsit aamma angerlarsimaffimmi ataavartumik nerisassanut imigassanullu tunngasutigut atugassat.

Ugguartussaatitaanerit atoraluarlugu, taava nittartakkami akikillisanik pisiniaraangavit, maluginiassavat, pisiat ugguarilerukku utertinnissaannut akiliutissat nammineq akilissagakku.

Nittartakkakkut pisiniarfiit ilai taamaattoq ilinnut sullissinertut neqeroorutigisarpaat nioqqutissap utertinnissaannut akiliiumallutik. Maluginiassavat tamanna aamma akikillisanut atuunnersoq.

Akikillisanut siunnersuutit pitsaasut

  •  Eqqarsaatigiuk neqeroorutsialaanersoq. Akiata appartinnera kisiat isigeqinagit, nalilerullu nioqqutissaq ilumut akiminut naleqqunnersoq.
  •  Eqqaamajuk akikillinera imatut paasisariaqarmat, niuertarfiup nammineq akiutitaa appartiinnaraa. Imaanngilaq niuertarfinni allani akisunerusut. Niuertarfinni allani akinik misissuigit imaluunniit nittartakkami misissuilluarit nioqqutissamik pisitinnak.
  •  Missoruk nioqqutissaq ilumut atorfissaqartitattut naatsorsuutigisattullu pisinnaanersoq, imaluunniit pisiarinerani pisoqalisooreernersoq.
  •  Eqqaamajuk niuertarfivinni naliginnaasumik utertitsisinnaannginnavit imaluunniit paarlaassinnaanagit, taamalillutillu pisiat utertiinnarsinnaanagu uggualeruit, imaluunniit nioqqutissaq naammaginngikkukku – imaassimanngippat pisiarinerani isumaqatigiissutaasoq.
  •  Niuertarfivik iserfigisinnaasat naliginnaasumik neqerooruteqarpat utertitsisinnaanermut imaluunniit paarlaassuinermut pisinnaatitaasutit, taava tamanna aamma akikillisanut atuuppoq, imaassimanngippat niuertarfimmi ersarissumik takutinneqarpat akikillisanut atuutinngistoq.
  •  Akikillisat nittartakkakkut pisiarigukkit, taava aallaavittut isigalugu ulluni 14-ink ugguarsinnaatitaavutit.
  •  Ukiuni marlunni tamatigut naammagittaalliorsinnaatitaavutit – aamma akikillisanut. Taamaattoq naammagittaalliutigisinnaanngilatit nioqqutissaq tigussaasumik ajoquteqarpat, tamannalu ilinnut ersarissarneqarsimappat pisiarinerani, aammalu tunngaviliisimalluni akikilliliinermi.

Niuertarfik matulerluni akikilliliippat, taava qulakkeersinnaanngilat matutinnagu naammagittaalliorsinnaasutit nioqqutissiaq pisiat ajoquteqarpat.

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut