Soorlu assersuutigalugu tassaasinnaavoq isumaqatigiissut allakkatigoortoq, sulinermik allagartat mumingat (Arbejdssedler) taakkua biilileriffiup pisussaaffigai allattortassallugit, biilip atortui taarsersukkat, mail-it, allallu.

Akiliiniarnermi ajornartooruit, soorlu imaassinnaavoq akiliiumanngittutit imaluunniit akiliisinnaanngitsutit, piffissaq eqqorlugu akiliinngitsoortutit, akiusoq assortuussutigigissi imalunniit suliap annertussusia, taava tamakkua tamaasa eqqarsaatigalugit inatsisini assigiinngitsuni piviusumilu pisartuni malitassatut eqqartuussivinni ingerlanneqareersimasarput, tamakkunanilu ilisimaneqarluarpoq ajornartorsiut qanoq aaqqiiviginiartariaqarnersoq.


Biilit isumaqatigiissutaasumiit annertunerusumik iluarsaanneqarsimappat?

Illit uppernarsartussaavat, biilileriffiup iluarsartuussinera isumaqatigiissutaasumiit annertuneruppata. Taamaallaat una immikkut pingaarutilimmik ippoq:

Biilit namminerisamik nalingi qaangerlugit iluarsartuunneqarpata, taava biilileriffiup tamanna uppernarsartussaavaa, imaappoq illit akuerisimagit uppernarsartariaqarpaat.


Akerliulluni akiliineq

Akiliiumanngikkuit, soorlu akia isumaqatiginagu, taava imaassinnaavoq biilileriffiup biilit tigummiinnalissagaa tunniukkumanagu. Biilit tiguniarukkit akiliisariaqassaatit akerliullutit.

”Akerliulluni akiliineq” imatut paasineqassaaq, allakkatigut akerliunini takutillugu. Tamanna pisinnaavoq akiligassartaa (faktura) allaffigalugu, biilileriffiup akiligassartaata allagartaata muminga atsiorlugu aamma illit nammineq akiligassaatippit allagartaa allaffigalugu, takutillugu akiusoq akerlerigit aammalu suliassaq ingerlateqqinniarit Atuisartoqarnermut Naammagittaalliuuteqarfimmut imaluunniit inatsisilerituumut.

Oqaatsitiguinnaq akerliliiguit, taava kingusinnerusukkut uppernarsaruminaassinnaavoq, akerliullutit akiliisimasutit.

Aamma qinersinnaavat akerliullutit akiliillutit, biilit tigusareeraluarlugit. Taamaalioruit allakkat nukingisaarutit, ernialersuineq, akiliisitsiniartut akissarsiassai aammalu aningaasartuutit allat, asuli pilersinnaammata alliartuinnarlutik akiliiumannginnerit piinnarlugu. Taamatut pisoqartillugu akerliullutit akiliiguit taava akiligassaq akilersinnaavat aammalu biilileriffik mail-imik allakkanilluunniit allakkanik tammatsaalisatut nassiussanik pajullugit, tassanilu erseqqissarlugu allassagit, akiligassaq akerliullutit akilersimagit, aammalu suliassaq inatsisilerituumut imaluunniit Atuisartut Naamaagittaalliuuteqarfianut ingerlateqqinniarit.

Biilileriffiup akileqqusaa tamakkiisumik akiliinnarsinnaavat, kingornalu aningaasat ilai utertitassatut piumasaqaatigalugit. Imaluunniit illit nammineq isummat naapertorlugu akiligassaasoq naapertorlugu biilileriffimmut akiliisinnaavutit. Kingusinnerusukkut paasineqassappat akiliinikippallaarsimasutit taava biilileriffiup ernialersuilluni piumasaqarsinnaavoq aammalu allanik akiligassarsisinnaallutit.


Biilileriffiup pisinnaatitaaffigivaa biilitit tigummiinnarsinnaallugit

Iluarsartuussineq akilertussaagukku, biilitit aagukkit, kissaatiginagulu akilernissaa imaluunniit akiliisinnaanak, taava biilileriffiup biilitit tigummiinnarsinnaavai, akiliinissavit tungaanut. Biilileriffiup taamaallaat biilitit tigummisinnaavai, biilileriffiup iluarsaasarfianiit (værksted) anisinneqarsimanngippat.

Biilit tigusimagukkit, kingornalu akiliinngikkuit, taava biilileriffiup biilit aasinnaanngilai tigummiumallugit. Siusinnerusukkut akiligassat pillugu aamma biilit unitseqqusaanngilaat. Biilitit iluarsaanniarlugit akuersisimappata naak akiligassaqartutit, taava biilitit aamma tunniuteqqittussaavaat iluarsartuussineq nutaaq akilerukku.

Saqqummersitanut assigusut

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit