Misissussavat paasissutissat tamakkiisut ilaareersut, soorlu biilit pillugit paasissutissat periikkatit, eqqortumik biilip inaarutaasumik isumaqatgiissutaanni eqqortumik allassimassapput.

Soorlu makkuusinnaapput:

  •  Biilip suussusia (model)
  •  Ukiua
  •  Siullermeerluni eqqunneqaqqaarnerani nalunaarsugaanera
  •  Kilometerit ingerlavigisimasai

Biilit pillugit aamma immikkut ittunik allassimasoqarsinnaavoq, soorlu assersuutigalugu annertuumik ajoqusernikuusimanersut imaluunniit taxa-tut atorneqarsimanersoq.


Biilit pillugit immikkut ittumik neriorsuutit

Immikkut ittumik neriorsorneqarsimaguit, taava tamanna aamma biilit inaarutaasumik isumaqatigiissutaani allaqqassaaq. Soorlu assersuutigalugu imaassinnaavoq biilinik tuniniaasoq imaluunniit biililerisup nalunaarutigigaat, tandremmia taarseqqammersoq, biilit misissorteqqammersut, ajornanngitsumik saniatigut atortulersorsinnaasoq, imaluunniit atortut aalajangersimasut tuniniaasumit ikkussorneqarsinnaasut biilit tunniutsinnagit. Aamma imaassinnaavoq tuniniaasup isumagigai kukkunerit aalajangersimasut, soorlu assersuutigalugu igalaavani kigarnerit, saavani igalaaq nutaaq il. il.


Biilit ajoquteqarsinnaaneranik nangaassuteqarneq

Biilinik tuniniaasoq biilinik tuniniaasinnaavoq, assigiinngitsunik ajoquteqaraluartut, illit kukkunerit siumoortumik nalunngereerlugit akuersissutigisareerukkit. Tuniniaasup kukkunerit nangaassutingereerunigit, taava ersariffaarittumik takutissavai nassuiarlugillu, taamaalillutit nalilersinnaaniassagakku kukkunerit qanoq biilip atornissaannut nalinganullu kinguneqarataarsinnaanersoq. Biilip aircondition-ia ajoquteqarpat, taava ersarissumik nalunaarutigineqassaaq ajortoq. Naammanngilaq allassallugu assigiinngitsunik ajoquteqartut imaluunniit biilit takuneqartutut tunineqartut.

Kukkunerit aalajangersimaqqinnaartut akuersissutigereerukkit pisiaritinnagu, taava kingusinnerusukkut kukkunerit taakkooqqinnaat pillugit naammagittaalliorsinnaatitaanngilatit.


”Takuneqarnerattut pisiaq”

”Misilinneqarnerattut takuneqarnerattullu”, ”amerlasuunngorlugit nioqqutigineqarput”, ”aasassaq”, ”naammagittaalliutigineqarsinnaanngilaq”.

Tuniniaasut ilai naliginnarmik nangaassuteqartarput kukkuneqassappat, inaarutaasumik isumaqatigiissut atsioraangassuk, kisianni naliginnaasumik nangaassuteqarneq atuisartoqarnermi pisinermi atuutsinneqarsinnaangilaq. Inaarutaasumik isumaqatigiissut nangaassuteqassappat taava tigussaalluinnaqqissaartariaqarpoq.

”Naammangittaalliutigineqarsinnaanngilaq” oqaatigineqassappat taava misiliineruvoq atuisartup pisinnaatitaaffianik arsaarinninnerulluni, atuisartoq pisinnaatitaaffigimmagu pisisarnermi inatsisit naapertorlugit naammagittaalliorsinnaatitaagami. Biilinik atornikunik tuniniaasartoq naammagittaalliorfissaqanngilaq. Biilit tiguneraniit ukiut marluk tungaannut naammangittaalliorsinnaatitaavutit.

Tuniniaasumut naammagittaalliorsinnaavutit, biililluunniit tunineqarsimappata ”naammagittaalliuutigineqarsinnaanngitsutut” imaluunniit tuniniaasup imatut allassimmappagu biilit pisiarineqartut takuneqarneratut imaluunniit allanik naliginnaasunik nangaassuteqarsimappat.

Naliginnarmik nangaassuteqarneq illit naammagittaalliorsinnaatitaaninnut atuummanngilaq.

Saqqummersitanut assigusut

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit