Suliffeqarfinnik kattunnerup naammassinnginnerani Namminersorlutik Oqartussat Air Greenland 37,5 pct.-imik piginneqataaffigaat, Red 1 A/S (SAS AB-mit tamakkiisumik pigineqartoq) taavalu Aningaasaqarnermut Naalakkersuisoqarfik 37,5 pct.-imik aammalu 25,0 pct.-imik piginneqataallutik.

Ingerlatitsineq Unammilleqatigiinnermi peqataasut naapertorlugit inatsisit kattussinermut aalajangersakkat malinneqassapput, tamanna isumaqarpoq Atuisartoqarnermut Unammilleqatigiinnermut Aqutsisoqarfiup kiisalu Unammilleqatigiinnermut Ataatsimiittaliap akuersiteqqaarnagit naammassineqarsinnaanngitsoq.

Kattunnissamut allaqqitassiaq nalunaarutigineqartoq pisariitsumik nalunaarutigineqarnissaa siunniutaavoq. Aqutsisoqarfiup suli kattunnissamut piumasaqaatit naapertuunnersut isummerfigisinnaanngilaa, ingerlariaaserli pisariitsoq malillugu aalajangerneqassaa malinneqassaaq.

Namminersorlutik Oqartussat tassaavoq Qitiusumik Allaffeqarfik aammalu suliffeqarfiit amerlasuut sumiiffinni assigiinngitsuni inissisimasut. Pisortatigoortumik aqutsineq eqqaassanngikkaanni Qitiusumik Allaffeqarfik Namminersorlutik Oqartussat suliffeqarfiutaat arlallit akisussaaffigai. Ingerlatseqatigiiffiit Namminersorlutik Oqartussanit pigineqartut ingerlataannut ilaatigut ilaapput qanga pisortat ingerlataqarfigisarsimasaat, soorlu nukissamik pilersuineq, nalunaarasuartaateqarneq aamma mittarfeqarfeqarneq, aammalumi inuussutissarsiornermi ingerlataqarnerup iluani, ingerlatanut ilaatigut ilaallutik aalisarneq, umiarsuartigut angallassineq kiisalu nioqqutissanik amerlasuukkaarlugit tuniniaaneq aamma nioqqutissanik nalinginnaasunik tuniniaaneq.

Air Greenland-i Kalaallit Nunaanni timmisartortitseqatigiiffiuvoq. Saniatigut Air Greenland Assartuineq ingerlappaa kiisalu suliffeqarfiutigisat Nunatta Angalatitsivia aamma Hotel Arctic kiisalu alalatsitsivik- aammalu akunnittarfinni ingerlatsitsineq ilanngullugit ingerlappai.

Oqaaseqaatit kattunneq pillugu Atuisartoqarnermut Unammilleqatigiinnermullu Aqutsisoqarfimmut nassiunneqassapput kingusinnerpaamik 10.maaji 2019 nal. 12:00.

Oqaaseqaatit uunga nassiunneqassapput:

Atuisartoqarnermut Unammilleqatigiinnermullu Aqutsisoqarfik

Imaneq 29, 1. sal

3900 Nuuk

E-mail: aua@nanoq.gl

Ilisarnaat: Kattunneq: Namminersorlutik Oqartussat kisimiilluni Air Greenland-imut oqartussaaneranut tunngasoq.

Paasissutissat kattunnermut tunngasut allaffimmi pisortap Nivi Frenderup-Strunz-imit pineqarsinnaapput, oqarasuaat: +299 342850 imaluunniit e-mailiatigut nstr@nanoq.gl

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit


Saqqummersitanut assigusut