Maalaartitaasinnaanermik killigititaasut aallartittarput ullormi tassani nioqutissaq tigugaangakku ukiullu marluk qaangiukkaangatta atorunnaartarluni.

Tuniaasorlu isumaqatigiillusi maalaartitaasinnaanerit sivitsorsinnaavat, kisianni naannerutinneqarsinnaanngilaq. Soorlu assersuutigalugu isumaqatigiissinnaanngilasi nioqqutigineqartoq akikinneerusumik pisiarissagit naammagittaalliorumassanngikkuit. Isumaqatigiissummik taamaattumik sanasimagussi, taava atuutsinneqarsinnaanngilaq, taamaappalluunniit ukiuni marlunni maalaartitaasinnaagavit.


Sivikinnerusumik naammagittaalliorsinnaatitaaneq

Tamanna isumaqanngilaq naammagittaalliorsinnaaneq piviusumi tamatigoortumik naannerusinnaanngitsoq. Nioqqutissamik pisiguit, taannalu ukiut marluk inorlugit atasinnaappat, taava naammagittaalliorsinnaatitaavutit nioqqutisssap naliginnaasumik atuuffissaani imaluunniit piffissamik atuuffissatut neriorsuutigineqartoq atorneqassalluni. Soorlu imaassinnaavoq batteri imaluunnit pære pineqartoq.

Naammagittaalliorsinnaatitaaneq aamma sivikillisarneqarsinnaavoq, nioqqutissaq nungullarsimappat imaluunniit atorsinnaajunnaarpat. Soorlu assersuutigalugu kamippaat ullut tamaasa atorsimagukkit. Tamanna atuutsinneqassanngilaq kamippaat atukkatit pitsaassusimikkut amigarsimappata.


Naammagittaalliorsinnaatitaanermi sivitsuineq

Nioqqutissaq pisisartut inatsisaat naapertorlugu iluarsartuunneqarsimappat amigaateqarnini pissutigalugu, taava nutaamik immikkut ittumik naammagittaalliorsinnaatitaanermik piffissaliisoqarluni killiliisoqassaaq amigaataa naapertorpiarlugu. Inatsisit nioqqutissap pisoqalisoornissamik tunngatinneqartup pisinnaatitaaffeqartippaatsit amigaataa pineqartoq pillugu ukiut tallimat tungaanut naammagittaalliorsinnaatitaagavit, paasereerukku – imaluunniit paasisimassallugu – kukkuneq. Imatut paasineqassaaq pisinnaatitaaffigigit naammagittaalliorsinnaallutit, kukkuneq takkuteqqissappat, naak naliginnaasumik naammagittaalliorsinnaatitaaneq qaangiutereeraluartoq. Naammagittaalliorniarlutit utaqqivallaaruit taava naammagittaalliorsinnaatitaanerit atorunnaarsitaassaaq uninngaannarnerit pissutaalluni.

Nammineq uppernarsassavat kukkuneq taannaasoq. Tamanna pissutigalugu nioqqutissaq iluarsineqareerpat iluarsartuunneqarneranut allagartaasoq tigujumassavat. Nioqqutissap siullermeerluni iluarsartuunnerani allagartaasoq tigusimanngikkukku kukkunerlu aappaassaani takkuteqqissappat taava tamanna naammappoq uppernarsaatigissallugu. Fjernsyniuppat soorlu assersuutigalugu imaassinnaavoq skærmiatigut titarneqartoq. Nioqqutissaq ukiut tallimat qaangiutsinnagit nungullareersimappat taava naammagittaalliortoqarsinnaangilaq.


Nioqqutissap taarserneratigut naammagittaalliorsinnaatitaanerup sivitsornera

Nioqqutissaq nutaamik taaserukku, taava naamagittaalliorsinnaatitaanermik killigititassaq nutaaq atulissaaq. Killigititaq ullormi nioqqutissamik paarlaassuiffimmiit ukiunilu marlunni ingerlanneqassaaq. Naammagittaalliorsinnaatitaaneq nioqqutissamut tamarmiusumut atuutsinneqarpoq.


Naammagittaalliuuteqappallagit amigaatinik nassaaraangavit

Amigaatinik nassaaraangavit, taava tuniniaasumut sukkanerpaamik naammagittaalliupallassaatit. ”Piffissaq naammaginartoq” imaluunniit sukkanerpaamik iliuuseqarnissaq erseqqissumik piffisalerneqarsinnaanngilaq, taamaattoq tuniniaasoq periarfissaqarpoq naammagittaalliuutit akueriumassanagu, sivitsortumik naammagittaalliorniaruit.

Qaammatit marluk qaanngiutsinnagit naammagittaallioruit, amigaataasoq paasineqaqqaarneraniit, taava piffisaq eqqarsaatigalugu ajunngitsumik naammagittaalliorsimassaatit.

Siusinnerusukkut naammagittaalliorsinnaasimannginninnut tunngavigissaaruit, soorlu assersuutigalugu tuniniaasumit illoqarfimmi imaluunniit nunaqarfimmi allami najugaruit, imaluunniit umiarsuarmi innuttaasimaguti, taava piffissaq killigititaasoq qaammatinik marluusunit sivisunerusinnaavoq.

Saqqummersitanut assigusut

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit