AALAJANGIINEQ

  Ineqarneq pillugu maalaaruteqartarfik isumaqarpoq, inissiap nalinginnaasumik iluarsartinnera akilissagit, pineqartoq yy, VX illoqarfigisami

 Kiisalu Ineqarneq pillugu Naamagittaaliuteqartarfik isumaqarpoq najugaqarfik XX,aserfitsaalisarneqarnera akilissagit.

 Ineqarneq pillugu Maalaaruteqarfiup naammagittaalliutinni olie-mut apeqqutit piginnaatitaaffiginngilaa suliarissallugu.

Suliaq Inissianik attartortitsisarneq pillugu Inatsisartut peqqussutaat nr. 2,  12. maj 2005-imeersoq

  1. naapertorlugu aalajangiiffigineqarpoq.

 Suliami allagaatit:

  1. Attartornermut isumaqatigiissut 20. december 2016-imeersoq attartugaq XXY pillugu.
  2. Nakkutilliinermut nalunaarusiaq 1.februar 2017-imeersoq attartugaq XXY, qimannerani.
  3. Akiligassaq februar 2017 olie pillugu.
  4. Akiligassaq 12. februar 2017-imeersoq qalipaanermut tungasoq.
  5. Naatsorsuiffigeqatigiinneq 22. marts 2017-imeersoq.
  6. Allakkat marts 2017-imeersoq akiliinermut tungasoq.
  7. Attartornermut isumaqatigiissut 1. februar 2017-imeersoq XXy attartornera pillugu.
  8. Nakkutiginninnermi nalunaarusiaq september 2017 -imeersoq attartugaq XXY, pillugu.
  9. Akiligassaq 5. oktober 2017-imeersoq XXY, aserfatsaalineqarnera pillugu.
  10. Naatsorsuiffigeqatigiinneq 17. oktober 2017- imeersoq
  11. Naammagittaalliuut 5. april 2018-imeersoq Ineqarneq pillugu Naammagittaalliueqartarfimmut attartortumiit.
  12. Inissiaatileqatigiiffiup naammagittaalliuummut akissuteqaataa.
  13. Ineqarneq pillugu Naammagittaalliuteqartarfiup illu-tungeriinni tusarniaanera naammagittaalliortumut, inissiaatileqatigiiffiup akissuteqaataanut naamagittaalliuummut tungasoq.
  14. Naammagittaalliortup Inissiaatileqatigiiffimmut saaffiginninnera ulloq 4. marts 2019.
  15. Ineqarneq pillugu Naammagittaalliuteqartarfiup Inissiaatileqatigiiffimmut ulloq 31. juli 2019 apeqquteqaataa.
  16. Ineqarneq pillugu Naammagittaalliuteqartarfimmut Inissiaatileqatigiiffiup akissuteqaataa ulloq 2. august 2019 imeersoq, ilanngussalerlugu.
  17. Naammagittaalliortumut Ineqarneq pillugu Naammagittaalliuteqartarfiup tusarniaanera Inissiaatiileqatigiiffiup akissuteqaataanut 2. august 2019 pillugu (akinineqangilaq).
  18. Sianeraluarnermi nalunaarsugaq . oktober 2019 naammagittaalliortoq attavigineqarnerani. 

Nassuiaat:

Ineqarnermut isumaqatigiissut allaqqavoq, illit aamma maanna peerutereersimasoq aappat, ini attartornera tigusimagissi, XXY-miittoq, ulloq 20, decembari 2016.

Inissiaq 67,20 m²-iuvoq, 3-nik ineerartalik.

 Inigisarniit nuunniarlutit attartornerit atorunnaarsippat 1. februar 2017,  attartugarlu misissuinermi nalunaarsorneqarluni 1. februar 2017-imi.

 Najukkap qimanneqarneranut atatillugu misissuinermit nalunaarusiaq ilinnit aammalu Inissiaatileqatigiiffimmit sinniisumiit atsiorneqarsimavoq.

 Misissuinermi nalunaarusiaq naapertorlugu iikkat aamma qilaat inini tamani ataasiarlugit qalipanneqartussaasimapput, aamma isersimaartarfimmilu natit aamma ineeraq ataasiarlugit lakkertussaasimallutik.

 Akiligassaq faktura qalipaasuniit naapertorlugu 12. februar 2017, naliginnaasumik iluarsaassisoqarsimavoq 10.354 kr.-mut. Akiligassaq annertunerusumik erseqqissarneqarsimangilaq.

 Kiisalu kissarsuummut oliemik immiisimanermut akiligassaq 3.408 kr. takuneqarsinnaavoq.

 Naatsorsuusiorneq naapertorlugu 22. oktober 2013-imeersoq, inissiaatileqatigiiffimmut akilissavat 11.625,18 kronit. Attartornermut isumaqatigiissut naapertorlugu qularnaveeqqut 11.082 kroniniusimavoq, aamma naatsorsuusiorneq naapertorlugu amingaatigisimavat 9.230 kronit akilissallugit. Naatsorsuineq naapertorlugu qalipaanermut il. il. 10.354 kroninut annertussuseqalersimapput.  Kiisalu nalunaarsorneqarsimavoq  pisussaaffimmik sumiginnaaneq  3.408 kronit, oliemik immiinermut tamanna aningaasartuutaasimalluni.  Qaammatini marlunni najugaqarfimmi ineqarsimagavit, tamanna 2%-imik aningaasartuutiniik ilanngaatigineqassaaq.

 Naammagittaalliutinni allassimavat kingornalu oqarasuaatikkut saaffiginninnerni, najugaqarfimmi sivikittuararsuarmi ineqarsimallutit, kiisalu utoqqaasutit taamaattumik aserortoqarsimanngittoq.  Innersuussutigisimavat inigissat tullia qimakkakku XXY, qalipaanermut akiligassaq 2000 kronit

ataassimagai. Kiisalu allassimavat, taama sivikitsup ingerlanerani taamarsuaq solarimik atuisoqarsinnaanngittoq.

 Ineqarneq pillugu Maalaaruteqartarfik allakkamini apeqquteqaateqarsimavoq ulloq 31. juli 2019 inissiaatileqatigiiffimmut, oqaaseqaateqaqqullugu oqaatigisimasaminnut, qalipaaneq "Naliginnaasumik iluarsaaneq" pillugu, misissuinermilu nalunaarsuineq ataatsimoortillugit, inigisami inini ikittuinnarnik qalipagassaqartoq, aamma ataasiaannarlugit, taamatuttaaq isersimaartarfimmi iniaqqanilu ataasiaannarlugit lakkerneqassasut.

 Inissiaatileqatigiiffik allakkamini 2. august 2019 tulliuttut ilisimatitsissutigai:

"Heldigvis gik det hurtigere end jeg turde håbe med at få bistand fra min kollega nordpå, eftersom pågældende allerede er retur fra sommerferie.

Vedhæftet i "mrp..."fil er "malerkontrakterne" tilknyttet det to fraflytninger. Forskellen mellem de to fraflytninger er, at der er fortaget normalistandsætte/se af vægge og lofter i fraflytningssynet yy og det er der ikke ved fra flytning xx.

Det er således en misforståelse, at det kun er bryggers, der skal males.Det kryds der er sat er for malerbehandling af hele lejemålet med et lag maling af vægge"

   Allakkamut qalipaanissamut isumaqatigiissutit marluk kakkiunneqarsimapput. XX-ippillugu qalipaanissamut isumaqatigiissummi allaqqavoq, naliginnaasumik iluarsaattuunnerata malitsigisaanik 8761 kronit nalinganut qalipaasoqarsimasoq aamma  siliisinermut lakkiinermullu 1595 kronimut, imaluunniit tammasa katillugit 10.354 kronimut.

 Ineqarneq pillugu Maalaaruteqartarfiup ulloq 6. september 2019 allakkamik nassissimavaatit inissiaatileqatigiiffiup allagai ilangutaallu assilineqarneri qinnuigalutit oqaaseqaatigeqqullugit.

 Tamatumunnga tungatillugu oqaaseqaammik saqqummiussisimanngilatit.

 Oqarasuaatikkut apeqquteqaatigineqarnikkut ulloq 18. oktober 2019 ilisimatitsissutigivat takusaasoqarmat ulloq  1. februar 2017, allattorsimaffinni taakku qulit assigiinngitsut isumaqarnersut nassuiarneqarsimanngittut, sunalu atsiornerlugu ilisimasimanagu, aamma inspektørep oqarfigisimavaatit aamma qanoq isumaqarnersut nalullugit oqarfigisimagaatit.

 Inatsisitigut tunngavigisaq:

Inatsisartut peqqussutaanni nr.2 12. maaji 2005-imeersumi § 45 imm. 3 .-mi  Inissianik attartortitsisarneq pillugu:  Aalajangersakkami imm. 3-mi allaqqavoq, piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu naqqit lakkernissaat akisussaaffigigaa taakkununngalu aningaasartuutit akilissagai.

Peqqussummi tassanittaaq allaqqavoq § 77-imi, Inissiamit anisoqarnerani inissiaq nalinginnaasumik iluarsaanneqassaaq,

  tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput,  taamaattorli  tak. imm. 3.

  • 78 naapertorlugu Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini

tigujartuaassava. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

  Aammattaaq peqqussummi tassani § 84-imi allassimavoq Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

  • Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2. 2.
  • Aserfallatsaaliuineq iluarsaassinerlu, tak. § 45.
  • Inissiap iserterfigineqarnerani qanoq issusia, tak. § 47.
  • Attartukkami atortut ikkussukkat pitsanngorsaanerillu (atuisinnaatitaaneq), tak. §§ 51 aamma 55.
  • Attartortup atukkaminik atuinera (torersaanissamik malittarisassanik unioqqutitsinerit), tak. § 50.
  • Atuisinnaatitaanerup allanut tunniunneqarnera (inissianik paarlaateqatigiinneq, attartukkamik allamut attartortitsigallarneq aamma attartornermik nangitsineq), tak. §§ 58-62.
  • Inissiamit aninermi inissiap qanoq ittuunera (iluarsaassineq nalinginnaasoq), tak. § § 77. Aalajangersakkat inatsisitigut tunngavigisani ataani tamakkerlugit ilanngunneqarsimapput.

Naliliineq:

 Ini xxy pillugu.

  Ineqarneq pillugu Maalaaruteqarfik Isumaqarpoq naliginnaasumik ini iluarsaattuunneqarnera, inissiaatileqatigiiffiup piumaffigisaatut.

Peqqussummi tassani § 77-imi allaqqavoq, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/imaluunniit ungalitsersuineq kiisalu eqqiaaneq. Natit nutaamik lakkersimassapput".

 Ineqarnermut Maalaartarfiup pingaartippaa attartuinermut isumaqatigiissummi imaluunniit allani isumaqatigiissutaasimasuni ersarissumik nutsernermi nalinginnaasumik iluarsaassineq pillugu qanoq piumasaqaateqartoqarneranik allaqqasoqannginnera.

 Qaammatini 2-ni nuunnerni inigisarni najugaqarsimagavit, aningaasartuutit 98%-ii naliginnaasumik iluarsaattuuneraiakilissavat.

 Taamaalilluni Inissiaatileqatigiiffiup akileeqqusinera eqqortuuvoq.

Kisianni Ineqarneq pillugu Maalaaruteqarfiata isornartoqartippaa, nakkutiginninnermi alakkaanermi oqaatsit marluk atorlugit allaqqasumik atuisimannginnera, nakkutiginnittullu oqaatsit allaqqasut nassuiarsinnaasimanngineri.

 Kisianni tamanna inerneqarnera allanngunngilaq, tamanna inatsimmi piumasaqaataammat, nuunnermi ini naliginnaasumik iluarsaattuuneqassasoq.

 Ineqarneq pillugu Maalaaruteqarfiup naammagittaalliutinni piumasaqaatit ullormut akileeqqusinerit piginnaatitaaffiginngilaa suliarissallugu.

Ini  XXY-mi  pillugu.

  Ineqarneq pillugu Maalaaruteqarfik isumaqarpoq ini naliginnaasumik iluarsaattuunerata ilaagisaa akilissagit, inissiaatileqatigiiffiup ilinnut piumasaqaatigisimasaatut.

Peqqussummi tassani § 77-imi allaqqavoq, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/imaluunniit ungalitsersuineq kiisalu eqqiaaneq. Natit nutaamik lakkersimassapput".

 Ineqarnermut Maalaartarfiup pingaartippaa attartuinermut isumaqatigiissummi imaluunniit allani isumaqatigiissutaasimasuni ersarissumik nutsernermi nalinginnaasumik iluarsaassineq pillugu qanoq piumasaqaateqartoqarneranik allaqqasoqannginnera.

 Inimi qaamatini 8-ni najugaqarsimagavit inissiaatileqatigiiffiup inaarutai naapertorlugit, naliginnaasumik iluartuussinerup aningaasartuutit 92%-ii akilissavatit.

 Naliginnaasumik iluarsaassineq 1980 kr.-inik annertussuseqarsimavoq.  Kisitsik taanna 8% ilanngareerlugu naliginnaasumik iluarsaattuussinermut.  akilissavatit 1821 kr.

 Inimi tassani qularnaveeqqut 11.823 kroniusimavoq, taakkuninngalu amingaatigisimavat 3.940 kronit akilernissaat.

 Taamaalilluni inissiaatileqatigiiffiu inerniliinera eqqortuuvoq.

Allaffissornermut tunngasunik pissuteqarluni suliap sivisuallaartumik suliarineqarsimanera Ineqarneq pillugu Naammagittaalliuuteqartarfiup ajuusaarutigaa.

Aalajangiineq:

 Ineqarnermut Naammagittaalliuuteqartarfik olie akiligassaq pillugu apeqqummut tungatillugu suliaqarnissaminut piginnaatitaanngilaq.

 Ineqarneq pillugu Maalaaruteqartarfiup inissiaatileqatigiiffiup aalajangiinera atuutiinnarpaa, nutsernermi akiligassanut tungatillugu.  Pissutsit allat.

Naammagittaalliuuteqarnissamut ilitsersuut:

Ineqarnermut naammagittaalliuuteqartarfiup aalajangiinera ingerlatsinermut oqartussaqarfimmut allamut naammagittaalliuutigineqarsinnaanngilaq tak. § 86 imm. Inatsisartut peqqussutaat nr. 2 12. maajimeersoq 2005,  Inissianik attartortitsisarneq pillugu kingusinnerusukkut allannguutilik.

Ineqarnermut Naammagittaalliuteqartarfiup aalajangiinera eqqartuussisunut suliassanngortinneqarnissaa kissaatigineqarpat, attartortitsisumik sassaqqusissut, tassa Namminersorlutik Oqartussat imaluunniit kommuni Kalaallit Nunaanni Eqqartuussivimmut tunniunneqassapput.

 Ineqarnermut Maalaartarfimmi siulittaasoq

  

Ilanngussaq: Inatsisitigut tunngavik

 Assilinera Inissiaatileqatigiiffik-mut. Allakkat nr. innersuussutigineqarpoq xxxx og xxxx

Saqqummersitanut assigusut

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit