Atuisartoqarnermut Unammilleqatigiinnermullu Aqutsisoqarfiup Maalaaruteqatarfia, Unammilleqatigiinnermilu Sullissivia inatsisilerituussarsiorpoq. Kalaallit Nunaanni niuerfiit ingerlalluartut sullippavut unammilleqatigiinnerullu pisariinnerusumik atugassaqartinneqarnissaat aqqutissiuunniartarpagut atuisartunullu sullissineq pisariinnerulernisaanut anguniagaqarluta. Taamatuttaaq anguniagaavoq Kalaallit Nunaanni isumaginninnermi sullissinerup sivikillisarnissaa.

Eqqortumik peqqisaartumillu ilinnartinneqassaatit, suleqativillu avitseqatigilluartarnissaannut periarfissaqarluartassallutit. Suliassat misilittakkat tunuliaqutillu aallavigalugit agguaanneqartassapput. Taamatuttaaq suliffimmut aammma ilaasinnaavoq inatsisissanik siunnersuutinik tusarniaanerit.

Maalaaruteqarfik
Maalaaruteqartarfimmi Isumaginninneq pillugu maalaarutinut tunngasunik suliassanik suliaqartartussaavutit.
Isumaginninnermi Maalaaruteqarnermi Aalajangiisartut aalaajangiinerit maalaarutigineqartut isumagisarpai, aammalu kommunini, Isumaginninnermut, Inatsisinillu Atuutsitsinermut Naalakkersuisoqarfimmit aalajangerneqarsimasut. Maalaaruteqartarfiup pisortaqarfiit isumaginninnermik suliaqartut naammagittaalliuutigineqartarneri suliarisarpai, naammagittalliuutinik suliaqarnermi inatsilerinermi pitsaassuseq
ajunnginnerpaaq anguniagaalluni. Maalaaruteqartarfiuttaaq saniatigut Ineqarnermut maalaaruteqartarfik, Avatangiisit Pinngortitarlu pillugit maalaaruteqarnermi ataatsimiititaliat annertunngikkaluamik suliaqarfigisarpai.

Suliassat pillugit Maalaaruteqartarfimmi suliassatit pingaarnerit makkuupput:

  • Isumaginninneq pillugu maalaarutinik Siusinaartumik pensionisaqarnermut maalaaruteqartarfik aamma Ineqarneq pillugu Maalaaruteqartarfimmi suliassanik isumaginninneq
  • Isumaginninnermi inatsisilerinermut tunngasunik siunnersuisarnerit
  • Maalaaruteqartarfiup iluani allaffissornikkut suliassat


Tamatuma saniatigut Maalaaruteqartarfimmi aamma makkua suliarisinnaassassavatit:

  • Ministerinik sullissineq tunuliaqutigineqarsinnaasunik saqqummiussassanillu suliaqarnerit
  • Inatsisissanik peqqussutissanillu suliaqarnerni piareersaaqataanerit


Unammilleqatigiinnermut Allattoqarfik
Unammilleqatigiinnermut Allattoqarfimmi sulisutut isumaginninnermi suliassat pikkoriffiginissaat pingaaruteqarpoq aammalu unammilleqatigiinnermi inatsit- aamma suliarinnittusarsiornermi pisinnaatitaaffinni inatsisit suliaqarfigisassavatit. Sulileriaatitsinni paasisimasaqallualissaatit qanoq suleriaaseqarnerluta. Pinngitsoortinniassallugit suliarisarpavut eqqungitsumik akinik isumaqatigiisiortarnerit niuerfinnilu saqquminerusut niuerfinnik equsitsinissaat pinngitsoortissallugu.

Suliassatit pingaarnerusumik ukuussapput:

  • Unammilleqatigiinnermi suliassatut takkussimasut, tamatumani saaffiginnittunik isumaginninneq
  • Kiffartuussinissamik neqerooruteqartunik misissuineq
  • Suliffeqarfinni misissugassanik ataqatigiissaarineq
  • Unammilleqatigiinnermut aamma suliarinnittusarsiornermi pisinnaatitaaffiit.
  • Inatsisinik nalunaarutinillu suliarinninnerit
  • Aalajangiisartut allaffeqarnikkut sullinnissaat, ukiumoortumik ataatsimiinnerit 1-2


Unammilleqatigiinnermi Allattoqarfimmi sulisutut aamma makkuninnga suliaqassaatit:

  • Naalakkersuisunut sullissineq, tamatumani tunulequtaasussanik allagaqarnikkut aammalu oqalugiaatissat
  • Inatsisiliornermi piareersaataasumik peqataaneq nalunaarusianillu suliaqarneq
  • Nunani Avannarleqatigiinni unammilleqatiginnermi suleqatigiinnermi peqataaneq


Illinnut tungasoq
Sullissivitsinni arlaat soqutigigaluarukku naatsorsuutigaarput:

  • Inatsisilerituutut ilinniagaqarsimasuussasutit, kandidatitullu qaffasissusilimmik ilinniagartuusimasinnaavutit
  • Sullissiviup immikkut suliassaqarfii soqutigigitit, minnerunngittumik ingerlatsinerup inatsisinut attuumassutai, unammilleqatigiinneq aamma suliarinnittusarsiornermi pisinnaatitaaffiit
  • Sullisseriaatsinut piginnaaneqarluartuusutit
  • Sulinermi aaqqissugaalluartumik pitsaassusilimmillu sulisinnaasutit
  • Suliffeqarfimmi Naalakkersuinikkut aqunneqartumi ilisimasaqarluartoq
  • Namminersorluarluni sulisinnaasoq aammalu suleqatiminut suleqatiginnillaqqissoq
  • Suliamik tunngasutigut atortussianik atuinermi attaveqaqatigiillaqqissoq – aamma inunnut immikkut ittumik ilinniarsimasuunngitsunut.
  • Oqaatitsigut piginnaaneqartutit
  • Kalaallit oqaasii, kulturiat aamma inuiaqatigiivi ilisimasaqarfigigukkit iluaqutaassaaq.


Atuisartoqarnermut Unammilleqatigiinnermullu Aqutsisoqarfik pillugu
Atuisartoqarnermut Unammilleqatigiinnermullu Aqutsisoqarfik suliffeqarfiuvoq pissanganartoq ineriartupiloortorlu.
Sulianik ingerlatsineq sulianillu periuutsit eqqumaffigaagut, sulianullu tunngatillugu illit kinaassutsit atorlugu sunniuteqarnissannut periarfissaqarluarputit. Ulluinnarni suliffeqarfik inussiarnisaartumik ammasumik persuarsiornanilu suliffeqarfiuvoq. Unammilleqatigiinnermut Allattoqarfik Maalaaruteqartarfillu saniatigut Atuisartoqarnermut Unammilleqatigiinnermullu Aqutsisoqarfik ataani Unammillernermut Qitiusumik Allattoqarfik ilaavoq. Suliffeqarfiit akornanni, suliassanillu isumaginninneq aqutsisoqarfiup iluani suleqataaffigisarpavut, ilisimasavut piginnaaneqarfigisavullu akornatsinni avitseqatigiissutigisarpavut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq piukkussaq immikkut piginnaanilimmut, pissutsit naapertorlugit immikkut ittumik tapimik aamma siunnersortit pisortaattut tapimik tunniussisoqarsinnaavoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat allat
Atorfiit pillugit suli paasisaqarnerorusukkuit ukua attaveqarfigisinnaavatit: immikkoortortaqarfimmi pisortaq Rannvá Clementsen, +299 34 58 40, racl@nanoq.gl imal. aqutsisoqarfimmi pisortaq Freja Lisby Nielsen, +299 34 28 41, frln@nanoq.gl.

Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl.

Kalaallit Nunaat aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterit: www.naalakkersuisut.gl.

Qinnuteqarneq
Piffissami qinnuteqaateqartut oqaloqatigineqartassapput.

Qinnuteqaatit qarasaasiakkut immikkut paasissutissartalerlugu nassiuguk.

Atorfiniffissaq
Atorfiniffissaq: Ulloq 1. juni 2020-i imaluunniit immikkut paaseqatigiinnikkut.

Qinnuteqaat nassiuguk

Saqqummersitanut assigusut

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit