Timmisartumut bilitsinik taamaatitsineq

Nammineerlutit bilitsi allanngortissinnaanngitsoq taamaatiinnarukku, taava periarfissaqanngilatit bilitsinut akiliutivit aningaasartai utertinnissaanut. Tamanna aamma atuuppoq oqartussat pisortatigoortumik ingerlaarfissamut angalasoqaqqusinngippata.

Kisiannili periarfissaasinnaavoq timmisartortitseqatigiit ilaasa Corana pissutigalugu toqqorsinnaagaat ilaasunut sunnerneqartunut siunissami qaninnerusumi timmisartornissamut bilitseqartuni neqeroorusiornissartik periarfissanik ammanerusunik utertitsinissamut imaluunniit allannguinissamut tunniussiumaartut. Taamaattumik iluarsiinissamik periarfissaqarnersoq tusarniarlugu timmisartuutileeqatigiiffik attavigisinnaavat.

Sunaluunniit toqqaraluarukku mittarfeqarfinni akitsuutit utertissinnaavatit nammineq taamaatiinnaraluarukku. Taakkuli bilitsip annikittuinnartaanut naliginnaasumik ilaasarput.

Timmisartuutileeqatigiiffiit allat aningaasartuutit illit pigisinnaasatit soorlu hotel/unnuinerit biilinik atornerit il.il. akisussaaffigineq ajorpaat.

Angalanissat rejsebureau-mi pisiarineqarnikut taamaatiinnarnissai

Angalanissamik aaqqissuussamik rejsebureau-mi pisisimaguit taava rejsebureau-p niuernermut aalajangersangai malillugit taamaatitsisoqarsinnaatitaasinnaavoq, imaluunniit inatsisitigut tassani nunami rejsebureau-ip tunngaveqarfiani oqartussat pisortatigoortumik ingerlaarfissamut angalaqqusinngippata.

Aammattaaq naliginnaasumik pisinnaatitaaffeqartoqarsinnaavoq angalanissat rejsebureau-mi aaqqissuussat taamaatiinnarnerani ilaannakortumik akiliutit utertinneqarsinnaaneranik, taakkua piffissaliussat aalajangersimasut iluanni pippata.

Angalanermut aalajangersakkat takukkit imaluunniit rejsebureau attavigiuk paasisaqarnerorusukkuit.

Sillimmasiinermut pissutsit

Taamaatitsinissamut imaluunniit angalanissamut sillimmasiinikuuguit taava misissortariaqarpat bilitsit imaluunniit allat angalanermut aningaasartuutit taarsersinnaaneraa illit assersuutigalugu napparsimaleraluaruit mattussaaqqaleraluaruilluunniit imaluunniit oqartussat pisortatigoortumik ingerlavissarnut angalaqqusinngippata.

Sillimmasiinermi piumasaqaatit atuarluakkit imaluunniit sillimmasiisarfik attavigiuk periarfissanik aammalu aalajangersakkanik paasisaqarnerorusukkuit taamaatiinnarnissaanut eqqarsaasersunnginnerni.

Saqqummersitanut assigusut

Pitsanngornerulerteqataagit

Arlaannik isorisaqaruit imaluunniit aaqqitassaqarsorisaqaruit uani quppersagatsinni, pitsaanerpaamik aua.gl-imi misigisaqarluarnerussagavik uani uatsinnut allassinnaavutit