Pisininniit qaammatit siulliit arfinillit atuisartutut pisiap pisiarineraniilli ajoquteqarsimanissaata ilimanaateqarneranut tunngatillugu maleruagassamit immikkut illersugaavutit. Qaammatit siulliit arfinillit ingerlaneranni pisiat ajoquteqalerpat, pisiarinerani ajoquteqareersimanissaa naatsorsuutigineqassaaq. Tuniniaasoq tamatumunnga isumaqataanngikkuni uppernarsaatissaqartariaqarpoq.

Oqarasuaatip angallattakkap Danmarkimut nassiunneqarnera

Oqarasuaat angallattagaq ikikkumajunnaariataarmat tuniniaasumut tunniunneqarpoq. Tuniniaasup nammineq misissornissaanut periarfissaqannginnami Danmarkimi iluarsaasarfimmut nassiuppaa. Oqarasuaatip nakkaaneqarsimanermi kingorna ikissinnaajunnaarsimanera paasinarsivoq.

Pisisoq akiliisussanngussaaq

Fabrikkip kukkussutiginagu pisisup nammineq pisuussutigimmagu oqarasuaatip iluarsaasarfimmut nassiunnera, misissorneqarnera pisariaqarpallu iluarsarneqarnera ilanngullugu pisisup akiligassaraa.

Tuniniaasup ajornartorsiut aaqqiissuteqarfigissavaa  

Pisinermiit ukiut marluk ingerlanerini pisiaq aserorpat pisiniarfimmut naammagittaalliutigisinnaavaat. Tamanna pisiat -illit nammineq pisuussutiginngisannik amigaateqarpat ajoquteqarpalluunniit- tuniniaasumit aaqqiissuteqarfigineqarnissaanik isumaqarpoq. Nioqqutissap akikillisanngorlugu tamakkiisumilluunniit akilerlugu pisiarisimanera apeqqutaanngilaq.

Pisinermut uppernarsaat eqqaamassavat

Pisinermut uppernarsaat tassaavoq pisiniarfimmi tassani nioqqutissamik aalajangersimasumik pisisimaninnut uppernarsaat naammagittaalliussagaanni takutinneqarsinnaasussaq. Pisiaq amigaateqarpat ajoquteqarpalluunniit naammagittaalliornissannut pisinermut uppernarsaatit tamatigut toqqortarisakkit.

Piffissaatillugu naammagittaalliorit

Piffissaagallartillugu naammagittaalliussaatit. Tamanna ajoqutip paasineraniit qaammatit marluk qaangiutsinnagit naammagittaalliornissamik isumaqarpoq. Piaarnerpaamilli naammagittaalliornissat innersuussutigaarput.

Toqqarsinnaasatit

Naammagittaalliutit tuniniaasumit akuerineqarpat assigiinngitsut 4 arlaannik periarfissinneqassaatit. Pisiap ajoqutaata annertussusaa apeqqutaatillugu periarfissatut toqqarneqarsinnaapput. Periarffissat iluini qanoq naatsorsuuteqarsinnaanerlutit ilisimagaanni iluaqutissat ataani takusinnaavatit.

  1. Iluarsartinnera (ajoqutaata aaqqiivigineqarnera) – ajoqutaa annikippat pisiarlu suli atorsinnaappat
  2. Akikillinera (akikilliliivigineqarneq) – ajoqutaa annikippat pisiarlu suli atorsinnaappat
  3. Allamik taarserneqarnera (nutaamik tunineqarneq) – ajornartorsiutaasup pisiaq atorsinnaajunnaarsissimappagu
  4. Pisinerup atorunnaarsinneqarnera (pisiap utertinnera) – ajornartorsiutaasup pisiaq atorsinnaajunnaarsissimappagu

Amigaataasoq pingaaruteqassaaq

Pisiap taarserneqarnissaa utertinneqarnissaaluunniit piumasaqaataassappat pisiavit amigaataa pingaaruteqassaaq. Tamanna pisiap siunertamut atorsinnaannginneranik isumaqarpoq. Tassaasinnaavoq qaatiguuvit siissartua aseqqukoq imal. oqarasuaat angallattagaq avammut attaveqaataasinnaanngitsoq. Nalinginnaasumik periarfissatut taaneqartut arlaat ataaseq kisiat atorsinnaavat.

Ajoquteqaqqilerpat

Ass. akikillisaavigineqarnissaq toqqarukku, amigaataasoq akuerissavat amigaataasullu aaqqiivigineqarnissaa piumasaqaatigisinnaanngilat. Ajoqutaasutut naammagittaalliutigisimasat takkuteqqippat, iluarsartinneraniit ukiut tallimat pallillugit naammagittaalliornissamut periarfissaqarputit.

Avaqqutsissinnaannginnermik illersugaaneq 

Naammagittaalliorsinnaatitaanerit inatsisilerinermi oqaatsit atorneqartartut naapertorlugit avaqqutsisinnaannginnermit illersugaanermik taaneqartarpoq. Tamanna– nammineq piumassutsinnik isumaqatigiissuteqaraluaruilluunniit pisinnaatitaaffippit avaqqunneqarsinnaannginneranik isumaqarpoq. Tamatigut minnerpaamik ukiuni marlunni naammagittaalliorsinnaatitaassaatit. Tuniniaasup ass. naamma-gittaalliorsinnaatitaanerpit ukiunut pingasunut sivitsorneragut pitsaanerusumik periarfissiissinnaanera akornutissartaqanngilaq, sivikillisinneqarsinnaanngisaannarporli.

Ilisimagaanni iluaqutissat

Pisiaq ajoquteqartillugu aaqqiivigneqarnissaanut qaqugu qanoq naatsiorsuuteqarsinnaanerlutit ataani takusinnaavatit.

Ajoqutit annikitsut – pisiat suli atorsinnaavat

1. Iluarsartinnera (ajoqutaata aaqqiivigineqarnera)

  • Iluarsaanerup pisiaq nalikinnerulersissan-ngilaa
  • Pisiavit iluarsarnissaa tuniniaasumut akisual-laassanngilaq
  • Tuniniaasup pilertortumik ajornartorsiut aaqqiivi-gissavaa
  • Iluarsaaneq ilinnut aningaasartuutaassanngil-aq annertuumillu ajoqutaassanani

2. Akikillinera (akikilliliivigineqarneq):

  • Pisiat ajoquteqarpat tuniniaasullu neqeroo-rutigippagu aningaasar-tuutivit ilaat utertissin-naavatit
  • Aningaasat utertinneqar-tut ajoqutaasumut naapertuutissapput
  • Pisiap iluarsarneqarnis-saa akuerigukku akiliutivit ilaasa utertinneqarnissaat piumasarisinnaanngilat

Ajornartorsiutit annertunerit – pisiat atorsinnaanngilat

3. Allamik taarserneqarnera (nutaamik tunineqarneq)

  • Taarsigaq taarsiunneqar-torlu assigiissapput
  • Nutaanerusumik assinga-nilluunniit peqanngippat atornikumik tunineqarnis-samut neqeroorutip akuerinissaa illit nammineq aalajangigassaraat
  • Tuniniaasumut ajornavip-pat akisuallaarujussuassap-pallu nutaamik taaseqqu-sinnaanngilat.

4. Pisinerup atorunnaarsinneqarnera (pisiap utertinneqarnera):

  • Akiliutigisimasat kisiat naapertoqqissaarlugu utertinneqassaaq
  • Pisiavit kingorna akikilli-neqarsimanera tamatu-mani apeqqutaanngilaq
  • Pisissutissatut uppernarsaammik neqeroorfigineqassaguit akuersinissat illit nammi-neq aalajangersinnaavat
  • Pisiavit iluarsartinnissaa akuerigukku aningaasat utertissinnaanngilatit