Isumaqatigiissutaareersimanngippat pisiniarfiulluunniit allagarsiissutigisimanngippagu aningaasat utertinnissaat piumasaqaatigisinnaanngilat.

Tunissutip pisissutissap pisissutissatulluunniit uppernarsaatip qanoq sivisutigisumik atuunnissaa inatsimmi maleruagassinneqanngilaq, piffissaliussarli sivikippallaassanngilaq. Tunissutip pisissutissap pisissutissatullu uppernarsaatip atorsinnaanissaannut killiliussap minnerpaamik qaammatinik aqqaneq marlunnik sivisussuseqartariaqarneranik tamanna isumaqarpoq.

Utertitsinissamut tunngaviusumik pisinnaatitaaffeqartoqanngilaq
Pisiniarfiilli amerlanersaat tunissutinik taarsiisarput tamannalu kiffartuussinertut isigineqassaaq. Taarsiisinnaaneq utertitsisinnaanerlu allagarsiissutaasimanngippata imal. pisiniarfik isumaqatigiis-susiorfigisimanngikkukku taama piumasaqarsinnaanngilatit. Nioqqutip akiata nalaagut taarser-neqarsinnaanerata allagartalerneqarnera pisiap tarserneqarsinnaaneranik isumaqarsinnaavortaaq.

Pisiniarfimmi apeqqutilliigit
Utertitsisinnaanermut taarsiisinnaanermullu pisinnaatitserusunneq pisiniarfiup aalajangigassaraa. Tunissutissamik pisiniarninni eqqortumik pisisimanngikkuit taarsiisinnaanermik imal. pisissutissatut uppernarsaammik pissarsisoqarsinnaaneranik aningaasalluunniit utertinneqarsinnaanerannik apeqqutilliinissaq isumassarsiatsialaavoq. Pisiniarfiup tamanna neqeroorutigippagu pisiap allamik taarsernissaa utertinnissaaluunniit nalinginnaasumik ajornartorsiutaanavianngilaq. Pisinermut uppernarsaatip nassarnissaa eqqaamaneqassaaq.

Pisinermut uppernarsaat eqqaamajuk 
Pisinermut uppernarsaat nioqqutissamik pisiniarfimmi pineqartumi pisisimaninnut illit uppernar-saatissaraat, naammagittaalliorniaraannilu imal. pisiaq taarsertinniaraanni takutinneqarsinnaas-salluni. Pisinermut uppernarsaatit takunissaat pisiniarfimmit kissaataappat takutissinnaanissaat siunertaralugu tamatigut toqqortarisakkit.

Tunissut pisissutissatut uppernarsaatinngortoq
Arnap nukkani inuuiani tunissutissaminik tunguusamik naasulivissivaa, nukkamilu nuannarissan-ngippagu aningaasat utertinneqarsinnaanerat pisiniarfimut apeqqutigaa. Pisiniarfimmit tunissutip allamik imal pisissutissatut uppernarsaammik taarserneqarsinnaanera, aningaasalli utertinneqarsin-naannginnerat oqaatigineqarpoq. Arnap naasulivik pisiaraa, nukaata naasulivik nuannaraa allamilli qalipaatilimmik taarserusullugu. Pisiniarfik allanik qalipaatilinnik naasuliviuteqanngimmat nukaata aningaasat utertikkusuppai naasulivillu pisiniarfimmi allami pisiaralugu. Pisiniarfilli utertitsinissamut pisinnaatitsinngimmat arnap nukaa pisissutissatut uppernarsaammik tunineqarpoq.

Taamaakkaluaq pisissutissatut uppernarsaat atorsinnaavoq

Arnaq pisiniarfimmi nuannarisaminik nassaarpoq pisissutissatullu uppernarsaatini sivisuumik tigum-misimasani tamatumunnga atorusullugu. Pisissutissatut uppernarsaatip atorneqarsinnaanera killilii-vigineqarsimanngilaq arnallu ukiuni pingasuni tigummisimasoraa. Pisissutissatut uppernarsaat pisoqalivallaarsimasoq atorsinnaanngikkaalu pisiniartitsisoq oqarpoq. Pisoqalisoornermulli atatillugu maleruagassat nalinginnaasut naapertorlugit atorneqarsinnaanera sivisussusilerneqarsimanngippat pisissutissatut uppernarsaat ukiuni tallimani atorsinnaavoq. Arnap taamaalilluni pisiniarfimmi tassani pisissutissatut uppernarsaat suli atorsinnaavaa.

Aningaasat utertinnissaat
Tunissummut pisissutissamut pisissutissatulluunniit uppernarsaatip atorneqarsinnaaneranut killiliussaq nallileraluarpalluunniit atornissaanullu kissaatinnik nassaarsinaanak, tunngaviusumik aningaasat utertissinnaanngilatit. Ataasiakkaani- ass. nioqqut taannarpiaq pisiniarfiup tunissutisiatut pisissutissaqarfigisavit pisissutissatulluunniit uppernarsaateqarfigisavit tuniniarunnaarsimappagu, aningaasat utertinnissaannut pisinnaatitaaffeqarsinnaavutit.

Internetsikkut niuertunit pisiaq
Internetsikkut pisiniarneq, allatitsineq imal. pisiniarfimmut illoqarfimmi allamiittumut oqarasuaatikkut attaveqarneq alisissumiit tuniniaanermik taaneqartarpoq tamatumanilu maleruagassat allaapput, tassalu nioqqutip tiguneraniit ullunik 14-inik peqqissiminissamut periarfissaqarneq.