Siulequt

2003-mi ukiup naanngitsiarnerani Atuisartunut Siunnersuisoqatigiit ataani atsiortoq siulitaasussatut qinerpaat, tamatuma tungaanut siulittaasuusimasoq Olga Berthelsen (taamani Poulseniusoq) ulluinnarni suliani pissutigalugit Kalaallit Nunaanni Atuisartunut Siunnersuisoqatigiinni siulittaasutut inissisimanini taamaatittariaqarmagu.

Atuisartunut Siunnersuisoqatigiit 2004-mi decembarip 3-ni ukiut 50-liilluni nalliuttorsiutigineqartoq, inuiaqatigiinnilu sullissinerup ersarissarneqarnissaa atuisartunullu sullissilluarnissartik anguniagarisuarpaat. Auisartunut Siunnersuisoqatigiit siunnersortaata angalasarnini pingaaruteqartut amerlasuullu ingerlateqqippai; kommuunini atuisartunut ataatsimiititaliat, nunaqarfinni aqutsisut il.il. tikeraartarnerisigut, angalasarnerminullu atatillugu sumiiffikkaartumik misissuisarpoq, ilaatigut nioqqutissat ullussamikkut qaangiuttoornikut pisiniarfinni namminersortuni Pilersuisullu niuertarfiutaani uninngasuutigineqartut misissortarlugit.

2004-mi aasaanerani Atuisartunut Siunnersuisoqatigiit Ulluinnarni Aqutsisui Atuisartunut siunnersorti peqatigalugu Avannaani illoqarfiit arlallit Avanersuarmi Qaanaq tikillugu tikeaarpaat. Sumiifinni ataasiakkaani sulinerup malunnaateqarnissaa anguniagaavoq, angalanerullu nalaani ilaatigut ataatsimiittarnerit ilinniartitsinerillu ingerlanneqarput.

Kalaallit Nunaanni Atuisartunut Siunnersuisoqatigiit nunani avannarlerni Danmarkimilu Atuisartunut Siunnersuisoqatigiinnik suleqateqarnertik ingerlatiinnarpaat. Nunanik avannarlernik suleqateqarnermi nunat avannarliit killit Savalimmiut aamma Islandi immikkut suleqatigineqalerput, tamatumanilu nunani avannarlerni killerni immikkut suliuteqarnerit 2005- ipingerlanerani naammassiniarneqartussat aallarnisarneqarput.

Suli pisariaqarluinnarpoq Atuisartunut Siunnersuisoqatigiinnut aamma ingerlatsineranut aningaasaliissutitut killiliussat ingerlatiinnarneqarnissaat, suli atuisartunut kiisalu kommuunini atuisartut ataatsimiititaliaannut attaveqqarnerit aamma kiffartuussinerit malunnaatilimmik pitsanngortinneqassappata, assersuutigalugu ukiut sisamakkaaginnanngitsumik akulikinnerusumilli atuisartunut isumasioqatigiissitsisoqartassappat.

Naggataatigut Atusisartunut siunnersortitaarput Ane-Marie Geraae qamannga pisumik atorfittaavanut tikilluaqquniarpara, kiisalu 2004-mi suleqatigisimasatsinnut aamma Unammilleqatigiinnermut Ataatsimiititaliap Atuisartunullu Siunnersuisoqatigiit Ataatsimoorussamik Allatseqarfiani sulisorisatsinnut qujassuteqarniarlunga – neriuutigalugu suleqatigiinneq Kalaallit Nunaanni atuisartunut iluaqutissatut nukittorsaataassasoq sulilu annertusarneqarluni.

Nikolaj Ludvigsen

Kalaallit Nunaanni Atuisartunut Siunnersuisoqatigiit siulittaasuat

Aallaqqaasiut

Kalaallit Nunaanni Atuisartunut Siunnersuisoqatigiit Atuisartunut pisisartunullu siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliaat pillugit Inatsisartut inatsisaat nr. 10, 13. november 1986- imeersoq taassumalu allannguutai tunngavigalugit sulisussaavoq, ukulu aallaavigineqartussaallutik:

  • akigititat niuernermilu piumasarisat sualuppallaartut akornuserniarnissaat
  • sulissussinissaq atuisartut pisisartullu ilisimasaqarnerulersinniarlugit paasitsitiniaanikkut pissutsinik, atuisartut pisisartullu nioqqutissanik sullissinernillu qanoq issusersiusinnaanissaannut pingaaruteqartunik, paasisitsiniaanikkullu atuisartut pisisartullu pisisinnaatitaanikkut inissisimanerat pillugu
  • inuutissarsiutinik ingerlatsinerup tungaanut atuisartunut pisisartunullu politikkikkut isummiussanik, pisortat oqartussaatitaannut Inatsisartunullu saqqummiussisarnikkut
  • siunnersortassallugit kommunikkuutaartumik atuisartunut pisisartunullu tunngasumik ataatsimiititaliat, suliarisassallugillu suliassat, taakkunannga siunnersusartoqatigiinnut saqqummiunneqartartut
  • nakkutigissallugit inatsisip aalajangersagartai kapitali 7 naapertorlugit (tuniniaaneq, nalunaaqutsersuineq poortuisarnerlu)
  • akinik iluanaarutinillu nioqqutissat aalajangersimasut nioqquteqarfiillu aalajangersimasut iluanni misissuisarnissaq

Kalaallit Nunaanni Atuisartunut Siunnersuisoqatigiit arfineq marlunnik ilaasortaqarpoq, katitigaappullu Sulinermik Inuussutissarsiutillit Kattuffiannit (SIK), Kalaallit Nunaanni Kommuneqarfiit Kattuffiannit (KANUKOKA), Arnat Peqatigiit Kattufiannit, Kalaallit Nunaanni Aalisartut Piniartullu Kattuffiannit (KNAPK), kiisalu Inatsisartunit toqqakkanit pingasunit. Kalaallit Nunaanni Atuisartunut Siunnersuisoqatigiit ilaasortai Inatsisartut Inatsisaat nr. 10, 13. november 1986-imeersoq § 3, imm. 3 naapertorlugu ukiut sisamakkaarlugit ilaasortaasarput.

Kalaallit Nunaanni Atuisartunut Siunnersuisoqatigiit 2003-mi decembarip aqqaneq aappaanit ukunanit katitigaavoq:

Siulittaasoq Nikolaj Ludvigsen, KANUKOKA-mit toqqagaasoq

Siulittaasup tullia Pele Jensen, Inatsisartunit toqqagaasoq

Paulus Broberg, SIK-mit toqqagaasoq

Godmand Rasmussen, Inatsisartunit toqqagaasoq Hans Kreutzmann, Inatsisartunit toqqagaasoq

Uthilie Heilmann, ARNAT PEQATIGIIT KATTUFFIANNIT

toqqagaasoq

Ole Jørgen Davidsen, KNAPK-mit toqqagaasoq

Ulluinnarni Aqutsisut Siulittaasoq Nikolaj Ludvigsen

Siulittaasup tullia Pele Jensen Siunnersuisoqatigiinni ilaasortaq Paulus Broberg

Kalaallit Nunaanni Atuisartunut Siunnersuisoqatigiinni toqqagaaffiup aallartinnerani siulittaasuusimasoq, Olga Poulsen (maanna Berthelsen) 2003-mi ukiaanerani siulittaasuunerminit tunuarpoq, kingornatigullu 2003-mi decembarip aqqaneq aapaanni Kalaallit Nunaanni Atuisartunut Siunnersuisoqatigiit ataatsimiinneranni siuliani taaneqartut Kalaallit Nunaanni Atuisartunut Siunnersuisoqatigiittut inissitsiterput.

Allatseqarfik Allatseqarfimmi pisortaq Niels Peter Gundelach inatsisileritooq advokat-itut ilinniarnikoq, atorfeqarpoq Ataatsimoorussamik Allatseqarfiup 2002-mi januaarip aallaqqaataanit atuutilerneranili.

A/C fuldmægtig Troels Linderoth Lolck Cand.merc.jur.-iuvoq 2004- milu februaarip aallaqaataanilli atorfeqarluni.

Ane-Marie Geråe allaffimmiutut ilinniarnikoq, Atuisartunut siunnersortitut atorfeqarnippoq 2004-mi decembarip aallaqaataani.

A/C fuldmægtig Bo Vestergaard 2004-mi aggustusip 31-iani soraarpoq.

Anne Sofie Hardenberg 2004-mi oktobarip 31-iani Atuisartunut siunnersortitut atorfeqarnerminit soraarpoq.

Helga Stender allaffimmi taartaavoq 2004-mi novemberip aallaqqaataanit decembarip 23-ianut allaffimmi taartaavoq.

A/C-fuldmægtig atorfik 2005-imi marsip 15-iani inuttalerneqassaaq.

a) Pilersuisoq A/S-imik suleqateqarneq

Allatseqarfiup Pilersuisoq A/S-imik suleqateqarnera ingerlaavartumillu isummersoqateqartarnera 2003-mi januaarip 1-inni tuniniaanermi pisortamik Frederik Olsenimik ataatsimeeqateqarnermi aallarnerneqartoq ajunngitsumik kinguneqarnikuuvoq, allannguuteqanngitsumillu 2004-mi ingerlaqqinnikuulluni.

Atuisartunut siunnersorti Ane Sofie Hardenberg februarip 27-ianit marsip arfineq aappaanut Svenborgimut Pilersuisoq A/S-mi nunaqarfinni niuertut peqatigalugit Svendborgimi isumasioqatigiinnermut qaaqquneqarnikuuvoq.

Siunnersortip sinerissami angalasarnerpassuarmini ajornartorsiutit naammattoortakkani pillugit oqalugiarpoq. Erseqqissarneqarpoq angalasarnermini ajornartorsiutit naapittakkani annerpaat ukuusimasut:

1. Nioqqutissat ullussamikkut qaangiuttoornikut eqqumaffigineqannginnerat.

2. Nillataartitsivinni qerititsivinnilu eqqiluisaannginneq.

3. Naatitat grøntsagillu asiunikut eqqumaffigineqannginnerat.

4. Niuertarfinni arlalinni eqqiluisaannginneq.

Siunnersortip nunaqarfinni niuertut apeqquteqarfigivai ajornartorsiutit tamakku qanoq qaangerneqarsinnaanersut. Pisortat tungaannit erseqqissaatigineqarpoq siunissami pineqartut pitsaanngorsarniarlugit Pilersuisoq A/S-imit ajornartorsiutit qaangerniarneqartariaqartut.

Atuisartunut Siunnersortimittaq atuisartunut inatsiseqarnermi maleruagassat ilai makkuusut saqqummiunneqarput, a) qaqugukkut isumaqatigiissuteqartoqartarnersoq, b) pisisartutut peqqissiminissamut piginnaatitaasoqarnersoq, c) tuniniaasup qasseriarluni ajoqutaasoq taanna iluarsiniarsinnaavaa, pisisup nioqqutissamik allamik piniarsinnaanera sioqqullugu, amma d) nioqqutigisap taarserneqarnerani qulanaveeqqusigaanera ima kinguneqassaq, taarserneqartup qularnaveeqqusigaaneranik nutaamik piffissaliimikkut.

b) Atuisartunut ataatsimiititaliat aamma Nunaqarfinni Aqutsisut

Suleqatigiinneq 2004-mi allannguuteqarnikuunngilaq; kisiannili ajornartorsiutit annertuut ilagisimavaat, Allatseqarfik kommuunit Atuisartunut ataatsimiititalianut akisassanik allagaqaraangat, taakkulu Atuisartunut Siunnersuisoqatigiinnit soqutiginaateqarluaraluartut, akissuteqartoqartanngimmat imaluunnit ikittuinaat akissuteqartarmata. Taamaatoqartillugu kommuunini ajornartorsiutit assigiinngiiaat ulluinnarni sulinermi qaangeruminaattarput. 2003-mi dissimparimi Kalaallit Nunaanni Atuisartunut Siunnersuisoqatigiit ataatsimiinnerminni Ataatsimoorussamik Allatseqarfik qinnuigivaa kommuunini Atuisartunut ataatsimiititaliat qanoq pitsaanerusumik ilinniartinneqartarnissaannut aamma paasissutissinneqartarnissaannut siunnersuuteqaqqullugu. Ataatsimoorussamik Allatseqarfik isumaqarpoq attaveqaatit maannamut atuuttut atorlugit naammaginartumik angusaqartoqarnikuusoq, kisiannili attaveqarnermi atuisartunut ataatsimiititaliat allattaannik internetsikkut ilinniartitsinerit (e-learning) aallarnerneqarsinnaanerat misissorneqartoq, takuuk immikkoortoq d).

Atuisartunut siunnersortip Siunnersuisoqatigiinni ilaasortaq Pele Jensen peqatigalugu marsip 31- iani Ilulissani Atuisartunut ataatsimiititaliaq ataatsimeeqatigivaat.

c) Atuisartunut allatsit ilinniartitaanerat

Siunnersuisoqatigiit siulittaasuata Nikolaj Ludvigsenip inassuteqarneratigut Atuisartunut siunnersorti Nanortalimmi juunip 24-ianit 29-ianut sapaatip akunneranik sivisussusilimmik atuisartut ataatsimiitaliaata allattaanik pikkorissartitsivoq naammaginartumik kinguneqartumik. Tamanna pivoq kommuunini atuisartunut ataatsimiititaliaannik suleqateqarnerup pitsaanngorsarnissaa aamma nukittorsarnissaa siunertaralugu. Pikkorissaanerup kommuuninut allanut neqeroorutigineqarnissaa eqqarsaataavoq, taamaattorlu Atuisartunut siunnersortitaap suliffittaaminik sungiulluarnissaa utaqqimaaqaarniarneqarpoq.

d) Internetsi atorlugu Ilinniartitsineq/Nittartagaq www.atuisoq.gl. kisitsisit

Kalaallit Nunaanni kommuuneqarfiit akornanni isorartunersuata Internetsikkut teknologii atorlugu ilinniartitsisinnaanerit soqutiginaateqalersippaat. Ungasissumit ilinniartitsinerit imaluunniit e- learning soorlu Australiami atorneqartorujussuuvoq, kisiannili Europami aamma Danmarkimi atorneqarpoq; taamaattumik Ataatsimoorussamik Allatseqarfiup isumaa malillugu Kalaallit Nunaanni kommuuneqarfinni atuisartut ataatsimiititaliaannut attaveqarnermut atorluarsinnaasutut isumaqarfigivaa – siullermilli immaqa taamaallat siulittaasunut ataatsimiititaliallu allattaannut.

Kalaallit Nunaanni Atuisartunut Siunnersuisoqatigiit e-learning-imi periuseq akuersaarnikuuaat, Siunnersuisoqatigiillu 2004-mi marsip aqqaneq aapaanni ataatsimiinnerminni ilinnniartitseriaaseq naleqquttuusorivaat.

Kalaallit Nunaanni Atuisartunut Siunnersuisoqatigiit Internetsikkut nittartagaat nakkutigineqartuarpoq, maannakkullu naleqqussarneqarluni Kalaallit Nunaanni Dankortimik aamma Akiliummik niuertarfiit immikkut akitsuutitaqangitsumik (gebyr) akiliisitsisartut nalunaarsorneqalermata.

e) Tusagassiornermut ilinniarfimmi ilinniartut Atuisartut pillugit ilinniartitaanerat

Tusagassiornermut Ilinniarfiup rektoriata ataatsimeeqatigiittoqarnissaa kissaatiginartissimavaa, tassanilu ilinniarfiup iliiniartui atuisartunut sullissineq pillugu ilinniartinneqarput kiisalu Kalaallit Nunaanni Atuisartunut Siunnersuisoqatigiit allatseqarfiatalu sulinerat pillugu.

Ataatsimiinneq Ataatsimoorussamik Allatseqarfiup ataatsimiittarfiani 2004-mi oktobarimi ingerlanneqarpoq.

f) Atuisartunut Siunnersuisoqatigiit Ulluinnarni Aqutsisuisa Qaanaamut tikeraarnerat

2004-mi upernaakkut Kalaallit Nunaanni Atuisartunut Siunnersuisoqatigiit Ulluinnarni Aqutsisui Qaanaaliarniarlutik aalajangerput Kalaallit Nunaanni iloqarfimmi avannarlerpaami nunaqarfiillu avannarlersaani Siorapalummi Pilersuisoq A/S-imi pissutsit misissuiffiginiarlugit.

Ulluinnarni Aqutsisut Qaanaami aamma Siorapalummi Pilersuisoq A/S-ip niuertarfiini misissuinerminni ajunngilluinnartumik misigisaqarput. Maluginiarneqarpoq atuisartunut tunngasut inatsisit naapertorneqartut, tamatumanilu inuussutissat nalunaaqutsersorneqartarnerat pillugu malittarisassat.

Atuisartunut siunnersortip misigisartagai malillugit sumiiffinni taakkunani pissutsit Kalaallit Nunaani sumiiffinnut allanut naleqqiullugit pitsaanerungaarput.

Angalanermi Ulluinnani Aqutsisunit sumiiffinni Atuisartunut ataatsiititaliat marloriarlutik ataatsimeeqatigineqarput, malunnarsivorlu kommuuniminngaannit Atuisartunut ataatsimiititaliat iluamik isigiarneqanngitsut. Taamaattumik sumiiffinni atuisartunut suliniuteqarneq killeqarluinnarsimavoq. Ataatsimoorussamik Allatseqarfimmit Qaanaap Kommnea allaffigineqarpoq, Inatsisartut inatsisaata nr. 10-p 1986-imeersup § 6-ip immikkoortuata arfineq aappaat kommunimit naapertorluarneqarnissaa pillugu.

Unnummi kingullermi Ulluinnarni Aqutsisunit innuttaasut ataatsimeeqatigineqarput Pilersuisoq A/S-mik ajornartorsiutaasartut tusarniaaffigineqarlutik. Kissaatigisarpassuaqarput, taakkulu Pilersuisoq A/S-imut allakkiarineqarput.

g) Sinerissami Nuummilu nalunaaqqaarani misissuilluni takusaasarnerit

Atuisartunut siunnersorti angalanermut siuliani taaneqartumut atatillugu Qasigiannguani aamma Aasianni misissuilluni Pilersuisoq A/S-ip aamma Pisiffiup niuertarfiiniipoq kiisalu kioskini marluniilluni. Misissuilluni pulaarnermini tamani nioqqutissanik ullussaminnik qaangiinikunik Atuisartunut siunnersorti nassaarpoq. Kioskit ajornerpaamik naammatoorsiffiupput, taakkunani ullaakkorsiutit 2002-mili apriilimili ullussaminnik qaangiinikut naammattoorneqarlutik. Kioskinittaaq nioqqutissanik Canadameersunik nunami allamiusut allagartalersukkanik naammattoorsivoq, nioqqutissanilu taakkunani amerlasuuni nioqqutissap qanga nioqqutissiarineqarnera imaluunnit ulloq kingulleq tunineqarsinnaaffia allassimaneq ajorput. Tamanna Inuussutissanik allagartalersuineq pillugu Namminersornerullutik Oqartussat nalunaarutannik nr. 1-imi, 2. februar 1994-imeersumi § 11 imm. 2 aamma 3-mik ersarissumik unioqqutitsineruvoq.

Niuertarfiit aamma kioskit pineqartut Ataatsimoorussamik Allatseqarfimmit allakkatigoortumik mianersoqquneqarput.

Nuummi kioskini anginerni Ataatsimoorussamik Allatseqarfimmiit eqquumiiginaraluartumik nioqqutissanik ullussamikkut qanngiisoornikunittaaq nassaartoqarportaaq. Niuertarfiup ataatsip Inuussutissanik allagartalersuineq pillugu Namminersornerullutik Oqartussat nalunaarutaat nr. 1, 2. februar 1994-imeersoq aamma Suliffeqarfiit inuussutissaleriffiusut pillugit Namminersornerullutik Oqartussat Nalunaarutaat nr. 21, 27. juli 1998-imeersoq ima unioqqutissimatigaa, allaat uumasut nakorsaat niuertarfimmut pineqartumut misissuiartornissaanut qinnuigineqarsimalluni.

h) Atuisartunut Siunnersuisoqatigiit inuiaqatigiinni

Kalaallit Nunaanni Atuisartunut Siunnersuisoqatigiit ukiup ingerlanerani suliniutigisaa atuisartut pillugit inatsisitigut periarfissat il.il. inuiaqatigiinni ersarinnerulersinniarlugu Kalaallit Nunaanni Atuisartunut Siunnersuisoqatigiit aamma Ataatsimoorussamik Allatseqarfik arlalerialuni tusagassiuutitigut nlunaaruteqartarpoq.

Allaaserineqartut aamma tusagassiuutitigut nalunaarutit ilaatigut tusagassiuutini sammineqartut makkua taaneqarsinnaapput:

Matusarneq pillugu inatsiseqaleratarsinnaaneq

Niuertarfiit sulisuisa taakkulu ilaqutaasa innimigisariaqarannut atatillugu matusarneq pillugu inatsiseqalersinnaanermut Doris Jakobsenip (S) siunnersuutiginiagaanut: Sermitsiami nr. 3-mi 16.01.2004-meersumi atuisartunit ersarissumik nalunaarneruvoq, matusarneq pillugu inatsiseqalernissamut itigartitsoqarmat. Ataatsimoorussamik Allatseqarfiup Atuisartut ataatsimiititaliaannut apersuusiorluni misissuititsineratigut matusarneq pillugu inetsiseqalernissaamut ersarissumik aamma ”qujaannartoqarpoq”.

Sikaritsinik ataasiakkaanik tuniniaaneq inertequtaassaaq

Taamaattumik inatsimmut allannguinissamut pisussamut Kalaallit Nunaanni Atuisartunut Siunnersuisoqatigiit uku ilanngunneqarnissaat inassutigivaat

• 18-ileereersimanissaq pisariaqartoq

• sikaritsinik ataasiakkaanik tuniniaaneq inerteqqutaassasoq

• kinaassutsimut uppernarsaat atulersinneqassasoq, taamaaliornikkut niuertut ajornanngitsumik ingerlaannarlu inuusuttut qanoq ukioqarnerat misissorsinnaammassuk.

Marsip 17-ianni: Atuisartut Telemut piumasaqarput

Atuisartut attaveqaateqarnermik kiffartuussinermi siamasissumik periarfissaqartitaarusupput, neqeroorutillu amerlasuut kingusinaartarput – soorlu Internetsimi ADSL, Allatseqarfimmi pisortaq Niels Peter Gundelach oqarpoq. Telep isornartorsiut tusaatissatut tiguaa.

Apriilip qiteqqunnerani: Atuisartut paasisariaqarpaat nioqqutissaq sumik akoqarnersoq

Kalaalimerngit tunisassiarineqartut nalunaaqutsersorneqartarnerinut Neqi A/S-mut ammasumik allakkiamut nuutinneri Inuussutissarsiornermut Nunalerinermullu Naalakkersuisumut Johan Lund Olsenimut, aamma Ilaqutariinnermut Peqqissutsimullu Naalakkersuisumut Asii Chemnitz Narupimut, kiisalu Kalaallit Nunaanni Atuisartunut Siunnersuisoqatigiit ingerlanneqartunuttaaq atatillugu tusagassiuutigut isummersortoqangaatsiarpoq.

Inuussutissarsiornermut Naalakkersuisoq AG nr. 47-mi 24.06.2004-meersumi akissuteqarnermini allapoq Kalaallit Nunaanni Atuisartunut Siunnersuisoqatigiit Nalunaaqutsersuisarneq pillugu

Nalunaarummut atatillugu inassuteqaataat Inatsisartut 2004-mi ukiakkut ataatsimiinissaanut Inuussutissat pillugit naalakkersuinikkut Nassuiaatissamut ilanngunneqassasut.

Juulip 25-iani: Atuisartut phthalat-it inerteqqutigineqarnissaannut piumasaqarnerat

Kalaallit Nunaanni Atuisartunut Siunnersuisoqatigiit Ulluinnarni Aqutsisui Inatsisartut ukiaanerani ataatsimiinnerani piumasaqarput nioqqutissanik akoorutissamik arrortikkuminaatsumik phatalat- imik akoqartunik inerteqquteqassasut. Akoorutissaq kinguaassiorsinnaanermut innarliisinnaasutut pasineqarpoq, Danmarkimilu pinngussanut, meeraaqqat atortuinut nalunnernilu atortunut akoorutitut inerteqqutigineqarluni. Atuisartunut siunnersorti aamma radioaviisikoornermini oqaaseqateqarpoq akoorutissat ulorianartut inerteqqutigilernissaat pingaaruteqarluinnartuusoq.

Qaanaami nioqqutissanik pisoqalisunik peqanngilaq

Kalaallit Nunaanni Atuisartunut Siunnersuisoqatigiit Ulluinnarni Aqutsisui Qaanaami aamma Siorapalummi pisiniarfiit nersualaarpaat. Inatsisit naapertorluarpaat, arlalitsigullu illoqarfittut aamma nunaqarfittut kujataani illoqarfinnit allanit malitassaqqittuullutik.

2004-mi septembarip 21-ianni: Sodavand-imit sikuliat aalakoornartortallit Freaky Ice-t nioqqutigineqarnissaat inerteqqutigineqarpoq

Kalaallit Nunaanni Atuisartunut Siunnersuisoqatigiit ilisimatinneqarput Freaky Ice ulluinnarni nioqussatut allatuulli nalinginnaasumik tuniniagaasartut. Sodavand-imit sikuliaq aalakoornartumik 4,8 % angullugu akulik Nanortalimmi Pilersuisoq A/S-ip pisiniarfianit sikuliatulli allatut qerititsivimmiittut tuniarneqarnikuupput.

Kalaallit Nunaanni Atuisartunut Siunnersuisoqatigiit isumaqarput pineqartoq nioqqutigineqartariaqartoq imerniartarfinni diskotek-inilu, kisiannili ulluinnarni nioqqutissanik pisiniarfinnit nioqqutigineqarani.

2004-mi septembarip 23-iani: Niuertarfinni nioqqutissat nerisassiat pisoqalinikorpassuit

Atuisartunut siunnersortip Qasigiannguanut aamma Aasiannut juulimi angalanerminut atatillugu pisiniarfinni aamma kioskini misissuiffigisamini tamani nioqqutissanik ullussaminnik qangali qaangiuttoornikunik nassaarpoq. Radioaviisikkut nal. kl. 8.00, nal. 12 aamma nal. 18.30 oqaatigineqarput.

GrønlandsBanken-ip atuisunut neqeroorutai nutaat aamma immikkut akitsuussisarnermik (gebyr) periusia

GrønlandsBANKEN-ip 2004-mi oktuubarip aallaqqaataani immikkut akitsuusiisarnermik (gebyr) atulersitsineranut atatillugu Ataatsimoorussamik Allatseqarfik aningaaserivimmit tamanna pillugu ataatsimiigiaqquneqarpoq. Ataatsimut isigalugu aningaaserivimmit kissaatigineqarpoq aningaaseriviup iluani toqqaannartumik aningaasanik tigusisoqartarnerani immikkut akitsuussinerit annertuut atuutilersinneqarnerisigut atuisartut elektroniskiusumik akiliuteqartarnissamut kaammattorneqarnissaat.

Internetsikkut annertuumik periarfissaqalernikkut immikkullu isigalugu Kalaallit Nunaani ADSL-ip eqqunneqarnerata kingunerisaanik internetsikkut aningaaseriveqarneq (web-bank) periarfissaallerpoq, naak tamanna siornatigut periarfissaasimanngikkaluartoq. Ataatsimoorussamik Allatseqarfik ataatsimiinnermi ilisimatinneqarpoq, tamanna GrønlandsBANKEN-ip nutaamik immikkut akitsuusiisalerneranut kaammatuuteqarneranut tuniliaqutaasoq.

Immikkut akitsuusiisarnerit nutaat atuutilersinneqarnerisigut Atuisartunut siunnersorti KNR-ikkut apersorneqarluni Kalaallit Nunaanni Atuisartunut Siunnersuisoqatigiit immikkut akitsuusiisarnermut isumaat tusarliuppaa. Apersuinermi immikkut akitsuusiisarnerup isertitakinnerit aningaasarsiornerannut atuinerannullu tunngasut sammineqarput, kiisalu namminersorlutik inuussutissarsiortut (niuertarfiutillit il.il) namminneq aningaasartuutigisartagannut atuisartut sunnerneqannginnissaat pinngitsoortinniarneqassasoq erseqqissaatigineqarluni.

Aningaasanilli tigoriaaannarnik kiffartuussineq aningaasartuutinik nassataqarnanngitsuunngilaq, maannakulli atueriaatsimik ilaatigut tunngaveqarluni, tamannalu teknologiikkut ineriartornerup ilaatigut pinngitsoortissimalernikuusaa. Atuisartut aningaasanik ”tigoriaanarnut” tunngasunut toqqaannanngikkaluamik kiffartuussinermut tapiiffigineqartarput (Inatsisartut Aningaasanut Inatsisaanni konto 20.12.12 Aningaaseriveqartitsinermut tunngasoq ilanngunneqartoq naapertorlugu).

i) Atuisartut quppersagaat Atuisoq

Kalaallit Nunaanni Atuisartunut Siunnersuisoqatigiit namminerisaminnik quppersagaat ”Atuisoq” 2004-mi pingasoriarluni saqqummersinneqarpoq. 2004-mi marsip aqqaneq aappaanni Kalaallit Nunaanni Atuisartunut Siunnersuisoqatigiit ataasimiinnerminni aalajangerpaat quppersakkap ilusia isikkumigut atuaruminarneratigullu pitsanngorsarneqassasoq. Pitsanngortinneqarluni 2004-mi maajimi siullermeertumik saqqummersinneqarpoq. Decembarimi saqqummersoq nalliuttorsiornermut atatillugu saqqummersinneqartoq ukiut 50-it ingelaneranni Kalaallit Nunaani atuisartunut sullissinermik allaaserisanik imaqarpoq.

j) Atuisartut ataatsimiititaliasa sullissinerannik misissuineq

Kalaallit Nunaanni Atuisartunut Siunnersuisoqatigiit piumasaqarnerisigut Ataatsimoorussamik Allateqarfiup sinerissami Atuisartut ataatsimiititaliaasa sullissinerisa misissuiffigineqarnera aallartippoq. Misissuinermi ilaatigut siunertaavoq ajornartorsiutit assigiinngitsut Atuisut ataatsimiititaliaasa sullisinerisa kigaalaarnerannut ornigineqannginneranullu pissutaasut puttarsinissaat.

Atuisut ataatsimiititaliaasa qulit akissutaat tunngavigalugit Inuussutissarsiornermut Nunalerinermullu Naalakkersuisoq Johan Lund Olsen ataatsimeeqatigineqarpoq, tassanilu isumaqatigiissutigineqarpoq Pisortaqarfiit akornanni suleqatigiissitaliortoqassasoq, taamaaliornikkut Atuisut ataatsimiititaliaasa sullissinerannut tunngasut qulaajarniarneqarlutik, tamatumanilu ataasimiititaliat pisariaqartinneqarnerat aamma ilaasortat ajunngortsorsiassaqartissinnaanerat qulaajarniarneqarluni.

k) Aquuteralannik niueruteqarneq pillugu misissuineq

Kalaallit Nunaanni Atuisartunut Siunnersuisoqatigiit piumasaqarnerisigut Ataatsimoorussamik Allateqarfiup 2004-mi novemberimi novemberini aquuteralannik niueruteqarneq pillugu misissuineq aallartippat, tamatumani akit, nioqqutigineqartut suuneri pillugit, qularnaveeqqusiinermut tungasut il.il. misissorneqarniarlutik.

Misissuineq suli naammassinngilaq.

l) Radiokkut aallakaatitsinerit

Atuisartunut siunnersorti 2004-mi februarip aappaani radiokkut toqqaannartumik aallakaatitsinermi peqataavoq. Aallakaatitsinermi atuisut apeqqutinik ajornartorsiutinillu oqarasuaatikkut saqqummiussinerat tunngavigalugu sianerfigineqartarput, atuisartunullu siunnersortimit apeqqummut ajornartorsiummulluunniit tunngassuteqartut akissuteqarfigineqartarlutik.

m) Nerisaqarnermut Siunnersuisoqatigiinnik suleqateqarneq

Fuldmægtig Bo Vestergaard Nerisaqarnermut siunnersuisoqatigiinni siulittaasuunikuusoq 2004-mi ukiakkut Troels Linderoth Lolck-imit taarserneqarpoq.

Bo Vestergaard siulittaasuunermini ”Inuussutissat pillugit naalakkersuinikkut nassuiaat” inaarsaaqataaffigivaa, taannalu Inatsisartuni 2004-mi novemberip arfineq pingajuani oqaluuserineqarpoq.

n) Nunanik Avannarlernik suleqateqarneq

Ukiorpassuarni nunani avannarlerni atuisartoqarneq pillugu suleqatigiiineq 2004-mi nangeqqineqarpoq nukittorsarneqarlunilu. A/C-fuldmægtigiusimasoq Bo Vestergaard 2004-mi upernaakkut Nordisk Konsumentudvalgimi (NKU / Nunani avannaarlerni nerisaqarneq pillugu ataatsimiititaliami) Københavnimi ingerlanneqartumi ataatsimeeqataavoq. Tassanilu ilaatigut ”suliffeqarfiit inuiaqatigiinni akissussaaffiat” atuisut isumasioqatigiinneranni sammineqarpoq.

2004-mi septemparimi Allatseqarfimmi pisortaq Niels Peter Gundelach nunat avannarliit unammilleqatigiinneq pillugu ataatsimiisitsinerannut atatillugu Tallinn-imi NKU-p ataatsimiineranut peqataavortaaq (Estland Nunat avannarllit atuisartut pillugit suleqatigiinerannut ilaanngikkaluartoq Norge aama Finland atuisartunut sullissinermut il.il. tunngasunik ikiuunnairsimapput). Ataatsimiinnermi nunat avannarliit killiit Savalimmiut, Islandip Kalaallit Nunaatalu suleqatigiinerat annertusarneqarpoq, isumaqatigissutigineqarporlu nioqqutissat misilerarneqartarnerat pillugu suleqatigiittoqalissasoq – taanna ICRT-mik taaguuserneqarpoq – taassumalu piviusunngortinissaanut Nunanut Avannarliit Ministeriisa Siunnersuisoqatigiiffiat aningaasaliissuteqarpoq.

o) Nuup Kommuneani Kalaaliaqqap siunissaa pillugu ataatsimiinneq

Juunip sisamaanni Ataatsimoorussamik Allatseqarfimmit immikkut qulequtsiilluni kommunip teknikkimut avatangiisinullu ataatsimiititaliaa, Atuisartut ataatsimiitaliaat, teknikkimut pisortaaq, illoqarfiup pilersaarusiorneranut pisortaq, teknikkimut avatangiisinullu immikkoortortaqarfik,

soqutisaqaqatigiit allat, aalisartut piniartullu peqatigiifiat, Inuussutissarsiornermut Pisortaqarfik, KNB-p pisortaa, Pisiffiullu pisortaa ataatsimiigiaqquneqarput.

Ataatsimeeqatigiinnermi inerniliunneqarpoq pissutsit piffissaq qaninnerusoq tunaartaralugu iluarsinissaannut suliniuteqartoqartariaqartoq. Piffissaq ungasinnerusoq tunaartaralugu misissorneqartariaqarpoq kalaalimineerniarfiup illoqarfiup qiterpasinnerusortaani inissinneqarsinnaanersoq. Siunnersuutigineqarpoq suleqatigiissitamik pilersitsisoqassasoq, misissorneqassalluni umiatsiaqqamt kalaaliaqqamut pisat qanoq iliuuseqarfigineqartarnersut.

Tamanit isumaqataaffigineqarpoq eqqiluisaarnermut tunngasut pitsaanerulertariaqartut, kiisalu aalisartunut, piniartunut tuniniaasartunullu eqqiluisaarnermut naatsorsuuseinermullu pikkorissaasoqartariaqartoq.

p) Nunat tamalaat Atuisartunut ullorititaat

Ullorititamut atatillugu tusagassiuutitigut annertuumik atuisartunut sullinneq sammineqarpoq. Atuisartunut siunnersorti ullaarnganit radiokkoorpoq. Kalaallit Nunaanni atuisartunut sullissinerup ukiuni 50-ini atuussimanera pillugu oqaluttuarisaanermi pissutsit annertunerusumik sammineqarput. Atuisartunut siunnersuisumit oqaatigineqarportaaq ullutsinni atuisut pisussaaffitik aamma piginnaatitaaffitik pillugit qaammaasaqarnerulernikuusut. Ilaatigut Kalaallit Nunaanni Atuisartunut Siunnersuisoqatigiit Allatseqarfiannut atuisartunit saaffiginninnerit annertusiartornikuupput.

Ullaap tungaani kingusinnerusukkut toqqaannartumik KNR-kkut atuisartut apeqquteqarsinnaapput, tassanilu Kalaallit Nunaanni Atuisartunut Siunnersuisoqatigiit siulittaasuat Nikolaj Ludvigsen peqataavoq apeqquteqartuuppullu atuisartut arfineq pingasut.

Unnukkut Kujaata Radioatigut atuisartunit apeqqutit sammineqarput, tassanilu sammineqartut ilagaat sikaritsinik ataasiakkaanik tuniniaasarneq.

Kalaallit Nunaanni Atuisartunut Siunnersuisoqatigiit isumaqarput radiokkut immaqalu TV-kkut aallakaatitsinerit taamaattut amerlanerit pisariaqaraluartut.

Atuisartunut Siunnersuisoqatigiit ingerlanneqarneranni kisitsit pingaarnerit

  31.12.2004 Missingersuutit
     
Ataatsimut Allatseqarfik 2.356.988    2.190.000   
Unammileqatigiinnermut Ataatsimiititaliaq 564.247    440.000   
Atuisartunut Siunnersuisoqatigiit aammalu 687.953     
Maalaruteqartarfittut Ataatsimiititaliaq 3.968    100.000   
     
Katillugit  3.613.156    3.600.000   
     
     
Nutserinerit il.il. 17.286     
Ataatsimiinnernut aningaasartuutit 14.021     
Allaffimmut atortussat 9.341     
Nunani avannarlerni suleqatigiinneq 2.635     
Siunnersortit, inatsilerituut, naatsorsuusserisoq il.il    
Nittartagaq www.atuisoq.gl 11.988     
     
Atuisartunut Siunnersuisoqatigiinni ilaasortat  241.484    
Atuisartutnut Siunnersorti                               69.542 311.026     
Atuisoq aviiseeqqat 3-sut 321.656     
     
Katillugit 687.953    870.000