Siulequtsiussaq

Ukioq 2011 tassaavoq Atuisunut Siunnersuisoqatigiinngorlaat nittarsaannis­ saminnut periarfissaat siulleq. Aallartinniarneq sivisulaarsimavoq- iluatsipporli maannalu paasissutissiissusiorneq, atuisunut paasissutissiinerit, siunnersuineq, nakkutilliineq assigisaallu ingerlallu alereerput.

Atuisunut Siunnersuisoqatigiit 2011-imi pingasoriarlutik ataatsimiipput. Ataatsimiinneq siulleq -ilaasortat inissitsiterfiat- februaari qaammat pivoq, tullia marsi qaammat kingullerlu annertunerusunik oqaluuserisassaqarfiusoq, novembari qaammat ingerlanneqarluni. Tamatuma saniatigut allaffimmi pisortamik atorfinititsinikkut allatseqarfiup piorsaavigineqarneranut atatillugu, tamakkiisumik atorfillit pingasunngorput.

Nakkutilliinermut atatillugu inuussutissanik nioqquteqarfinnut arlalinnut takuniaasoqarpoq, oliamillu pajuttuinermut atatillugu akinik misissuisoqarluni.

Nittartagaq ukiut arlallit uninngasimasoq ukiaq manna nutarterneqarluni saqqummerpoq. Atuisut maanna nittartakamik ullutsinnut naapertuuttumik kusanartumillu atuisunut paasissutissanik, inatsisinik, maalaarutit aalajangiivigineqarnerinik assigisaannillu imalimmik atuisinnaalernerat, nuannaaruti­gaara. Nunatsinni atuisut nittartakkamik atuinertik ingerlatiinnassagaat - ilisimaneqarneratalu ukiuni aggersuni annertunerulernissaa neriuutigaara.

Qulaani pineqartut allallu itisilerlugit, 2011 pillugu ukiumoortumik nalunaaru m­ mi matumani atuarsinnaavatit.

Naggasiullugu periarfissarlu manna iluatsillugu, Naalakkersuisut taakkulu ataanni Naalakkersuisoqarfiit assigiinngitsut, KANUKOKA Kalaallit Nunaannilu inuussutissarsiutillit suleqatigiilluarneq pillugu qutsavigaakka.

Atuarluarisi.

Nuummi decembarip 17-ani 2012

Rigmor Th. Høegh

Kalaallit Nunanni Atuisunut Siunnersuisoqatigiit

Atuisunut Siunnersuisoqatigiit

Atuisunut Siunnersuisoqatigeeqarneq, tuniniaaneq, allagartalersuineq, akit Atuisunullu Maalaaruteqartarfik (atuisunut inatsit) pillugu Inatsisartut Inatsisaat nr. 10 novembarip 13-ani 1986-imeersoq § 3 naapertorlugu Atuisunut Siunnersuisoqatigiit pilersitaapput.

Februaari qaammat 2011 Atuisunut Siunnersuisoqatigiit ima inissititserput:

  • Rigmor Th. Høegh, siulittaasoq KANUKOKA-mit toqqagaq
  • Olga B. Ljungdahl, siulittaasup tullia, Inatsisartunit toqqagaq
  • Gabriel Geisler, SIK-mit toqqagaq
  • Jens Danielsen, KNAPK-mit toqqagaq
  • Uthilie Heilmann, Arnat Peqatigiit Kattuffiannit toqqagaq
  • Pele Jensen, Inatsisartunit toqqagaq
  • Michael Rosing, Inatsiosartunit toqqagaq

Ingerlatsinermi akisussaasut:

  • Rigmor Th. Høegh, Siulittaasoq
  • Olga B. Ljundgahl
  • Pele Jensen

Allatseqarfik

Atuisut Inatsisaanni § 2 imm. 2 naapertorlugu allaffissornikkut sullinneqarneq, Atuisunut Siunnersuisoqatigiit allatseqarfiannit isumagineqarpoq.

Atuisunut Siunnersuisoqatigiit allatseqarfiat 2011-ip ingerlanerani sulisoqar­ nikkut annertusaavigineqarmat, sulisut marlunnik ilaneqarnerisigut pingasunik; atuisunut siunnersortimik, A/C fuldmægtigimik, allaffissornermilu pisortamik sulisoqalerpoq.

Aaqqissuussaanikkut allatseqarfik, Inuussutissarsiornermut Suliffeqarnermullu Naalakkersuisoqarfiup ataani Siunnersuisoqatigiinnut Aalajangiisartunullu Aqutsisoqarfimmut ilaasutut inissisimavoq.

Illu sullivik

Ukiup aallartisimalernerani Imanermi allaffiit oqummik ajoquserneqarnerat pissutigalugu, allatseqarfik Nuummi Hotel Grønland-imut inissinneqarallarpoq.

Maaji qaammat Imaneq 27-imut uternermi ininit allerniit init quleriit aappaannut nutseqqittoqarpoq.

2012-ip aallartisimalernerani- tamatumuuna Nuutoqqami illu nr. 46 -mut nutseqqinnissamik- 2011-imi juulli pallilersoq- allatseqarfik nalunaarfigineqapoq. Illu taanna qanga iffiorfiusimasoq Hans Egede-p aqqutaani nr. 5-imiippoq.

Sulisut

Ukiup affaa siulleq allatseqarfik marluinnarnik sulisoqarpoq:

  • atuisunut siunnersorti Looqi Svane, 2010-mi juulli sioqqutitsiarlugu atorfinittoq. Looqi aningaasarsiornermi merkonomitut ilinniarsimasuuvoq 2011- ilu naallugu allatseqarfimmi sulilluni
  • fuldmægtig Mark Larsen inatsisilerituutut ilinniarsimasoq 2008-mi ukiakkut atorfinippoq. Decembari qaammat 201lsoraarniuteqarnermi kingorna, 2012-imi januaari naammat Mark soraarpoq

Sulisut taakku marluk Siunnersuisoqatigiinnut Aalajangiisartunullu Aqutsisoqarfimmi pisortamut Nicolai Odgaard Jensen-imut toqqaannartumik attaveqartuupput.

2011-imi aggustip 15-ani inatsisileritooq Jannik Isidor allatseqarfimmi pisortatut atorfinitsinneqarnermigut allaffimmi qullersanngorpoq. Jannik 2005-imi 2006- imilu Atuisartunut Siunnersuisoqatigiit allatseqarfianni fuldmægtigitut atorfeqar­ poq, ukiulli tallimangajaat tulliuttut Qallunaat Nunaanni eqqartuussissuserisu­ tut sulilluni.

Ataatsimiittarnerit

Atuisunut Siunnersuisoqatigiit 2013-imi pingasoriarlutik februaarimi, marsimi novembarimilu ataatsimiipput. Ataatsimiinnerit suli amerlanerunissaat siunertaagaluarpoq, nutsernerilli pissutaallutik amerlineqarsinnaasimanatik.

Februaarimi ataatsimiinneq

Ukioq manna februaari qaammat ataatsimiinnermi siullermi, imm. 1-imi taane­ qartutut, Atuisunut Siunnersuisoqatigiit nutaat inissititsernissaat pingaarneru­tinneqarpoq.

Marsimi ataatsimiinneq

Marsimi ataatsimiinnermi allatseqarfiup aaqqissuussaanikkut inissisimanera aallaavigalugu, Atuisunut Siunnersuisoqatigiit suleriaasissatut maleruagassa­ toqaata naleqqussarlugu nutarterneqarnissaa pingaarnertut sammineqarpoq. Tamatuma saniatigut Rigmor Th. Høegh siulittaasutut toqqarneqarpoq - Michael Rosing, Olga B. Ljungdal Jens Danielsen-llu Atuisut Maalaarutaannut Ataatsi­ miititaliamut ilaasortatut toqqarneqarput.

Pisisinnaatitaanermut inatsisip nutarterneqarnissaa niuernermilu maleruagassat nutarterneqarnissaat pillugu, Naalakkersuisut piareersaateqarnerat allatseqar­fimmit paasissutissiissutaavortaaq.

Novembarimi ataatsimiinneq

Ataatsimiinneq taanna ukiup ingerlanerani ataatsimiinnernit tamanit imartuner­saavoq arlalippassuarnillu oqaluuserisassartaqarluni.

Allatseqarfiup pisortartaava ilisaritinneqarpoq, tamatuma kingorna suliniutit nutaat aallartinneqarsimasut nangeqqitalluunniit pillugit, allatseqarfik paasissutissiivoq.

Januaarip 21-ani 2012 Nuummi unnuk kulturisiorfimmut ilaanissaq aammat­ taaq marsip 15-ani 2012 atuisunut ullorititaasup malunnartinneqarnissaa aalajangiunneqartut ilagaat.

Nittartagaq nutaaq siunnersuisoqatigiinnut suliniummit tamatuminnga qiimmatsatsinneqartunut saqqummiunneqarpoq.

Taamatuttaaq allatseqarfiup AG-mik KNR-imillu pisortatiguunngitsunik suleqateqarnissamik maannamuugallartoq suliniutai oqallisigineqarput, Atuisunut Siunnersuisoqatigeeqarnerup suliassartaasalu nittarsaannissaat saniatigullu periuseq alla atorlugu innuttaasunut tamanut paasissutissanik anngussinissaq, Siunnersuisoqatigiinnit akuersaarneqarpoq.

Atuisunut Siunnersuisoqatigiinni ilaasortanngorlaat akornanni, nalinginnaa­sumik suut suliassaanersut Atuisunullu Siunnersuisoqatigiit siunertaat pillugu, paasissutissanik ujartuisoqarpoq. Allatseqarfiup tulliani ataatsimiinnermi nalinginnaasumik nassuiaateqarnissaa aalajangiunneqarpoq.

Atuisunut Siunnersuisoqatigiit Unammilleqatigiinnermi Aalajangiisartuni ilaasortassamik innersuussisussaapputaaq, oqallisitsiarnerup kingorna Atuisunut Siunnersuisoqatigiinni ilaasortap Michael Rosing-ip innersuus­ sutaanissaa aalajangiunneqarpoq. Atuisunut Siunnersuisoqatigiit aningaa­ saqarnerat ataatsimiinnermi aamma misissorneqarpoq (imm. 8 takuuk), allatseqarfiup Atuisunut Siunnersuisoqatgiit aningaasartuutissaannik missingersuinermut akuunerunissaata kissaatigineqarnera, allatseqarfimmit akuersaarnartinneqarpoq.

Tusagassiorfinnut attaveqarneq

2011-imi atuisunut Siunnersuisoqatigiit allatseqarfiallu arlaleriarlutik tusagassiuutinut attaveqarput.

Attaveqarnerup annersaa ukiup affaani kingullermi pivoq, pisisinnaatitaaner­ mullu inatsisip novembari qaammat allannguuteqarneranut atatillugu, tamanna pissusissamisoorluni, qaammammi tassani nittartagaq nutarterlugu saqqum­ merseqqinneqarpoq kiisalu KNR-imik AG millu aalajangersimasumik pisortati­ guunngitsumilli suleqatigiinnissaq anguniarlugu attaveqartoqarluni.

Immikkoortut pineqartut pingasut tulliullugit nassuiarneqassapput.

Pisisinnaatitaanermut inatsisip allanguuteqarnera

Novembarip aallaqqaataani 2012 ilaatigut pisisinnaatitaanermut inatsimmi maleruagassat nutaatukiumik ataatsimik piffissaqarluni naammagittaalliorsin­ naatitaanerup ukiunut marlunnut sivitsorneqarneranik kinguneqartut atuutilerput.

Tamanna Atuisartunut Siunnersuisoqatigiit nittartagaanni malunnartinneqarpoq nunalu tamakkerlugu tusagassiuutinut illoqarfinnilu annerumaani ataasiakkaani tusagassiuutinut nalunaarutigineqarluni.

Nittartakkap nutarterneqarnera

Nittartakkap nutarterlugu saqqummerseqqinneqarneranut atatillugu (imm. 5.a takuuk), tusagassiuutit nalunaarfigineqarneranni, nittartakkap nutarterluni saqqummeqqinnera annertuumik soqutiginnilersitsivoq, tamatumalu nassata­ risaanik alakkaasoqangaatsiarluni.

KNR-imut AG-mullu attaveqarneq

Ukiup naalernerani pisortatiguunngitsumik suleqatigiinnissaq siunertaralugu KNR AG-lu saaffigineqarput.

Suleqatigiinneq taamaattoq illuatungeriinnut iluaqutaassaaq. Nutaarsiassanik oqaluttuassanillu allaanerusunik pissarsisinnaaneq tusagassiuutit ilisimavaat, Atuisunullu Siunnersuisoqatigiit tusarliunniakkatik, periarfissat allat atorlugit saqqummiussinnaassavaat.

Atuisunut siunnersorti Looqi Svane AG mik suleqateqarneq iluaqutigalugu atuisut apeqquteqartarfissaannik pilersitsivoq. Atuisulli apeqqutaannik amigaateqarneq pissutigalugu, ajoraluartumik AG nr. 49-mi decembarip arfineq aappaani 2011 saqqummertumi, ataasiaannarluni apeqquteqarfik atorneqarpoq.

KNR-imik suleqateqarnermut atatillugu ukiup qaammatai kingulliit, ukiup tulliuttup TV-kkuut aallakaatitsiviup Atuisunullu Siunnersuisoqatigiit suleqatigiilersinnaanissaannut piareersaanermut atorneqarput. Taamaasilluni atuisunut siunnersortip 2012-imi ukiup affaani siullermi KNR TV-kkut aallakaatitassiami Tamassami arlaleriarluni peqataanissaa pilersaarutaavoq.

Radiomiinneq

Ukiap ingerlanerani KNR-radiokkut aallakaatitassiami Iterluarnaami, atuisut siunnersuisoqatigiivinit allatseqarfianillu ikiorserneqarsinnaaneq pillugu paasis­ su tissanik siammarterinissaq nalinginnaasumillu paasissutissiinissaq siunertaralugu, atuisunut siunnersorti arlaleriarluni peqataavoq.

Nittartagaq

Atuisunut Siunnersuisoqatigiit nittartagaat, www.atuisoq.gl, ukiuni arlaqalersuni saqqumilaarani nutaarsiassiinngingajattoq imarisaalu nutarterneqarsiman­ ngitsut 2011-imi iliuuseqarfigineqarpoq.

Nutarterineq

Aasap ingerlanerani nittartakkap nutarterlugu saqqummerseqqinnissaa aalaja­ ng1unneqarpoq.

Nittartakkamik ineriartortitsineq nutaamillu isikkuliineq, qaammatini arlalinni ingerlanneqarpoq kiisamilu tallimanngorneq novembarip 18-ani 2011 tamanit atorneqarsinnaanngorlugu saqqummiunneqarluni.

Nittartakkap ilusilersorneqarnikkut nutartertariaqarnera imarisamigullu nutartertuartariaqarnera malunnarpoq. Nutartereerlugu saqqummiunneqar­ neraniit ukiup naanissaata tungaanut 701-it, agguaqatigiissillugit ullormut 16-it nittartakkamut iserlutik paasisarssarsiorsimapput.

Taakku 2012-ip qaammataani siullerni qaammammut 150-it 200-illu missaannut- agguaqatigiissillugit ullormut arfinilinnut- nalimmatsipput.

Imarisai

Nittartakkap nutarterneqarluni novembari qaammat saqqummersinneqaqqin­ nissaata tungaanut imai nutarterneqarsimanngillat.

Novembarip 18-aniit atuisut pisinnaatitaaffii pillugit allaaserisanik nutaanik, nittartakkakkut sapaatip akunneranut saqqummiussisoqartalerpoq, soorlu aamma tusagassiuutinut nalunaarutit misileraanerillu nittartagaq atorlugu saqqummiunneqartalersut.

Taama nutaarsiassiiuarnikkut nittartagaq iserfigalugu paasiniaasartut amerlassusaat qulaani taaneqareersutut nalimmatsipput.

Decembari qaammat misileraanerit marluk TV-mut qarasaasiamullu angallattak­ kamut (tablet) tunngasut saqqummiunneqarput. Missiliorlugu qaammammut ataasiarluni -ukiumut qulit missaannik- misilerakkanik saqqummiussisaler­ nissaq siunertaavoq.

Nakkutilliineq akinillu misissuineq

Ukiup ingerlanerani inuussutissanik allagartalersuisarneq pillugu Nammi­ nersornerullutik Oqartussat nalunaarutaat nr. 1, februaarip aappaani 1994- imeersoq naapertorlugu, nakkutilliinermut atatillugu arlaleriarluni misissui­ soqarpoq. Nalunaarut naapertorlugu inuussutissarsiutillit ullormik killiliussamik qaangiisimasunik nioqquteqannginnissaannik -piumasaqaallu naapertorlugu allagartalersuisimanermik nakkutilliinissamut, Atuisunut Siunnersuisoqatigiit pisussaaffilerneqarput.

Inuussutissat ersitsumi kalaallisut qallunaatut imal. qallunaat oqaasiinit allaassuteqangaanngitsunik oqaasertalinnik allagartalersugaassapput.

Taamaattoqartuaannannginnera paasinarsimmat, suliffeqarfiit pineqartut pisussaaffimminnik erseqqissaavigineqarput.

Aammattaaq uumasut nakorsaat inuussutissanut tunngatillugu nakkutilliisuu­ titaasut, nakkutilliinermut atatillugu misissuinerni tapertariinnissaq anguniar­ lugu suleqatisiunneqarput. Atuisunut Siunnersuisoqatigiit Inuussutissalerinerlu pillugu oqartussaqarfiup ullussaminnik qaangiisimasunik nioqquteqarnissaq inerteqqutigisinnaavaat, Inuussutissalerinerli pillugu oqartussaqarfiup kisimi suliffeqarfiup inuussutissanik ullussaminnik qaangiisimasunik igitsinissaat piumasaqaatigisinnaavaa.
Atuisunulli Siunnersuisoqatigiit kisimik atuisut inuussutissat sunik akoqarnerinik takunnissinnaanissaat qulakkeerniarlugu inuussutissanik allagartalersuisarneq nakkutigisaraat.

Upernaap aasallu ingerlanerini illoqarfinni tamani oliamik pajuttuisarnermi akit misissuivigineqarput.

Ikummatissap nammineq akia pineqarani tamatuminngali pajunneqarnerup akiamisissorneqarpoq.

Misissuinermi aallaqqaammut- kingornalu akigitinneqartut nikingassuteqarnerat paasinarsivoq. Pajunneqarnermi liiterimut akigitinneqartoq 2 ørimiit 25-imut nikingassuteqarpoq, akitsuullu 35 koruuniniit 200 koruuninut nikingassuteqar­luni.

Illoqarfiit pingasut tassalu Uummannaq, Ilulissat Nuullu tamatumani unammil­ lerfiupput. Illoqarfinni allani oliamik niuertoq ataasiinnaavoq.

Misissuineq tamakkiisoq novembarip 15-ani tamanut saqqummiunneqartoq, nittartakkami www.atuisoq.gl takuneqarsinnaavoq.

Inatsisit allanguuteqarnerat

Immikkoortoq 4a -mi taaneqartutut, novembarip aallaqqaataani- ilaatigut Kalaallit Nunaanni pisisinnaatitaanermut inatsit allannguivigineqarmat­ pingaarnertut ukioq ataaseq nammagittaalliorsinnaatitaaneq ukiunut marlunnut sivitsorneqarpoq, qaammatinilu arfinilinni ilimagisaasoq tunngavigalugu maleruagassaqarneq atuutilersinneqarluni.

Ilimagisaasoq tunngavigalugu maleruagassaqarneq naapertorlugu pisiap tiguneraniit qaammatit arfinillit ingerlanerini ajoquteqarnera amigaateqar­ neraluunniit paasineqarpat, tigunerani ajoquteqarluniluunniit amigaateqar­ simanissaa ilimanaateqarpoq atuisumillu akisussaaffigineqarsinnaanani.

Taamatuttaaq atuisut pisisinnaanerannut isumaqatigiissutit aalajangersimasut pillugit inatsit nutaaq 1980-imeersumut taartaasoq nutartigarlu (atuisut pisisin­ naanermut isumaqatigiissusiorsinnaanerat pillugu inatsit), kunngip peqqussu­taanik aalajangersaganngorlugu novembarip aallaqqaataani aamma atuutilersin­neqarpoq.

Allatitsilluni pisiniarnermi- internetsikkut pisiniarneq ilanngullugu- ulluni 14-ini peqqissimisinnaatitaanerup atuutilersinneqarnera, atuisut pisisinnaanermut isumaqatigiissusiorsinnanerat pillugu inatsimmi nutaami pitsannguutaasut pingaaruteqarnerit ilagaat. Tamannalu atuisut inatsisitigut inissisimanerannut pitsanngoriaataavoq annertooq.

Aningaasaqarneq

Atuisunut Siunnersuisoqatigiit aningaasartuutissaannut ukiumut 350.000 koruunit atugassiissutaapput. Aningaasalli tamakkernagit 148.224 koruunit atorneqarput.

Tamatumunnga atorfiit inuttaqanngitsut suliniutinillu nutaanik aallartitsinis­ samut tunuarsimaartoqarsimanera tamatumunnga patsisaavoq.

Naggasiussaq

Takuneqarsinnaasutut Atuisunut Siunnersuisoqatigiinnut - nutaanik ilaasortartaarnikkut, nutaamik siulittaasortaarnikkut, allatseqarfimmilu atorfillit ataatsimik ilallugit patajaallisaanikkut, ukioq 2011 immikkut ittumik pisoqarfiuvoq.

Atuisunut Siunnersuisoqatigiit nutaamik aaqqissuussinikkut aatsaat taama nukittutigilersut qularutissaanngilaq.Taamaammat atuisunut Siunnersuisoqatigiit isumalluarlutik pissangallutillu ukioq nutaaq iserfigissavaat.