Siulequt

Ineqarneq pillugu Maalaaruteqartarfiup matumuuna 2006-imut ukiumoortumik nalunaarutini saqqummiuppaa.

Nalunaarut inissianik attartortitsisarneq pillugu Inatsisartut peqqussutaanni nr. 2-mi, 12. maj 2005-imeersumi, Inatsisartut peqqussutaatigut nr. 14-ikkut. 20. november 2006-imeersukkut allannguuteqartinneqartumi § 83, imm. 4 naapertorlugu saqqummiunneqarpoq, taannalu malillugu Ineqarneq pillugu Maalaaruteqartarfik ukiumut ataasiarluni sulinini pillugu nalunaarusiortussaavoq.

Nalunaarummi Ineqarneq pillugu Maalaaruteqartarfik ilaasortallu pillugit paasissutissat allaaserineqarput.

Ineqarneq pillugu Maalaaruteqartarfimmi 2006-imi suliaasimasut nassuiarneqarput.

Tamatuma saniatigut immikkoortoq ataaseq, Ineqarneq pillugu Maalaaruteqartarfiup 2006-imi aalajangigaanut ataasiakkaanut tunngasoq ilaatinneqarpoq.

Kiisalu suliat tiguneqartut aammalu naammassillugit suliarineqarsimasut kisitsisitigut takussutissartaat ilaatinneqarpoq.

Ineqarneq pillugu Maalaaruteqartarfiup suliaannut aalajangiinerit Ineqarneq pillugu Maalaaruteqartarfiup nittartagaa www.maalaarut.gl aqqutigalugu ingerlaavartumik tamanut ammasumik saqqummiunneqartarput. Aalajangiinerit Ineqarneq pillugu Maalaaruteqartarfiup nittartagaatigut tamanut ammasum ik ingerlaavartumillu saqqummiunneqartarnerisigut maa laaruteqartarfiup aalaj a ngiisarnerinik paas issutissiisarnerup pitsaasumik piffissamullu naleqquttumik ingerlanneqarnissaata qulakkeerneqarnissaa Ineqarneq pillugu Maalaaruteqartarfimmit neriuutigineqarpoq.

Nuuk. 2007-imi maajimi

Annemette Larsen
Siulittaasoq

 

Ineqarneq pillugu Maalaaruteqartarfik sunaava

Namminersornerullutik Oqartussat kommunillu inissiaataanni attartortut attartortitsisullu akornanni aaqqiagiinngissutit arlallit allaffissornikkut inaarutaasumik aalajangiiffigineqarnissaat lneqarneq pillugu Maalaaruteqartarfiup suliassaraa.

Ineqarneq pillugu Maalaaruteqartarfiup maalaarut, aatsaat pineqartut uku ariaannut tunngasuuppat suliarisinnaavaa:

  • Ineqarnermut akiliutinik qaffaanissamut siumoortumik ilisimatitsisarnermi periaatsit
  • Aserfallatsaaliuineq iluarsaassineriu
  • Iserternermi inissiap qanoq issusia
  • Attartukkami atortulersuutit pitsannguinissallu (atuisinnaatitaaneq)
  • Attartortup attartukkamik atuinera (torersaarnissamut maleruagassanik unioqqutitsinerit)
  • Atuisinnaatitaanerup allanut tunniunneqarnera (inissianik paariaateqatigiinneq, allamut attartortitsineq aamma attartornermik ingeriatitseqqinneq)
  • Inissiamit nuunnermi inissiap qanoq issusia (nalinginnaasumik aserfallatsaaliuineq)

Ineqarneq pillugu Maalaaruteqartarfik siulittaasoqarpoq pingasunillu ilaasortaqarluni, taakkulu katitigaaneranni attartortup attartortitsisullu soqutigisaat sinniisoqartinneqarput.

Attartortoq maalaarummik tunniussinermini 150 kr.-inik akiliissaaq, paasinarsippallu maalaarut Ineqarneq pillugu Maalaaruteqartarfimmi suliarineqarnissaminut naleqqutinngitsoq, imaluunniit attartortoq maalaarummini tamakkiisumik ilaannaasumilluunniit taperserneqarpat taakku attartortumut utertinneqassapput.

lIaasortat

Ineqarneq pillugu Maalaaruteqartarfik 2006-imi imatut aaqqissuussaavoq:

SIULITTAASOQ;
Annemette Larsen,lneqarnermut Attaveqarnermullu Pisortaqarfik
(sinniisissaq, Ruth Lindhardt)

ILAASORTAT:
Lars Olsen, KANUKOKA
(sinniisissaq, Jens Romerdahl)

Sofie Fleisher, SIK
(sinniisissaq Josef Therkildsen)

Christian Borch Grell, A/S Inissiaatileqatigiiffik INI
(sinniisissaq, Anne Sofie Thomsen, aamma I. november 2006 aallarnerfigalugu sinniisissaq, Susie Kristiansen)

Naalakkersuisoq Ineqarneq pillugu Maalaaruteqartarfimmut allattoqarfeqartitsissaaq Ineqarnermut Attaveqarnermullu Pisortaqarfiup allattoqarfeqartitsineq isumagisaraa, 2006-imilu tamanna pisortaqarfimmi fuldmcegtigitut atorfilimmik isumagineqarpoq.

Ineqarneq pillugu Maalaaruteqartarfiup 2006-imi suliarisimasai

Ineqarneq pillugu Maalaaruteqartarfiup suliassai tassaapput, attartortitsisoq tassaappat kommuni imaluunniit Namminersornerullutik Oqartussat. attartortup attartortitsisullu akornanni aaqqiagiinngissutit pillugit aalajangiinissaq.

NAALAKKERSUISUT
Naalakkersuisut februaarip qaammataani Ineqarneq pillugu Maalaaruteqartarfiup suliai pillugit nalunaarut nr. 4, l3. februar 2006-imeersoq akueraat. taannalu malillugu Ineqarneq pillugu Maalaaruteqartarfiup sulinera 1. april2006 aallarnerfigalugu aallartippoq.

PAASISASSARSIORLUNI ANGALANEQ.
2006-imi marsimi Arhusip Kommuniani najugaqartut maalaaruteqartarfiannut aamma ineqarnermut akiliutit pillugit maalaaruteqartarfimmut paasisassarsiorlunga pulaarpunga, sapaatillu akunnerata ataatsip ingerlanerani ulluinnarni suliassanik piareersaasarnermut peqataallunga. Tamatuma saniatigut najugaqartut maalaaruteqartarfianni aamma ineqarnermut akiliutit pillugit maalaaruteqartarfiup ataatsimiinnerinut peqataavunga. Paasisassarsiorlunga angalaninni maalaarutit qanoq piareersarneqartarnersut aalajangiiffigineqartarnersullu paasivakka. Tassalu paasisat Ineqarneq pillugu Maa laaruteqa rta rfiup aallarn isarneranut iluaqutaa lluaqisut.

MAALAARUTEQARTARFIUP ILAASORTAI
Ineqarneq pillugu Maalaaruteqartarfik siulittaasoqarpoq kiisalu pingasunik ilaasortaqarluni.

MAALAARUTIT SULIARINEQARTARTUT
Ineqarneq pillugu Maalaaruteqartarfik 2006-imi maalaarutinik 15-inik nutaanik nalunaarsugaqarpoq.
2006-imi sulianit taakkunannga pingasut aalajangiiffigineqarput. 2007-imilu tallimat suli suliarineqarlutik. Suliattaakku tallimat 2007-imi aalajangiiffigineqarnissaat naatsorsuutigineqarpoq.
Suliaq ataaseq maalaaruteqartumit tunuartinneqarpoq.
Maalaarutit marluk utertinneqarput. Ineqarneq pillugu Maalaaruteqartarfik sulianut taakkununnga aalajangiinissamut pisinnaatitaanngimmat.
Maalaarutit sisamat utertinneqarput, Ineqarneq pillugu Maalaaruteqartarfiup maalaaruteqarnermut akiliutissaq 150 koruuniusoq tigusimanngimmagu.

2006-mi aaliangiinerit piviusut

2006-imi Ineqarneq pillugu Maalaaruteqartarfik ataasiarluni ataatsimiippoq. Ataatsimiinneq novembarip ulluisa arfineq pingajuanni pivoq. Ineqarneq pillugu Maalaaruteqartarfiup 2006-imi taamaallat ataasiarluni ataatsimiissimaneranut ilaatigut peqqutaavoq, Ineqarneq pillugu Maalaaruteqartarfik aatsaat apriilip ulluisa aallaqqaataanni sulinerminik aallartitsimmat. ilaatigullu sulianik aalajangiiffigisassanik piareersaanermut nalinginnaasumik qaammatialuit atorneqartarnerat.

Attartukkamik attartornerup sivitsorniarneqarnera pillugu suliaq

SULIAMIK SAQQUMMIUSSINEQ.
7. juli 2006-imi attartortoq attartukkamik attartornerminik sivitsuiniarluni qinnuteqaatimi attartortitsisumit itigartinneqarnera pillugu Ineqarneq pillugu Maalaaruteqartarfimmut maalaaruteqarpoq. Attartortup 2. august 2006-imi maalaarutip suliarineqarnissaanut 150 koruunit akilerpai.

Suliami takuneqarsinnaavoq attartugaq pisortat inissiaatigigaat attartortittagaq nalinginnaasoq.
Attartortoq 1. februar 2005-imiit sivisunerpaamik 31. december 2009-p tungaanut illoqarfimmi x-imi suliffeqarfimmi atorfeqartussaavoq. Attartortup illoqarfimmi x-imi atorfeqarnerminut atatillugu illoqarfimmi y-mi atorfimmini l. februar 2005-imiit kingusinnerpaamik 3l. december 2009-p tungaanut sulinngiffeqarpoq.

Attartortup inissiamik piginnittumit akuerineqarluni inissiaq najukkani l. juli 2006-ip tungaanut attartortippaa. Attartortup attartukkaminik attartortitsinini l. juli 2006-imiit aammalu inatsisit eqqarsaatigalugit sapinngisamik sivisunerpaamik sivitsorumallugu 23. juni 2006 attartortitsisumut qinnuteqarpoq. Attartortitsisup allakkatigut 7.juli 2006-imeersutigut attartukkamik attartornerup sivitsorneqarnissaanut qinnuteqaat itigartippaa.

16. august 2006-imi attartortup maalaarutai ilanngussat ilanngullugit oqaaseqarfigisassatut attartortitsisumut saqqummiunneqarput. Tamatuma kingorna 28. august 2006-imi akissuteqaat tiguneqarpoq, tassanilu attartortitsisup attartukkamik attartortitsinermut itigartitsinini, 7. juli 2006-imi allakkatigut nalunaarutigineqartoq eqqortuusoq uppernarsarpaa.

AALAJANGIINEQ.
Ineqarneq pillugu Maalaaruteqartarfik isumaqarpoq, § 84, imm. 1, nr. 6 naapertorlugu suliamut aalajangiinissamut piginnaaffeqarluni.

Ineqarneq pillugu Maalaaruteqartarfiup su/iaq misissorpaa, aammalu attartukkamik attartortitsinerup sivitsorneqarnissaanik qinnuteqaammut attartortitsisup itigartitsinera 7. ju/i 2006-imeersoq eqqortuusoq aalajangiilluni.

Matuma kinguliani aalajangiinerit, novembarip ulluisa arfineq pingajuanni lrieqarneq pillugu Maalaaruteqartarfimmi aalajangiiffigineqartut pingasut kinaassutsimik taarsiffiunngitsut issuaaffigineqarput.

TUNNGAVILERSUUT
Qaammatit aqqaneq marluk sinnerlugit attartukkamik aatsaat allamut attartortitsisoqarsinnaavoq, attartortoq peqanngikkallartussaalluni qimagussimappat, tamannalu attartortup nammineerluni imaluunniit attartortup inoqutaasa ilaata nappaateqarneranik, ilinniagaqarneranik, pinerluuteqarsimasunik inissiisarfimmiinneranik nuutinneqarallarneranilluunniit peqquteqarpat, tak. inissianik attartortitsisarneq pillugu Inatsisartut peqqussutaanni nr. 2-mi, 12. maj 2005-imeersumi § 58, imm. 2.

Attartortup iIIoqarfimmi x-imi suliffiit ilaanni atorfeqarnera nuutinneqarallarnermik peqquteqanngilaq, tamatumani attartortoq illoqarfimmi y-mi suliffeqarfiit ilaanni atorfimmin i sulinngiffeqarallarn iarluni nalunaaruteqarsimagaluarpa lIuunniit. A ttartortoq nammineerluni, aammalu illoqarfimmi y-mi atorfimminut atassuteqanngitsumik illoqarfimmi x-imi atorfeqarnissaminik qinnuteqarsimavoq.

Maalaaruteqartarfimmiit nunani avannarlerni inatsisitigut pisinnaatitaaffeqarnissaq pillugu isumaqatigiissummi nunani avannarlerni naalagaaffiit, sulisunik nunami avannarlerniittumi allami sulissappata sulinngiffeqartitsisarnissamik kaammattorneqarnerat pingaartinneqanngilaq: sulinngiffeqarsinnaatitaanermut pisinnaatitaaffik attartukkamik allamut attartortitsisinnaatitaanermut attuumassuteqanngimmat.

Aamma illuutip inissiap inissisimaffigisaata pisortat inissiaataannit attartortittakkaniit inissianut nammineq pigisanut allanngortiterneqarnera pillugu paasissutissat pingaartinneqanngillat, tamanna attartukkamik allamut attartortitsisinnaatitaanermut attuumassuteqanngimmat.

Aserfallatsaaliuineq piilugu suliaq

SULIAMIK SAQ.Q.UMMIUSSINEQ.
3. juli 2006-imi attartortoq qalipaatinik attartukkap iluani ingerlaavartumik aserfallatsaaliuinermut atugassanik tunineqarnissaminut itigartinneqarnini, aammalu attartortup nammineerluni inissiap iluani ingerlaavartumik aserfallatsaaliuinermut attartortitsisumit akileeqquneqarnini pillugu maalaarummik tunniussivoq.

Attartortup attartugaq 1986-imi sulisunut inissiatut najulerpaa, aammalu attartugaq 1. juni 1987-imi inissiatut attartortittakkatut nalinginnaasutut tigullugu.
2006-imi upernaakkut attartortoq inissiap iluani ingerlaavartumik aserfallatsaaliuinermut atatillugu inissiamut qalipaatissanik tunineqarnissani siunertaralugu oqarasuaatikkut attartortitsisumut saaffiginnippoq.
Attartortitsisup attartortoq qinnuteqarnerani itigartippaa, inissiap iluani aserfallatsaaliuisussaatitaanerup attartortumit isumagineqartussaanera, aammalu attartortup nammineerluni inissiap iluani qalipaatinut aningaasartuutissanik akiliisussaanera innersuussutigalugu.

20. juli 2006-imi attartortup maalaarutai ilanngussat ilanngullugit oqaaseqarfigisassatut attartortitsisumut saqqummiunneqarput. Attartortitsisup allakkatigut 10. august 2006-imeersutigut nassuerutigaa, attartorneq l. januar 1990 sioqqullugu aallartinneqarsimammat inissiap iluani aserfallatsaaliuisussaatitaaneq pillugu maleruagassanik immikkut ittunik atuutsitsisoqartoq. Attartortitsisulli attartortitsisup qalipaatinik tunniussiumannginnera eqqortuunerarpaa, kisiannili attartortitsisup ilisimatitsissutigaa, attartortup attartugaata iluani ingerlaavartumik aserfallatsaaliuinissaq attartortitsisup pisussaaffigigaa. Attartortitsisup suleriaasia malillugu attartortup saaffiginninnerata kingorna attartortitsisup inissiap iluata qanoq innera naliliiffigisussaavaa. Attartukkap qanoq innera peqqutaalluni aserfallatsaaliuinissaq pisariaqartinneqarpat, attartortitsisup najugaqarfimmi tamatumunnga aningaasassaritinneqartutut missingersuutaasut iluanni aserfallatsaaliugassat suliarissavai. Allakkatigut 17. august 2006-imeersutigut ilaatigut attartortoq ilaatigullu attartortitsisoq qinnuigineqarput, attartornermut isumaqatigiissutip assilineranik nassiusseqqullugit. Attartortumiit attartornermut isumaqatigiissutip assilinera 24. august 2006-imi tiguneqarpoq, aammalu attartortitsisumiit 23. august 2006-imi tiguneqarluni.

AALAJANGIINEQ.
Ineqarneq pillugu Maalaaruteqartarfik isumaqarpoq, § 84, imm. 1, nr. 2 naapertorlugu suliamut aalajangiinissamut piginnaaffeqarluni.

Ineqarneq pillugu Maalaaruteqartarfiup suliaq misissorpaa, ilaasortallu isumaqatigiillutik aalajangerput. aalajangiinermiit kingusinnerpaamik ullut 14-it qaangiunnerini illuatungeriit nalunaarfigineqassasut attartugaq ornillugu misissorneqassasoq, attartukkap qanoq iss usia apeqqutaalluni qalipanneqarnissamut pisariaqartinneqarnersoq naliliiffiginiarlugu.

Maalaaruteqartarfimmi i1aasortat pingasut amerlanerussuteqarlutik isumaqarput. attartortitsisup attartukkap iluata ingerlaavartumik aserfallatsaaliorneqarnissaa akilertartussaagaa, iluata qalipanneqartarnera tassunga i1aalluni, tamatumani aserfallatsaaliuineq attartortitsisumit imaluunniit attartortitsisup akiligaanik attartortumit suliarineqaraluarpalluunniit.

Maalaaruteqartarfimmi i1aasortaq ataaseq ikinnerussuteqarluni isumaqarpoq, attartortitsisup

attartukkap iluata ingerlaavartumik aserfallatsaaliorneqarnissaa akilertartussaagaa,

iluata qalipanneqartarnera tassunga i1aalluni. Aserfallatsaaliuineq attartortitsisumit

suliarineqartassalluni.

Aalajangiineq amerlanerussuteqartut aalajangiinerat tunngavigalugu pivoq.

TUNNGAVILERSUUT
Ineqarneq pillugu Maalaaruteqartarfimmi ilaasortat tamarmiullutik isumaqarput, inissiap iluani ingerlaavartumik aserfallatsaaliuinissamut attartortup akisussaaffeqarnera akiliisussaaneralu pillugit aaqqissuussaq maanna atuuttoq attartukkamut pineqartumut atorneqarsinnaanngitsoq, attartornissamik isumaqatigiissut 1986-imi suliarineqarsimammat, tak. inissianik attartortitsisarneq pillugu Inatsisartut peqqussutaanni nr. 2-mi, 12. maj 2005-imeersumi § 88, imm. 1. § 45, imm. 3.

Maalaaruteqartarfimmi ilaasortat pingasut amerlanerussuteqarlutik isumaqarput, attartukkap iluani ingerlaavartumik aserfallatsaaliuinermut aningaasartuutit agguarneqartarnerat attartornermut isumaqatigiissummi tassanilu aalajangersakkani nalinginnaasuni malittarisassiuunneqarsimasut, tassanimi allassimavoq attartukkap iluata qalipanneqartarnissaa attartortitsisumit isumagineqartussaasoq, tak. attartornermut isumaqatigiissummi aalajangersakkani nalinginnaasuni imm. 6.2. Attartornermut isumaqatigiissummi aalajangersakkani nalinginnaasuni attartukkap iluata ingerlaavartumik aserfallatsaaliorneqarnera attartortitsisumit imaluunniit attartortitsisup akiligaanik attartortumit suliarineqassanersoq malittarisassiuunneqanngilaq, taamaattumillu attartortoq pisinnaatitaavoq inissiap iluata ingerlaavartumik aserfallatsaaliorneqarnera isumagissallugu.

Inissiap iluata aserfallatsaaliorneqarnerani pineqarput: Qilaat qaqorsarneqarnerat, iikkat qalipanneqarnerat aamma/imaluunniit tapetilersorneqarnerat, kiisalu inissiap naqqisa lakkerneqarnerat.

Maalaaruteqartarfimmi ilaasortaq ataaseq ikinnerussuteqarluni isumaqarpoq, attartukkap iluani ingerlaavartumik aserfallatsaaliuinermut aningaasartuutit agguarneqartarnerat attartornermut isumaqatigiissummi tassanilu aalajangersakkani nalinginnaasuni malittarisassiuunneqarsimasut, tassanimi allassimavoq attartukkap iluata qalipanneqartarnissaa attartortitsisumit isumagineqartussaasoq, tak. attartornermut isumaqatigiissummi aalajangersakkani nalinginnaasuni imm. 6.2. Attartornermut isumaqatigiissummi aalajangersakkani nalinginnaasuni attartukkap iluata ingerlaavartumik aserfallatsaaliorneqarnera attartortitsisumit imaluunniit attartortitsisup akiligaanik attartortumit suliarineqassanersoq malittarisassiuunneqanngilaq, taamaattumillu attartortitsisup kissaatigippagu attartortoq pisinnaatitaavoq inissiap iluata ingerlaavartumik aserfallatsaaliorneqarnera isumagissallugu.

Inissiamit nuunnermut atatillugu naatsorsuutit pillugit suliaq

SULIAMIK SAQQUMMIUSSINEQ.
Nalinginnaasumik iluarsaassinermut. attartortup inissiamit nuunneranut atatillugu attartortumit akilerneqartussamut aningaasartuutit annertussusaat pillugit maalaarummik lneqarneq pillugu Maalaaruteqartarfimmut e-mail-ikkut attartortoq 12. juni 2006-imi nassiussaqarpoq.

Attartortup inissiaq l. november 2004-mi attartulersimavaa, kiisalu 3l. marts 2006-imi qimattussanngorlugu taamaatillugu. Attartugaq pisortat inissiaataanni attartortittakkami sulisunut inissiaavoq sisamanik initalik, katillugit 80 kvm-inik annertussuseqartoq.
Iserternermut atatillugu amigaatinik allattuiffissamik immersuisoqarpoq, taannalu 15. november 2004-mi attartortup attartortitsisullu atsiorsimavaat. Amigaatit amigaatinut immersuiffimmi taaneqartut saniatigut attartugaq iserterfigineqarnermini iikkat qilaallu qalipagassat qaqorsagassallu eqqarsaatigalugit nalinginnaasumik iluarsaanneqareersimavoq.
Attartortitsisup attartorunnaarnissaminik nalunaarutaata 2006-imi februaarip qaammataani tiguneqarnerata kingorna, attartortitsisup attartortoq 27. marts 2006-imi allakkatigut saaffigaa, ilaatigut  inissiamit nuunnermut atatillugu inissiap misissorneqarnissaanut piffissamik isumaqatigiissuteqarnissaq eqqarsaatigalugu, kiisalu attartortup nammineerluni nalinginnaasumik iluarsaatassanik suliarinnissinnaaneranut imaluunniit attartortup akiligaanik aqutsisup iluarsaassinissaanut qinigassinneqarluni. Inissiaq 30. marts 2006-imi misissorneqarpoq, tassungalu attartortoq attartortitsisorlu peqataapput. misissuinermullu nalunaarusiaq atsiorlugu. Misissuinermut nalunaarusiaq malillugu sinittarfimmi, inimi, igaffimmi illullu iluani majuartarfinni iikkat qilaallu qalipanneqartussaapput. Attartortitsisoq qalipaasunik neqeroortitsivoq, neqeroorutigineqartorlu 13.400 kr.-inik naleqarpoq.

19. maj 2006-imi attartortitsisup attartortumit piumaffigineqarluni naatsorsukkat inaarutaasut attartortumut nassiuppai, tamatumalu kingorna attartortup qularnaveeqqusiissutitut akiligai 5.592 kr.-it aningaasartuutinut akiliutigitinneqarput, taamatullu aqutsisup nalinginnaasumik iluarsaassinissamik tigusiartuaarnerata aningaasartai katillugit 2.278 kr.-iusut nalinginnaasumik iluarsaassinermut aningaasartuutinut akiliutigineqarlutik. Tassalu attartortoq attartukkami nalinginnaasumik iluarsaassinermut katillugit 5.530 kr.-inik akiligassinneqarpoq.

15. juni 2006-imi attartortup allagaa. ilanngussat ilanngullugit oqaaseqarfigisassatut attartortitsisumut saqqummiunneqarput. Attartortitsisoq 27. juli 2006-imi allakkatigut maalaarummut tiguneqartumut oqaaseqaamminik saqqummiussivoq. Attartortitsisoq paasissutissanik ilassutaasussanik 25. august 2006-imi e-mail-ikkut nassiussaqarpoq. Attartortitsisup nalinginnaasumik iluarsaassinermut aningaasartuutit naammaginartutut eqqortutullu isigineqarnerat aalajangiusimaannarpaa.

AALAJANGIINEQ.
Ineqarneq pillugu Maalaaruteqartarfik isumaqarpoq. § 84. imm. 1. nr. 7 naapertorlugu suliamut aalajangiinissamut piginnaaffeqarluni.

Ineqarneq pillugu Maalaaruteqartarfiup suliaq misissorpaa. inissiallu iluani qalipaanermut aningaasartuutissat. suliamut attuumassuteqanngitsumut neqeroortitsinikkut aalajangiunneqartut attartortumit akilerneqassasut aalajangiilluni. Naatsorsuutit inaarutaasut attartortitsisumit 19. maj 2006-imi nassiunneqartut eqqortuupput. taamaattumillu attartortup attartortitsisoq 7.741 kr.-inik akiligassaqarfigaa. Akiligassat tassaapput nalinginnaasumik iluarsaassinermut 5.530 kr.-it kiisalu ineqarnermut akiligassat 2.2l1 kr.-it. Aalajangiinerup matuma illuatungeriinnut nalunaarutigineqarneraniit kingusinnerpaamik ullut 14-it qaangiunnerini akiligassat akilerneqassapput.

TUNNGAVILERSUUT.
Attartortitsisup ullunik sisamaannarnik periarfissaqartitsilluni attartortoq inissiamit nuunneranut atatillugu inissiamik misissuinissamut aggersarsimavaa, taamaalillunilu Inatsisartut peqqussutaanni nr. 2-mi, 12. maj 2005-imeersumi § 79, imm. 1-ip immikkoortua kingulleq naapertorlugu ullunik arfineq marlunnik periarfissaqartitsinissaq malissimanagu. Kisiannili attartortoq inissiamik misissuinermut peqataareersimavoq, taamaattumillu misissuineq attartortup akuerisaanik, taamaalillunilu inatsisit tunngavigalugit ingerlanneqarsimalluni. Kiisalu ullunik arfineq marlunnik periarfissaqartitsineq allassimasoq attartortitsisumit attartortumut akornutaasumik, aammalu attartortitsisumut kinguneqanngitsumik sanioqqunneqarsinnaavoq, attartortitsinermut peqqussut attartortup piffissarititaasumik uniuinissaanut inerteqqummik imaqanngimmat.

Kiisalu attartortup inissiamit nuunnerminut atatillugu attartukkami nalinginnaasumik iluarsagassat akiisa missiliornerinik qinnuteqarsimanera tunngavigineqarsinnaanngilaq, tak. § 79, imm. 2-mi imm. kingulleq.

Tamatuma saniatigut inissiap 80 kvadratmeterinik angissusillip iluata qalipanneranut 13.400 kr.-it naammaginartutut isigineqarput.

Kiisalu attartortup inatsisit atuuttut, taamaalillunissaarlu Inatsisartut peqqussutaanni nr. 2-mi, 12. maj 2005-imeersumi kapitali 12-imi maleruagassat ilisimassallugit akisussaaffigaa.

 

2006-imi Ineqarneq pillugu maalaaruteqarfiup Suliat aalajangersimasumik suliarineqarlutik aalajangiineri: