A ilinniagaqarsimanngilaq ukiullu arlallit assut akornutigisaminik gigteqarluni. Akornutit taakku peqqutaallutik arlaleriarluni suliffigisaminut napparsimalluni nalunaartarsimavoq, suliffeqarffinniillu arlalinnik soraarsitaasarsimalluni. Tamannalu peqqutaalluni A kommunimut siusinaarluni pensionisiaqalernissamut qinnuteqarsimavoq.

Nakorsap nalunaarutaani erserpoq A sivisuumik anigorsinnaanngisaminik nappaateqartoq assakkut, tuikkut, seeqqukkut singernikkullu assoroornerup kingorna ajorseriartartut. A arlaleriarluni peqqissartitareersimavoq, amerlanertigullu anniarpallaarneq peqqutaalluni unitsiinnartarsimallugit.

2006-mi peqqissartinneq siulleq pivoq.

Nakorsamit nalunaarutinik allanik aamma peqarpoq, ilaatigut 2014-imeersoq aammalu 2015-imeersoq, tassanilu A tingumigut ajoqusersimasoq, polleninik nerisassanillu sapigaqalersimasoq takussutissaapput. Aammattaaq gigternera ima ajortigilersimavoq A ilaatigooriaannarluni ullugissaartarluni. A nammineerluni atisani attatersorsinnaanngingajappai, singiit singissinnaanagik nerisassaniluunniit aggorsinnaanagit. Pillorissaasup nalilerpaa A angerlarsimaffimmi atortorissaarutinik assigiinngitsunik atorfissaqartitsisoq ulluinnarni angerlarsimaffimmini inuussaguni.

A Ukiut ingerlanerini arlaleriarluni kommunimut siusinaarluni pensionisiaqalernissamut qinnuteqartarsimagaluarpoq akuerineqarsimananili. Qinnuteqarnermi kingullermi 13. apriili 2016, A siusinaarluni pensionisiaqalernissaminut qinnuteqaataa itigartsinneqarpoq. 25. Juuli 2016 Kommunip nalunaarutigaa suliaq suliffissarsiuussisarfimmut ingerlateqqinneqassasoq, suliffissamik misiliinissaq, peqqissartinnissaq imaluunniit nikerartumik sulisinnaanissaq siunertaralugu.

A 10. augusti Siusinaartumik pensionisiaqarnermut maalaaruteqartarfimmut kommunip aalajangiinera pillugu naammagittaalluuteqarsimavoq. A naammagittaalliuutimini eqqaavaa timini tamaat anniaatigisaqarfigisarlugu. Siusinaartumik pensionisiaqarnermut maalaaruteqartarfiup 1. marsi 2019 suliamut tunngatillugu aalajangiuppaa, A siusinaarluni pensionisiaqalernissaminut akuerineqassasoq

1. Augusti 2016 aallarnerfigalugu, Siusinaartumik pensionisiaqarnermut maalaaruteqartarfiup takusinnaavaa A siusinaarluni pensionisiaqalernissamut inatsisitigut pisussaaffini naammassisimagai timikkut tarnikkullu sulisinnaanera ajorsigaluttuinnarmat. Aammalu Siusinaartumik pensionisiaqarnermut maalaaruteqartarfiup aalajangiuppaa A siusinaarluni pensionisiaqalernissamut pisartakkat annertunerpaat pisassagai, kommunip sulisinnaassusaata procentinngornera missingersoreerpagu.