Aalajangiineq

Inissiaatileqatigiiffik ingerlaannaq aallartisassavaat aaqqissugassaasut inissiamut pisariaqartut, aammattaaq iluarsaassinermut amigartunut kukkusimasanullu. Isumaqatigineqarpusi naammagittaalliornissinnut.

Nalunaajaat:

Attartornermut allagartaq malillugu allassimavoq, ilissi inissiaq tigusimagissi F H-nni xx. december 20xx-mi.

Allakkami xx. april 20xx-meersoq naammagittaalliorsimavusi Ineqarneq pillugu Maalaaruteqarfimmut. Allassimavarsi nutserassi inissiaq iluarsaanneqarsimanngittoq, kukkunerpassuarnik ulikkaartoq taavalu amigartunik, inissiaq iluamik paarineqarsimanngilaq, taavalu oqoqarsimalluni inissiami annertuumik. Saaffiginnissimavusi amerlasooriarlusi inissiaq aaqqissortinniassammat, aamma amigartunik piniassagassi kukkunerillu aaqqitsillugit. Kisianni susoqarsismanngilaq.

Naammagittaalliuut ilanngullugu nassiussimavarsi assilisarsimasasi uppernasaatissatut illup qanoq innerani. Assini takuneqarsinnavoq imermut ruujorit qalipanneqarsimanngittut, tatseq aammalu erngup innarligaa inissiami.

Allakkami xx. juni 20xx-meersoq Ineqarneq pillugu Maalaaruteqarfik piumasarisimavaa E Inissiaatileqatigiiffiup suliap uppernarsaatitai nassiunneqassasut, aammattaaq nalunaajaat allallu ilanngutassaqassagunik suliamut tunngasumik.

e-mailikkut xx. juli 20xx-meersoq E Inissiaatileqatigiiffiup allassimavaa ilissi inissiaatersi pisariaqarsimasoq aaqqissuutsinnissaminut, kisianni E Inissiaatileqatigiiffik akissaqarfigisimanngikkaa. E Inissiaatileqatigiiffik aammattaaq xx. juli 20xx-meersoq mailimi allassimavaa attartortitsisormut ilissi inissiaatersi pisariaqarsimasoq aaqqissortinnissaminut. Attartortitsisoq ulloq taanna akisimavoq: “Attartortitsisoq pilersaaruteqanngittoq inissiat ataasiakkaarlugit aaqqissortinnissaanut, pissutigalugu E Inissiaatileqatigiiffik aqutsineq ingerlassammagu, saaffiginnissuternut suliaqarpallaanngilagut kisianni tusaatissatut ingerlateqqillugu.”

E Inissiaatileqatigiiffik attartornermut allagartaq nassiuppaa, kisianni ilanngussaqarnani, nalunaajaammik ilanngussinani.

Inatsisit atorneqatut:

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq malillugu § 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai, 2) Aserfallatsaaliuineq iluarsaassinerlu, tak. § 45.

§ 45. Malillugu Namminersornerullutik Oqartussat kommuunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa attartortitsisup pisussaaffigaa.

Imm. 2. Avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassapput atorsinnaasuutinneqassallutillu. Taamatuttaaq innaallagissamut ikkuffiit, iikiussat, matserfiit, kiassaatit, ruujorit, sikaaviit alaakkaasut, illup iluani atortut il.il. aserfallatsaalissallugit attartortitsisup pisussaaffigai. Nungullarnikkut pisoqalinikkullu ajorseriaatsit kingunerisaannik ima akulikitsigisumik isumagineqartassapput nutarterinerit luarsaassinerillu illuutit attartorneqartullu pissusissaat eqqarsaatigalugit pisariaqartitsinerit malillugit suliarineqartassallutik.

Missiliuussineq:

Assitaqarmata, allassimasutut inissiap qanoq inneranik takusitsisoq, taavalu E Inissiaatileqatigiiffik aammalu attartortitsisoq e-malimini xx. juli 20xx-meersoq nassuerutigaa inissiaatersi suliaritinnissaminut pisariaqartitsisoq, taamaattumik Ineqarneq pillugu Maalaaruteqarfik isumaqarpoq attartortitsisoq aserfallatsaaliuineq eqqortinneqanngittoq.

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq § 45. Malillugu, Namminersornerullutik Oqartussat kommuunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa attartortitsisup pisussaaffigaa. Avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassapput atorsinnaasuutinneqassallutillu.

Isumaqarpoq attartortitsisoq naliginnaasumik nammineq aaliangertaraat, suna pisariaqarnersoq aaqqissortariaqartuni, taavalu qanoq aaqqissuineq pingaarnersiorneqassanersoq.

Attartortitsisoq isumaqarpat aserfallatsaaliuisoqarsimasoq attartuisoq pisussaaffigivaa naleqquttumik suliniut atorneqassasut, taava sequminnikut aaqqissortinniassammagit.

Oqaatigineqarnikut malillugit Ineqarneq pillugu Maalaaruteqarfik qularnarunnaarsippaa inissiaatersi nutserfissarsi ulloq decemberi 20xx sioqqullugu suliarineqarsimasussaagaluartoq.

Malillugu atuuppoq taakku amigaatit kukkunerillu, eqqaaneqartut nutsereernersi kingorna, aaqqissorneqarsimasussaagaluartut allareernersi kingunitsiannguagut Inissiaatileqatigiiffimmut.

Inissianik attartortitsisarneq pillugu Inatsisartut peqqussutaat malillugu killilerneqarnikuunngilaq qanoq sukkatigisumik ajoqut aaqqissortissanersoq, tunngaviusimassaaq attartortitsisoq ingerlaannaq aaqqissugassaq pisariaqartoq ingerlatissallugu.

Suliap suliarineqarnera sivisunera 20xx-mili erseqqissumik oqaatigineqassaaq qaangerneqarsimasoq taanna piffissarititaq.

Ineqarneq pillugu Maalaaruteqarfik aamma pingaaruteqartutut isigivaa 20xx-mili inissiami aaqqitassaqarnera naammagittaalliuutigisimagissi. E Inissiaatileqatigiiffik aamma attartortitsisoq e-mailikkut allassimavaat akuersaarpaat ilumoortuusoq naammagittaalliornerit.

Aalajangiineq:

Attartuisoq aserfallatsaaliuineq pinngitsoortippaa attartorfissinnut, naammaginartumik.

Taamaattumik E Inissiaatileqatigiiffik attartortitsisoq sinnerlugu pilersitsissapput inissiamut aaqqissuussinermik, amigaatinik kukkunermullu aaqqissuussinerit.

Taamaattumik naammagittaalliornissinnut isumaqatigineqarpusi.

Naammagittaalliornermut ilitsersuut:

Inissiaateqatigiiffik aalajangigaa naammagittaalliuutigineqarsinnaanngilaq allamut oqartussaasumut, naleqq. § 86, imm. 7, Inissianik attartortitsisarneq pillugu Inatsisartut

peqqussutaat nr. 2, 12. maj 2005-imeersoq malillugu, kingusiinnaa allanngortinneqarnikoq. Piumaneqarpat isumaqatigiinngissut attartortoq taavalu attartortitsisoq nalaani, tamanna eqqartuussivimmut saqqummiunneqassaaq, sassaqqusissut attartortitsisumut tunniunneqassaaq kredsrettimut. Tamanna atuuppoq allaqatigiinnerit allallu attartortitsisup allaffeqarfik aktieselskab-iup suliarisariaqarsimappagu.

Inissiaateqatigiiffik aalajangiussaa atasumik atuuppoq namminersorlutik oqartussanut (namminersorneq) aammalu kommunemut attartortitsisutut inissianik, naleqq. § 86, imm. 6.

Ineqarneq pillugu Maalaaruteqarfimmut sinnerlugu

Naja Joelsen

Siulittaasoq Ineqarneq pillugu Maalaaruteqarfimmut

Allakkap assingi E Inissiaateqatigiiffik -mut nassiunneqarput.

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

§ 45. Namminersornerullutik Oqartussat kommuunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa attartortitsisup pisussaaffigaa.

Imm. 2. Avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassapput atorsinnaasuutinneqassallutillu. Taamatuttaaq innaallagissamut ikkuffiit, iikiussat, matserfiit, kiassaatit, ruujorit, sikaaviit alaakkaasut, illup iluani atortut il.il. aserfallatsaalissallugit attartortitsisup pisussaaffigai. Nungullarnikkut pisoqalinikkullu ajorseriaatsit kingunerisaannik ima akulikitsigisumik isumagineqartassapput nutarterinerit iluarsaassinerillu illuutit attartorneqartullu pissusissaat eqqarsaatigalugit pisariaqartitsinerit malillugit suliarineqartassallutik.

Imm. 3. Piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigaa taakkununngalu aningaasartuutit akilissallugit.

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.

2) Aserfallatsaaliuineq iluarsaassinerlu, tak. § 45.