AALAJANGIISIMALLUNI

Ineqarneq pillugu Maalaaruteqarfik isumaqarpoq, Inissiaatileqatigiit aserfallatsaalinissamik akisussaaffini eqqortissimanngikkaa.
Pisussap, tassaasoq inissiaq maanna nutarterneqalertussaammat, Inissiaatileqatgiit pisussaajunnaarsinngilaa qanorluunniit ilinikkut aserfallannissamik akisussaaffeqassalluni aammalu inissiaq iluarsartuussallugu.
Attartortitsisoq pisussaaffigiuaannassavaa inissiaq attartugaq illersorneqarsinnaasumik aserfallassallugu.
Tamanna pillugu Inissiaatileqatigiit pisussaaffigaa, inissiaq oqoqanngitsoq.
Taamaalillutit maalaaruteqarninni taperserneqarputit.

Suliassap nassuiaataa:

Inissiamik attartuinermik isumaqatigiissut naapertorlugu attartugaq sumiiffimmi qulaani taaneqartumiittoq majimi 2012-imi tigusimavat.

Ineqarneq pillugu Maalaaruteqarfimmut allakkatigut maalaarsimavutit, allakkallu tiguneqarput januarip ulluisa 14-iani 2013. Maalaarummi tikkuartorpat, illit aammalu naalungiarsuutitit marluusut siullermik Najugaq B-XX-mi najugaqarsimasusi, kisianni inissiaq peqqinnanngimmat napparsimalerpusi, Illuutileqatigiinnillu utaqqiisaasumik hotel-imut nuutitaavusi. Januarimi 2005-imi Najugaq B-XX-imut nuutitaavusi, kisianni peqqikkunnaariartorpusi annertuumik oqussimammat (skimmelsvamp). Tamannalu pissutigalgu massakkut inigisassinnut nuutitaavusi majimi 2012-imi. Maalaaruteqarninni tikkuartorpat, inissiaq maanna inigisat iserternermi naammassisimanngitsoq, torsuusaq naammassillugu amerneqarsimanngimmat, apummik isaasoqartarmat anorleraangat, milluaasoqanngimmat (emhætte), igalaallu oqorsaatikimmata. Illit panitillu peqqissutsikkut ilungersunartunik ajornartorsiuteqarpusi, oqummik (skimmelsvamp) pissuteqarsinnaasumik, tamannalu kingunerisimavaa issanngusaleravit (astma), aniorneq (eksem) amikkut oqoqalerneq aammalu noqartarneq.

Inissiaatileqatigiit okotberip ulluisa arfineq-pingajuanni 2013-imi suliap ingerlarnanik nassuiaateqarsimavoq, tassalumigooq inissiami aaqqitassatut amigaatigineqartutullu kissaatigisatit amerlanerpaat pisarsimagitit, aammalu Inissiaatileqatigiit sapaatip akunnerani tassani aalajangerniaraa, inissiamik allamik taartissannik allatsissanersutit, imaluunniit oquk aaqqinneqarsinnaasoq, allami najugaqarallarninni (vakant).

Inissiaatileqatigiit tamatumap kingorna Ineqarneq pillugu Maalaaruteqarfimmut aalajangiiniarnermini qanoq iliorniarnersut nalunaaruteqanngimmata, Ineqarneq pillugu Maalaaruteqarfimmiit e-mail-ikkut januarip ulluisa qulingani 2014 allagaqarluta apeqqutilliivugut qanoq aalajangiisimanersut. Inissiaatileqatigiit e-mail-ikkut akissuteqarput martsip arfineq-aappaani 2014-imi tassanilu Ineqarneq pillugu Maalaaruteqarfimmut akissuteqarlutik nalunaarput, Inissiaatileqatigiiffiup aalajangersimagaa, attartortut oqummik eqqugaasimallutik allamik initaarniartunut utaqqillutik allattuivimmut allatsinniaraatit. Aamma ilanngullugu allassimavoq inissiamik tunisisinnaaneq ullulerneqarsinnaanngimmat, Nuummi inissaaleqinersuaqarmat.

Tamatumap kingorna Ineqarneq pillugu Maalaaruteqarfik Inissiaatileqatiit allagaataasa muminga martsip qulingani 2014-imi ilinnut allagaasoq tigusimavaa, tassanilu Inissiaatileqatigiit qaammatini pingasuni piffissalerlutit attartukkamik isumaqatigiissut taamaatippaa, inissiaq iluarsartuunneqassammat. Inunnik nalunaarsuiffik naapertorlugu suli najukkami tassani allatsissimasutut nalunaarsugaavutit.

Inatsisitigut tunngavigineqartut:

§84 malillugu, imm. 1 nr. 5, inissianik attartuisarnermi tunngatillugu Inatsisartut peqqussutaanni nr. 2, majip 12-iani 2005 allassimavoq Ineqarneq pillugu Maalaaruteqarfik maalaarutinik suliaqarsinnaasoq attartuisut makkua pillugit maalaruteqarpata Inissiap aserfallannera iluarsartuunneralu, §45 naapertorlugu.

§45 naapertorlugu attartortitsisoq Namminersornerullutik aammalu Kommunit inissiaataani pisussaaffigaat isumagissallugu, inissiat attartugassat attartugarlu illersorneqarsinnaasumik isumagissallugu.Teknikkikkut atortorissaarutit ikkussorneqarsimasut kuuffinnut, kiassarnermut, gassimut, imermullu ajunngitsumik atorneqarsinnaasunngorlugillu aserfallatsaalineqassapput. Taamatuttaaq aamma attartortitsisup pisussaaffigaa innaallagiamut toortagassat, panelit, matserfiit, kiassaatit, sikaaviit ikkussukkat, illup atortui il.il. isumagissallugit. Nutarterinerit allatigulluunniit iluarsartuussinerit aserfallassimanermik pisoqalinermillu ajortissimasut ima akulikitsigisumik isumagineqartariaqarput, najugaqatigiiffiup tamaat pisariaqartitsinera aammalu attartukkap qanoq issusaa apeqqutaalluni.

Nalilersuineq:

Ineqarneq pillugu Maalaaruteqarfik isumaqarpoq, Inissiaatileqatigiit aserfallattaalinissamik akisussaanertik naapertorlugu sulisimanngitsut.

Inissiaatileqatigiit pisussaaffiinut ilaapput oqummik pilersitsisoqannginnissaa aammalu oquk piiassallugu, inissiaq oqulersimassappat.

Julimi nalunaarfigitissimavutit juli-mi inigisat qimassagit, inissiaq nutarterneqassammat, tamannalu Inissiaatileqatigiinnut imatut paasineqassanngilaq inissiaq attartugaq aserfallassallugu iluarsartuuttuassallugulu pisussaaffiginngikkaat, sukkulluunniit taamaattumik pisussaaffeqartuassammata.

Inissiaatileqatigiit inigisat iluarsartuutereermagu makkua eqqarsaatigalugit: qalipannera, ussiinnera, milluaasoqannginnera, igalaat ussiinnerat, taava maalaarutaasut taakkua taamaatiinnarput.

Aalajangiineq:

Inissiaatileqatigiit inissiaq attartugaq illersorneqarluarsinnaasumik aserfallassimanngilaa.

Tamanna pissutigalugu maalaaruteqarninni taperserneqarputit. Akiliutigisimasat taamaalillutit utertissinnaanngorpat. Ineqarneq pillugu Maalaaruteqarfiup

allattoqarfianut oqarasuaammut 328033 kontormut nalunaarutigiuk, akiliutip sumut ikinneqarnissaa eqqarsaatigalugu.

Maalaaruteqarnissamik ilitsersuut:

Ineqarneq Pillugu Maalaaruteqarfiup aalajangiussai allaffissornikkut aqutsisunut allanut oqartussaasunut maalaarutigineqaqqissinnaanngillat, §86 imm.7 malillugu, Inatsisartut peqqussutaat nr. 2, majip 12-iani 2005-meersumi inissianik attartuisarneq pillugu kingusinnerusukkut allannguutitalimmik allanngortoq malillugu. Attartuisup attartortitsisullu akunnerminni isumaqatigiinngissutaat kissaatigineqassappat eqqartuussivinnut ingerlateqqinneqarsinnaapput, taamaattoqarniarpallu attartuisup eqqartuussivimmut aggeqqusissummik tunniussissaaq. Tamanna aamma atuutsinneqarpoq, allakkatigut attaveqaqatigiinneq il.il., attartuisup Inissiaatileqatigiiffianiit ingerlanneqarsimappat.

Ineqarneq Pillugu Maalaaruteqarfiup aalajangiussai namminersornerusunut 

kommuninullu ineqarnermut attartuisutut unioqqutinneqartussaanngitsumik atuutsinneqarpoq, § 86, imm. 6. najoqqutaralugu.

Naammagittaalliuuteqartarfik sinnerlugu

Innuttaasoq BIneqarneq pillugu Naammagittaalliuuteqartarfiup siulittaasua

XX allakkap mumiganik tunineqarpoq. Sullitap normua una innersuunneqarpoq: 000000

Inatsisit toqqammaviit:

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

Illussaqartitsineq, boligstøtte, illunik attartorneq il.il. pillugit Kalaallit Nunaannut inatsit nr. 944, 23. december 1986-imeersoq naapertorlugu aalajangersarneqarput:

§ 45. Namminersornerullutik Oqartussat kommuunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa attartortitsisup pisussaaffigaa.

Imm. 2. Avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassapput atorsinnaasuutinneqassallutillu. Taamatuttaaq innaallagissamut ikkuffiit, iikiussat, matserfiit, kiassaatit, ruujorit, sikaaviit alaakkaasut, illup iluani atortut il.il. aserfallatsaalissallugit attartortitsisup pisussaaffigai. Nungullarnikkut pisoqalinikkullu ajorseriaatsit kingunerisaannik ima akulikitsigisumik isumagineqartassapput nutarterinerit iluarsaassinerillu illuutit attartorneqartullu pissusissaat eqqarsaatigalugit pisariaqartitsinerit malillugit suliarineqartassallutik.

Imm. 3. Piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigaa taakkununngalu aningaasartuutit akilissallugit.

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.

2) Aserfallatsaaliuineq iluarsaassinerlu, tak. § 45.