AALAJANGIINEQ:

Ineqarnermut akiliutip qaffanneqarnissaanik ilisimatitsineq inerteqqutaasoq Ineqarneq pillugu Naammagittaalliuuteqartarfik isumaqarpoq. Taamaammat piffissami taaneqartumi ilinnut atuutissanngilaq. Tamanna isumaqarpoq ineqarnermut akiliutip qaffanneqarnissaa pillugu nalunaarfigineqarnerit sioqqullugu akiliisarnittut ineqarnermut akiliisarnerit ingerlatiinnassagit.

Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allanngortinneqartoq naapertorlugu aalajangiisoqarpoq.


Nassuiarneqarnera:
ZZ pigineqartumi aamma Kommune XX-mit aqunneqartumi najugaqatigiiffimmi najugaqartutit suliami takuneqarsinnaavoq. Qupperneq quppernernit 2-nit 6 Najugaqarfinnut tunngatillugu attartornermut isumaqatigiissut pissarsiarisinnaasimanngilarput.

2.250 kr.-nik ineqarnermut akiliisarnissat Kommune XX-mit ulloq 1. januaari 2016 aalajangerneqarsimasoq ilisimatitsissutigineqarpoq.

Ullormi 25. juuni 2018-imeersumi ineqarnermut akiliutip qaffanneqarnissaa pillugu nalunaarfigineqarnerit malillugu ullormiit 1. septembari 2018- imiit ineqarnermut 4.017,- kr.-nik akiliisalissaatit.

Najugaqatigiiffiit 28-t aserfallatsaaliornerinut sullissinermullu agguaqatigiissillugu ukiumut aningaasartuutit aallaavigalugit ineqarnermut akiliummik qaffaasoqarnera tunngavilersuutigineqarpoq.

Ullormi 28. juuni 2018-imi Ineqarneq pillugu Naammagittaalliuuteqartarfimmut naammagittaalliorninni ineqarnermut akiliutip qaffannera naammagittaalliuutigalugu oqaatigaat. 


Inatsisitigut tunngaviit:
Inissianik attartortitsisarneq pillugu Inatsisartut peqqussutaanni nr. 2, 12. maaji 2005-imeersumi § 84-imi imm. 1-imi nr. 1 malillugu ileqquusumik suliassanut tunngatillugu peqqussummi § 28-imi imm. 2 malillugu ineqarnermut akiliutinik qaffaanissamik ilisimatitsinerit pillugit attartortunit naammagittaalliuutinik Ineqarneq pillugu Naammagittaalliuuteqartarfik suliaqarsinnaavoq.

Inatsisartut peqqussutaanni § 1 malillugu peqqussutip atuuffigisaa tassaavoq illunik illunilu ineeqqanik inigisassanik attartortitsineq, attartukkanik attartortitseqqinneq ilanngullugu, tamatumani aningaasanik allaanerusunik akiliuteqartarnersoq aamma inissiap ilaa inissiatuunngitsoq attartortinneqarnersoq apeqqutaatinnagu.

Peqqussummi § 28-mi imm. 2 malillugu ineqarnermut akiliutit ukiumoortumik attartortitsisup najugaqatigiiffiummi ingerlatsinermut missingersuusiai akuerisaalu tunngavigalugit ukiumut tulliuttumut annertussusilerneqartassapput. Imm. 1-imi piumasaqaatit naammassiniarlugit ineqarnermut akiliummik qaffaanissaq pisariaqassappat, tamanna attartortunut ataasiakkaanut qaammatinik pingasunik sioqqutsisumik ilisimatitsinikkut pisinnaavoq. Siumoortumik ilisimatitsissut qaffaanermut tunngaviusut Qupperneq quppernernit 3-nit 6 qaffaatissallu qaammammut koruuninngorlugit annertussusissaat pillugit paasissutissanik imaqanngippat siumoortumik ilisimatitsissut atortussaatinneqarsinnaanngilaq. Ukiumut tulliuttumut missingersuutit siumoortumik ilisimatitsissummut ilanngunneqarsinnaapput, tassanilu qaffaanermut tunngaviusoq allassimassaaq. Annertuumik innarluutillit ikiorserneqartarnerat pillugu ZZ nalunaarutaanni nr. 8, 25. juuni 2014-imeersumi § 44 malillugu nakkutigineqarluni najugaqarfik najugaqartut namminneq angerlarsimaffiattut isigineqassaaq. Aalajangiinermi inatsisitigut tunngavigisaq ilanngunneqarpoq.

Naliliineq:
Ineqarnermut akiliutip qaffanneqarnissaa atortussaatinneqassanngitsoq Ineqarnermut pillugu Naammagittaalliuuteqartarfik isumaqarpoq.

Tamatumunnga tunngavilersuutaasut tassaapput, ilisimatitsissut:

  1.  qaffaaneq eqqarsaatigalugu qaammatit tamaasa qaffaanerup annertussusaa koruuninngorlugu paasissutissanik allassimasoqanngimmat,
  2.  ineqarnermut akiliutip qaffanneqarnerata ilisimatitsissutigineqarnera eqqarsaatigalugu attartornermut peqqussummi piumasaqaatit eqqortinneqanngillat, tassami ineqarnermut akiliutip qaffanneqarnerata atuutilersinnissaa qaammatit pingasut sioqqullugu ilisimatitsisoqartussaammat.

2018-imi juunip aallaqqaataat sioqqullugu ilisimatitsisoqarsimasussaagaluarpoq, kiisalu ineqarnermut akiliutip qaffaataa koruuninngorlugu allassimasussaagaluarluni.

Aalajangiineq isumaqarpoq ineqarnermut akiliutip qaffanneqarnissaa pillugu ilisimatinneqanngikkallaravit qaammammut 2.250,- kr.-nik akiliisarnittut akiliisassaatit. Qupperneq quppernernit 4-nit 6 1. septembari 2018-ip kingorna qaffanneqarnera malillugu akiliisimaguit maannamut ineqarnermut akiliutivit kiisalu qaffaaviginninnissamut ilisimatitsissutigineqartup nikingassutaanik kommuni ilinnut aningaasanik utertitsissaaq.

Ineqarnermut akiliutip qaffanneqarnissaa pillugu qaffaanermut tunngavilersuummik, tassungalu naatsorsuinermik qaffaanerullu koruuninngorlugu piffissaq eqqorlugu kommunimit ilisimatinneqaruit ineqarnermut akiliutip qaffanneqarnera aatsaat atuutilissaaq.

Najugaqatigiiffimmi najukkanni aningaasartuutit tunngavigalugit ineqarnermut akiligassannik Kommuni XX naatsorsuisalissaaq.

Ineqarneq pillugu Naammagittaalliuuteqartarfiup aamma Inissianik attartortitsisarneq pillugu Inatsisartut peqqussutaanni kingusinnerusukkut allanngortinneqartumi nr. 2-mi, 12. maaji 2005-imeersumi § 28, imm. 2-mi oqaaseqaatit kommunimut erseqqissaassutigissavai, tassani ima allassimasoqarmat:

”Ineqarnermut akiliutip qaffannissaat inatsit malillugu pissappat sivikinnerpaamik qaammatinik pingasunik siumut attartortunut ataasiakkaanut ilisimatitsisoqartassasoq siunnersuummi imm. 2-mi allassimavoq. Ilisimatitsinermi ineqarnermut akiliutip qaffanneqarneranut pissutaasunik annertussusaanillu paasissutissiisoqanngippat, ilisimatitsineq atortussaatinneqassanngilaq. Ineqarnermut akiliutip qaffanneqarnerani qaffanneqarneranut pissutaasut pingaarnerit minnerpaamik ilisimatitsissutigineqartariaqarput. Allaffissornikkut aningaasartuutit qaffakkiartorneri, aningaasaliissutinit iluanaarutit qaffanneri, pingaarnertut ingerlatsinermut aningaasaliissutit qaffakkiartorneri imaluunniit immikkoortitsinernut aningaasat qaffakkiartorneri pissutaasinnaasutut eqqaaneqarsinnaapput. Attartortitsisup ukiumut tulliuttumut missingersuutinik eqikkakkanik, ukiumi pineqartumi ukiunilu tulliuttuni missingersuutit pingaarnersaannik saqqummiussiffiusunik ilanngussinermigut paasissutissiisussaatitaanini naammassisinnaavaa.”

Taamaammat ineqarnermut akiliutip qaffanneqarnissaanut pissutaasoq pillugu attartortup ilisimasaqalernissaa anguniarlugu soorlu assersuuti- Qupperneq quppernernit 5-nit 6 galugu ingerlatsinermut missingersuutit assingusulluunniit ilisimatitsinermi ilanngunneqartassasut Ineqarneq pillugu Naammagittaalliuuteqartarfimmit innersuussutigineqarpoq.

Tassunga ilanngullugu ineqarnermut tapiiffigineqarnissamut qinnuteqarnissamut periarfissaqartutit oqaatigineqassaaq.

Ininnut atatillugu attartornermut isumaqatigiissummik peqariinngippat piaartumik Kommuni XX attartornermut isumaqatigiissusiussaaq.

Aalajangiineq:
Ineqarnermut akiliutip qaffanneqarnissaanik pillugu Kommuni XX-up aalajangiinera atuutinngilaq, taamaammallu aamma inatsisitigut atuunnani.

Naammagittaalliortarfissatut periarfissaq:
Ineqarnermut naammagittaalliuuteqartarfiup aalajangiinera ingerlatsinermut oqartussaqarfimmut allamut naammagittaalliuutigineqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2, 12. maaji 2005-imeersumi kingusinnerusukkut allanngortinneqartumi § 86, imm. 7 takuuk.

Ineqarneq pillugu Naammagittaalliuuteqartarfiup aalajangernera eqqartuussisunut suliassanngortinneqarnissaanik kissaatigineqarpat attartortitsisumut, tassa ZZ imaluunniit kommunimut, sassaqqusissut Kalaallit Nunaanni eqqartuussivimmut tunniunneqassaaq.

Inussiarnersumik 
Innuttaasoq B
Siulittaasoq